2004 年 12 月 2 日 星期四 【晴】

前晚同左alan, sunny, alf, amos, paul六條友去唱通宵K, 首先我地去左新城市仙踪林飲野 跟住就直逼green box喇!!! amos條女原本唔俾佢去, 不過最終唔知係唔係俾我氹掂呢, haha!!! paul原本都話唔去, 不過最終又點會走得甩呢!!! haha!!! 六條友11點左右唱, 唱到6點!!! 最有耐力既人, 當然非我莫屬啦!!! 不過亦係理所當然既事呀!! 佢地唔係要返學就要返工, 邊個有我咁無所事事咁得閒呢!!! haha!!! 佢地咁忙都肯陪我, 真係唔話得架喇!!

返到屋企7點先訓!! 10點半就要起身喇!! 因為我12點要去中環見工呀!!! 係autumn介紹我去做godiva既sales呀!! 原本諗住再過一段時間先做架, 不過既然有機會, 咁當然去試啦!!! 去中環見呀, 所以要著裇衫西褲呀, 好彩有帶返唻je!!! 我表演都ok架!!! 結果monday前會通知wor, 唔知得唔得呢?? 都係唔好有太大期望, 咪只會令自己失望更大!!!

跟住返到屋企又去左陪家姐踩單車, 都好耐無真真正正咁去踩過喇!!! 然後就一齊去買餸返屋企打邊爐!!!

今晚約左涼亭同佢男友一齊去左朗豪坊!!! 我唔識去呀, 好瘀!!! 不過個度都好大好大wor!!! 其實應該話好高先岩!!! 我地去左扒王之王食!!! 今次應該係第一次一個人去同涼亭食飯, 以前總有多一個人呀... 三個人行晒成座朗豪坊, 而我當然不斷發光啦!!!

>>December 3, 2004 at 4:57:26 PM GMT+8

2004 年 11 月 28 日 星期日 【晴】

返左唻第三日喇, 懶左幾日無唻寫diary tim!!!

星期六上機個日, 雖然係一個人上路, 不過我既運氣又幾好呀, 都唔太悶呀!!!
首先我上左shuttle bus一陣, 架車駛左入uni去接多一個人, 原本車上已經有對夫婦去domestic airport, 跟住去接既竟然係一個索女!!! haha... 佢竟然係同我同kevin同一個econ 201 tute既女仔!!! 初初無乜野, 過左一陣, 個對老夫婦撩我地講野, 佢地問起, 我先知原來佢係singaporean, 同我搭同一班機, 另外又知佢又係讀applied fin, 佢過左唻讀左一個sem, 不過再讀埋下年就gra(同我一樣!!) 佢跟住問我下年揀科d野, 就係咁我地就開始不斷傾計喇!!!! (佢真係幾索lor, 唔係因為個樣, 係因為佢著得實在... 少左d!!!) 佢真係幾好呀, 因為佢online check in 左, 但係都陪我排個條好鬼長既隊check in!!! 但係好可惜我地坐唔到一齊, 因為架機full左!!! 而直到上左機之後, 我地就無再見lu!!!! (蠢左, 無攞人地電話!!!)

跟住上到機, 我竟然聽到隔離個男仔用cantonese講電話!!! 我就問佢係唔係都係返hk, haha....有伴wor!!!! 同佢唔係太多野講, 不過至少好過無野講一個人咁悶呀!!!!

終於返到hk喇!!! 心情都無話特別興奮!!! 真係唔覺得自己離開過hk 9個月!!!!!

>>November 29, 2004 at 7:51:45 PM GMT+8

2004 年 11 月 24 日 星期三 【晴】

大穫喇!!! 突然間真係有d唔捨得DLC tim!!! 話晒o係呢度足足住左兩年喇!!!

之前一直都無唔捨得既感覺, 但係頭先shower時, 突然醒起呢次係最後一次o係dlc shower喇!!! old wing bathroom 雖然麻煩, 但係我確實留低過好多腳毛架!!! 跟住仲有好多既最後一次!!! 我相信之後再住o係dlc既機會唔會再有, 所以真係有d百感交雜!!!

今朝一早起身食breakfast, 跟住同ken打左幾個鐘table tennis, 夜晚又出左去唱K!!! o係city等巴士返唻時, 幾條友無端端講返以前o係dlc時發生既白癡野!! 個刻講個時都無咩野, 但係依家諗返都覺得好得意, 有d唔捨得tim!!!

下年返唻會搬去balacava, 又會係一個新既開始喇!!!!

>>November 25, 2004 at 3:39:07 PM GMT+8

2004 年 11 月 24 日 星期三 【晴】

頂!!! 竟然要我一個人坐機返香港, 真係好無隱呀....

竟然今日先發現我同yuen & sophie既機票係唔同日期wor, 佢地竟然係聽日, 我係後日!!! 如果唔係kevin佢地講, 我真係完全唔知!!! ding!!! 想幫yuen同sophie佢地改時間又改唔到, 超麻煩!!! 攪左一輪得個吉!!! 不過都要thanks brion同alice 既credit呀, 如果唔係乜電話都打唔到....!!! 依家我要孤身上路, 變左好白癡呀!! 因為如果係一個人坐機, 早知就坐cathay啦, 價錢差唔多, 坐乜鬼singapore airline wor!!! 唉... 算啦!!!

>>November 24, 2004 at 4:56:33 PM GMT+8

2004 年 11 月 22 日 星期一 【晴】

考完喇!!! 終於都考完!!! 不過呢刻一d都唔興奮, 因為acst 201無我預期中考得咁好.... 可以pass既, 不過我覺得其實可以再好d架!!!

算啦, 過左去喇!!! haha... 我係最快考完個個!!! 又可以繼續fast 4兼睇金枝欲孽喇!!!

>>November 23, 2004 at 1:52:02 AM GMT+8

2004 年 11 月 21 日 星期日 【晴】

考完econ201個日好似考完晒試咁, 晏晝睇vcd, 夜晚打牌, 打波, 又傾計, 尋日又無所事事, 半夜都俾人叫左去睇金枝慾孽!!! 時間過得真係快喇!!!

聽日係最後既acst 201, 應該ok既!!!

仲有四日渣!!!

>>November 22, 2004 at 2:04:40 AM GMT+8

2004 年 11 月 19 日 星期五 【晴】

終於都考埋econ 210喇!!! 一科最攞命既科, 人人都話mc易, 點解我會覺得難既?? long Q有d識, 有d又唔識咁, 究竟可唔可以pass到呢?? 一定要pass呀!!!

考埋econ 201真係鬆晒喇!!! 唔使再要熱眼訓去溫書lu!!! yeah!!! 今日決定唔會溫書, 因為仲有兩日去溫acst 201, 應該都足夠喇!!!

仲有一科, 跟住就等返香港喇!!! 仲有6日渣....

尋日好白癡咁唔記得左去recharge個internet account, 攪到呢個weekend無得用自己account上網tim!!! 超唔方便!!! 好彩依家有kenneth借account俾我用, 咁先唔使悶到抽筋!!! thank you 晒!!

>>November 20, 2004 at 5:49:06 AM GMT+8

2004 年 11 月 16 日 星期二 【晴】

YEAH!!! 終於都征服左Econ 111同Accg 253!!! 一日考兩科, 真係痛苦!!! 仲要尋晚無端端訓唔著覺wor!!! 我之前都驚呢個可能, 所以前晚唔俾自己訓咁多, 只係得5,6 個鐘, 點知尋晚都係咁... 唉.... 係張床度兩個鐘都訓唔著真係好慘架!!!

我未考前原本對253有信心過111架, 點知依家調番轉呀!!! 111應該可以坐Credit呀!!! 至於253應該都可以有credit既!!!

仲有econ 201, acst 201!!! 快d攪掂埋sat最攞命既econ 201就真係鬆晒喇!!! 呢三日仲要捱呀!!! wed既acst 201應該問題不大呀!!!

>>November 17, 2004 at 8:11:02 AM GMT+8

2004 年 11 月 14 日 星期日 【晴】

haha...頭先食飯加左餸呀!!! 係半隻燒鴨呀!!! 不過因為唔係好多, 食到既人就亦都唔多喇!!! 食唔到既人千祈唔好嬲我wor, 我無能為力喇!!!...

大家一齊分享我既喜悅啦!!! YEAH!!!

>>November 15, 2004 at 8:12:50 AM GMT+8

2004 年 11 月 14 日 星期日 【晴】

haha...仲唔俾我攬掂個紅P!!! yeah!!! 終於都考到車牌喇!!! 好驚險架!!!!

未考前, 我泊左3, 4 次reverse paking都係泊得唔好架, 個下好沮喪呀!!! 到入到去RTA, 師傅話我個testing officer係新既, 會無咁緊wor!!! 其實個下自己都唔係太緊張, 因為仲沮喪緊!!!.... 到走去counter同個officer登記時, 佢話佢dad個名都係叫ERIC wor, haha!! 唔知有無extra分加呢?? haha!!!

考個時, 我覺得自己勁lucky lor!!! reverse paking 其實都係好差, touch到kerb架, 個position又唔直得晒wor, 另外過其中一個hump時又因為睇唔到, 剎遲左車, 最後架車'dung'左一下, 但係個心就跟住'dung' 'dung' 'dung'左幾下咁多!!! 不過好lucky咁全程無咩車, 又有幾次巴士o係前面, 咁又唔驚會超速, 而且又唔使roundabout turn right wor!!! haha!!! 好筍呀!!!

到入返RTA, 個下先至開始緊張, 因為真係無咩信心架!!! 直至佢嗌我個名去counter, 見到佢撕我本log book最後個頁, 再加埋佢個句congratulations!! 噢... 個心定晒, 個人鬆晒.... YEAH!!! 掂左!!!

俾alice搶先o係我diary宣佈我得左tim!!!....

>>November 15, 2004 at 3:49:31 AM GMT+8