2006 年 6 月 11 日 星期日 【乍寒還暖】

今日又開兒童暑期聖經班嘅會，差D都唔記得！

今晚一定要做埋小朋友嘅PORTFOLIO，因為聽日就係DEADLINE，不過我只係做咗一半.....唉......真係好唔想做......好似做極都做唔完咁......

不過，我有好多同事都話要遲交，又或者只係交到一部分俾佢.....

其實我都唔想咁，不過都要睇吓今晚嘅進度......

但係，只要我交埋D PORTFOLIO ，就可以放心放暑假LU......YEAH!!!!!!!!!!!!

>>June 11, 2006 at 10:44:22 PM GMT+8

2006 年 6 月 10 日 星期六 【晴】

今日團契嘅週會係「與陳姑娘對話」，呢個週會係首創，大家都有好多有趣嘅問題想問，如：「你今年幾歲？」、「你拍過幾多次拖呀？」、「你有冇與過一D令你心動嘅男仔？」、「你第一次拍拖做咩架？」

我哋真係好興奮，亦對陳姑娘了解咗好多，原來佢都係好感性、好可愛、好瀟灑......我哋大衛團有佢呢位傳道人真係好幸福，10年嚟都不離不棄，好多謝你呀！

>>June 11, 2006 at 10:25:53 PM GMT+8

2006 年 6 月 9 日 星期五 【颱風】

今日是學校一年一度的遊藝節目表演，高低幼班的小朋友都會在台上表演給父母欣賞。差唔多所有家長都會是今日請假，更有些會拉大隊，差不多成個家族都到場，支持小朋友大約4分鐘的表演。當家長看到小朋友在台上動一動的時候，他們心裡已充滿喜悅和感動，覺得他們已經進步不少。

上午班的表演都很順利，讓我排練的一組18個小朋友都算表演成功，他們穿上紅卜卜的山地舞服裝特別醒神，我都深感安慰，但之前的憂慮可不少呢！

但是上午班表演時天文台竟在五十分鐘內，先後發出黃色、紅色及黑色暴雨警告信號，黑雨持續兩個多小時，下午校宣布停課。家長及小朋友幸好在表演後慢慢離開，但下午班的表演就被迫延期下星期五。本來我諗住過咗今日就可以放鬆吓，點知下午班仲要練多一星期。你知道嗎？小朋友會愈練愈差，到時都唔知點算。算啦，園長話：「到時佢哋上曬台就任佢表演，唔好理佢哋跳成點啦...」無錯！要學習放鬆d，我並唔是要得到人的讚賞，而是要得到天上的冠冕，我已盡了我最大的努力，這點已很足夠，當然我也做到不過不失啦！

今日，不但天氣比較覆雨翻雲，人心也經歷刺激的一日，因為今日宣佈咗下年度(2006-2007)課室、班別及各小組老師安排，這是大家同事都很期望的一件大事，因為會直接影響下一年的工作及與別人的合作。

結果竟然是意想不到，角色大兜亂。而我已是改變較少的一個，我將會繼續留在低班，這是我期望之一，但被安排做上午班的主導老師，所以下年要早d回校安排教學，當然之前一天都可安排，而上午的精神壓力就會大d，因為上午班老師沒有可跟蹤的教學模式，要全部自己安排，這也是一種挑戰吧！但LUNCH就可以有餐安落茶飯，而且，工作就可以早d完成，早d放工，所以下年我都可以諗吓點好好利用呢d時間。

另外，我也被編入新設的英文課程小組，這是下年度最受重視的小組，因為學校將會主力發展英文課程。而我入這一組是意料中事，不但我對這方面很有興趣，而且英文專科老師話我的英文在學校算是最好了，因為我成日都會用英文跟她溝通。英文專科老師又跟我講，今年我班是4班低班最好的，phonics特別特出，原來我成日用英文用跟小朋友傾計都很有用，深感安慰。

意外的是，我竟然成為第三次生日會組長，我睇返另外3次的生日會組長都是好有經驗的同事，同事話園長好睇得起我喎，都唔知是好定唔好，不過既然主父安排咗呢d工作俾我，我都會欣然接受。

最後，我們最關注的就是下年的partner，因為partner是要合作無間，所以你的partner如何，你的日子也如何！今年，我已經與富挑戰性的partner合作，令我「迅速」成長，被迫要成熟不少。或者，園長已看到我的辛勞，所以她安排咗一個很好人的partner俾我，我們都是比較感性的人，我們都是與喜樂的人同樂、與哀哭的人同哭的人，最重要的是她是一個很有經驗的人，但她仍然是一個很真的人，我很欣賞她，很想跟她合作，終於可以呢！真感恩！

經過今年最富挑戰性嘅小朋友及PARTNER，之後真係冇有怕......

P.S.經過昨晚的感動及眼淚，今日我有一種衝動，我去到主任面前，跟她分享我昨晚的點滴，並多謝她對我的鼓勵，我們都很感動......

>>June 9, 2006 at 11:06:54 PM GMT+8

2006 年 6 月 8 日 星期四 【乍寒還暖】

每個單元後，我們每個同事都要寫一篇單元教案個人反思記錄表。反思是學與教過程中不可缺少的環節，是課程設計得以更臻完善的重要因素。透過教學反思，有助改善學與教的安排，讓幼兒學得更好。老師可就本單元的教學內容、活動設計的編排、準備及實施等情況，從個人的實踐、觀察及分析中作反思記錄，嘗試帶出當中的發現、啟發或建議。

每份反思都要給主任批閱，而她每次都會寫下一些建議、讚賞或鼓勵的說話。當我每一次接到已批閱的反思時，我都很感動，每一次都看到熱淚盈眶，總時覺得她很好，能深深感受到我的難處及擔憂，欣賞我的努力及進步。

節錄如下：「雖然在當中遇到困難，但生命的成長往往要經過琢磨，顯得堅實，不要放棄呀！靠主你一定可以跨勝！」「辛苦哂！你的努力，有目共暏，值得欣賞。加點信心吧！主必為你成就！」「欣賞你的付出和努力，主必看見，願神親自去回報你！」「欣賞你在工作上盡忠職守，相信你內在的壓力不少，很抱歉有時候未能即時向你表達支持之心，但我相信在神的眼裏，完全看見你所需，明白你一切的感受，多倚靠祂便多有力量！」「欣賞你對小朋友的用心及努力，作為你的學生很有福氣呢！」「樂意甘心的付出，神必有最大的賞賜，祝福你，繼續以服侍神為榮。」......

由於有太多啦，不能全錄......

這一年，我就是這個環境成長，真的很感激她......

我真的捨不得她......太突然了......

P.S. 記錄這一篇日記時，我的眼淚又如河水湧出來......這一年的眼淚真的特別多......

>>June 8, 2006 at 9:22:16 PM GMT+8

2006 年 6 月 5 日 星期一 【乍寒還暖】

呢排成日同級長食飯...
了解咗好多學校及同事嘅歷史...

我要學識點樣做一個圓滑嘅人...
第一步就係要了解別人嘅性格及經歷...


另外，級長今日同我講：「你應該去讀BED啦...」
其實，我真係好想讀，不過要顧慮嘅野實在太多啦...

>>June 5, 2006 at 10:59:49 PM GMT+8

2006 年 6 月 4 日 星期日 【晴】

完全冇動力做portfolio...不過大限將至...死啦...

成日都想訓訓訓...

又要食食食...

夏天啦...肥咗好多添...慘啦！！！

求主打救我啦.............................

>>June 4, 2006 at 11:01:52 PM GMT+8

2006 年 6 月 2 日 星期五 【颱風】

今朝上緊堂嘅時候，個天真係黑過墨豆...

突然，園長入嚟講：「宜家掛咗紅色暴雨，教統局宣佈下午校停課！」

嘩！我簡直興奮呀！不禁同我PARTNER嚟個"GIVE ME FIVE"先 (其實係喺D小朋友面前...)

真係太好啦...下午可以做學校一大堆工作，仲可以早D放，同R哥哥睇場5點鐘，簡真從來都未試過，仲可以SHOPPING，最後去埋SPAGHETTI HOUSE食番餐勁！

SOOOOOOOOOOOOOOOO GOOD！

>>June 2, 2006 at 11:45:53 PM GMT+8

2006 年 5 月 31 日 星期三 【乍寒還暖】

二、實幹型(生日日期︰4,6,13,16,22,24,26,28,31)性格解構：
這類型的女子通常都較為溫和穩重，腳踏實地。
由於冷靜謹慎，所以更細微的環節她都能夠兼顧得到。
誠實認真，責任心強，處理事情極有條理，自然容易贏得別人信任。
耐力韌性也一樣驚人，富有戰勝重重困難的莫大力量。
無疑的她不論對待任何人，都能夠表現得親切大方，
但偶然間的太過自我中心，會令她無法與其他人協調。
其實，她輕易受到別人的影響本來是個優點，
但過分堅持自己的一套做法，就會變得固執。
建議：想吸引她注意，你適宜穿得穩重，襯衫西褲最穩當。
由於她對任何細微的環節都察覺得到，所以，你對她亦要處處表現出特別細心，
向她坦誠，就肯定會贏得信任。

>>May 31, 2006 at 10:33:53 PM GMT+8

2006 年 5 月 31 日 星期三 【乍寒還暖】

今日係端午節，可以叫做所謂：「放假」，因為工作嘅地方只不過係屋企，要做成堆嘅工作，最攞命嘅當然係小朋友嘅portfolio..........唉......

上星期係家長會，主要講升高班及升小一嘅事，我初時都幾擔心，因為我完全唔知道高班及小一嘅事，點樣講俾d家長知呀，如果我講得唔好，家長咪對我冇信心....所以我問咗同事及園長好多資料，咁先放心d...

當日家長會，頭一小時就係園長同校長講有關升小一嘅事，我好俾心機聽；之後一小時就係分班，由一個班主任對住成30個家長講。我不斷講，不經不覺就講咗一個小時，死唔斷氣咁講，我見到d家長都好留心咁聽，我仲搞咗d笑位，氣氛好輕鬆呀。由佢哋嘅笑容知道家長對我都幾有信心，畢竟呢班家長都係有學識，有地位嘅中產人士，我都已經好滿足啦！

呢幾日，級長不斷係我身邊講：「仲有15日嘅上課日子咋...」因為6、7月有好多特別活動，所以只有咁少日子....哈哈，原來最想放暑假嗰個竟然係級長，真係好搞笑....不過，我都好想放暑假，希望身心靈都休息吓....

不經不覺，我係呢間學校都工作咗一年，不過不失啦！下學期就上手咗好多，希望下年可以發揮吓啦...跟同事嘅關係都幾好，其實佢哋全部都係好人，上個星期仲同級長兩個人上咗深圳玩咗兩日一夜，佢簡真係個專業導遊，等我跟佢玩多幾次，就帶你哋上深圳玩啦！

另外，宜家同我partner都好咗好多lu，有講有笑，都幾自然呀，佢跟我分享咗好多佢家庭和讀書嘅問題，我都盡量幫佢，幫佢搵d做功課需要嘅資料，我自己就覺得幾好啦，唔知佢點諗呢！不過，宜家都淨返一個月，大家嘅關係都冇咁緊張，放鬆d，好頭好尾啦！

我覺得校長、園長和主任都幾讚賞及鍾意我，俾好大嘅空間我去發揮，希望下年做好d啦！

就嚟放暑假啦，要盡情玩返餐...不過，我仲要係教會搞兒童暑期聖經班，繼續努力！

>>May 31, 2006 at 2:28:40 PM GMT+8

2006 年 5 月 21 日 星期日 【乍寒還暖】

拍拖三年，說長不長，說短也不短。大概，初拍拖時的新鮮感早已消失，甜蜜的滋味已變得淡淡然，甚至一些相處上的表面衝突也彼此領教過，可以即時解決的問題都已解決或嘗試解決過。現在正要面對的，其實已不是一些簡單的相處問題，而是關乎到個性是否相合，有沒有足夠條件共創未來。

在『表達』和『聆聽』的過程中，是否願意先謙卑自己，先明白對方，才回應呢？這是相當重要的步驟。

願我努力學習去愛...

愛　是包容，是相信，是盼望，是忍耐。
愛　是同甘共苦與，不離不棄。
愛　是讓我們學習給予，學習無私的付出，是無怨‧是無悔。
愛 是永不止息的。


愛是恆久忍耐又有恩慈~
愛是不妒嫉~
愛是不自誇不張狂~
不作害羞的事~
不求自己的益處~
不輕易發怒~
不計算別人的惡~
不喜歡不義~只喜歡真理~
凡是包容~凡是相信~凡是盼望~凡是忍耐~
愛是永不止息~
哥林多前書十三章4-8節

>>May 21, 2006 at 11:39:30 PM GMT+8