Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2004 年 1 月 1 日星期四【晴】

今日本來諗住整D相落YAHOO既相簿架,但我部機唔知點解入極都入唔到去,冇計啦,下次先算,我肥了很多,塊面很多肉呀,今日都係好多野整,未必早放,諗緊自己係咪應該要學返D去充實自己,反正自己都覺得悶了,唔想成日到黒都掛住公司呀,我想自己好好學其他野呢,不要再沉迷係自己既世界入面嘛,一個人要大個時就真係自然大個呢,我喜歡漂亮的東西呀,美美的人,有個同事我都很喜歡架,他的樣子很女仔,眼大大,嘴也很紅,雖然他細看下冇女孩皮膚幼滑,但很白呀,我喜歡他的樣子呀,我只係喜歡漂亮的東西,不能就此說我喜歡女孩,我只是覺得女孩皮膚很滑很漂亮呀,疼她的感覺不會比男孩遜色...美麗誰人不愛.

>>January 2, 2004 at 5:49:34 AM GMT+8

2003 年 12 月 31 日星期三【晴】

新年快樂呀,大家好呀,昨天冇去倒數呀,留家呀睡覺呀,而今日就行足成日街呀,前幾日同事問我點解唔玩音樂喎,唔係唔玩,而係我從來都冇諗過要玩呢,有機會先算啦,自己都唔知點玩既,或者呢樣野會好玩掛,出糧諗定要玩d乜野好,聽日會好多野做,黎近都會勁多野做,真正既私人時間應該只有星期日吧....而家要多多休息......唔打住,仲之咁多位新既一年要快快樂樂呀.......

>>January 1, 2004 at 1:28:36 PM GMT+8

2003 年 12 月 29 日星期一【晴】

hihi,今日應該會去睇戲吧,同雪瑩去呢,魔戒,很英俊很有型,的弓箭手,精靈很靚呢,愛死佢呀,好希望可以睇呢部戲呀,星期六即使iky話要去睇戲,我都會要求再去睇多一次呢,一定會好好睇, 我相信一定會呀........不說了,近排都冇咩特別事發生..

>>December 30, 2003 at 5:46:44 AM GMT+8

2003 年 12 月 28 日星期日【晴】

我昨天去左廟街呀,呵呵咁大個女都係第一次去咋,有很多鬼仔幾靚仔架,跟住我都問左白鴒,問愛情啦,希望出年有個好疼我既人出現,最好就係靚仔一名啦,希望啦....感覺還未得到滿足就失去了,等待cathy回來等待carol回來,朋友對我很重要架,不過如果我有男朋友既話會將佢擺第一位呢,因為我怕我又會失去多一次,下次一定會捉實佢,唔會俾機會佢係我身邊溜走,小心小心,我已經比以前冇咁掉以輕心吧,我怕我會後悔多一次呢....過左去我會由得佢過去,但將來自己會學懂得珍惜..

>>December 29, 2003 at 5:42:39 AM GMT+8

2003 年 12 月 27 日星期六【晴】

CAROL呀我都想寄聖誕卡俾你架,用我公司既fedex既話一日就攪惦架啦,但自己又醒起你好似搬左喎,所以先仲未寄咋,睇怕都係要寄新年卡俾你先得呢,我昨天去左嘉年華呀,玩左機動遊戲,最令我恐佈既唔機動而係鬼屋囉,因為只係對呢d比較細膽姐,我都中左個心心公仔啦,仲有狗狗啦,同埋一個不知名既細公仔囉,玩機動攪到個博頭有d痛,因為會凌空倒轉,攪到係用博頭支撐哂所以重量,返到屋企澡涼時,發覺博頭位d皮撞到變白左,只有傷左個博頭位姐,下次再去玩既話或者小心d啦,不過都係照玩架啦,喜歡就玩,我先唔得閒理咁多呢,同事有影好多數碼相架,佢仲會幫我燒隻碟呢,可以既話我會擺係我yahoo既相簿俾你地得閒睇下我既近照嘛,我都有send d 相俾我既平時聯絡開既工廠個d人小荷,杭州人唔知係唔係,但就一定係杭州工作囉,這份工我開始唔想做了,不過自己會忍夠一年至走人既,唔.......明年七月就走吧,不過自己就希望自己可以捱到咁耐囉,自己知自己既事,咁辛苦既工自己只頂到頭幾個月,之後就恨不得一日都唔想做落去呢,今日自己唔知會唔會出下街,好想睇魔戒,不過未有時間亦未買飛呢,其餘既戲都冇乜所謂,精靈很靚仔囉,雖然真人麻麻地,但都係有一種美態囉.....差不多了,而家係屋企都唔會少玩icq了,冇咩意思吧,公司會開著但唔會點玩點理人囉,聽日要返工了,真是越黎越討厭呢,但遲些想做咩工好呢,真有少少頭痛囉........遲d先算.

>>December 28, 2003 at 7:26:31 AM GMT+8

2003 年 12 月 26 日星期五【晴】

今日我都仍然係放假個隻架,公司順便放埋呢日都幾好,又係岩岩起身個隻,前日有出街,昨天成日都冇出街,只係睇書同埋打麻雀囉,書都睇左幾本呢,係我前日去左灣仔買既書,天氣有d凍,係屋企仍然凍凍地,起身都諗唔起要打d乜野既,係呀,遲些可能會辭職吧,份工時間太長,快頂唔順了,我而家都係想下姐,但唔知幾時會真係頂唔順囉,我實在唔鐘意太刻苦咁捱呢,你話我冇用都好啦,女仔跟本唔應該咁辛苦日日都要做上超過十二個鐘既工作時間,你不如去請另一個人算吧,而家自己開始諗想做d咩工好呢,咩工係自己咩做過又想去試下呢????總之遲d先算啦.....

>>December 27, 2003 at 3:44:07 AM GMT+8

2003 年 12 月 24 日星期三【晴】

今日係屋企靜雞雞咁用向榮部電腦都幾危險,佢唔鐘意我用架,其實佢買左咁耐我都未用過架,只係遠遠望下咁咋,今日算係第一次真正惦下個隻,雖然唔明佢點解咁樣,不過算啦,反正計得咁多都幾冇謂,昨天去左同事度飲滿月酒,跟住同d同事carmen,raymond,同埋阿光一齊去尖沙咀行行,然後去埋佐個度飲糖水,個時候已經好夜了,可能差唔多係兩點幾啦,個時候都幾眼訓架,阿光送左禮物俾我同carmen,我係對耳環,很漂亭架,而carmen就係一條手鏈,很高興架,雖然有d唔開心既野維住我個腦海度,但而家聖誕節總之要玩得開開心心就係啦,我都岩岩先起身咋,今年既聖誕節唔算悶架,過兩日會同佢地去嘉年華呢,我想到時我會更加開心呀,要玩得顛,因為知道可能遲些大家就會少d見面呢,珍惜珍惜,今日都唔知有咩節目呀,到時先算吧,咁多位,聖誕節快樂呀..........

>>December 25, 2003 at 6:51:09 AM GMT+8

2003 年 12 月 21 日星期日【晴】

我都係打算新年至返大陸吧,反正聖誕節得四日假,還是等新年一次過返吧,有八日嘛至少假期度,我昨天肚痛痛到又嘔又暈了,平均都係幾個月痛一次呢,以為自己越黎越大就會冇事添,不過比以前都好左架啦,以前都試過痛到入急症室既,反正個時候痛苦好多呢,而家相比都唔係咁痛了,我應該覺得安慰吧,同事做得唔開心既話,我咪一樣唔開心,我估ivan有時候返工都會做得唔開心掛,事實上我唔太了解佢,所以都係得個估字姐,同事成日都話我唔鐘意諗野,懶惰係我標記,所以當初要我迫住成日掛住人都幾辛苦架,不過而家就唔會了,我份人太自私,呢句說話係好了解我既同事話俾我知既,我有咩缺點佢都好鬼清楚,佢經常話俾我知我既錯處,雖然我成日都發脾氣,因為經常受到批評嘛,好勝心強既我,又豈容別人咁批我呢,不過佢好聰明亦都好了解我,世事往永遠都冇完美既,係我心中佢好似我既大哥咁,疼我同關心我,可能比我大哥更關心我了解我呢,節日時就最寂寞了,會好容易掛住ivan,但自己又唔會覺得辛苦呢,我已經習慣左掛住佢就諗佢,唔.......自私d黎講,自己仍然喜歡ivan既自己,一個永不放手既自己,但其實自己未必係喜歡ivan,只係有點兒寄托,有一個人掛住,自己或者冇咁孤獨吧,ivan係個令到我要迫住看清事實既人,而我一班好同事就令我更加了解自己...所以就俾我繼續掛住ivan,等待一個可以俾到我喜歡既感覺既男人,同事都經常話對事唔上心,我都不明白為何自己咁唔上心,我不是蠢不是什麼,就是很不上心,而且我很善變,永遠都變緊,冇人知我下一秒會唔會反口,所以有人捉得到我既心嗎,就要等到我玩到悶時,肯安定時便找個人陪伴我一生吧....這個故事好像很不錯呢......

>>December 22, 2003 at 8:27:01 AM GMT+8

2003 年 12 月 18 日星期四【晴】

同事carmen哭了,因為工作吧,壓力大吧,勞心勞力啦,,所以至喊咋,我都喊過好幾次啦,不過而家自己都開始練緊點樣唔咁眼淺,練得堅強d,好快就變成一個堅強既女仔,呵呵呵呵呵....carmen唔好唔開心啦,雖然佢係睇唔到我打既日記呀,但都希望佢快樂.今日依舊係唔舒服,但比較好左架啦....差唔多放工走人了

>>December 19, 2003 at 1:36:15 PM GMT+8

2003 年 12 月 17 日星期三【晴】

我今日唔舒服,終於傷起風黎,很辛苦,但有很多東西做,狂做,好想即刻走架,但實在有很多野做,所以最早都係六點走吧,流足成朝既眼淚,乞痴打極都打唔出,不斷流眼水鼻水,就快想死呢,乞痴打唔出就流眼水,好痛苦呢,我好辛苦,今年諗住織條帽巾俾自己啦,欠同事一份禮物,所以都打算織條俾佢,咁樣都幾好架,唔駛諗要買乜俾佢,錢又可以唔駛咁多,織條俾阿媽如果時間許可的話,好想休息一下,睡一個很足既覺,過節真係好呀,可以有時間做自己想做既野,唔駛困係公司呀昨天買左本小說,買書開始變成左我既習慣,儲多d書,慢慢咁睇

>>December 18, 2003 at 9:12:55 AM GMT+8