2006 年 7 月 21 日 星期五 【晴】

尋日終於裝好個收費電視了
今日成日１係睇書，１係就攤喺度睇電視
生產率～零
睇咗成個月加埋都冇咁多的節目（唔計之前的ｗｃ）
睇咗成２個鐘大時代～原來我對大時代的劇情係１啲印象都冇～而家好似第１次睇咁
又睇左個ｆｅａｔｕｒｉｎｇ曾志偉的飯局
又睇左娛樂金魚眼
又睇左重播的車路士ｖｓ曼聯
又睇左馬德鐘教煮餸～個節奏慢到呢～我咁慢都嫌佢慢
又睇左少少無花果～都唔豬咩來～只係見到唔係咁盧海鵬的慮海鵬喺度擾攘
又睇左唔係咁任達華的任達華做的劇，仲有嗰個好洪朝豐但我知佢唔係洪朝豐的男人，仲有順叔
又睇左少少惡作劇之吻
又睇左少少大長今，講到佢哋研究點解皇上發燒，崔金英尚宮要暫時收押監房
又ｌａｐ到少少竹野內豐同崔智友一齊拍的劇
又睇左少少有簡東拿的陳年曼聯賽事
其實真係冇咩睇～～不過又睇咗成日
Ｔｏ　ｃｏｎｃｌｕｄｅ，睇電視真係花時間．

今晚猛咁想起星期３說的話
好想吞番～我諗我令人誤會了
內疚ｃ啦～
不過，唔係唔慣嘛．．．．．．都應該講慣啲講完想咬斷自己條脷的話啦
習慣就好～好個頭


>>July 22, 2006 at 8:52:17 PM GMT+8

2006 年 7 月 20 日 星期四 【晴】

好有放假ｍｏｏｄ呀今日
昨天公司已派了書展的臨時工作ｐａｓｓ
我哋２個部門的人都揀了今日下晝去
去青衣城飲完茶後，就出發～好似秋季旅行咁

唔太大意欲睇簡體部，因為１：１的價錢～喺旺角係唔駛的
不過無意中看到些字帖～選了本張迁中ｓｉｚｅ的～得閒就再續隸書緣
今次都算係幾忍手了～
因為上次喺榆林買的十幾本，看了１半都冇
又加上痛到腰都伸唔直～冇心機睇得咁ｄｅｔａｉｌｅｄ
不過行下行下，我哋都由３點行到８點幾

今日既戰利品有～～
汉張迁碑
數碼攝影實戰技巧喺PC WEEKLY發現到的
ＴＨＡＩ幫襯自己公司的～泰菜食譜～見到簡直雙眼發光～
我要買我要買我要整我要食
２００６ＦＩＦＡ　ＷＯＲＬＤ　ＣＵＰ官方出的
之前喺７仔和ｏｋ已有多面之緣，不過太貴冇買～今日見到差唔多４折就有～
有殺錯冇放過
ｆａｓｈｉｏｎ　ｍａｒｋｅｔ　ＩＩ喺書得起發現的
由上完第２堂的ｄｅｓｉｇｎ就想到訪的書得起到而家都未去過
今次有幸可以喺書展順道逛到
本書實在太靚了～淨係睇封面都可以睇１０分鐘～
加上封面車上那５排線～如果入面唔太差～我都想帶佢走啦
入面又中了我的最愛排版ｓｔｙｌｅ之死穴～注定～
每天都愛吃吐司入面介紹了估計約百種整多士的方法
冇相，全部都係畫～
嘩﹗同我的菜脯多士、棉花糖多士、蠔油多士ｃｏｎｃｅｐｔ不謀而合～
知我者莫約您～ｈａｈａ
白雨好耐冇睇赤川次郎了
喺云云眾多赤川書入面揀咗呢本～因為背脊個簡介話呢本係赤川次郎自己最鐘意的作品
好奇ｃ了
澳門自遊寶典大概有３年冇去過澳門了（上次跟老師去主力看畫展的１次唔計）
真要看看澳門多咗啲咩好嘢食


看到書展上啲ｄａｎ　ｂｒｏｗｎ、ｄａ　ｖｉｎｃｉ、ｌｅａｖｅ　ｔｈｅ　ｏｆｆｉｃｅ　ｅａｒｌｙ、ｔｈｉｎｋ　ｔｈｅ　ｏｐｐｏｓｉｔｅ、ｄｏｇ　ｉｎｃｉｄｅｎｔ咁抵買
實在ｄｕｍ心ｃ我同嘉燕了
真係唔好講笑，下次留番書展先買呢啲

又見到檔檔都有余華本兄弟賣呀～
到而家我都仲未睇～因為仲未買
不過呢啲書留番去榆林買比較好
余華近２年好似紅咗好多咁～大家得閒都試下睇啦～好震憾的

仲見到本叫「葡萄牙」的片段式繪本
差少少就俾佢引誘咗～不過我要忍～～唔知忍咩呢～到依家有少少後悔添
吉村達也的書又忍咗
西西、馬家輝等幾十人的散文集都忍咗
又係萬里出的嗰本曲奇書都忍咗
本閃令令歐洲旅遊書又忍咗
本馬嚴君玲英文版又忍咗
之後要逐本擊破至得～～～～～～～～

>>July 22, 2006 at 8:30:01 PM GMT+8

2006 年 7 月 18 日 星期二 【酷熱】

最近幾天，每日每隔９小時要尖叫一次，每次１０秒
另加每日每隔２小時叫「救命﹗」一輪，每次連叫３次


星期１
上晝收到ｆｅｅｄｂａｃｋ灰爆了．．．．．．
真係勁想拎起個袋拉好拉鍊走人
唔想用腦啦～如果今早返工時，遺留了個腦喺屋企，或者西鐵度．．．．．．你話幾好呢？
一係遇上困ｌｉｆｔ都好過冇
晏晝同ａｍｅ　ｆａｒｅｗｅｌｌ～出下街都好～真係忍唔住對住條馬路尖叫咗兩下
下次要再大聲啲～ｃｏｍｅ　ｏｎ
太沮喪了～ｏｔ到７點幾去上堂前．．．．．．明知會遲到都有理冇理坐低慢慢食番餐先

最後一堂了～上了廿一個月．．．．．．
返工＋返學實在太累人
當你做完１日嘢心力交瘁想ｈｅａ下ｈｅａ下行陣街睇下電視食下薯片過埋嗰１日時
反而要急急熄電腦打咭趕巴士急步走去上堂～
要好好ｈｅａ番幾個月先～不過大前提是要完成那１０份畢業作品．．．．．．
要好好利用喺呢廿一個月學識而喺之前那廿ｘ年聞所未聞見所未見既嘢


星期２
眼瞓爆了～不過喺公司衝了１日～冇時間眼瞓
到放工同ｓａｌｌｙ搭車上ｄｒａｗｉｎｇ～２個鬥放蚊
我覺得係我贏的﹗
間ｒｉｃｅ的沙律勁好味～
芒果沙律醬＋蝦＋瓜＋菜＋茄＋旦＋薑
用來寄托一下情緒吧
今堂畫了一個半身黑色ｍｏｄｅｌ
好好ｆｅｅｌ～第１次畫人體（雖是假的）
用大膽的ｍａｔｅｒｉａｌ～ｂｌａｃｋ　ｎ　ｗｈｉｔｅ　ｐａｓｔｅｌ
低能架～諗住自己畫得夠大膽啦
～點知俾阿ｍｉｓｓ捉住我叫我放膽啲唔好撩下撩下咁
呵呵～原來還是脫離不了膽小
９６８冇位坐～企成個鐘番元朗～
不過聽住ｉ－ｐｏｄ，抱著畫完大膽畫後的心情～舒暢多了


星期３
今早太多單「十萬火急」了
狠狠地塞晒兩邊耳塞～隔絕一切
好怕有人喺我衝緊時，埋黎同我講啲沒有８個急以上的事
我會完全無耐性聽，並且要吃力地掩飾忟憎
不過那２耳塞湊效了～ｙｅａｈ﹗呢招日後可多用﹗

ｄｅｎｉｓｅ好似３朝回門咁
回來跟我們吃ｌｕｎｃｈ～去了淮海匯吃

下晝，第１次一個人上配音室～４個鐘的ｂｏｏｋｉｎｇ
雖然出去半日，要擔心公司枱面那堆嘢會灘涼
不過都叫做可以鬆１鬆
聽下配音室啲人搞下笑～講下嘢咁～比起喺公司輕鬆多了
同埋今次係錄幼兒故事，比起中文秒開心多了
ｈａｈａ～有早冇遲啦～
４點半搞掂～仲可以行下街、掃下街
再去ａｒｔ　ｃｅｎｔｒｅ上書法
上完堂又番元朗行下街
９點半返到屋企～１個人都冇～都幾搞笑



>>July 19, 2006 at 3:41:01 PM GMT+8

2006 年 7 月 15 日 星期六 【晴】

這個星期重新做人了～精神好了不少
不過ｗｃ症後群卻出現了～生活上好似出現一大撻空白處
不過因為ｗｃ，而動用了腦中一個差不多５年沒有活動過的部分
亦都紓緩了記憶力退化的問題～～
好ｓｉｒ，冇咁誇啦～不過覺得很好玩就是了～希望施丹平平安安吧～

呢個星期好多嘢做～～啲ｐｒｏｇｒａｍ　ｈｕｍ　ｈｕｍ聲咁返
又要做錄音稿
又要ｃｈｅｃｋ　ｅｂｏｏｋ
又要做ｖｃｄ
又要無奈接受中文組的雪上加霜～好耐冇試過嬲到面都紅晒～
～平靜幾日就會有呢啲「驚喜」出現～搞到人都灰晒～ｃ未？﹗

這個星期為龍山、ｍａｔｔｈｅｗ慶祝了生日
又無聊地吃了餐別府
又跟ｙａｎ和嘉燕吃了ｓｔｒａｗ～好巨型的喇沙～不錯啊
ｏｔ後又即興同ｙａｎ行街～無端端搞到１２點幾先返屋企～ｈａｈａ
又無端端同嘉燕去了莎樂美吃ｄｉｎ
總之呢個星期心情就好似坐過山車咁啦～喜怒哀樂範範齊～問你ｃ未？


>>July 16, 2006 at 10:57:16 AM GMT+8

2006 年 7 月 10 日 星期一 【晴】

由首場德國ｖｓ哥斯達黎加起
看了三十多場決賽週的賽事～都是開開心心的
雖有對美國ｖｓ意大利的血猩、葡萄牙ｖｓ荷蘭的火爆
但多看２場就幾乎忘卻了那
唉～想不到最後一場卻來料～要帶着無比的遺憾結束最後１場
我頂唔順啦～
這兩天一整天都想着施丹的事
做稿時想佢點解唔出來拎獎牌？ｃｈｅｃｋ　ｐｒｏｇｒａｍ時想佢有冇喱埋喊？
ｍｓｎ時想大家會唔會因為咁唔再鐘意佢？……
開始時還很理智的想～唔應該怪任何人～
畢竟看到巴西球迷怪責法國贏了他時～心裏也不好受～因覺得這對法國不ｆａｉｒ～
到傷心了半天～開始埋怨起馬達拉斯來
再沮喪多個半天～開始看那些簡拿華路、保方、托迪、納比等都不順眼
ｓｏｒｒｙ～ｉ　ｃａｎ’ｔ　ｈｅｌｐ　ｄｏｉｎｇ　ｔｈｉｓ～

不停留意佢的新聞～希望發掘多啲好既～唔駛再咁擔心佢～自己都冇咁沮喪
朝早急不及待布在９０３旁聽文堅的「搶攻世界杯」
嗚嗚～聽到文堅的一句︰球王仍然係我心目中既球王（ｅｘａｃｔｌｙ～實在太感激了～文堅）
(謝謝噢３幫我錄了～我要每隔３個鐘聽１次，每日聽３次，安定心神）
回到公司～大家都走來問我～唉
又看到ｓａｌｌｙ紅了的雙眼，佢話︰如果我哋１齊睇，實攬住１齊喊﹗
係呀﹗喊下都好～最弊又想哭卻哭不出
好似睇股市咁不停ｒｅｆｒｅｓｈ　ｆｉｆａ投票ｇｏｌｄｅｎ　ｂａｌｌ的一頁
希望可以盡點綿力增加一下他的票數（雖然事後知道原來我哋投的票唔關事的～魚～
～不過我只能做的也只得這一樁）
到晚上回家知道他真的得了ｇｏｌｄｅｎ　ｂａｌｌ而稍稍紓緩我的沮喪
到看到他回到法國出席飯局而稍稍減輕對他的擔心

不過看到某些報紙、ｂｌｏｇ、ｗｅｂ那亂起為押韻的ｈｅａｄｉｎｇ、跟內容不相關的「成也．．　敗也．．」
實在無名火起
施丹的ｓｃｏｒｅ是上半場７分鐘得的
而馬特拉斯的則是１９分鐘
連埋加時～雙方守和了９０多分鐘施丹才紅牌出場～
多踼個１０分鐘～唔通法國就定必攀成２比１嗎
於我看再踼１２碼分勝負的ｐｒｏｂａｂｉｌｉｔｙ大得多
好啦～講到１２碼
現在射失的是查ｃ古特
冇錯～如果施丹喺度～如冇意外佢會射其中一球
但查ｃ古特也定心會射其中一球
因為他是後備入替的～無論如何，杜明尼治也會派查ｃ和韋托特負責其中１球
因為他們有的是體力
結果還不是一樣
（不過不要怪責查ｃ古特～射１２碼唔係入就係唔入啦～點解ｃａｍ　ｍａｎ唔肯放過佢～太過份了）
施丹沒有累球隊輸～他輸的是另一樣東東～而這正是他現在承擔着的
誠如克勤所說︰法國輸的只是一條門柱
所以別亂怪人﹗﹗﹗
幸好有嘉燕陪我一起火，有人明白都冇咁火

這是波男說的，說得真好……
人，總係冇完美既，球王亦係一樣。近年堪稱球王級既球員，全部都並非完美。意大利球王巴治奧九四年射失十二碼，令球隊未能奪冠；馬納當拿成名後與毒品為伍；比利雖然成就非凡，但「教兒不善」，兒子身陷囹圄，呢啲事實話卑大家知，球王踼波幾叻都好，佢哋只不過係人。

不過，波男想講既，並唔係抹黑幾位球王，相反，係希望大家唔好因為一件事，而抹殺佢哋人生既成就。

尤其係施丹，職業生涯贏盡所有榮譽，佢既成就已經超越不少前輩，雖然最後一仗以紅牌結束，但大家絕唔可以一件事作定論，大家平時待人處事亦一樣，唔可以以偏概全，咁會令自己睇少好多嘢，做錯決定。

要再補充１下
是場賽事的杜林簡直是我們的ａｎｇｅｌ
每次看到「ｃ火啦～呢球會俾人入啦」的時候
杜林就會出動啦～屢試不爽
噢～杜林，都唔知點讚你啦～

>>July 11, 2006 at 7:41:31 PM GMT+8

2006 年 7 月 8 日 星期六 【晴】

最強對最強
緊張又緊張

很想再看８年前凱旋門下那群情洶湧
又看看賠率吧～又膽顫心驚了
不過走到了這１步～無論賽果如何
２隊已很值得激讚了
凱旋門亦定必群情洶湧
其實很後悔買了那１０蚊～因為怕自己都係一盞明燈～哎也
無辨法啦～enjoy吧～


ｆｉｆａ公佈了它的２３人名星隊
哈～等我都揀出我心目中的名星隊啦

門將︰簡尼／川口能活／保方
後衛︰杜林／艾比度／泰利／拿拇／簡拿華路／米基爾／盧斯奧
中場︰施丹／韋拉／謝拉特／麥斯洛迪古斯／費高／托迪／卡卡
前鋒︰亨利／迪比亞路／美斯／羅賓奴／舒夫真高／托利斯

教練︰奇連士文
助手︰Loew（＜因為嘉燕無厘頭地鐘意了）

>>July 9, 2006 at 11:36:18 AM GMT+8

2006 年 7 月 7 日 星期五 【酷熱】

季軍賽

〔德國ｖｓ葡萄牙〕
新聞話Ｋａｈｎ今晚會出場啊～實在係令人振奮的消息
忍不住即刻打俾嘉燕耀舞揚威下～～呵呵呵呵～～～
"We have a lot to thank Oliver for at this World Cup," Klinsmann told a news conference.
"He's been a great influence on the young players and he's deserved a place in the team."
Lehmann said on Thursday he would be happy to sit out the match in order to give Kahn a final taste of the World Cup.
由兩門將對立到兩門將和好到現在的３贏局面（簡尼贏。列文贏。德國贏）
對奇連士文的佩服及喜愛實在係與日俱增
希望奇連士文不要去美國隊吧～今屆力排眾（尤其係碧根鮑華）議下～起用那麼多的新人
拿拇‧普度斯基‧小豬～個個都係小朋友～卻又係不得不令人行注目禮的小朋友
２０１０的德國隊實在變得很有看頭
剝咗碧根鮑華棚牙
"If he and his team are ejected from the tournament early, if their performance is disappointing ... then (his position) would be unsustainable," Beckenbauer told ARD radio.
現在求奇連士文都嚟唔切了

今晚又再次印證～３：１
那個「３」都應歸功於小豬～雖然其中１球嚴格來計算是比提的烏龍球
但那按理應歸功小豬罰球開出的力水
小豬真係太ｃｕｔｅ啦～哈哈～
自９８ｗｏｒｌｄ　ｃｕｐ後～第１次看到球員除衫慶祝
都嗌住佢啦︰唔好呀﹗會拎牌架﹗
不過算啦﹗既然佢又冇牌在身～又最後一場啦～得意忘形１下都不為過
另外，實在應該提下拿拇～由開賽至今１場打得比１場好
由第１場對哥斯達黎加～德國的後防充滿漏洞
導致攻擊力不過已已的哥斯達黎加也可以有２球進帳
到後來對波蘭、對厄瓜多爾、對瑞典均０失球
及至對阿根廷～也只是僅失艾耶拉的１球
觀乎德國隊的後衛群中，最矮的是拿拇
少了先天優勢～但卻多了走位ｍａｒｋ人的靈活性～有點像卡路士呢

至於今仗的葡萄牙～
也許是礙於名氣～之前每一仗，ｃ朗幾乎都成了被盯梢的對像～
踼到佢都幾乎失去耐性

今次終於有多啲發揮機會了～因為德國好像都沒派專人盯梢哪１個
迪高也少了專人「服侍」而比上仗對法國時得到更多控球在腳的機會
可惜～佢哋２個今次未見得踼出高水準
不過不得不承認ｃ朗的浮誇漸見收斂
反而又係那個要忍住唔好對佢心生厭惡的文尼捷既威脅較大～比較大哨，其實他更像１隻馬騮
不過繼費高以後～他是葡國中場的１大支柱
更是最大的入球希望
唉～入球希望～提都唔駛提保列達了～
２次埋門的機會～未有德國後衛收窄角度～就得簡尼１個企喺度
保列達都竟然只碌１個軟弱無力的地波入去～
你真係當簡尼恰眼瞓？
呢啲根本就係任何１個前鋒叫糊既位來的

至於米基爾累積２黃而停賽～也許就是德國能大勝３球的關鍵
自決賽週以來，葡國後防最耀目的就是米基爾了～我覺得
或許亦因為只得他１個黑人～特別奪目
少了米基爾的葡國～防守力自不然減弱了～～
少了那些適時的包抄～～往往讓德國的小朋友找到缺口起腳
幸好～費高喺下半場７０多分鐘入替保列達
開出１記落點精準的自由球～由第１次見面的紐奴高美斯（好似真係第１次出場）
撲盡身頂入（如果呢個位係保列達企，賽果必定只得３：０）
唉～都唔明點解史高拉利咁堅持用保列達
這個紐奴高美斯出１場就有ｓｃｏｒｅ啦
再唔係用普斯迪加都好啦

講咗咁耐～今仗我最留意的其實係簡尼（唔計奇連士文的話……哈哈）
唱國歌時～看到他的表情很緊張～口也有點震
俾啲信心呀～
看到他的臂章～又覺得有點諷刺意味
坐咗咁多場冷板凳～咁多場以嚟
只有喺啲吹罰位，入球位先可以喺畫面上捕捉到佢喺場邊落寞的影像
今仗好希望簡尼可以做到０失球
（雖然又想見葡國有入球～～～好矛盾）
只失紐奴高美斯近左門的一記頭鎚～失得１點也不難看
這球～你讓川口能活、列卡度ｏｒ保方接～也未必接到呢
何況列卡度又點會接番自己隊的入球呢～ｈａｈａ
完場後～ｃａｍ　ｍａｎ不停影住ｋａｈｎ
但看到他的表情～實在不能用「開心」來形容～
到底點解呢？
以往他的猩猩表情、猩猩叫、猩猩動作～整場都不復見
叫１下啦～
始終打了漂亮的一仗

>>July 9, 2006 at 10:37:39 AM GMT+8

2006 年 7 月 5 日 星期三 【晴】

４強啦～等我又留下幾仔字先
。德國。意大利。葡萄牙。法國

〔葡萄牙ｖｓ法國〕
原本想着手掌又係肉手背又係肉的
但還是偏向法國那種「浪漫而潚灑」的打法（哈哈～文堅的
ｗｏｒｄｉｎｇ）上半場葡萄牙整體的攻勢佔優　　　
不過有韋拉、馬基利尼等穩札穩打的防守形中場喺度　　　
幾乎凍結了ｃ朗和迪高　　　
原本想着︰上仗因累積２黃停賽的迪高抖夠應該好生猛～今仗點解冇咩聲氣　　　
睇清楚～原來法國用了人釘人的戰述　　　連列貝利亦間中加入釘人行列
耐唔史會「照顧」到保列達的「需要」～杜明尼治呢招真係ｗｏｒｋ喎
葡萄牙真係要好好解決前鋒荒的問題
打第６場了～仍是用（應該話「只能用」）保列達作單箭頭
鍾仔話佢係葡萄牙射手，喺國家隊累積咗４０幾球
但觀乎其６場正選的表現，只想講３個字︰我唔信﹗
６場入了１球～旁述講的～我都冇印像佢
入咗邊１球相比之下～文尼捷和迪高早前的遠射精彩多了
葡萄牙要入波～只有靠這些後上中場啦
說到文尼捷（真的越看越有點像那個～）ｓｏｒｒｙ～我盡量唔因為他像
那個而心生厭惡吧
不過他那個笑實在好像～ｈｅｌｐ
～不過將阿叔的綽號「重炮手」用於他身上一點也不為過
他的遠射極具威脅性～比起近門起腳的保列達～對手們更應
防範文尼捷
原本一直為法國隊擔心的～因其攻擊力始終不及葡萄牙　
但上半場中後段～享利被對方的１６號喺禁區鈎跌　　　
我又要尖叫了︰十﹗二﹗碼﹗　　　施丹來料啦
鏡頭影１影列卡度又影一影施丹　　
好驚呀﹗列卡度識救１２碼架
如果呢球俾佢救到，佢事後又會話︰我望住施丹個眼神就覺得佢唔會入
（如同佢救了林伯謝拉加歷查的１２碼後說的話１樣）
球證吹雞後，施丹思考咗２秒，一踼
低角度近左柱入咗～～阿叔話佢踼得好冷靜　　　點為之冷靜呢～
我唔識睇　
錄起了呢場比賽，重看了施丹踼呢球１２碼３次　　　
仍是摸不清點界定佢係冷靜定緊張　　　
不過，總之佢入咗　　　功勞又再歸於亨利和施丹２人　　　
之不過，法國這次的勝利，沒戰勝巴西、西班牙時那麼漂亮就是了
因為唔記得係咪保列達喺禁區被剷跌　　　
球證少判了一個１２碼多葡萄牙　　　　
另在下半場，因為巴夫斯的犯錯，應該接穩的球又彈了在費高的頭頂上　　　
幸好費高竟然頂高了　　　
也許法國今天有點運氣


〔德國ｖｓ意大利〕
咁多仗來～側重於防守的意大利～難得這次攻得那麼漂亮　
大家都為德國抱不值～因為臨１１９分鐘才失球　　　
其實也沒甚麼好抱怨　　　
意大利在第１１９分前的兩記射門～
一中楣一中柱　　　均可令德國輸得的
這場的簡拿華路更讓人移不開眼睛（雖然得ｍｏｍ的是派路）　　　
如果那第１１９分鐘不失球　　　再打個３０分鐘～難道德國會ｓｕｒｅ　ｗｉｎ嗎
到第１２１分鐘～後備入替的迪比亞路再入１球～
這球是在德國後衛都跑到左半場希望扳回１球下，來的一個突擊
德國回防不及，才讓迪比亞路在無人看管下輕輕鬆鬆地射入　
之不過，迪比亞路又有波入了　　　ｈｕｒｒａｙ　　　

實在越來越鐘意奇連士文～賽事進行其間～如同一般教練～
面部表情、手部動作肉緊得不得了　　　
但比賽１完結～立時收斂起那份肉緊～冷靜無比地安撫隊中的年輕球員　　
好似爸爸咁
須知道～１場比賽的勝負～
教練所承受的壓力比球員們有過之而無不及
ｋｌｉｎｓｍａｎｎ～ｕ’ｒｅ　ｇｒｅａｔ～

>>July 9, 2006 at 11:43:47 AM GMT+8

2006 年 6 月 30 日 星期五 【晴】

今晚２場，賽前心情實在有點忐忑
因為我所支持的２隊都分別被睇低一線
特登打開報紙看賠率啦～唉～乜真係差咁遠咩

〔英格蘭ｖｓ葡萄牙〕
呢場係我唯一既一場，ｌｏｎｇ ｓｈｏｔ都可以認到大部分球員
賽前話英格蘭又係打４５１～單箭頭朗尼ａｇａｉｎ
我就諗︰咁死得啦～上似對厄瓜多爾，中場的５個人已經一片混亂
都唔知點分工好～同朗尼斷晒欖
喺我因為佢的４５１而睇低佢一線既時候
點知今次的４５１又ｗｏｒｋ喎～
今次中場的５個人～林伯、謝拉、碧咸、祖高爾同唔記得邊個
啲走位靈活咗好多～大家都打出默契來
你走咗去嗰度咩，我咪返過來頂住囉
自決賽週以來，看過英格蘭的５場賽事
呢場係最有組織的１場
雖說英格蘭人材輩出～粒粒巨星
但當他們走在一起～話就不是這麼說了
同埋就係英格蘭今仗的後防亦很緊密
泰利掂就唔駛講～竟然連里奧費迪南都回勇了
緩衝咗葡萄牙方面的不少攻勢
今仗先見里奧掂咁多次波
咁頻頻聽到佢個名喳
唔通英格蘭真係所謂的適合打逆境波
＞碧咸傷出、朗尼紅牌被逐（此人係時候要受下教訓了）
形勢都冇一面倒
不過搞到高佬泉又有機會出來～
另外，賽前聽到啲技術統計，話羅賓遜的傳球命中率係眾門將之最～差
基於好奇～今仗佢每次傳送我都留意住
呵呵～發現佢出地波多～唔敢大腳啦～咁咪準啲囉～笑ｃ人了
講咗咁耐英格蘭．．．．．．都係講番葡萄牙先
ｃ朗又獨食了～早前看過他的訪問～
話喺曼聯佢學識咗同人哋協調～
都唔係既～你咁唔得喎，小朋友～（仲有少少擔心佢返到曼聯唔知會點）
今仗既葡萄牙腳勝在夠平均～唔覺得有邊個特別突出
大部分時間喺左路既費高又冇乜大發揮
之前有場有球遠射入網的文尼治今仗都有兩次既遠射，射得算不上肉酸，但不是漂亮到足以入網就是了
至於保列達更係場場正選場場無表現～
反而一向都不太留意的戴亞高今仗表現較突出～
如果要選葡萄牙這方的最佳球員～那就是列卡度吧
是個比較穩健的門將～由決賽週至今只失過伊朗的１球
今晚的互射十二碼時段更為突出
撲救出林伯、謝拉、加歷查的十二碼（４球救出３球～ｃｒａｚｙ　Ｒｉｃａｒｄｏ）
我就最鐘意睇門將表演啦～看過２００２世界盃後
就喜歡了卡斯拿斯、巴夫斯、簡尼和川口能活
至於今屆呢～就減去卡斯拿斯，新增一個列卡度吧
這場有２個表情令人好深刻︰
１．林伯的十二碼被撲出後，鏡頭影住謝拉一副天要塌下來的表情
　　（你個樣已經夠悽了，加埋呢１號表情～好想幫佢打９９９）
２．泰利的痛哭～對唔住呀﹗看到這１哭，令我覺得葡萄牙的勝利係一件好唔人道的事

（～唉﹗跟法國ｖｓ西班牙那場一樣，雖然我希望葡萄牙，但也不想看到英格蘭輸）



〔巴西ｖｓ法國〕
如果你睇到呢度～請告訴所有你認識和不認識的人︰
施丹（１０　Ｚｉｄａｎｅ）成了２００６世界盃８強賽事～巴西ｖｓ法國～
的 最佳球員（ｍａｎ　ｏｆ　ｔｈｅ　ｍａｔｃｈ）
仲係有４．７粒星（一般只係３尾、４頭的）
通常啲球員喺球場上賣弄腳法～都會俾人華而不實的感覺～就好似ｃ朗咁
但係施丹今晚好幾次都顯出功架～又華又實架
嗰啲心口控球，左右大脾交替、頭鎚、扭波、好真的假動作～今晚全部睇到晒
好似全身都識踼波咁～好得人驚
同埋我最想見到的場面今晚見到啦～感動到想ｃ～
０：１～數字唔係最緊要～而係嗰個「１」背後，
係由施丹踼出的１個自由球，再由亨利抽射入網的
～救命呀～我頂唔順了﹗
今晚要錄起個ｈｉｇｈｌｉｇｈｔ得閒回味下至得
法國今晚的組織比起上一仗對西班牙的好更好了
中場除咗有施丹外，仲有決賽週表現一直都好突出的韋拉策動了不少攻勢
所謂的「中場大腦」，法國又何止一個
又因為有後方的杜林、艾比度呢啲好人喺度，前面可以無後顧之憂咁去波
（咁啱今早就喺ｏｋ中了法國３號-艾比度的麥嘜貼紙）
每１個人各司其職～都能夠發揮效用
除咗被寄寓厚望的～列貝利
呢個人場場正選～好沈寂咁打３場～
又打１場好既令你刮目相看令你覺得你之前怪責佢係你唔啱你唔識嘢～
點知又再沈寂１場
唔好爆笑啦
反觀巴西～巴西之前打的４場都俾人一種你急佢唔急的感覺
一副贏硬的格局
可能係輸在抽到支好簽（對﹗得好簽對他們來說或許不是好事）
之前的對手分別是日本、克羅地亞、澳洲、加納～當中只有克羅地亞的往績較佳
比賽當練波你吹佢唔脹
不過今仗唔係咁啦～佢哋一開始就一副戰鬥格
連平時好冷靜的卡路士～今仗上半場開波後都肉緊非常
之前有幾何見佢哋呢啲兇狠表情，見呢啲粗野攔截同推撞？
不過今仗的ｋａｋａ好似有啲睇頭
摩打腳攻門～好幾次都看得我提心吊膽
至於大細二哨都好似冇咩發揮～
雖說朗拿度漸入佳境～但咁多仗都未見佢回復最ｔｏｐ時的狀態～遺憾啊﹗
又再看到羅賓奴出場啦
每次看到佢都幾開心既～其實巴西都幾多開心果啦
充滿住活力的羅賓奴～期待２０１０再看到他呢




（有關上述兩場賽事，噢３，如果你唔主動講；最多我唔出聲啦﹗節哀順變﹗）

>>July 2, 2006 at 10:35:52 AM GMT+8

2006 年 6 月 29 日 星期四 【晴】

８強啦８強啦８強啦

〔德國ｖｓ阿根廷〕
因為某啲不方便告人的無聊原因，今場我要支持德國
實質上，兩隊我也麻麻
波歷克係今場的最佳球員，但觀乎其表現～未有甚麼突出的地方～唯有歸因於兩個字＞勤力
始終覺得德國的國腳都好似由同一個模子倒出來
個個都係轟炸機～只係金色和黑色之分
好似缺乏咗啲人性～
反觀阿根廷～跌宕多了
眼神同謝拉特同樣「淒美」的列基美
今仗顯得更慘
他的太極特性～以柔制剛～今次好似派不上用場～下下被對手纏擾着～
少咗嗰啲殺你一個措手不及的傳送
蘇連成了被嘉燕針對的對像～
我覺得阿根廷那件作客球衣比起間條球衣和諧多了～雖然我平時頗喜歡間條
相信柏加文第３次換人時～無論阿根廷還是非阿根廷的球迷都失望ｃ了
美斯冇得出﹗﹗﹗
總覺得美斯有初出道之奧云的影子
喺你無無聊聊抹緊眼鏡跟少個畫面２秒時
佢就無端端入咗１球～
你就不停嗌住話快啲重播～
還有一個人要談論１下的～甘比亞素
每次跟嘉燕談到他，都有嘲笑的成份的～我道歉
今晚看到他射失阿根廷的第４球１２碼形成４比２無可勉救的局面時
他掩面痛哭了～如此這般可憐～任何半句的嘲笑都變得殘酷無比
這仗我所針對的是麥斯洛迪古斯～又係因為某個不可告人的無聊原因
兩隊互射１２碼時～我又暗地裏跟列文說
列文，如果你做到嘢，我就唔再咁討厭你啦～唔再咁鄧簡尼唔抵
呵～我這個趨炎附勢的人得呈了～

〔意大利ｖｓ烏克蘭〕
哎也．．．．．．看了１０分鐘就瞓天光了～
．．．．．．錄ｈｉｇｈｌｉｇｈｔ看ｈｉｇｈｌｉｇｔ補數
賽前，同事們在公司談論時，都話︰會睇埋２場呀，不過驚意大利嗰場好悶。
事實上，應該也是場悶戰～完全唔似大賽的踼法
意大利的３球都取得很輕易～烏克蘭後防的漏洞實在太大了
一有罰球開出，就叫糊咁濟
不過平時擅於防守的意大利今仗就不時出現漏洞
輸０球只是有運行同埋有保方～你看烏克蘭中楣中柱的２球～完全係輸得的
自從１６場的賽事以來，最唔駛為輸的一方難過的～
看來就是這１場囉～烏克蘭超額完成～輸也輸得開心過人吧
還有舒夫真高的一句︰現在，我開始支持意大利啦﹗

>>July 2, 2006 at 9:40:36 AM GMT+8