2005 年 8 月 26 日 星期五 【晴】

工作已有一星期lu~~

第一日返工就開咗成日會，朝9:30晚4:30，真係non-stop，跟學系會開會有得fight，好彩訓練有數！

第二日係全校老師「退修」，仲跟小學部嘅老師一齊。早上聽道，下午查經+分享+祈禱，好relax，真係可以係開學前安靜自己，有助第一年嘅教學，因為我深知道有神與我同行。

感謝神，我好快就已經適應啦，主要都係因為學校嘅老師「全部」都好好人，真係全部呀！
佢哋又好玩，我成日都笑到肚痛，所以我嘅真性情都全被引發出嚟，實在太好了！

學校嘅老師超過一半都已經係嗰度教咗10年以上，最勁嗰個咪係主任囉，佢係嗰度教咗22年啦，就係f.5到宜家，係佢第一份工，maybe都係佢最後一份工lu...你知道嗎？佢一d架子都冇，佢仲要係全校最搞笑嗰個，so good~~

課室嘅佈置，係我同我partner嘅合作下，用了4日就搞好。雖然係4日，但已經做到我哋好攰啦，因為我哋個班房係小學嘅標準課室，俾一般嘅課室係大好多架~~完成後，我真係好滿足，因為終於有一個屬於自己嘅班房，好興奮呀！

我班小朋友2/9就會返學，我班有35個小朋友，仲要男多女少，聽返上年嘅消息，原來呢班係全校嘅「極品」，真係睇得起我！再加埋我partner嘅36個，所以我今年有成71個仔，因為我學校係行「雙班主任制」，厲害！

好彩我今年唔讀bed，否則你下年都唔洗見到我啦，因為我maybe要返「天家」！

今日就係學校嘅「家長晚會」，第一次見家長，有幾多同事都問我：「就嚟開家長會啦，你緊唔緊張呀？」
「我通常都係臨開始，先識驚！」
「唔洗驚架，放鬆d啦！之前仲有祈禱會，咪好d囉！」
佢哋真係好人，成日就咁關心我，又問我適唔適應...太體貼啦...

真係要無限個感恩呀！

>>August 26, 2005 at 12:27:58 PM GMT+8

2005 年 8 月 17 日 星期三 【晴】

各方好友：

sorry呀！唔耐都冇update個日記，已經有不少人問我lu...

你]都知道啦...我係大忙人ma...haha...
而另一方面係...我部垃圾電腦死咗...自此，我就與世隔絕啦...好慘...

其實呢排都發生咗好多事...

我之前就去咗大衛團個camp，好開心呀，因為可以同弟兄姊妹發曬顛咁玩，不過，發顛嘅後果就係喉嚨嚴重沙啞，事關我係check point時狂叫，又係「美麗人生」嘅志願係做服務性行業之一(妓女)...真係...超級好玩...

不過，camp之後嘅一個禮拜就要進行一個星期嘅「兒童暑期聖經班」...都唔知點死...仲要面對K1-K3嘅混合幼稚班...都算啦...最難對付嘅就係「基蔭堂之霸」--刁允呈...咁就死得人啦...
好彩...我跟可愛嘅PARTNER (曼玉) 作好相對嘅策略...就係「冷靜區」。當有小朋友受警告後仍然維持其有性格狀態時，就請佢入去坐坐...呢個方法果然用得著，佢]個個都聽聽話話，最後都冇人入過去添！

有罰亦有獎，就係累積貼紙計劃，佢]個個都好積極，因為要換最後一個嘅大獎。
今年，聖經班搵到好正嘅SPONSOR，每日嘅獎品都好靚，最勁嘅就barbie嘅服裝，小朋友仲即刻著曬上身，個個好變成小公主，我]一班哥哥姐姐仲搶住同佢]影相添...

今次聖經班最有成功感嘅就係...ｈａｈａ...得到刁允呈個心，佢媽媽同我講，佢成日係屋企都提住我個名：「yvonne姐姐話要...yvonne姐姐...」咩都係yvonne姐姐...我聽完真係個心都甜曬...就算我差d失聲都值得...另外，今次聖經班仲吸引到好多小朋友同家長返教會，我]真係達到目的啦！

當聖經班結束，我仲分別跟lily chan、小學同學、f.1-f.5嘅friend出覬E聚...
其實，天父真係好錫我，因為佢送咗好多朋友俾我。無論以前發生過咩事，宜家我]能夠相遇，並不是遇然，我深信係天父嘅恩典。

我希望同我所有嘅friend講：「我好愛你]呀！天父都愛你]呀！」

聽日，我就要返工，真係有d未玩夠，真係「玩開有條路」...算啦，我都玩個3個月，亦都做咗好多野，又過咗個好充實嘅暑假。再唔係，咪下個暑假再玩囉，不過我有d朋友就永遠冇暑假放lu..

我希望可以適應新學校嘅環境，永主賜我聰明智慧，讓我教導小朋友。又讓我跟同事相處融洽，阿們。

>>August 17, 2005 at 2:54:47 PM GMT+8

2005 年 7 月 22 日 星期五 【晴】

第十一屆畢業典禮日期及時間

Session 6 19 November 2005 (Saturday)
2:00 pm - 3:00 pm

Certificate in Early Childhood Education Programme (Three-year Full-time)

誠意邀請你嚟參加！
我咁早約你，你冇理由話冇時間呀！

>>July 22, 2005 at 11:08:23 PM GMT+8

2005 年 7 月 10 日 星期日 【晴】

轉載elaine嘅網上日記：

今天執拾房間，找出了我們第一屆幼兒教育學系會的全年報告。

我不期然地翻閱起來，愈翻閱，愈叫我憶起我們粗著膽子的一群，創辦我們幼教育學院前無古人的先河——第一屆的幼兒教育學系會。

我細閱著我們各項工作的報告、導師給我們的表揚和話語、各幹事的感想與期望……真箇，我們為幼教、為學院寫了不少有用而燦爛的歷史，直至今天，我依然為著我們的勇氣與能力而驕傲！


p.s. 安娜也永遠不會忘記系會的經驗... 幸好有這份全年報告呢~

p.p.s.s.其實，呢本全年報告，我相信我已經翻閱過100次以上啦！因為學系會係一個引以自豪嘅一個回憶...如果當初我唔堅持，我肯定會抱憾終生...現在已證明神的引導永遠係最好!!!!!!!!

>>July 10, 2005 at 2:08:35 AM GMT+8

2005 年 7 月 7 日 星期四 【晴】

今日，我竟然 7:45am 彈咗起身！

點解話「竟然」呢？
因為我自從實習後，除咗有特別任務，否則我都係訓到12點幾，真係幾幸福！我可以話呢段日子係我3年來最輕鬆lu...haha...

但點解我咁早起身?
因為我發咗個好特別嘅夢...
我發覺我係新嘅工作崗位(幼稚園)，跟我嘅partner準備跟新一班 (K2) 嘅小朋友同家長開第一個家長活動。我準備跟佢哋介紹自己及新一年需要注意嘅事項....

之後，我就醒咗，訓唔返LU...
所以，我就決定發電腦將呢個夢記落嚟，又將我多日放棄嘅日記再更新吧！

諗吓諗吓，我原來已經準備返工LU，已準備心情、已準備健康、已準備起身時間、已準備迎接新嘅小朋友+家長+同事......
我不禁滿心微笑，原來我已經叉好電...又笑自己係殘骨頭，係要搵D野做先安落...

好啦好啦...我要做野LU...要俾心機讀普通話，因為7月18日就要考普通話國家水平測試(三級六等)，而目標只係2級2等...HAHA...

仲有，我係教會兒童部嘅一大堆工作...編詩歌...兒童暑期聖經班...設計及佈置場地...

下星期一，仲要返我實習間院採排，因為學校邀請我做司儀，我又有機會探吓我班小BB，真係開心...

原來，我都有幾多野做，不過我拖吓拖吓...就大大堆LU...


P.S.其實，我呢段時間都有睇你哋(朋友仔)嘅日記，亦看過你哋互相留言，真覺得幾幸福。而我，或者我係一個鐘意「用口」同人傾計，而唔鐘意「用手」與人溝通吧，你見我好日都唔「打」一遍日記就知啦，但並不代表我唔重視你哋呀！如果你哋有咩事，盡管打電話俾我，我24小時 ON CALL, OK?

>>July 7, 2005 at 9:44:20 AM GMT+8

2005 年 7 月 5 日 星期二 【晴】

今日，我去咗我嘅母校 (嶺南鍾榮光博士紀念中學) 嘅畢業典禮。

點解我會返去呢？我都畢咗業3年啦...

其實，我係接到校長嘅邀請，咁恭敬不如從命啦，反正我留係屋企都冇咩野做...

本來，我對呢個畢業典禮都冇咩特別感覺，但出乎我意料之外....

當我去到嶺南嘅車場門口，就有學生為我「打傘」，為我擋太陽...
而係車場到門口嘅短短路程中，亦企滿男女童軍，當我經過佢哋面前時，佢哋就會向我敬禮，佢哋真係幾型呀...HAHA...
總之，你每一段路都有學生陪伴著你，都幾幸福呀...

在典禮中，我發覺嶺南有好大嘅改變，各方面嘅進了一大步。呢點我在典禮後都有同校長講，佢話：「宜家，有邊間學校可以唔變呢？」冇錯，面對著咁巨大嘅教育改革，可以唔變咩？自願？被迫？都一定變，否則就等著「殺校」...

其實，幼稚園都係咁，所以我作為一位老師，亦要不斷變，為小朋友做到更好...

>>July 7, 2005 at 10:22:49 AM GMT+8

2005 年 6 月 26 日 星期日 【晴】

準教師獲頒獎學金
表彰優秀學術成績及服務社會表現
二零零五年六月二十日
http://www.ied.edu.hk/news/html/2005/20050620_c.html
幼師滿足感大於其他教師
• 「幼兒教育獎學金」及「學生活動獎」得主
• 幼兒教育證書(中文)課程(三年全日制) 三年級同學
• 創立教院幼兒教育學系會

自從多年前在教會幫助舉辦小朋友的各種活動後，便與小朋友結下不解緣。甚至令她捨卻當小學教師的念頭，專心修讀三年全日制的幼兒教育課程。她指出，每名小學教師只能集中任教某幾科，但當幼師則需負責全科、全人教育，這種足以全面地影響小朋友的工作，帶來的滿足感更大。

不過，她亦深切體會幼兒教育在香港遠未獲得應有的重視，因而在去年和同學創立幼兒教育學系會，以期結集力量，為幼兒教育的發展出點力，適逢幼師培訓削資爭議風起雲湧，她和一眾同學當時不時和幼兒教育界其他組織並肩作戰。她表示，在連串籌劃和行動中，從眾多前輩身上學到不少課堂外的知識，也感染到不少為人師應把持的風骨和對事業的獻身精神。

幼兒教育學系會成立以來，參與的同學更不時到幼稚園當義務工作，協助籌辦畢業禮、開放日、大型活動、興趣班等等。




教院生發起內地義教獲獎
http://singtao.com/yesterday/edu/0621go04.html


獎學金280萬 教院創紀錄
http://www.wenweipo.com/news.phtml?news_id=ED0506210005&cat=008ED

>>August 27, 2005 at 11:09:35 AM GMT+8

2005 年 6 月 26 日 星期日 【晴】

http://www.rthk.org.hk/rthk/tv/legco_review/20050623.html --> 第二節

議 事 論 事
2005-06-23
第 卅 二 集 ： 幼 師 培 訓 動 議

「 議 事 論 事 」 深 入 淺 出 分 析 熱 門 政 治 話 題 ， 令 大 家 緊 握 時 事 脈 搏 ， 一 起 見 證 香 港 的 政 制 發 展 順 逆 流 。

網 上 直 播 時 間 : 逢 星 期 四 HKT 1900 - 1930
網 上 直 播 完 畢 稍 後 提 供 節 目 重 溫

>>June 26, 2005 at 8:16:00 PM GMT+8

2005 年 6 月 1 日 星期三 【晴】

我係hkied呢3年嘅最後一份功課(portfolio)終於完成啦...

我真係畢業啦...

我真係好唔捨得係ied發生嘅所有事，我覺得所有事都係美好嘅，都係神所為我預備...

講起呢份portfolio，我真係嘔曬血，亦都高估咗我嘅能力...
我成日都話俾人知：「1個credit pt咋，算鬼數啦，無論我攞咩grade，都影響唔到畢業嘅成積啦，交份垃圾俾佢咪算囉...」
而我都係咁諗，但係原來最放唔低嘅...係我自己...
我足足痛苦咗3個通宵，好彩有各方好友+男朋友仔嘅陪伴，我先有力量去做咋...
真係要多謝吓同我一齊作戰嘅友伴先，排名不分先後：batman, yannie, natalie, wendy, ga......
thank you sooooooooooooooo much^^

>>June 3, 2005 at 2:47:00 AM GMT+8

2005 年 5 月 23 日 星期一 【晴】

泰國最新消息：

時間：21/6(二)-25/6(六) (五天團)(暫定)
團費：約$1000
旅行社：星晨(暫定)
早機去，晚機返

一定去人物：yvonne + yvonne's mother + wendy + wendy's sister + wendy's sister' fd + miggie + yannie + batman +cherry + cherry's bf +
yuen yu
考慮中人物：ada + karen +karen's bf + anna + jackie + 水 + elaine...

希望大家再搵多d人，咁我哋可以包團呀

請留意你嘅旅遊證件有冇過期，否則你想去都冇得去！

>>May 23, 2005 at 1:06:44 AM GMT+8