2005 年 1 月 24 日 星期一 【晴】

今日晏晝約左greg食飯呀!!! 好耐無見lu, 佢依然無變!!! haha!!! 原本alan同sunny都一齊, 不過sunny臨時有事join唔到呀!!!

好耐無返過CWGC lu, 仲要係new building整好後第一次去呀, greg仲帶我同alan參觀tim r!!! 中途撞到miss chow, 佢竟然搵我地幫手做d computer work for呢個open day, 原來friday 同saturday係CWGC 既 21th annivesary 兼open day!!!! 我仲見到非常耐未見過既vicky chan呀!!!

同greg去左新大利食lunch, 都傾左好多計呀!!! 跟住返番cwgc後, sunny到左唻join我地!!! 然後我, alan, sunny三個去新computer room 幫miss chow手, 當然仲有vicky啦!!! 不過我只係行行企企, 因為我唔識用flash同dreamwaver!!! haha!!! 所以幫唔到手!!! 做左一陣, 我仲同alan落左去搵volleyball打!!! 當然係去"癡"波打啦!!! 終於完全明白點解cwgc到依家都未有番volleyball team, 有既話真係失禮, 因為無個掂!!!!

我地都打左成個鐘呀, 留低sunny一個做真係幾衰呀!!! 返番上去又做左一陣, 都7點幾喇, 好似仲有好多野都未掂!!! miss chow話saturday夜晚個餐飯請我地食呀, 嘩!!! $150一個架!!!! 個晚會o係cwgc既hall度大排延席兼有show睇!!! 當然我地係要付!啦, 就係呢幾日同open day都返去幫手啦!!!! 不過橫掂都無野做, 返去傾下計, 玩下又唔錯呀!!!! (餐飯係未firm架!!!!!!!!!)

返去見到個個miss, sir都好忙呀, 想搵多幾個傾下都傾唔到, 只係得mrs leung同咸蛋黃jar.....
呢幾日如果返去要再努力搵下先得!!!
校長真係唔做喇!!! 接替既人預計唔會係校內既老師呀!!!

>>January 25, 2005 at 5:27:29 PM GMT+8

2005 年 1 月 23 日 星期日 【晴】

尋日下晝又去左UST打沙排, 真係越唻越覺得個場正!!!! 一開始得3條友打, 跟住alf先到, 2Vs2, 超爽!!! 打到6點左右, 佢地清埋我d鳳梨酥之後就出尖沙咀去gathering喇!!!

尋晚又唱左晚通宵K喇!!! 估唔到尋晚既7B gathering 會有18個人出席咁多呀!!! 原本諗住一齊食飯, 最後演變左去唱K buffet呀!!!(我有份提議架!!!) 都唔錯呀, 地方又大, 不過可能我地好耐無見啦, 初初都有d悶架, 但係當飲完一打酒之後, 半夜只係得番我, stanley, 駒, brian, johnny, racheal 6條友既時候, 我地就開始發晒癲喇!!! o係度狂爆d勁歌, 超high呀!!! 酒既影響力真大!!! haha!!!!

再過左一陣, ryan返番唻join我地, 但係無幾耐又走多幾個, 最後2點幾得番3條友!!! 我, stanley, ryan!!! 我諗住早d清左條數先啦, 點知唔岩數wor!!! 左計右計都應該有錢多架, 依家反而唔夠找數, 變左飲酒既人又要分埋d尾數, 好苦呀!!! 邊個走數咁無品呀!!!!

3條友o係間大房度唱, 越唱越凍呀... 又話唱到6點!!! 頂, 唱到4點鐘就俾人cut左歌wor!!! 我地賴死唔走, 講真, 4點點走呀!!! stanley 8:30又返學!!! 好彩有波睇wor, 一路睇睇到6:00呀, 期間不下十次有人唻裝我地走未!!! haha!!! 走個時發覺我地係唯一未走既客!!!

跟住又去埋食早餐先走呀!!! 返到屋企9點lu!!!

>>January 24, 2005 at 6:41:53 PM GMT+8

2005 年 1 月 19 日 星期三 【晴】

今日又係入科大打波喇!!!! 好爽呀!!!!
雖然人少少只係得sunny, alan同佢地一個friend, 不過今日既天氣打波好舒服呀!!!!!

打到4:30左右, alan同sunny 陪我出旺角買魚魚呀!!! 超感動呀!!! 真係thanks you晒喇!!!! 我買左紅蓮燈同埋熊貓仙呀!!! 好靚呀!!!

今晚同唔到佢地打warcraft tim!!! 失望!!!!

>>January 20, 2005 at 7:52:08 PM GMT+8

2005 年 1 月 18 日 星期二 【晴】

等我補番台北遊既details啦!!!

~~13/1 (Thursday)~~
一早8點鐘準時就到大圍去join Autumn & Astro喇!!!
點知去到又見唔到autumn, 另外又俾祼泳老點左巴士站既位置!!! 可能係我地被老點既序幕!!!

去到機場10點多d, 佢地坐長榮11點半, 而我坐港龍12點50!!!
大家一齊check-in左之後, 就去左McDonald's食早餐喇!!!
發現早晨全餐原來同豬柳蛋無分別架!!!
送左佢地入禁區之後, 我要一個人坐成個幾鐘呀!!!
好彩有電話呢樣野陪我過左一少段時間!!!

到左台北中正機場, wah!! 咁細既!!!
佢兩個同樣o係機場等左我個幾鐘啦!!!
2A其中一個又話去過台灣lor, 點知搵巴士時俾人老點左上樓上既離境大堂!!! (即到即走??)
最尾我地坐巴士去到台北車站, 然後打的到西門町既一樂園 -- 我地既竇!!!
間房比我想像中好好多架喇wor!!!

1600 出發勁掃西門町先!!!
排骨大王: 排骨飯,炸魚飯,炸醬麵同埋蛋花湯(260)---- d飯加左d醬汁同配料, 簡直係極品!!!
街邊串燒大墨魚同花枝丸(110)---- 加左d醬油實在太正!!!
天仁茗茶既珍珠奶茶同凍烏龍茶(95)---- 個sales介紹既凍烏龍茶果然係招牌貨, 真係凍到入心, 正!!
Dobos既營養吐司(20)---- 竟然無端端買包食, 仲變左做宵夜!!!
三媽的臭臭鍋: 大腸臭臭鍋---- 名副其實, 臭的!!! 其他配料都ok, 不過d豆腐就... 我吞唔落lor!!!

跟住搭捷運到公館!!
又俾2A老點行左唔知去邊, 我只知沿住台北大學一直行!!! 又落大雨wor...
個刻醒起joefi個哥唔知會唔會就係讀呢間呢??
而Astro途中更被冠以"高級老點主持雞"之名!!!
跟住行番轉頭時遇到一pair好好人既男女(男既推住單車, 女既企o係旁邊, 我覺得佢地係情侶呀!!)
問佢地點去公管夜市, 個男既超好人, 超友善!!!
個下我覺得個女既有個咁好既男友一定好幸福!!! (我唔會係gay卦?!)
經過一條街見到一間簡陋既shop排晒長龍!!! 咁我地當然唔執輸排埋一分睇下係食咩啦!!!
原來係車輪餅(20): 紅豆, 奶油---- 好似普通左d wor....
排緊餅時見到間青蛙包二奶同埋....靚靚sales, 咁當然要幫襯啦!!!
青蛙包二奶同埋青蛙包仙草(60)--- 好淡wor!!! 唔通外表靚既女仔都鐘意呃人既??
想同佢映相架, 不過佢走開左呀, 只係岩岩入到相....haha
再行左一陣發覺無咩特別就走lu!!!

2100 捷運返西門站
冰糖草莓(30)---- 幾得意wor, 值得一試!!!
跟住又一好女子出現喇!!!
話說我當時落住大雨, 手持呢個地圖正想搵阿宗麵線,
點知吸引左一名妙齡少女走唻問我地係唔係搵路!!!
wah!!! 我都未出口, 佢就開口先, 台灣既女子咁主動既?!
佢仲冒住大雨帶我地去到, 仲教埋我地要落少少spicy sauce先至最正!!!
阿宗麵線(50)---- 我唔明點解無位坐都咁多人食lor, 無咩特別je, 我唔識欣賞呀!!!
2300 到左招牌係三兄妹, 但係櫃枱寫三兄弟既甜品鋪!!!
豆花豆奶爽,豆花+湯圓,綜合燒仙草(110)---- d湯圓同豆花都好好食呀!!!
正步出三兄妹(弟?) 時, 一對女子又無端端撩我地傾計!!!
年紀大d個個, 不斷叫我地跟佢去一間shop度free去整走d暗瘡!!!
(不過要成個月先得呀, 我地唻四日渣, 唔好玩啦!!!)
然後又不斷介紹地方我地去, 好可惜佢講個d place我地一個都無諗住去!!! haha!!!
佢仲讚我地普通話好tim呀!!! 而且臨走前佢仲諗住請我地食野tim, 最後我地都推左!!!
台灣人好客, 熱情到咁既?? 香港人真失禮!!!

第一晚完左, 之後沖晒涼就mark番今日行程同plan聽日行程喇!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~14/1 (Friday)~~
0800 起身
0910 老董牛肉麵: 紅燒牛肉麵+紅燒牛筋油豆腐細粉+蒸餃(360)
---- 大大碗, 我覺得d麵幾好食wor, 油麵同粗麵合體版!!! 不過佢地就話個湯同牛肉都好淡呀!!!
間鋪我地入去時連燈都熄埋架!!! 唔知係唔係我地太"早"食早餐呢??

1000 出發去九份喇!!! 由台北車站坐火車去瑞芳再轉公車上九份!!!
我地坐1030往花蓮既自強號去瑞芳!!! 下, 人手前"飛"?!
車到喇, 我見到D人車都未停定就開住門企o係門邊準備落車, 好羨慕呀!!! 我都想試呀!!!
入到火車原來要跟位坐架wor!!! 呢大半個鐘車程, 我就當然係....訓左啦!!!
不過有人訓得仲勁!!!! 拍幾廿次先醒!!!!hahaha!!!!

1115 到瑞芳!!! 問左兩個學生妹妹點搭車去九份呀!!!hoho!!!
公車要俾散紙wor, 我見前面個個女仔手持一張$100,
司機見到揮下手叫佢上車, 咁就錢都唔使俾喇!!!
我臨急又搵唔到散紙wor, 同司機講欠$10又得wor!!! 基隆公車真抵坐!!!
點知上到車後悔喇!!! 個司機原來係癲架!!!!
我坐o係車尾坐高左, 所以直望車窗好清楚!!! 望住個司機唔收break左轉右轉咁上山!!!
個時仲o係落緊雨架!!! 山路又窄!!! S-turn完接住快速U-turn兼且過晒隔離線!!!!
如果有對頭車又係咁衝既話, 我諗我同大家講左byebye喇!!!
加上九份既新聞(其實我o係個日先知!!!)!!! 今次真係難望既經歷, 唔怪得抵坐!!!
真佩服個司機既"技術"!!!

1130 到左九份喇!!! 大風兼大雨!!! 不過落雨既九份的確又幾特別既!!!
經過一間精品店, 我同astro都有出血呀!!!
然後經過一間叫"張師傅餅店"既鋪頭!!! 個sales勁好人超好人!!!
初初佢俾左鳳梨酥我地試, 我地都決定左買, 一直佢都同我地勁好傾!!!
我地只係買左少少, 唔算多!! 佢竟然都盛意拳拳請我地食芋頭酥!!!
跟住我地兩次再返轉頭再出血俾佢, 佢又請我地試食其他野, 又俾discount我地!!!
唔單止咁, 佢又介紹我地去邊間麵店, 又教我地點離開九份最方便!!!
佢唔清楚去台北既公車時間, 仲專登幫我地過隔離鋪問人地!!!
咁既服務態度, 我身為香港服務業既一份子, 真係汗顏!!!!
同佢傾左好耐, 最後我地話一齊映相, 佢就介紹張師傅我地識!!!
而原來佢就係張太太!!!!!失敬, 失敬!!!!

食阿柑姨芋圓(30)---- 好似紅豆沙既味lor, 對我唻講就普通好食啦!!!
原來佢地個雅座係要穿過佢地既屋企既廚房同飯廳!!!
我地經過時有d公公婆婆食緊飯睇緊電視, 而我地就要捧住碗芋圓o係佢地面前經過!!!
佢地可以當我地透明架!!! 厲害!!!!
所謂既雅座, 因為大雨, 乜境都睇唔到!!!
張太太介紹既九份老麵店: 牛肉麵+貢丸麵(110) ---- d貢丸真係幾好食架!!!!
阿雲阿婆魚羹: 魚丸湯+魚羹湯(90) ---- 值得一試啦!!!!

跟住1400左右就走喇!!! 我地要去搵巴士落忠孝復興站!!!
以為向山下走啦!!! 點知離遠有一男子問我地係唔係坐公車, 佢話行上去先岩!!!
oh...又一好人主動申出緩手!!!
上到車, 發現呢個係一個盡責既司機, 咁就安然咁去喇!!!!
係去訓覺, 因為要坐成個幾鐘架!!! 我係最識爭取時間既人呀!!!

之後由復興坐捷運再返番西門!!!
上酒店放低戰利品又再出發喇!!!

首先又去行西門町!!!
胡椒飽(30)---- 抵食至極!!! 唔知係唔係肚餓呢, 個飽超正!!!!
廖嬌: 魯肉飯, "老"鵝米,大腸同埋腐皮卷(380)---- 頂!!! d野係ok既!!! 但係又細碟又貴!!! 唔抵死至極!!
牛乳大王: 木瓜牛乳+奇異果乳酪(130) ---- 可能我唔使補啦, 始終覺得奇異果乳酪好飲d!!!

1800 出發去士林夜市
1900 到劍潭站, 發現有免費車直去美麗華!!! 咁當然要去一去啦!!!
去到就直摌上去摩天輪!!! 買飛先!!!
男賣飛員問: 你們是不是學生??
我反問: 不是台灣學生可以嗎??
在旁既女賣飛員插口講: 你說你是學生就可以了!!!
三把聲不停講: 是..是..是..是學生!!!!
咁就買左優惠飛喇!!!
(點解我上次去沙田UA睇功夫, 我話我係學生都唔可以買discount ticket既??
香港人祈視外國學生!!!!!!!!!)

上到摩天輪, 好得意呀!!! 其實我咁大個仔第一次坐大既摩天輪架!!!
o係入面梗係兩邊走, 等佢搖下搖下先好玩架麻!!!
後面cage個d人望住我地笑wor, 有咩好笑wor!!!

2030 坐番免費車落士林夜市
架車細架左, 好彩岩岩上到車, miss左就要等半粒鐘架喇!!!
Autumn仲有幸做司機太太(坐車頭呀!!!)

一到士林就未停過食喇...
1. 豪大大雞扒(40) ----- 真係好大塊兼好食!!! 排長龍都抵!!!! 點解少辣都咁辣既??
2. 芒果& 草莓綿綿冰(200) ----- 老闆娘介紹既草莓味真係好食d!!! 佢話自創架wor!!!
3. 花枝羹同埋蚵仔煎(90) ----- 花枝羹ok呀!!! 而蚵仔煎好似好食d呀!!!
不過最大既發現係: 師傅著既係--緊身現底及"失"牛仔褲!! 真潮!!!
4. 大餅包小餅(30) ---- 我揀左花生味!!! 真係好好食, 不過就油左d啦!!!
5. 綜合棺材板(40) ---- 睇個名真係估唔到佢係塊麵包!!!! 又有肉又有沙律, 咁當佢主菜定甜品呢??
不過味道又唔錯既!!!!
6. 臭豆腐(30) ---- 入到去只食一碟臭豆腐, 幾驚俾人打呀!!! 好彩個老闆同我地玩je!!! 味道一般!!!
7. 青蛙下蛋(35) ----極似凍檸茶, 除此之外, 無其他feel!!!
8. 豬血糕(20) ---- 一生一定要試一次, 不過一次就好喇!!!
9. 胡椒餅(40) ---- 我食左少少渣, 不過好似西門町個個好食好多!!! 呢個太少餡!!!!
10. 小可愛香腸(40) ---- ok呀!!! 一啖一粒幾好食呀!!!
11. 波霸奶茶(30) ---- 飲完發現到台灣奶茶既特色!!!! 多奶, 多珍珠!!!
唔通台灣d茶葉貴?? 定係奶同珍珠可以隨街執??

除左食, 我地都o係士林出左唔少血買野呀!!!

2340 盡興而歸!!! 搭捷運時間又係訓覺既時間!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~15/1 (Saturday)~~
0930 起身
梳洗完畢之後就向永康街進發喇!!!

1030 落到酒店lobby, 問下reception d人點樣去永康街最快最方便!!!
估唔到係搭的的最抵, 點解尋晚度行程時無諗過的的既??!!!
一出酒店門口就見到一架的士停左o係度, 好似一早call定咁!!!
勁正, 唔使自己搵的士!!!! 個的士佬又幾好傾wor!!!!

搭的的直到永康街鼎泰豐總店!!! 點解我硬係覺得鼎豐泰係順口d既呢??!!!
去到好彩唔係好多人je!!!
入到去個感覺好pro呀!!! 做野既好多, 而且個個都好忙既樣!!!
入面既裝修係我地暫時去左咁多食肆之中最好呀!!!
我地被帶到上三樓食!!!
原忠雞麵, 排骨旦飯, 小籠包, 糯米燒賣(750) ---- 小籠包真係好正, 抵佢出名!!!
不過個糯米燒賣就又貴又滯!!! 食左唔係多野, 不過就好飽喇....
點樣再戰呢?? 仲要呢條永康街係食街泥tim!!! 唔通就此放棄??!!!

天無絕人之路!!! 我地食完鼎泰豐之後行行下竟然搵到個新天地!!!
就係永康公園喇!!! 入面居然有室外健身設備!!!
設備唔多, 只係兩件, 但係就足以令我地消磨好多時間同肚入面既食物!!!

跟住又行左陣, 然後就去左食刀削麵!!!
炸醬麵, 牛肉湯(110) --- 唔係佢唔好食, 可能係我地仍然好full, 呢一餐係全程食得最辛苦既一餐!!!
發現原來台灣人真係好八架!!! 我地一路食, 一路睇住個TVBS新聞台!!!
馬英九流淚, 偷拍男女街頭打交.... oh..無聊...

食飽飽諗住出返大街搵車去101!!!
eee... 一出大街就見到101喇wor!!!
於是我地都諗唔會好遠je, 就決定行路過去喇!!!
行左無耐就見到義美, 咁就又入貨喇!!!
而由呢一刻開始我就"賴"野喇!!!
d蛋糕放晒入我背囊, 行左唔知幾多路lu... 真係唔輕架...
行行行.... 一條長長既直路!!! 不過行極都未到101, 明明見到架麻!!!
我地期間入左個公園度行, 咁岩撞正花卉展覽wor!!!! um...問心, 香港個d好好多!!!
最後足足行左成個鐘, 不過天氣好, 又唔係行得好辛苦既!!!
而不知不覺原來我地行左四個捷運站!!!
忠孝新生------>忠孝復興------->忠孝敦化-------->國父紀念館站

1400 到101, 諗住可以上下去個個觀光既頂樓啦, 話晒全台灣最高wor!!!
點知要19號先對外開放!!! 混吉既!!!!
然後就行去New York New York!!!
跟住再去新光三越!!!
eee...發現有function wor!!! 好多camera映住個台!!!
我地當然唔執輸走去睇啦!!!!
cher...個明星都唔識既!!! 都唔知佢乜水!!! 但係我俾人迫左去映佢相... 好白癡呀!!!
希望佢紅得起啦, 咁張相就值錢喇!!! 另外仲有d 天使姐姐, 著得咁少真係戥佢地凍!!!
New York New York同新光三越跟香港既Sogo有咩分別呢??答案係無, 一樣悶到想死!!!!
原本101同新光三越都有Godiva架wor!!!

跟住行行行, 行到去捷運市政府站, 因為我地要向淡水進發喇!!!
要o係未日落之前趕到去呀!!!
要搭捷運成個鐘呀, 又係訓覺既時間!!!

1630 終於到淡水!!!
真係完全估唔到會見到咁靚既日落!!!
因為今日太多雲喇, 又驚會落雨!!!
點知一到淡水好似另一個世界咁, 出奇地見到大大既咸蛋黃!!!
映左一輪相之後就行去搵船坐去漁人碼頭喇!!!
wah, 隻艇拋得勁犀利, 又大風wor!!! 超激!!!

到左漁人碼頭已經唔見太陽, 越行個天就越黑喇!!!
景色真係唔錯唔錯!!! 不過... 點解見親d人經過都係一pair pair既...
個段時間你估我諗住邊個呢?? haha!!!

離開靚靚而浪漫既漁人碼頭, 又返番去人多野食多既淡水喇!!!
1. 炸蝦卷(30) ---- 一般貨色啦!!!
2. 阿媽的酸梅湯(25) ---- 出乎意料之外既味道, 原來係話梅味架!!! 值得一試, 不過試過就算!!!
3. 大腸包小腸(40) ---- 一種幾難進食既食物, 我就覺得小腸好食d, 大既糯米腸怪怪的!!!
4. 淡水魚旦: 魚丸湯+雲吞湯(90) ---- 味道不錯呀, 丸好食, 湯好飲!!!

o係淡水人人都有收穫呀!!! 我一睇到d陶笛就覺得好正, 好鐘意呀!!!
最後我地個個都買左呀, 不過各有各目的既!!! haha!!!!
1930 要離開淡水啟程去敦化喇!!!

2030 到敦化, 比想像之中無咁熱鬧!!!
周圍漫無目的咁行!!! 終於搵左一間街邊檔食甜不辣!!!
甜不辣, 大腸麵線, 臭豆腐(130) ---- 抵食到爛啦!!! 甜不辣同臭豆腐勁好食呀!!! 極品!!!
抵等左咁耐位呀!!! 好記得個細佬諗極都諗唔到辦法俾位我地!!!

又行左一輪, 真係齋行, 當幫助消化!!! 然後就去茶掘出軌!!!
Autumn既布丁奶茶, Astro既摩卡咖啡, 我既"樽"子奶茶(360) ----
間野格調真係唔錯既, 算係一個傾計既好地方!!! 不過我就覺d野飲好貴喇!!!
期間教下astro猜枚, 同佢兩個debate下咁啦!!!

2330 離開敦化返酒店!!!
o係酒店到放低d野又落去西門町最後衝刺喇!!!
大熱狗(40) ---- 同CWGC個d一樣架, 不過佢有埋個d特別醬油, 真係好好食呀!!! 不過略貴wor!!!
一口小香腸(30) ---- 又係細細粒既賜, 亦屬住品!!!
肉鬆蔥抓餅(30) ---- 唔覺唔覺, 橫掂經過買唻試下!!! wah!!! 出奇咁好食!!!! 一流呀!!!!

食左好多野, 最後當然去7仔買野解解渴啦!!!
我地都專登買台灣野飲架!!!

返到房原本話通頂, 最後無 人捱到呀, 不知不覺咁訓晒lu!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~16/1 (Sunday)~~
Last Day喇!!!!
0900 起身!!!

早餐係去死鴨肉扁!!
一碟鴨, 兩碗米粉, 一碗麵(240) ---- 好正wor!!! 唔怪得佢d鴨出名啦!!!
d湯超勁好飲呀!!! 超好味呀!!! 應該係熬左好耐架喇!!!
所以一碗淨米粉或者麵都要40蚊呀!!!

跟住既時間就係astro最後掃貨既時間!!!
既去左老天祿買鴨舌之後, 又要去黑橋牌買野!!!
經過行人專用區既一個十字路口, 見到set好晒台有show睇!!!
不過好可惜我地好快要走, 睇唔到喇!!!

臨離開前, 我地最後買左杯熱珍珠奶茶, 都唔錯呀!!!!
跟住仲買埋麵包諗住上車食!!! 不過唔記得左食!!!

1200 check out喇!!! 坐的的出返台北車站再轉巴士去機場!!!
就係因為上到車又訓, 所以無食到包呀!!!
最後就o係機場度攪掂左佢地!!!!
我坐3:00機, 佢地4:30左右, 佢地送左我上機之後仲要等多個幾鐘呀!!!
haha...真係thank you晒兼唔好意思喇!!!

旅程就此完結喇!!!!

____________________________________________________________________


我upload左台北d相上網喇!!! 由於個photo album 既capacity有限, 所以都只係盡量揀d好既出唻(其實只要係有我出現既相都係好架喇, 所以真係好難揀!!! haha!!)!!! 大大話話我地o係四日入面映左四百幾張相呀!!! 所以show出唻既可能只得十分一呀!!!

http://hk.photos.yahoo.com/kining_boy

>>January 21, 2005 at 9:45:29 AM GMT+8

2005 年 1 月 17 日 星期一 【晴】

收到terence既email回覆, 佢話今個月既roaster (roaster??? roster丫麻!!! 唔清楚點串就查下字典先啦!!! 真失禮!!!) 出左wor, 今個月我唔使返wor, 下個月會再安排wor!!! 食屎啦!!! 上個月佢咪又係左改右改改左幾百次!!! 算數, 我自己又衰在無早d send email俾佢既!!! 咁我呢十日有咩做好呢??

>>January 18, 2005 at 4:49:52 PM GMT+8

2005 年 1 月 16 日 星期日 【晴】

完成左四日既台北之旅喇!!! 一個不算辛苦既旅程, 而且真係日日都食, 食, 食!!! 粗略估計呢四日係食左過三十樣大大小小既野食架!!! 真係好厲害!!!

第一日: 西門町, 公館
第二日: 西門町, 九份, 士林
第三日: 永康街, 市政府, 淡水, 敦化
第四日: 西門町

食左咁多野, 最好食既我覺得係排骨大王既排骨飯既飯!!! 一流!!!
去參觀既地方唔多, 不過最正既的而且確係淡水既漁人碼頭!!! 日落同夜景都真係幾正!!!!

呢幾日, 發現到台灣人真係得, 條街無咩垃圾桶, 但係條街都可以好乾淨!!! 台北既厠所更加好香港幾百倍!!! 最最最得意既地方係佢地超好人(或者係我地超好運, 頻頻遇上好人!!!)
九份鳳梨酥既"張師母"係第一大好人, 請食芋頭酥, 介紹我地去邊間食麵, 俾discount, 教我地離開九份!!!
跟住有o係西門町落住大雨都仲帶我地去阿宗麵線既姐姐!!!! 係佢見我揸住書搵路, 主動問我地去邊架!!!
西門町"三兄妹"門口既兩個女人, 深夜時份撩我地講野, 不斷介紹地方我地去!!! 仲不斷同我地講如果我地留耐d, 佢可以帶我地去一間舖頭free去除晒d暗瘡tim呀!!!!
o係九份搵巴士站時, 好彩有個哥哥嗌住我地話巴士站o係上面!!!

或者遲d加番個行程表啦!!!

>>January 16, 2005 at 5:34:44 PM GMT+8

2005 年 1 月 11 日 星期二 【晴】

好野, 終於有糧出喇!!! 尋日下晝teresa打俾我話可以過數, 亦同時叫我2月返工!!! 如果有得揀, 我會選擇去幫alex先lor, 不過好可惜又俾teresa快左一步!!! 唉...命苦呀.... 只係返得幾日....

原本二家姐個度都請人架, 不過佢個度有時一日只係返4-5個鐘, 返咁遠好似又唔太化算咁!! 而且好似又幾急要人, 呢幾日我走左搵唔到我, 怕且都無架喇!!!

尋晚上alan屋企借碟, 先知佢原來上年大病左成個月, 仲要係大大大大病tim!!! 咁就真係要搵我打番多d波先得喇!!!

聽日就出發去台北喇!!! 我會玩得happy d同埋一路順風架喇!!!

>>January 12, 2005 at 3:38:27 PM GMT+8

2005 年 1 月 7 日 星期五 【晴】

今日同alan, alf, amos三條友12點幾入ust, 食左少少野之後, 就開始大戰喇, 就係沙排喇!!! 從來都無諗過打沙排會打到攰成咁....真係好攰好攰!!!! 打左半個鐘左右已經索氣喇!!! 一直打, 都打左一段仔時間sunny同paul先到!!!

扭親隻腳指公呀... 仲以為無咩野, 死撐打落去, 點知腫左喇.... 而且可能好耐無打, 兩隻手臂又腫又痛!!!!...好似攞苦唻辛咁, 但其實真係好正好正呀!!! 好耐都無試過打得咁爽喇!!! 幾痛都值得呀!!!

終於都firm左thursday出發去台灣喇!!!!!

>>January 8, 2005 at 5:53:21 PM GMT+8

2005 年 1 月 6 日 星期四 【晴】

今日既gathering簡直慘不忍暏!!! d人一個一個咁唔出現!!! 可惡!!! 我去到旺角, 竟然只係得kevin一個, 跟住kenneth要遲唻, alice電話唔通!!! 無奈.... 好彩最後都有4個人(我, kevin, kenneth, alice).... 今次只係得短短既打邊爐時間, 下次要唱埋K!!!!

Monday firm埋之後就真係可以去台灣玩喇!!! 今次會同astro+autumn去呀!!! the coming thursday - sunday!!! hope that it will be a great trip la!!!!

做漏左d野呀.... miss埋tim r.....

>>January 7, 2005 at 4:47:17 PM GMT+8

2005 年 1 月 5 日 星期三 【晴】

今日同Joefi唔單止食dinner仲睇埋<<功夫>>tim呀!!! 事緣尋晚打俾佢諗住confirm時間地點啦, 點知佢講起不如睇戲, 咁我又一直都有d想睇功夫既, 一講出唻, 點知佢都有興趣wor!!! haha!!! 兩個out左既人到依家先睇功夫!!! 不過原來都有好多人睇tim架!!!

我都話左快過joefi到UA架啦!!! 之後去和民食, 食完仲要行多成粒鐘先有戲睇!!! 不過一路行一路傾計, d時間又過得幾快wor!!! 不知不覺行左好多地方!!! haha!!!

睇功夫雖然只係得啖笑, 無咩劇情, 不過都抵睇既!!! 睇既人都係為左想笑一餐je!!! 完全達到目的wor!!!

有相睇:
http://community.webshots.com/album/245593655aSRivW

>>January 6, 2005 at 6:14:50 PM GMT+8