2006 年 2 月 13 日 星期一 【暴雨】

我未能參與　能羨慕亦很好　願我喜歡的人　期後的節日會趕到

最高速70 & 加速力70狂奔都追到NA車，好彩趕得切1030 Quiz
Handouts寫乜就問乜，不過perspectives o個份唔夠熟，有唔識
發覺Wilson一日唔串蔡生一日都唔安樂，呢排仲要越講越明！
終於有功課，冇信心寫好呢份critical essay，唔知可以寫乜o野

上手發球，發親右前臂！好痛！考試要發六球過網，只准上手
阿sir吹雞後，全世界一齊發球，砰砰砰砰砰，場面何其壯觀！

好彩Cutter提醒，UC學休有機打，成碟飯o係UC Can搬上樓繼續
施源 + Stanley + Cutter + Andy + Spraunce + Eric + 傑仔剷哂上去

七人組埋一隊巴西打世界盃？每人預先set定只控制其中一個人
不過完全冇默契，攻勢組織凌亂不堪，三場都0比0，首圈出局
部機成日detact唔到手掣，成日start我o地，玩到我o地粗口四起

阿立o係1050開課前開咪宣告：今日將有「政政系寡佬之夜」！
歡迎系內單身男生一齊吹水、訴苦，並歡迎冇人約o既女生出席
其實即係製造節目，借故出火炭食宵，有興趣o架，不過太夜搞
蔡生總算冇乜點用肺講o野，總算由始至終都stick to是日課題

最後冇去寡佬之夜，擔心講o野冇料到，真係會被捉出o黎con
唔係自願做寡佬o架，每年都想今年係最後一次度過寡佬之夜

Re大蘋果：我會用當迪比亞路射入致勝罰球後，卡比路o既反應回應你

P.S.超高難度球技，自問一定做唔到，留意2分20秒同最後o個段
　　http://www.acad.polyu.edu.hk/~04908678d/wtf.wmv

>>February 14, 2006 at 4:24:38 PM GMT+8

2006 年 2 月 12 日 星期日 【晴】

唔使ELT，可以16:30先返中大，先出尖咀換贈品 + 買o野
幾星期前o係生果報體育版登o左稿，終於可以去換贈品

話明送tick牌「球衣」，即係得著落場踢波o個種，竟然變T恤？
金馬倫道o既某店舖，千金難買心頭好，買返o黎又唔係即刻用

第一次o係大通舉手發言，終於講到一孩政策，我o的思想……
郭文山又講點樣做essay，其實兩版紙唔會有乜研究方法o掛？

阿關夜話 + 水果會，反應踴躍，話哂系主任始終有一定叫座力
佢全晚都好emphasize on「緣份」二字，話佢o黎中大純粹緣份
o係德國讀完書返o黎，機緣巧合下o黎中大教書，一教就係33年
加入A45係想組君子黨，呢個世界小人當道，君子都要企出o黎

問佢對將來有意從政o既年青人有何寄語同忠告，好似感觸良多
呢個世界opportunists充斥，我o地實在太需要原則、堅持、決心
幾開心，又有夜話又有生果，對弘政o既安排好滿意，我俾滿分



>>February 14, 2006 at 3:18:02 AM GMT+8

2006 年 2 月 11 日 星期六 【晴】

沉醉o係1030 o既世界，唔係自願o架，全因下星期quiz + report
佔5%總分o既quiz應該難極有限，而且得四版幾handouts要睇

星期四要交o既report先攞命，present已經衰o左，唔想report又衰多鑊
o係中圖借o左本"Understanding and Managing Public Organizations"應付
不過仲係無從入手囉，今日o既成果係0，相信要後日搵Patrick俾advice

>>February 12, 2006 at 4:15:21 PM GMT+8

2006 年 2 月 10 日 星期五 【晴】

肥鵬生日係藉口，目的只係成班豬朋狗友夜晚出o黎BBQ
Richard提議去F.2旅行o個度，不過要行好遠路，改地方

提議去大潭水塘，o係西灣河掃完貨就入去，真係唔用得八達通
點都要say sorry先，因為我真係唔知o個度冇街燈，再入會危險
要搭多程車過赤柱，兜大段去熱鬧o既赤柱正灘，F.5旅行o個度

海邊o個碌巨柱仲o係度，依然屹立不倒，不如阿沈再o黎多鑊？
點解周展程咁鍾意挖o野出o黎俾人串？現場好多o野都唔出得街
阿沈o個把口，死灰復燃o既本領超卓，一吹o的火就燒到火燭咁

Claim數o既程序理應唔會太麻煩，唔知點解次次盤數都好似好亂
玩到過00:00，o係赤柱飛綠van出銅鑼灣，好彩趕得切尾班地鐵

P.S.心涼！好想睇下摩連奴o既反應！

>>February 12, 2006 at 4:55:30 AM GMT+8

2006 年 2 月 9 日 星期四 【晴】

Richard真係超得閒喎～





P.S.乍聞阿成政政盃決賽o黎唔到，睇o黎0失球捧盃有望^^

>>February 10, 2006 at 4:22:12 PM GMT+8

2006 年 2 月 8 日 星期三 【晴】

踏入20歲的肥鵬，除o左突破1字頭之外，仲有乜可以突破？
唔經唔覺，我o地呢輩已經陸續踏入2字頭，我o地o既時代？

軀殼o係碧秋，不過魂魄應該仲o係深水埗，不過一醒返就搵人挑機
發覺自己argue人o地o既模式千篇一律：「你咁講法，即係表示…」

一直猶豫上唔上莊耀洗下午o個科，今日o既題目o係Sem 1已經講過
拖到開課前15分鐘決定走哂3堂，先返屋企，再等夜晚大O春茗組聚

一直以為只係細組圍內dinner聚聚，原來係成個大組聯哂一齊搞春茗
彌敦道倫敦大酒樓正對面o既魚米之尊(not家)，坐低成粒鐘先入哂席

呢間餐廳以海鮮作賣點，一定要多介紹，頭盤係超乎想像o既難食！
鮮蘆薈……Alan講o既……廁所水味，每人咬o左一件之後就冇人敢食
素魚生，為求達意，全無刪剪KK o既即場反應：「乜春o黎o架？」

其他o野只可以話普普通通，飲品任叫，同阿輝各飲o左三杯凍檸茶
胃積水，未上哂菜已經飽哂，仲有炒飯、紫菜湯？已經再食唔落囉

遊戲環節，玩豉油溝可樂，估隔離組邊個飲o左豉油可樂，Louis飲
呢個遊戲最後被玩o既都係安仔，各組加料「飲品」由佢一人頂哂
不過全晚最後被玩o既肯定係我o地囉，$120速速磅，唔好四圍望！
好有被劏死牛o既感覺，咁o既水準收我o地咁貴？我只想速速離場

>>February 9, 2006 at 5:10:33 PM GMT+8

2006 年 2 月 7 日 星期二 【晴】

差勁o既1030 Present，要怪就怪自己prepare唔夠，準備唔足
一星期後仲要交report，希望Patrick高抬貴手，扣分扣鬆o的

大通終於俾第一份功課，不過一個月後先交，純吹水，構思用剪報
落堂，o係CC室內場門口俾人截停o左，條友問：「你係咪XXX？」
無論樣、聲、髮色都完全唔同，完全唔認得呢個UC ECO 1叫陳耀邦
我呢七年冇乜點變，佢一眼就認得我；佢變o左好多，我認唔到佢

1070 o既course title係咪應該改為"Political History of Modern China"？
王紹光教o左幾星期仲o係度講史，文理科人都訓o左，有衝動走堂

政政盃第二撃：大富翁@ UC學休，被威迫利誘下報o左名，賣豬仔
有個座要o黎插地契，好想Stanley示範點樣用呢個座o黎插「鼻涕」
五個Yr 1坐埋一檯，四女一男格局，另一檯清一色係其他Yr o既人

次次玩大富翁都係咁，第一圈完全買唔到地，次次都俾人捷足先登
收land失敗，除o左買到最平o既長州外，得銅鑼灣、中環兩個車站
冇地就冇bargaining power，佢o地開始交換土地，務求lap哂成條街
冇地，大把錢都冇意思，終於用中環站o係Teresa手上換屯門返o黎

Teresa + Mandy + Deborah + 紅紅竟然打龍通？換地條件包括唔收租
仲使玩咩？你o地互踩黃金地段就唔使交租，我一踩就俾人嗌磅水
是日富婆係為富不仁o既紅紅，竟然唔聯手對付佢，反而圍dup我？
o係長州、屯門都有旅館，佢o地竟然次次踩落中間o既公益福利……

先踩紅紅$10000租o既干諾道中，再踩多鑊佢o既$7500馬己仙峽道
遊戲完畢，手上資產得返$4100，地王紅紅o既身家竟然高達$75xxx
鄰檯o既No.1都冇紅紅咁有米，身為莊員o既紅紅應該係全場總冠軍
扮好人乎？老笠完我，俾返八達通我搭車返屋企，好過搶清光o既

>>February 9, 2006 at 3:36:59 AM GMT+8

2006 年 2 月 6 日 星期一 【晴】

下星期就1030 Quiz？教o左唔係好多喳喎，又要死多次
做乜咁快set網？今日教o既都唔使用網，私下嘗試扣殺

傑仔發起o係UC學休打WE 9，順便為夜晚熱身，打兩場贏兩場
蔡生o個隻係兜風耳？講事實o者，你真係離題離到離哂譜喎！
又請朱古力，偷偷裝下盒底o既食用期限，呢盒有排都未expire

夜晚o既政政盃第二撃WE 9大賽，終於出場，第一圈最後一輪
本來對Barry + 貞，兩個都o黎唔到，Elton頂上，可以玩兩隊？
協議後設定狀態為全部黃斜上，兩個都用曼聯，不過排陣唔同

My Red Devil (4-4-2 / 4-3-3):
　　　　　　　　　10(CF)
　　11(LWG) 　　　　　　8(ST)
　　　　　　18(CMF)　14(DMF)　 13(RMF)
　　4(LSB)　　5(CB)　　6(CB)　　2(RSB)
　　　　　　　　　19(GK)

Elton用朴智星打防中，布朗 + C朗拿度右路攻守，朗尼打OMF
太熟悉曼聯o既特性，兩邊都o係中場混戰，偶爾做到o的突圍

傑斯左路快放落底，地波刮返去右路K角位，星仔入o黎空哂！
只可惜呢集o既"chip"波實在太差，唯有硬射，雲達沙出迎封哂
星仔落唔到底，橫傳俾朗尼，再彈俾史高斯娥媚月，省中楣！
朗尼放直線俾雲佬後被剷低，雲佬甩o左o架，做乜唔俾得益？

Elton攻勢多o的，好彩雲達沙神勇，雲佬o既單刀照用腳閂出界
悶戰全場都互無紀錄，加時已經攻門乏力，擺明博守到射12碼
加時下半場13分鐘，一對中堅竟然撞埋一齊，雲佬執到遠柱！
冇仇報，諗住12碼有機會贏囉，始終守唔到尾，不過輸得心服

冇睇哂餘下o既比賽，因為阿傑咁牙擦咁屈機，未打都知win硬
要求WE 10增加聲控功能，球員AI太差，竟然o係越位位企定定

>>February 8, 2006 at 3:01:05 AM GMT+8

2006 年 2 月 5 日 星期日 【晴】

1st ELT Assessment (Group Discussion)
A group with 5-6 students will have a 15-minutes discussion.

冇話政政人一定有著數喎，我o的presentation skills麻麻
What is your opinion on universial suffrage for Hong Kong?
Discussion完o左之後有self-E，我o係"comment"一欄咁寫
It is insufficient for me to elaborate all my arguments within a 15-minute discussion.

頹大通，郭文山講乜我o地都冇反應，除o左坐隔離o個位
返UC Can搵Sam傾星期三八半o既1030 Tuto Present，想死
Outline可唔可以頹交？除o左兩張notes根本冇乜references

身在曹營心在漢，早想快o的完，去樓上睇政政盃WE大賽
Stanley又話劃一用原始version，搞到我諗用邊隊諗到爆頭
率之改用七喜o既update哂大會轉會o既版本，梗用曼聯啦
記熟哂成村紅魔o既特性、數值，期望唔好太多人灰色向下

>>February 7, 2006 at 9:37:30 AM GMT+8

2006 年 2 月 3 日 星期五 【微冷】

系隊練波@大圍，狀態稍見回落，回身揩到波皮o架！
好彩政政盃決賽o係月中先打，呢場比中超更唔衰得！

Re YAU L B : 畫公仔唔使畫出腸o既～



>>February 4, 2006 at 5:14:22 PM GMT+8