2006 年 1 月 5 日 星期四 【晴】

呢兩日做左一份好得意, 好enjoy既工作!!! 曾sir, 呢個名真係好鬼死好聽!!! 事緣前幾日calvin(家姐既bf)專成問我有無興趣去一間小學到教小友朋做功課兩日, 我話你相信我既我話就無問題呀!!

尋日著到"四四正正"咁去, 因為聽講咁Q會有教育署督學唻睇, 不過當然盡量安排唔去我個班啦, 因為我只係代課!!! 3:15去到梨木樹可信學校, 搵到fiona之後, 好快咁交代完點做, 3:30就上堂喇!!! haha, 曾sir!!! 當堂覺得自己好勁!!! 睇住13個小四學生, 另外我仲有一個helper, 都算情況可以啦!! 當然有好乖既, 亦有好百厭既!! 今日仲有一個駁我嘴, 俾我鬧到無聲出!!!...

今日食左一個好特別既lunch呀, 就係calvin竟然約我食lunch呀, 仲加埋fiona, e yan, 泰臣 & 另一個女仔, 全都係佢d friends呀!!! 我要即刻起身梳洗好之後趕去南昌join佢地呀!!! 好得意既約會, 因為我同calvin都仲未算好熟, 但係拋低我家姐去同佢d friends一齊食飯呀!!! haha!!! 之後, 我, fiona 同e yan就出發去小學喇!!!

今晚同祥, autumn, astro, 邦旺角打邊爐呀!!!!

尋晚收到個個田生打俾我, 我想死lor, 佢d要求同我o係internet search到既 & reference book入面既resume完全唔同既, 低b架!!! 用埋d traditional 兼唔係好make sense既format!!! 最慘係我又唔ban得佢wow!!! 真唔明佢係想幫我定害我!! 最無耐既係我一定要過左佢呢關先呀.......

>>January 6, 2006 at 4:36:54 PM GMT+8

2006 年 1 月 2 日 星期一 【晴】

31/12 下晝同sunny, kewchi, paul, autumn & 祥, 6個人即興唱K, 夜晚打邊爐唔成, 最後俾kewchi氹左上山, 去睇2006年既第一個日出!!!!

8:00 kewchi跟左我返屋企陪爸食飯之後, 我地就直出東涌, 出到去9:15左右, 遲晒大到!!!! 一班人(9個人)入面我只係識kewchi, 其餘既係佢d friend & 佢d friend既friend.... 個個都好pro咁既樣!!! 而我只係第二次行山, 仲要係第一次露營!!!

我地去行大東山, 原來要一直行石級上山, 無止境咁上.... 完完全全有被騙既感覺, 因為未應承kewchi去時, 我問過佢會有幾辛苦, 佢話唔會比我第一次跟YMCA行夜山時咁辛苦!!! 但事實上, 今次上山辛苦幾百倍.... 不過唔怪得kewchi, 因為佢話佢都第一次咁行.... 一路行, 一路出汗, 由初初長袖衫變左短袖, 越上就越大風, 再變番長袖衫, 然後再要加大褸.... 我地o係半山倒數, 都算人生一個幾得意既經歷!!! ....千辛萬苦, 左搵右搵, 我估大約兩點幾, 終於上到去會合到佢地一早上左去既friend, 呢刻我隻腳真係抽晒筋呀!!!! 不過個感覺幾特別, 上到去周圍乜都睇唔到, 又大風又大霧又凍, d頭髮濕到好似洗緊頭!!!

最後我地整左湯丸食, 之後8個人迫左入一個for 6個人既tent入面鋤d, 之後d人訓覺lu, 得我同kewchi瑟縮一角無訓(無位訓)傾計傾通宵!!! haha!!! 幾得意!!!!

日出喇, 個天光晒但係都見唔到個太陽, 因為太多雲, 兼大霧!!!! 我同kewchi o係出面熬左成個鐘, 最後8點幾先叫醒晒d人執野落山!!! 膝頭哥舊患一開始落山就痛, 每行落一級樓梯真係想嗌一次救命.... 最後安全成功落山!!!!

一次難得兼難忘既經歷!!! 一個別有意義既迎新年活動!!! 不過, 再有下次行山既話, 我會三思再三思!!!

>>January 3, 2006 at 8:49:39 AM GMT+8

2005 年 12 月 29 日 星期四 【晴】

返左唻十幾日喇, 仲未認真收拾心情咁去搵工, 究竟我會一帆風順, 定係前路崎嶇呢???

返到香港, 乜都唔使理, 懶左好多!!! 唔使擔心dinner食乜, 唔使擔心d錢夠唔夠洗, 唔使煩自己洗衫...... 變左條蟲....

好快又過多一年喇, 呢一年o係sydney搬左出唻住, 的確學識左照顧自己, 至少三餐唔成問題, 唔會餓親自己呀!!! 而且有驚無險咁完成左個degree, 都算有個交代呀!!!

依家, 咁大既機會擺o係自己面前, 真係唔想浪費呀, 但係我會有咁好既運氣咩?? 希望前路一帆風順啦!!!

>>December 30, 2005 at 6:40:12 PM GMT+8

2005 年 12 月 23 日 星期五 【晴】

已經20日無入過唻lu!!!

5th - 9th: 爸媽o係sydney陪左我5日, 俾佢地'煩'左我5日, 不過有佢地陪我o係campus著袍映相真係好開心呀!!!!

10th - 19th: 返大陸返左9日, 好耐未試過返咁耐, 今次返去除左大排延席之外, 仲有好難得咁日日去唔同地方食飯!!!

19th: 夜晚返到屋企先知出左result, 不過不失啦, 有少少失望呀, 1D 2Cr 1P, 但係pass晒就得啦, 終於可以graduate喇!!!!

20th: 約左anthony, kevin, kenneth, brion打邊爐, 之後yuen, jeffrey join埋我地去左太子飲

21th: 約左sunny食dinner, 之後kewchi 11:00先join我地, 仲請食糖水, 不過半夜我就開始發燒.... 跟住就肚痾喇....

22th: 成日訓左o係床..... 過冬既dinner都係夾硬起左身食, 仲要係食左碗白粥onl, 一啖好餸都未入過口.... 痾到九彩!!!

23th: 夜晚伯父, 伯娘o係屋企一齊打邊爐, 無咩胃口, 食左兩,三啖, 飲左好多汽水!!! haha!!! 半夜join 左astro, autumn, 同autumn過生日!!! 去左唔知邊間cafe到, 差唔多三點先走!!!! 返大圍飛的返屋企!!!

24th: 今晚無特別節目呀!!! 將會同爸媽去大埔食dinner only!!!!

>>December 24, 2005 at 8:54:35 AM GMT+8

2005 年 12 月 3 日 星期六 【晴】

家姐Happy Birthday!!!

4日內去左3日bondi beach, 前兩次都普通好天, 今日去超級好天!!! 勁正!!!! 不過今晚同lum唱K唱唔成, 唯有下次返香港先再唱!!!

依家爸媽上左機喇!!! 聽朝到sydney!!! yeah!!!

>>December 4, 2005 at 12:39:42 PM GMT+8

2005 年 11 月 24 日 星期四 【晴】

乜試都考晒喇!!! 今日考埋stat 379, 一科以為最易既科, 但係出得一d都唔易呀, 都有d意外, 不過相信要pass都無問題既, 所以可以順利畢業喇!!! haha!!!

尋晚成晚失眠呀!!! ....

>>November 25, 2005 at 5:24:08 PM GMT+8

2005 年 11 月 23 日 星期三 【晴】

二家姐HAPPY BIRTHDAY!!!

考左三科, 今日考埋econ360, 唔係好難, pass應該無咩問題, 可以攞到credit仲好!!! 剩番聽日既stat 379, cheat sheet一早寫好, 依家真係無咩mood去溫呀, 要pass埋佢難度唔高既!!!

咁即係話我終於gra得到喇!!! wah hahahahaha...

仲有件10個開心有20個既大事, 就係爸媽真係唻呀, 可以陪我join 個party, 仲可以同我映埋畢業相, 而且仲同我一齊坐機返HK呀!!! 呢個決定只係呢一兩日既事, 真係點估都估唔到佢地會決定唻架!!! 超超超開心呀!!! 攪到我呢幾日都好興奮!!!

不過因為爸媽唻, 我要改機票呀, 要加多AU$205!!!! 低B架, 我爸媽佢地張return ticket仲平過我既single ticket!!!! shit!!!

>>November 24, 2005 at 7:29:39 AM GMT+8

2005 年 11 月 19 日 星期六 【晴】

爸媽唔知係唔係真係唻得成呢?? 唔好俾左個希望我又好快咁打破佢呀!!!

>>November 20, 2005 at 5:17:01 PM GMT+8

2005 年 11 月 18 日 星期五 【晴】

順利過左兩關, 尋日考埋econ335, 兩個鐘頭做三條essay真係好變態, 考時將我背晒既野寫晒出唻, 但係struture好求其, 唔知佢著重咩多d, pass應該無問題既, 不過都好希望有credit!!!!

尋日下晝個個好似考晒試咁, 因為我地個個下一科都係5,6日之後, 所以下晝去左踢波, 夜晚打機兼玩自創版poker!! haha!!! 天光先去訓!!!

>>November 19, 2005 at 5:35:13 AM GMT+8

2005 年 11 月 15 日 星期二 【晴】

今日考完第一科accg 353, 順利過關, 份卷唔太難, 盡做, 希望credit到啦...
番到屋企hae左成日, 好似放假咁, haha!!! 第二科Friday, econ 335!! 仍需努力!!!

今晚睇Aus VS 烏拉'龜'(真係唔知佢用邊個'龜!!) world cup外圍賽!!! 真係好想出街睇, 睇時亦好有衝動早知入場睇!!! 不過因為考試, 無計, 留o係屋企睇!!! 好緊張wow, 我地當然捧Aus啦!! 原來Aus 已經32年無入過world cup!!! 我地大嗌時, 隔離屋又嗌!! 鬥嗌!!! haha!!!

近排遇到個難題, 但其實仍然有充裕時間去做decision, 唔知大家點睇, 俾d意見!!!!
難題如下:
8/12 我uni 會為左1 d下年唔返唻參加on capus graduation ceremony既students 舉行一個farewell party, 而我正係個d唔會返唻, 會參加HK 既ceremony既人!! party o個日大家會著晒袍可以周圍映相, 而hire academic dress 既時間亦只限個日既某段時間!!! 其他時間hire唔到!!! 亦即係我只可以得8/12著住袍o係campus映相!!!

不過我一早訂左6/12既機票走, 我無諗過今個sem既party會o係考試後, 同以前o係考試前唔同!!! (不過依家咁好似make sence d, 無咩理由未考試就去著袍!!!) 改機票唔係大問題, 但係好衰唔衰佢個high season start from 9/12!!!

1. 如果我join個paryt既話就一定要9/12先走得, 亦即係要進入high season!! high season既機票比我依家個張貴about AU$200!!!

2. 如果我留o係度join party, 我亦無friend陪我一齊, 而可以陪我映到相既friends亦減左一半, 因為到左個日已經係考完試之後既十幾日, 好多人都走左返香港喇!!!

3. 留多兩日o係呢到唔知有咩做, 況且我'歸心似箭'麻!!! 而且依家有三個friends一齊走, 改左機票就只得我自己走...

我應該點好呀?? 其實我自己暫時都決定左唔join個party!! 個問題係出於我, all friend & relative, academic dress, campus and did graduate, 五者分別出現o係一張相入面既價值!!!! 有齊全部, 當然prefect, 但係我既case無可能!!!
party個日既相無左did graduate同埋只有 a few friends, for me, 我覺得佢價值不大, 只係一個回憶!!! 個日並唔係一個grant ceremony, 著左袍映左相亦唔代表已經graduate左, 甚至final reseut出左之後可能發現無得graduate都唔奇!!! 值唔值得花金錢時間去爭取多件袍o係張相度呢?? 唔選擇join個party, 我臨走之前可以搵更多 friends一齊去uni映相呀!!! 同樣有回憶呀!!!
雖然下年我join香港個ceremony時, 無得著住袍o係campus映相, 但到個日先係我真正graduate wow, 唔可以話無左campus做背景就無左價值架麻, right??
this monent仲未有咩衝擊去令我改變主意, 我唯一驚既係第時後悔lor!!! 不過依家我又好堅定第時唔會後悔wow!!!

>>November 16, 2005 at 2:14:02 PM GMT+8