2005 年 2 月 15 日 星期二 【晴】

唉... 點解會咁架.... 發覺自己超級搖擺不定!!! 無理由咁樣架wor!!!! 都唔知自己想點....

好唔鐘意依家咁樣既我!!!! 從來未曾咁討厭過自己!!!

>>February 16, 2005 at 5:26:00 PM GMT+8

2005 年 2 月 14 日 星期一 【晴】

今日返LCX godiva, 從來無諗過時間會咁難過!!! 企左半日做得兩單生意, 吽下吽下真係悶到人都癲!!!! 其他人返工究竟點打發時間既呢??? 原本諗住企下企下等放工, 點知yuki返唻又話今日要點貨, 另外habour city又無端端搵我地幫佢delivery service, 攪到我臨尾都忙左兩粒鐘先放工!!!

聽日放假, 返埋後日既LCX就完晒lu....

病倒左lu... 今日返工未停過running nose, 返到屋企"攤"左係度lu....

>>February 15, 2005 at 5:49:57 PM GMT+8

2005 年 2 月 13 日 星期日 【晴】

今年既valentine's day比以前既特別好多, 因為今年特別多feel d, 係feel到人地既sweet呀!!!

今日係返太子大廈godiva既last day, 亦係最忙最忙未停過既一日!! !特別係下晝, 真係未停過有人入唻買野, 我都未見過間鋪多人多到咁既!!!! 今日入親唻買野既當然十個有9個半都係買唻for valentine's 架啦!!! 睇住一個個大大細細既心俾人掃晒, 真係好覺得d人俾godiva搵笨, 因為我真係好覺得d chocolate好唔抵, 但係我又好明白到當見到自己gf or wife收到個heart o個刻既反應時, 一切都變得無價lu!!!!

>>February 14, 2005 at 5:14:39 PM GMT+8

2005 年 2 月 9 日 星期三 【晴】

今晚有好多人唻屋企食飯, 開開心心咁又過左一個年初二, 聽日開始又要返番工喇!!!

岩岩終於都睇左<天作之盒>, 雖然相聚時間不多, 但愛得恆久亦燦爛得異常!!! 簡簡單單, 無私全心去奉獻, 呢d就真係真愛喇!!! ''愛是不保留'' 呢首歌我o係幾年之前收到之後已經聽到爛晒喇!!!
曾經有一份至真既感情放o係我自己身上, 可惜自己並無好好珍惜,把握到, 到頭來點追都追唔返, 點等都等唔到... !!! 新一年希望快d有新桃花啦!!! haha....

>>February 10, 2005 at 7:25:49 PM GMT+8

2005 年 2 月 8 日 星期二 【晴】

今日係大年初一呀!!! 以我所知今年係第一年既年初一全日都唔使出街架!!! 唔出去拜年留o係屋企同爸媽睇下電視, 吹下水又唔錯呀!!! 媽咪下晝已經話打牌, 不過家姐, 二家姐都要返工, 都唔夠腳, 所以留到夜晚等家姐放工返唻食完dinner先開戰呀!!! Yeah, 少少地打左四圈, 我一家嬴三家呀!!! 一個好既開始呀!!!

尋日下晝無端端俾人打唔到電話搵我, 都要send sms唻鬧我呀...poor~~~ 我唔知你唔知架麻!!! 唔好怪我喇... 無下次喇!!! 有你都驚啦!!!

年三十晚當然返屋企食團年飯啦, 今年無同爸媽出去行花市lu, 因為家姐地第日又要返工, 媽又唔想出, 所以無出呀!!! 但係我到半夜都出左維園呀!!! 有sunny, alan, paul, astro, autumn呀!!! 行左兩個幾鐘, 無收穫呀!!! 而且仲行到好攰下, 無計啦, 返左成日工!!!! 不過一早都遇左出去迫下架渣, 年年都去迫, 今年都唔例外呀!!! 4點鐘度返到屋企lu~~

>>February 10, 2005 at 5:46:08 AM GMT+8

2005 年 2 月 4 日 星期五 【晴】

返左5日工喇!!! 日日早睡早起真係健康喇!!! 不過日日都唔夠訓, 每日返工放工都釣魚, 真係攞命!!!

今日返工無咩野做, 成日綁絲帶咁滯!!! 於是我問唔食lunch, 早放一個鐘o唔ok, 又ok wor!!!

今日我破例第一次入投注站呀!!! 無計啦, 要幫同事買馬兼收六合彩獎金!!! d貼士話係個馬主俾架wor, 佢地上次都中過!!! 咁我見第一次買, 無理由自己唔買唻試下架麻, 點知, 噢, 將我個幾廿蚊化為烏有!!! 返屋企同阿爸講, 佢話馬主個d都好信既??!!! 下?? 我心諗唔通信我阿爸?? 似乎佢都唔得架wor!!!

好野, 聽日有假放!!!

>>February 5, 2005 at 1:19:47 PM GMT+8

2005 年 2 月 1 日 星期二 【晴】

第二日返工!!! 大半日都係入朱古力紙杯仔同埋挷絲帶, 攪到手又磨到勁乾兼甩皮, 腳又企到勁軟!!!!
不過全日只係要送一單野, 咁又唔錯呀!!! 最憎攞住晒d野又要揸住本地圖搵路架喇!!!
我都唔明d人點解鐘意住到咁鬼死偏僻既!!! 每日上山落山都麻煩架??!!!! 如果唔識揸車既人, 得閒去探你個個都白癡架!!!

好眼訓....好眼訓....

>>February 2, 2005 at 3:25:05 PM GMT+8

2005 年 1 月 31 日 星期一 【晴】

尋晚食左一餐好唔開心既飯... 攪到個個都唔開心, 為咩呢??... 成晚都好down呀...

今日開始返番godiva喇!!! 又係行餐死!!! 返到屋企仲發現多左個水泡做獎勵, 簡直感動死!!! 不過點都要撐呀!!!

>>February 1, 2005 at 2:42:22 PM GMT+8

2005 年 1 月 29 日 星期六 【晴】

尋日過左一個好充實既一日呀!!!! o係cwgc真係有好多好多既回憶呀!!! 再離開之後真係唔知下次會係幾時再返去, 就算再返去都唔會再有學生記得我喇!!! 今次返去, 每次撞返以前識既師弟師妹, 好多竟然都仲記得我個名, 嘩, 個下真係勁開心呀!!!!

尋日朝9:00返到cwgc, 跟住就開始o係computer lab既工作喇!!! 呢日朝早, 我同alan仲主要幫手映相做badge tim!!! 到下晝得返一部DC, sunny又返左唻幫手揸機, 所以下晝就行行企企, 周圍幫下手喇!!! 又朝早到下晝都唔算好忙, 做下, 玩下, 傾下計咁啦!!! 同一大班f.2既小妹妹一齊癲下, 講下笑, 真係好好玩呀, 時間亦都過得好快tim!!! 只係到左closing ceremony之後, 比較多左好多人, 忙左一輪咁啦!!! 到左夜晚miss chow請我地三個去參加個晚宴, 我真係好興奮架, 因為真係見到好多好多好耐無見既人喇!!!

呢日同呢晚都撞到好多以前識得既friend, 有高我幾屆既, 同屆既, 細我既屆既都有!!! 仲有好多已經離開左既sir+miss!!! 好多仲係好難得再見tim呀!!! 好開心再同番佢地傾計, 有"極有眼光" 當年搵我做volleyball team leader既莫sir啦, f.3班主任好可惜已經唔記得左我既miss leung啦, 以前我f.4 做green house committee時既社長的士啦, 有已經唔記得幾耐之前一齊去放風箏既溫sir啦, 仲有見到麥sir, 林sir, mrs Wo......當然仲有好多好多以前我多年做prefect時識得既大大小小prefect啦!!!! 下次再見唔知幾時lu....

當然呢日亦有好多同我一屆既friend返左去啦, 都有唔少呀!!! 不能盡錄喇!!! 況且見既機會多著呀!!! 我亦同左黃德權sir, miss pan 映左badge呀!!! 晚宴前, 我俾個badge俾黃sir, 我地仲即刻帶左上身tim 呀!!! haha!!!!

個晚宴d野食就真係唔掂喇, d show就ok啦, 不過呢晚人人都旨在聚舊同籌錢呀!!! 校長亦最後宣佈左唔做, 都覺幾可惜呀!!! 臨走前同左好多miss, sir say bye, 個下真係有d唔捨得架!!! 有miss pan, miss chan, 黃sir, 莫sir, miss chow, mrs 翁, 梁sir.......

返屋企途中, 打開d souvenir唻睇, 見到一份booklet, 竟然仲有發現自己既相存在!!! 就係當年o係新城市既義工服務既大合照!!! 我當時係無份做架, 不過咁岩o係度就一齊上左台映相, 估唔到咁都靠"痴"出現左o係21th anniversary既booklet wor!!! haha!!!

夜晚傾左4個幾鐘電話!!! 勁.....

>>January 30, 2005 at 3:05:46 PM GMT+8

2005 年 1 月 27 日 星期四 【晴】

今日係CWGC既open day呀!!! 我一早9:30就返左去幫手喇, 返到7點幾先走!!! 其實唔係太多野做, 行行企企咁, 只係因為無咩機會坐下, 所以就幾攰下喇!!!

見到好多miss, sir呀, 亦傾左好多計呀!!! 有miss chan, 黃sir, miss pan, 好開心同黃sir, miss chan傾返以前既往事, 好得意呀!! 而且亦發覺時間真係過得好快好快!! 原來當年我走時, 依家既f.6都只係當時既f.2!!! 好開心仍然有人認得我呀!!!! 今日同埋f.2 d小妹妹一齊玩, 唔覺原來自己都大佢地唔少架喇!!!

好得意呀, 今日又見到肥樂, 李緯納, 最suprise係見到grace wor!!!! haha!!!!

>>January 28, 2005 at 2:44:49 PM GMT+8