2007 年 1 月 28 日 星期日 【晴】

我一切的好處在主裡面......

本來，我都諗住出嚟做兩年先讀BED，所以，我今年會報...

突然，政府推出學劵制，可以全數資助我去讀BED，所以，我可以唔洗錢讀學位呀！

唔遲唔早，時間啱啱好！一個仙都唔洗出！正！

啲錢可以俾我做人生嘅另一樣重要事情！

>>January 28, 2007 at 10:21:06 PM GMT+8

2007 年 1 月 27 日 星期六 【晴】

我今晚去了寶福山，參加一個六歲小妹妹嘅安息禮拜......

呢個小妹妹上年剛係我學校畢業，雖然我冇正式教過佢，不過，喺學校嘅多個活動中，我一定接觸過佢，所以我間接都教過佢，間接咁影響過佢嘅生命！

我哋全體老師獻上一曲「雲上太陽」，我唱歌時強忍淚水，但最後都是忍唔住了！

人生真係好短暫，但呢個小妹妹已經係我哋學校信了主耶穌，她已經上了天堂，得到上好嘅福份！佢好似一粒鑽石，一粒珍珠，雖然微小，但好珍貴！

>>January 28, 2007 at 10:28:29 PM GMT+8

2007 年 1 月 21 日 星期日 【晴】

喜歡你接我放工...
喜歡你突如其來到我家門口...
喜歡你晚上特地送來嘅糖水...
喜歡你帶我遊車河...
喜歡你帶我去飛鵝山(...照田雞)...
喜歡你帶我去小白鷺餐廳吃晚飯...
喜歡你安排了更多時間陪伴我...
喜歡你用心為我安排嘅驚喜...
喜歡你喜歡我...

>>January 21, 2007 at 7:18:56 PM GMT+8

2007 年 1 月 21 日 星期日 【晴】

自從交咗portfolio後，成個人都輕鬆曬，正！

雖然學校嘅工作仍然不絶，但都係較易應付，正如主任話：「野(工作)係永遠都做唔完嘅，如果做得完，你就已經被人炒咗啦！」哈哈！真係名句！所以，我咪唔會俾人炒囉！

正式當班主任已有一年半，我覺得宜家各方面都算得心應手，特別係教學上有好大嘅進步，好有滿足感，成日同佢哋講笑，真係幾開心，當然常規都係好重要！

另外，新年將至，學校提議請各位老師拍一段新年短片，各位先有看以下片段，我哋將以「祝福你」作背景音樂，參考短片中的形式拍攝禮賢賀年短片。
http://www.youtube.com/watch?v=zy8YYyVxy1g

http://www.youtube.com/watch?v=j1WcRcKUsgQ(最搞笑就係，我要跳呢段舞...呆咗...當我知道時已經冇反抗嘅餘地啦...當我睇完後，我不斷幻想自己係阿sa或阿嬌，一啲老師嘅形象都冇曬啦...仲要十年後都要攞返出嚟笑...無奈...)

仲有，到以下網站選「喜氣洋洋賀新春」，是某小學的賀年片段，超級搞笑，我哋係唔係咁架！
http://tv.bstwlmc.edu.hk/movie_fetch.jsp?subject_id=4

近排，我嘅工作都輕鬆咗，可以好快就做曬啲野，可以做好多我鐘意做嘅野，例如打日記(雖然都係好少)、約ivy、朱鋒食飯(ivy，我永遠支持你架！)、仲可以同佢去街......

>>January 21, 2007 at 7:18:46 PM GMT+8

2007 年 1 月 1 日 星期一 【晴】

歌名 : 好好戀愛 (國語)
主唱 : 王祖藍 彭家麗
作曲 & 填詞: 陳立怡
編曲 : John Laudon

(孩子) 我的天父 可否讓我好好地談戀愛 不再流淚
不再傷痛 不再聚合又要分開
我的天父 我只想要安穩地找個人來愛
請讓我知道 那個人在不在

(天父) 我的孩子 難道你忘記了我就是愛 學懂愛我
學懂愛你自己 你就懂好好戀愛
我的孩子 何不嘗試安靜的慢慢去等待
你就會知道 那個人在不在

(天父) 你是否願意相信 每時每刻都在我手裡 沒有事情 是太早或是太遲

(孩子) 愛我的主 我願意相信 萬事萬物都在袮手裡
請教我順服 袮(我)的旨意

(天父) 我教你順服 我的旨意


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

這首歌有沒有寫下你的心聲呢？

>>January 1, 2007 at 4:24:48 PM GMT+8

2007 年 1 月 1 日 星期一 【晴】

2006年......

平穩感恩的一年......


2007年.......

讓我學習更愛祢 / 你......

>>January 1, 2007 at 12:32:32 AM GMT+8

2006 年 12 月 25 日 星期一 【晴】

今日，我同幾個viva club嘅美女，去咗maggie媽媽嘅浸禮，好開心呀！

原來，maggie嘅教會係好大架！(比較我嗰間！)唱詩時仲好有feel添！正！

當我見到maggie講見證時，我真係感受到佢嘅改變，佢以前真係咩都驚一餐，不過佢宜家識得凡事交托，佢成個人都輕鬆咗好多，淨係識「傻」笑，諗野簡單啲，咪幾好，真係感恩！

不過，maggie嘅浸禮都有段搞笑位，就係因為佢太高啦，個浸池唔夠「長」，中咗個「頭獎」，佢要企返前啲先浸到咋...最搞笑就係maggie浸之前，batman先講完，batman真係「口臭」，開口中！

之後，我哋成班人仲去咗元朗食吋長壽司，又平又正！仲去食糖水，好美滿，我又肥咗唔少啦！不過，唔緊要啦，最重要係開心！


好多人都問我：「你呢個聖誕去咗邊？做咗啲咩呀？」
我呢個聖誕，大部分時間都係做教會野...
平安夜(星期日)，我要帶領教會全部小朋友係教會崇拜獻詩 + 去荃灣綠陽新村佈佳音，佢哋仲第一次夾埋鋼琴、小提琴、小號、長笛、其他敲擊樂，成個小型音樂會咁，佢哋真係好叻呀！日後，就係教會嘅棟樑啦！而我仲係第一次做「指揮」，我都好驚架！

下午，我哋去完綠陽佈佳音，我就去咗男朋友嘅西環教會，好遠呀！
原來，佢哋教會要去西寶城佈佳音，我又跟埋去，又去派單張...
不過我同佢哋又唔係好熟，我全場都係企，都幾悶...

8點幾，我哋又奔回荃灣食飯，因為之後要去我荃灣嘅教會，進行遍荃佈佳音...
嘩！我哋有成百幾人去佈佳音呀！幾厲害！
我哋差唔多行曬成個荃灣，一路行一路唱，又不斷同行人+商戶祝福，好熱鬧呀！
過程中，我哋仲見到好多間教會都係佈佳音，正呀！
我哋嘅熱情仲去到零晨12點，yeah！

總結：雖然今個聖誕節都幾辛苦，不過好充實，最重要就係要將聖誕節嘅主角，集中係耶穌基督身上！感謝主！

>>December 28, 2006 at 12:27:06 PM GMT+8

2006 年 12 月 22 日 星期五 【晴】

呢兩日，我哋全校去咗深圳觀瀾湖進行退修會。

我哋全校60人，包括小學部、幼稚園部、校工、校務處，真係第一次咁齊人！

原來，深圳觀瀾湖係全世界最大嘅高級高爾夫球場，全場有216個洞，真厲害！

我哋差唔多全程都係食！正！仲肥咗唔少！哈哈！

晚上，我跟幾個同事去咗做spa，香噴噴，仲跟我嘅同事evian玩咗好耐水，好開心呀！

第二日，我仲係酒店瞓到10:30，連早餐都冇食添！

呢兩日真係好relax，好放鬆，叉曬電，yeah!!!

其實，我入咗嚟呢間學校咁耐，都未真正有一個同事係我個friend，可能係呢間學校嘅文化及環境嘅影響，但經過呢次退修會，我跟evian同房，傾咗好多野，開始對呢間學校有另一種嘅歸屬感。佢係一個洞察力好強嘅人，而我就大情大性，真係要跟佢學習！

感謝主！

有個同事將我哋去觀瀾湖(MISSION HILL)嘅點滴，整咗段頭片，好正架！你哋都睇吓呀
http://www.youtube.com/watch?v=X-zt1Au3xAg

>>December 23, 2006 at 9:34:25 PM GMT+8

2006 年 12 月 16 日 星期六 【乍雨乍晴】

近排，學校嘅工作真係排山倒海咁....

好彩，portfolio嘅觀察篇(相片分析)都K.O.咗！

昨晚，我哋終於見面，淚如雨下，我才驚覺我一直都抑制自己嘅情緒...

最後，我嘅感情生活都解決咗，希望我哋彼此努力，我要學習更體諒你工作上的辛苦，希望你明白我需要多與你共處嘅時間...

>>December 16, 2006 at 11:07:07 PM GMT+8

2006 年 12 月 14 日 星期四 【晴】

雖然這幾天跟你冷靜了，心理很不好受，但學校仍有一些令我開心的事，因為我收到兩份特別的禮物...

事情是這樣的：

今日，差不多是下午班放學的時候，主任從遠處急步行過來我的課室，帶著微笑地說：「陳老師，你有封信寄咗嚟學校，請收禮啦！」

當時，我呆了一會兒，然後看看信封上的郵票是澳洲的，才有一種興奮的感覺，原來是一個上年我教的學生，但她去了澳洲移民。我還記得，她臨走的一天，她的媽媽和我喊到...

我立即打開信封！我看到了她用中文寫給我字，真是以她為榮，因為她沒有放棄中文，真是長大了不少！

另一封就是上年有一個學生，但今年轉了另一間學校...

雖然，今日的天氣特別凍，天文台說只是15度，但我真的感受到學生送給我的溫暖，原來他們仍然掛念著我，我真的感動了，眼淚都差點兒跑出來，真是要衷心的說聲：「謝謝你們！」

>>December 14, 2006 at 9:15:35 PM GMT+8