Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2003 年 8 月 5 日星期二【晴】

昨天十二點幾至走人呀,第一次返工咁夜走人咋,我搭的士返屋企架,公司出錢嘛,呵呵,不過都做得很累呢,係公司越黎越開心啦,d野都唔係幾難,當然初初就應該唔會好難啦,慢慢黎做落去呀,今日係珊珊同豪仔放榜既日子,豪仔好似有十幾分,但囉六科就得十三分,差一分至ok,不過機會都好大架啦,而珊珊計六科就得九分,英文仲要唔合格個隻,唉............傷心失望呀,報左董之英既repeat喎,都好過冇啦,星期日會諗住同豪仔珊玩,希望公司唔會有端端要返工啦,希望希望.....同事岩岩問我d野,得出黎結論就係我做野唔上心,但唔代表我做野唔惦喎,上心呀,可能真係唔太上心啦,遲d希望重視多d呢份工啦,都幾好架份工,d同事又唔錯喎,過得去啦...希望豪仔同珊珊前途一片光明啦....

>>August 6, 2003 at 5:46:14 AM GMT+8

2003 年 8 月 4 日星期一【晴】

今日會遲收工,第一次會遲收工咋,我昨天買左好多野俾自己,冇mood打,聽日先打..

>>August 5, 2003 at 11:54:03 AM GMT+8

2003 年 8 月 3 日星期日【晴】

昨天都係冇去書展呀,懶嘛,費時去,諗住都係去漫畫展算數呀,仲有呀我小學六年級柯先送左本日記俾我,咁多年我都寫唔到四分之一,小個既時候D諗法幾得意同埋D字都幾攪笑,睇返日記六年前既我已經幻想緊同我第一個KISS既人係點樣既樣,仲有係幾歲發生,而家知啦,因為都發生左,所以自己又係本日記度寫一下日記,很短的,係度諗緊幾年後既我會唔會對之前既男友有遺憾呢,會唔會後悔自己對佢做既一切唔夠多,會唔會後悔開始到結束時都唔識得珍惜佢,我唔知道,或者成長係需要代價掛,真係唔知道呢,答案係冇絕對既,只有自己尋找,係我心目中喜歡唔同愛,喜歡可以好短暫,但愛就必定一生一世既,持久永恆,雖然諗既係咁,但現實未必咁美好,但仍然要相信,相信到最後會覓得真愛,我同之前既男友諗法好唔同架,佢諗得好仔細,但我諗得就好概括....冇論點都好,都希望佢開開心心咁過每一天啦..

>>August 4, 2003 at 5:19:47 AM GMT+8

2003 年 7 月 31 日星期四【晴】

隻手仲係有少少痛,多數都係做野做得太耐先會咁咋,好快就要覆診,醫生到時再話俾我知拆鋼板既細節,我諗都係要做呢個手術,因為塊野真係幾礙事,唔鐘意呢個感覺呀,書展應該星期日至去掛,我幾鐘意睇書架,希望到時搵到本好書慢慢咁睇,幻想係我既興趣,但我既文筆唔惦就係真既,休息一會兒......

>>August 1, 2003 at 5:30:41 AM GMT+8

2003 年 7 月 30 日星期三【晴】

我今日呢會出糧呀,好開心呀,不過要list定想買既野,如果唔係會超支呢,返左都係十幾日,不過同以前既分別就係以前返中環要兩程,而家一程,以前出去食而家可以帶飯食,大部份同事都係帶飯食架,可以慳唔少錢呢,呵呵呵,我想去書展呀,放工去就最好,之前問左carol佢話得,叫埋阿娟都好,唔知有咩書好睇呢,計下先同之前既男友分左手都有個幾禮拜了,不知不覺添,可能返工啦....都唔覺時間過得咁快既,我既初戀就咁完左呢,人地明明話初戀係刻骨銘心咁嘛,可能拍得太短啦,不過就算唔係刻骨銘心,今次都算係難忘既經驗啦,唔.....最記得既係初初佢打電話俾我個次,朝早噪醒左我聽,但好快又收線,個時候雖然佢冇指名搵我,但其實個時已經知道佢係邊個,呢個係預感掛,收線後個心笑哂出黎,佢係一個好可愛既人....anyway,世界上可愛既人真係太多啦, 我要找一個專屬於我既.......

>>July 31, 2003 at 5:37:07 AM GMT+8

2003 年 7 月 29 日星期二【晴】

我昨天本來要去見一份part time job架,但最後都係冇去度,懶得去嘛,我間唔中都有諗起以前個男友架,我諗係一種回憶掛,我喜歡佢唔夠深,如果唔係我又點會咁快可以將佢淡忘呢,真係有d可悲呢,還是覺得做我的朋友比較好,我希望呢佢下次找到一個愛佢更多既女孩啦,而我呢都希望自己找到一個適合自己既愛人,永遠一起,問我仲鐘唔鐘意以前既男友,我都會答鐘意架,不過要做男友就唔適合姐........

>>July 30, 2003 at 5:40:51 AM GMT+8

2003 年 7 月 28 日星期一【晴】

係呀,我開始習慣返工既時間啦,昨天我問d同事仲有咩野做,因為我係成日都最早走個個,但其實已經係放工時間架啦,六點幾,但我地公司係成日都ot,o到十一,二點架,但我見仲有一個新同事,佢係男既都o到十一啦,仲遲過我入黎幾日既,但我返工返左咁多日都唔會超過七點走人既,同佢地比我真係好早走架,昨天咪問囉,點解我唔洗做得夜囉,佢地話我一個女仔岩岩返工就做得咁夜,擔心我屋企人話喎,而且話一個女仔咁夜至返屋企危險喎,真攪笑呀,我地夠有個女同事成日都好鬼夜返啦,佢地話佢個樣唔易蝦,暗示緊我個樣容易蝦掛,不過反正遲早都要開夜架啦,是但啦,留係公司又唔係唔好既,不過好似對佢地唔公平姐,我而家冇野做呀,仲有d眼訓添呀.算數啦

>>July 29, 2003 at 4:55:45 AM GMT+8

2003 年 7 月 27 日星期日【晴】

hi大家好呀,我之前咪話我為我同之前個男友占卜既,我覺得我既占卜又叻左呢,可能占卜左都幾耐啦,我咪有一張係代表我地兩個美好結果既提示既,佢係咁寫架"代表經不起現實嚴厲既考驗準備臨陣脫逃的狀態。你為逃避現實而躲入空想的世界,但是,逃避並不能解決任何問題。勇敢地站立在你所該面對的問題前,無論它是多麼地艱辛,不試試看誰也不能斷定不能成功,或許你也能成為英雄",我都係覺得自己占卜叻,我唔係成日占卜架,因為我唔想成日依賴佢嘛,而且占卜既結果無論好定唔好,都只係一種提醒,而唔係結果或者命運,YEAH,我覺得自己都係未識去愛人,又未夠成熟,而家還是找朋友去玩好了,唔知點解我對拍拖方面既野又冷淡左呢,可能本來就唔太熱衷,或者未遇岩人掛,都唔太想成日話自己唔識愛人呀,可能自己又睇開左掛,冇以前咁執著,反正失戀後生活都冇太大既改變,感覺都唔想有太大既波動,只係而家出去睇戲之前係情人而家係朋友姐,既然之前個男友話我冇錯既話,係咪表示我唔洗再自我檢討呀,既然係咁,咁唔理lu......返工都幾開心呀,係就係成日ot,但係d同事都幾得意幾攪笑架,指得意既多都係阿head,成個阿爸咁既款,不過就得意兼攪笑,但佢今日話心攪痛呀,去左醫院,真係擔心呢,希望佢快d好返啦,朝早特別唔多野做,但又成日做野做到好夜喎,d野唔難呀,可能唔洗對客啦,感覺特別易做呀,易上手,但未係好熟囉,一陣會同carol食飯,佢都係附近做野,所以咪約出黎食飯囉,呵呵..

>>July 28, 2003 at 4:00:35 AM GMT+8

2003 年 7 月 25 日星期五【晴】

前日一放工即刻走去游水呀,本來唔係既,係阿妹臨放工前打俾我去咋嘛,咁咪去囉,都幾好呀,斧山道D水淺到死, 所以呢我係游到水既,不過係潛水囉,隻手仲要唔游得勁個隻, 好想游架,游水好鬼舒服架, 我還是喜歡出一身大汗既活動, 我最喜歡就係食野行街,買野就少,食野多,可以全日都係食架,昨天返工差一分鐘就遲到呢,五十九分喎,星期六會好準時走人,本來諗住去見一份part time job架,其實都唔知點解會打黎問我架,可能係我上個月傷左時係屋企冇聊咪成日係網上搵工個度勁SEND自己個RESUME俾人囉,但而家先黎有回覆都幾耐喎,耐到自己都唔太知係乜公司呢,或者找一找吧,見得成咪見囉,見唔成都冇所謂既,..反正而家都冇咩野做,有錢咪吃喝玩樂囉,冇錢咪搵錢囉....冇其他架啦.

>>July 26, 2003 at 4:03:24 AM GMT+8

2003 年 7 月 24 日星期四【晴】

hihi,返左工之後,日日都好鬼忙呀,成日都遲放工囉,自己都唔想架,不過冇計啦,份工需要嘛,有時諗拍拖唔係話鐘意就可以拍得長,認真都未必可以keep到既,所以呢一句講哂緣份係非常重要,有緣冇份又唔得,一定會搵到一個真愛既,即使到最後行錯左幾多步,走左幾多條冤枉路,係你既就係你,當然我都相信有d野係自己必須要爭取,但有d就點強求都冇用,隨緣囉.......係呀,好多謝cathy,佢係我失戀最多問候既人,thank you very much.

>>July 25, 2003 at 5:14:21 AM GMT+8