Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2003 年 7 月 23 日星期三【雨】

hihi,大家好呀,今日打台風呀,仲以為唔洗返工添呀,差d唔記得要記低一件事添,係我失戀最唔開心個一日,我幫自己同佢占卜,我本身係個塔羅牌占卜者,個結果呢係,代表我既係女巫,張牌解誘惑,本身張牌係幾好既,不過顯示我呢張係反位置呀,所以唔太好指我係個擁有無窮盡慾望,想法比較頑固,對愛情瘋狂而執著,會令到男人陷入困境喎,跟住呢代表佢既牌都係反位置呀,係旅行牌,指佢份人經常孤單寂寞一個人,對愛情都係短暫,,跟住仲有一張係代表我地兩個如果想有美好既結果既提示,張牌係英雄,係代表試煉既意思,不過都係反置,當然係唔太好啦,佢既意思係叫我地唔好灰心,要嘗試努力,話唔試過點知會唔會成功呢,係一個考驗,但結果當然係失敗啦,....真冇聊呀,想要找個人疼姐都咁難,對之前個個要求一D都唔高呀,係佢對我要求高掛,有少少冇隱架,第一次認真而又失戀,都冇喊過既,頂多都係訓唔著咋,鬧交時仲HURT呀,哎呀~~~~~真想有個人俾我疼呀,本來諗住儲錢同男友去玩架,雖然係怪左D,調轉頭女請男既,但其實我鐘意佢嘛,就唔介意啦,可能自己本來就大洗啦,多個男友至多咪更大洗姐,一樣之嘛,錢更係囉黎用架嘛,好啦,而家男友又冇埋,唯又找朋友同細妹HAPPY,HAPPY,同細妹就多數要請埋佢同豪仔,同朋友呢咁就試屈下佢地啦,反正難得我失戀嘛,諗黎諗去點解會攪成咁,個結果係我一手做成再加上遇到一個性格完全同我冇乜點夾既人,哎呀,大家唔好以為佢好差呀,其實佢份人都幾好架,係我唔識得珍惜佢,唔識點樣對佢好,所以佢至走佬咋,一日都是我的錯呀,所以人地至飛我咋,緣去緣盡嘛.....我本身份人佔有慾都幾強架,

>>July 24, 2003 at 5:49:40 AM GMT+8

2003 年 7 月 22 日星期二【晴】

今日都幾好呀,份工都幾好呀,只少係我乜都唔識既,我就會努力去識哂佢,好有成功感呢,同同事都幾好啦,不過就係俾佢地話我係"問題少女"囉,因為成日問野嘛,不過問野係新人既權利架嘛,雖然成日問,但我好少會問返同一個問題多一次既,呵呵,我醒嘛,都係覺得做野有把握d,唔識可以問到識為止既,實有人答既,不過我多數都係諗完一層,唔明至問咋,而家我開始諗緊出糧時要去邊度玩呀,呵呵,諗起都開心呀,要吃喝玩樂,未玩過就去玩,不過當然唔可以玩d太刺激架啦,手傷左嘛,唔知係咪好耐都冇顛過呢,而家已經諗定哂出糧時去玩d乜啦,朋友都知我失戀呀,所以呢我有一條大理由叫佢地陪我去玩,可以蝦佢地嘛,佢地實就我既,唔就都要就呀..我咁慘......我呢近排都幾早訓呀,十一,二點就去訓啦,幾好呀,不過就係未協調到d起身時間囉,前陣子慣左遲起身嘛,今日檬檬濃濃咁六點幾起身,之後個一個鐘都諗緊返工d野,臨起時夢到個同事話食飯去飲茶呢,不過今日就冇實現到姐,散左之後,突然諗返起個中學同學,希望我下一個白馬王子係個書倦味重d既人,之前個個呢我就當係sport身形,但就比較有傻既氣質,雖然佢講既野成日都好似有道理咁,但係感覺都係傻傻咁,特別係個樣呢,其實自己係鐘意d有書倦味既兼性格係可愛得意個類,諗起都想疼個種人囉.....肯定人見人愛,車見車戴啦,努力努力,icq度就費時去識啦,而家要擴闊一下我既知識先,到時就有機會識到好多人啦.....識多d,學多d啦...

>>July 23, 2003 at 5:49:32 AM GMT+8

2003 年 7 月 21 日星期一【晴】

今日天氣都幾好呀,前幾天先同男友分左手了,我諗分手都幾好既,就當我地都係有緣冇份,本來諗努力找返佢追返佢返黎,但我諗深一層,佢份人已經唔喜歡我了,唔鐘意就係唔鐘意,有趣既係佢從來都冇俾過我任何既明確方向或者決定,問佢鐘唔鐘意我姐,就講話我問黎做乜,我就係唔太確定你心諗D乜先問咋,你可以連呢D都答唔到個肯定答案俾我,可以諗佢會對我上心極都有限啦,一個肯對你上心既人,冇論我幾麻煩,我諗佢都會花時間去講去解釋掛,佢如果真係在意我既話,我諗佢應該會覺得值得既....唔...既然佢唔再鐘意我,咁都冇計架,唔鐘意就係唔鐘意,成日搵藉口,成日都冇零兩可,真係奇怪,鬧交之後從來都冇俾過肯定既答案我,冇咩安全感呀,如果佢肯對我講佢係肯花時間去疼我,我絕對會用雙倍時間去疼佢既,或者性格真係好唔夾啦,不過佢教識我要對人好就要用行動去做,等我搵到一個更值得我去疼既人時,我一定要加倍努力對佢更好,俾佢需要既野,即使到現在呢刻為止,我仍然喜歡佢,亦夢想同佢走到永遠,雖然佢唔係完美既人,不過佢係曾經令我心動既人,已經好難得了,佢唔再珍惜我了,雖然係傷心,但我還是相信會找到一個更值得去愛去付出既人吧,而家就暫時同夢中既佢一齊,夢中既佢永遠都是美好,別說我不傷心,咁樣我會更覺得他好,討厭現實,他想什麼其實我很清楚,或者我又逃避吧,但今次我很清楚自己得唔到既野就係得唔到,直到一切感覺淡忘....或者幾年後撞到都認唔到對方吧...就當祝福自己同佢啦,我要既係直到永遠都不變既真愛,不是就不是,緣份既野好難講既.....有緣咪再見囉...冇緣份既點強求都冇咩用...傻傻的我,還是覺得佢係好,想得太徹底,只會知道人性既醜惡吧,開開心心過日子,等待我既白馬王子出現,然後我再努力捉緊佢唔放,屬於我既我一定會努力爭取,唔係我係我既還是瀟灑咁放手啦..

>>July 22, 2003 at 10:29:12 AM GMT+8

2003 年 7 月 17 日星期四【晴】

昨天起就開始返工了,心情同以前比就係我冇咩點緊張呀,要做野了,唔打住...
而家食緊lunch,同事都ok既,今朝真係奇怪,昨晚好眼訓,所以好早就訓得著啦,但係好早就起身囉,五點度就起身啦,仲有兩個鐘頭訓架嘛,但我竟然係滿腦子都係男友既事,諗佢會唔會離開我,會唔會永遠係一齊,愛唔愛我啦等等......太多野諗佢了,,哈哈,諗起都幾好笑,以前一定唔會有呢d煩惱既,永遠都唔會覺有煩惱既,而家竟然為左一個男友就攪成咁,都好既,反正仲好過自己冇心有肺咁過一世..其實自己又時都會迫自己想男友d黑人憎既野,咁我咪會覺得冇咁上心囉,希望自己係討厭佢多過鐘意佢嘛,因為男友都講左佢對我淡左嘛,感情係雙方付出既,單方面冇限付出會有結果嗎?咁我就唔知啦,但即使同佢走到白頭既人唔係我,我仍然希望佢快樂呀,最好就得到一個幸福美滿既家庭...以前我玩心理測驗時,我既結果係第一家庭,第二係事業,第三係朋友,第四至係愛情,但而家再玩時,個結果有d唔同左,第一依然係家庭,但第二變左係愛情囉..而家既男友係我生命中最難忘既人,佢教識我很多東西,可能佢唔知啦,不過我會肯改變其實係因為有佢,以前永遠都係冷眼望住世界,想事情似個經歷左很多野既阿婆,即使自己心目中很喜歡的東西,從前也不敢表現,亦不敢爭,唔係我唔想爭,要爭即使爭唔到我也甘心,話我好勝又好,話我固執又好,不過最冇把握還是愛情呢,呢d野唔係物質,人要變就變,要淡就淡,同樣要熱情就熱情,最閉呢d野係冇公式教到,我要自己去感受,但亦要人感受到先得,而且即使他感受到,亦未必要回報既,愛情跟本冇得計較,順其自然既結果就係我同佢既感情會好似"心淡"個首歌咁囉.我唔鐘意,係好討厭好憎..但男友既結果係話冇辦法,一切自然啦,雖然佢咁講,但我諗我唔會咁易放棄既,除非佢有第二個女人啦,因為對我黎講"不忠"係大誋,一年後既今日我想睇返今日既日記呀,到時或許已失去了男友.....一年後再睇今天的我吧...

>>July 18, 2003 at 5:44:07 AM GMT+8

2003 年 7 月 13 日星期日【晴】

今日都有得寫日記喎,係因為而家係男友個fd屋企囉,佢地而家打緊機呀,我呢就係度上網,係呀,前陣子cathy有寫留言俾我,我都未得閒覆佢添,真係唔好意思呢,同男友一齊係開心多既,昨天豪仔差唔多三點至走咋,真係夜呢,原來佢同珊珊成日都鬧交架,仲話有幾次去到分手既情況添呀,之前仲以為佢地好到冇乜鬧過交添呀,或者鬧交可以令對方更加了解自己啦,但鬧交既感覺都係唔好受呢....天氣好鬼熱呀,我呢昨晚都有去游水呀,不過實則去浸水咋,我就快要返工了,希望返工會順利啦,...天氣真係好鬼熱呀,返工之後,可能會少d見男友掛,唔知呢,佢近排好鬼忙,但我係唔太知佢係做咩既,可能係試鏡啦又可能唱歌啦,又有可能係演員啦,總之佢就係好鬼忙啦.....真係冇奈啦.

>>July 14, 2003 at 7:29:14 AM GMT+8

2003 年 7 月 12 日星期六【晴】

嘩~~~好耐都冇寫日記了,前陣子同男友鬧交,差不多要分手那種地步了,我很喜歡他,我亦希望同佢可以相處融洽,其實自己很擔心他不再喜歡自己了,這種情況好似係朋友或者小說再或者漫畫出現過,唔通世界上真係冇一生一世既愛情咩,唉.....而家係miram屋企,所以至有得用電腦咋,我前陣子好唔開心時,有很多朋友關心我,雖然聽完我既說話之後,大家都話我唔岩,男友總有他的不好吧,我總有自己的好吧,不要成日話我嘛,不時都讚一讚我會好d,同男友鬧完交之後,他對我冇咁熱情呢,有時會覺得自己好似同一個已經唔鐘意自己既人拍拖,可能自己又衰啦,反正他對我差好似係理所當然咁既,我好掛住佢呀,好想成日搵佢架,但佢近排很累,我都唔想成日煩佢,自己遲d又要返工,會冇咁多時間見佢,而家唔知佢做緊乜呢......係呢,岩岩去左修一修個頭髮,例牌會俾洗頭髮既男仔撩,咪閒聊囉,可能個樣太細路女,想大個|d就遲多五,六年啦....

>>July 13, 2003 at 5:52:00 AM GMT+8

2003 年 7 月 5 日星期六【晴】

hi,天黑黑,想的事情等別多,昨天和男友吵架,是時候長大了,總是逃避也不是辦法,美嫻說得對,我太少表達自己所諗既野,她也說得對,我係消極,只係我成日將問題擺開吧,但問題仍然係度,冇離開過我,仲自以為是咁一直找藉口去支持自己,一直都很清楚自己的個性,喜歡逃避,害怕失敗,只係自己唔願承認吧...長那麼大第一次有人將我看得那麼透,亦都是他第一個人鬧我鬧得那麼深入,批評得有些受不了....懦弱膽小,現在我連說一句對不起對他也說不出口,.....我要將來既我睇返今日既日記,屆時我已變得更成熟,更懂得愛人,關心人...由這一秒計起,我不要自己後悔,亦不要自己逃避,會爭取,不再收埋自己,不會憑幻想去爭取佢,而係用我行動.即使結果還是離開,將來還是傷心,也不要緊吧,至少我不會逃跑了,學會停低面對問題,我的改變對自己,對他或者朋友都應該是好的影響吧.....不會再以為睡一覺,煩惱自然走,明知是自己忘了,而不是解決了....很多事情本可以做得更好的,但自己偏偏不願做,從前會考就這樣,返工又是這樣,我不想連交男友還是重滔覆轍~~
朋友告訴我,包容並不代表一切,我可以將自己做得更好,好讓我與喜歡既人更貼心,從前我一直以為自己的缺點要保留,因為它是我的一部份,所以不需要改變,但經過一連串問題的發生後,當然亦經朋友解釋後,才醒覺自己可以變得更好,即使缺點變成優點後,它還是屬於自己,我之前還一直自以為是添~~~男友的教訓與美嫻的悉心指導......令我懂得更多......其實之前男友都已經好努力咁告訴我方法,但那時我還未醒覺一d道理,攪到佢要忍受不住才鬧我,傷佢心,亦同時傷害我吧.
吵架真的不一定唔好,真的是時候認真改變,或許不能一朝一夕改哂,但今次真係dick起心肝改了,改變百利而無一害呢~~~都幾夜了,眼訓了,係時候訓覺.....

>>July 5, 2003 at 8:19:03 PM GMT+8

2003 年 7 月 4 日星期五【晴】

今日好鬼熱呀,發覺近排好多人都去布吉旅行呢,珊個男友豪仔話星期一去,而carol仲快星期日就話去,去游水多吧...我今日都幾早起床呀,家務又一堆喎,家中得我同大哥,佢又唔會做,我又唔想做,但仲要一個人去做咁嘛,唉........懶懶懶..天氣真係悶熱....carol仲叫我去佢留下游水,自己都想去架,但傷左嘛,咪冇得去囉..........熱熱熱...........

>>July 5, 2003 at 3:30:25 AM GMT+8

2003 年 7 月 3 日星期四【晴】

今日本來要見工架,不過自己實在太懶訓了,所以打左去cancel,今日爸媽又返左大陸了,聽日可能返黎吧,或者後日,家中最大是大姐,呵呵.......珊珊去左返美心賣月餅,天氣很悶熱,很想去游水,男友昨天去左游,很幸福呢,自己都好想架,不過男友話很累喎,佢少做運動吧.....都好耐冇見carol了,佢而家已經返緊佢媽咪介紹既工,都好好呢......將來即使遇到什麼,我希望自己只有智慧既增長,個性就不太想變太多,男友與我既性格不太夾呢,我不太想改變他任何東西,我就是喜歡他,他的任何我都會包容,他有優,亦有缺,雖然我倆性格係大異.....但那又如何~~~~~~~~~容忍不同包容.....yeah.....我要樂觀又積極......這樣會過得快樂喔..

>>July 4, 2003 at 7:45:46 AM GMT+8

2003 年 7 月 2 日星期三【晴】

今日天氣真係好熱呀,男友昨天又激我喎,個人都特別燥,同我傾計咁悶咪以後咪傾囉,唔得~~~岩岩至話唔嬲男友,咁快就想反悔,我真係差勁呢,唔想架,今日天氣熱嘛,都係懶天氣算吧,而家係旺角城市中心度見個案經理,她教我見工要注意d乜嘛.....男友黑人憎,討厭到死,唔話佢啦,話得多,個人都係燥,冇變到..........天氣真係熱呀,好想去游水呀,唔游得.....唔想再睇醫生呀,煩到死呀.................

>>July 3, 2003 at 5:34:03 AM GMT+8