2005 年 12 月 4 日 星期日 【微冷】

樓下清潔阿姐o既最大貢獻，係介紹到份小五補習俾我

見唔見到麗晶餐廳o既招牌？後面有百佳招牌，街站就大約o係招牌下面
　　　　　　　　　

>>December 5, 2005 at 4:34:28 PM GMT+8

2005 年 12 月 3 日 星期六 【晴】





如海嘯　如山崩　仍不使我卻步　仍繼續尋找這片星宿
即使凍　即使重　前方充滿問號　仍甘心　仍堅守　猛風都
吹不倒　怎都吹不倒　怎都吹不倒

重生了，也許應該說，這個夢根本從未死去，心始終不死
路遙遙，但總會有個目的地，而且總會知道何時到目的地
我希望我的希望不會再是希望，真不願意無了期地等下去

追求的，不過是作為一個人的基本價值，真的要這麼難？
我們追求民主，因為我們本來就是平等的，就是這樣簡單

＊－＊－＊－＊－＊－＊－＊－＊－＊－＊－＊－＊－＊

要o係灣仔幫HRM守counter，不過都決定先去維園打個round
買o左件普選火鳳凰tee，搵唔到GPA人，夠鐘迫電車過灣仔
上層有條友，向維園大嗌「正一垃圾，香港唔需要你o地！」

到鵝頸橋o既中華民會counter，條友繼續鬧，街站有人應佢
「咁鍾意共產黨，去北韓o丫！」「正一垃圾，正一垃圾！」
到我落車佢都仲未肯收聲，來來去去都係o個句「正一垃圾」

HRM + SSU都o係灣仔開街站，今日我以HRM準會員身份出現
Pack好o的單張，校定大聲公，陣間隊伍一經過就開始嗌咪
SSU o既人手明顯唔夠，未意識到籌錢先係整個遊行o既主角

萬事俱備，終於見到龍頭大貨車 + 大banner，一切準備就緒
開始嗌：「各位市民你o地好，呢度係香港人權監察，我o地正籌備一個全民投票計劃，以落實普選；呢個項目需要大量資金，所以希望各位朋友能夠鼎力相助，全力支持呢個民間公投……」
大聲公的聲時大時細，而且面對群眾講話o既經驗實在太少

最後交由馮家強嗌咪，果然係習慣o左面對群眾，言簡意賅
最重要係加一句「政府冇誠意推動公投，我o地民間自己做」
而我就改為抬住個籌款箱，o的人好慷慨，張張都係紅杉魚

陳太都o黎，不過佢去到我o既位置之前o個個街口就走o左！
到o左差不多17:45，人潮突然密o左好多，差o的企都企唔到
有o的人o係我面對o既電車站突破封鎖線，似乎真係超多人

龍尾o係18:25通過灣仔，開始清場，開始收拾街站o既物資
其實比較想做Leo o個瓣囉，做observer可以乘機行埋一份
先將的士充當解款車，將o的籌款箱送返HRM，之後等貨車
Book唔到，最後要靠前線o既貨車打救，暫時保管o的物資

跑返HRM幫手做陳裘大最鍾意做o既事，數錢果然工作繁重
Billy衰 + 豐 + 冰 + April都o係度，先幫SSU數第一個箱o的錢
郭家麒配錯第二箱o既key，不過最後都成功開到箱數到錢
SSU單o係今日就籌到$20000樓上，以後記得把握籌款機會

之後過返HRM幫手，前後擺o左三個街站，一定唔會籌得少
厲害，HRM總共為民間公投籌到接近$17萬，多過民主動力

煲呔發表講話，扭開收音機洗耳恭聽，聽完擺明得啖笑囉
羅沃啟：「你咁樣講，即係擺明要我o地元旦出多次o者」
煲呔o係禮賓府講話，仲有好多人坐o係附近政府總部集會
煲呔到依家仲毫無損傷，可想而知我o地溫和到乜o野地步

＊－＊－＊－＊－＊－＊－＊－＊－＊－＊－＊－＊－＊

數錢工作繁忙，搞到好夜，23:30先返到屋企，即刻睇新聞
乜話？63000人？o的警察真係識得講笑，完全唔知點數人

我企o係灣仔定點觀察，整條龍足足用o左3個鐘先完全通過
o的人排得密，警方又開埋軒尼詩道東行，你同我講63000？
唔一定有25萬，不過保守推算應該有15-20萬，上盤開出！

唔期望政改方案有乜讓步，否決o左都冇所謂，反正冇分別
只係想講，已經冇再要07/08普選，我只係想問：幾時有？
乜都有時間表，唯獨呢個唔可以有，話我知，道理o係邊？





冇同佢o地一齊行，不過見到佢o地banner經過，一陣哄動……
只係想知，佢o地究竟有冇嗌「不要柏拉圖，只要路線圖」？

高登都走出o黎，最膠o既banner，其實EP 21 o既大banner都正


o尋日就係幫呢個籌款，不過何主席負責o既街站唔係我o個個


>>December 5, 2005 at 8:06:28 AM GMT+8

2005 年 12 月 2 日 星期五 【晴】

買定離手！
開盤人：一名有四個老婆的老而不

賽事編號：SUN 124
戲碼：人民力量 vs 既得利益
開賽時間：下午三時
開賽地點：維多利亞公園及政府總部之間的道路
天氣：清涼　攝氏14-17度
盤口：50000人

小弟下注：我買上盤！

＊－＊－＊－＊－＊－＊－＊－＊－＊－＊－＊－＊

中午去o左美孚踢波，周展程再施展奇技：空門飛機！
前面o的人幫我擋哂輝哥o的怒抽，怇受到乜o野刺激？

之後Eric + 嘉榮 + Richard + 肥鵬出旺角唱K，被劏死牛
Richard生日優惠期未過，不過唔見得有乜特別著數o左

超耐冇聽歌，望住新歌推介……全版竟然冇一首識唱！
面對側田o的歌，你眼望我眼，根本冇可能唱到咁高音

＊－＊－＊－＊－＊－＊－＊－＊－＊－＊－＊－＊

我們是一班政政系學生，現呼籲政政系同學、助教、導師及教授一同參與十二月四日(本星期日)下午三時於維園舉辦的大遊行，其主題為「反對政改方案，爭取全面普選」。以下聲明表達了我們參與是次遊行之立場，現邀請各位認同以下立場的政政系同學、助教、導師及教授聯署，以共同表達我們對香港落實全面普選的訴求，並體現對公民社會參與的價值之肯定。(如欲聯署，請將院系級及姓名電郵至[email protected]或[email protected])

如欲一同參與遊行，請留意以下資料：

集合時間：下午二時三十分
集合地點：香港中央圖書館正門噴水池對出位置
強烈要求加快香港民主進程，盡快落實全面普選

─中大政政系師生聯署聲明

　　香港政府政制發展專責小組於十月發表第五號報告，報告除按全國人大常委會的規定就二零零七年立法會及二零零八年行政長官選舉辦法提出建議外，對香港未來的民主進程和路向，隻字未提，更未能提供切實的普選時間表和路線圖，令我們感到非常失望。

　　民主是人權的基本體現，而落實普選更是實現民主的必要途徑。然而，特區政府一直以條件不成熟為藉口，窒礙實現普選立法會和行政長官的步伐，延宕香港的民主進度。事實上，這種民主「條件論」只是政府扼殺民主發展的手段，根本沒有理據支持。特區政府置香港市民的政治權利與未來福祉於不顧，實在令人扼腕嘆息。

　　我們認為，民主理念已獲得香港社會的普遍認同，特區政府理應主動提出落實全面普選的方向和具體計劃，令香港儘快實現民主。　然則我們看到的，卻是特區政府對實現雙普選方案和步驟的一再迴避，甚至對欲藉遊行表達民主訴求的市民，一再加以否定排斥，拒絕以真誠態度面對市民的合理訴求，實在極不負責。

　　故此，我們強烈要求特區政府：

（一） 立即提供落實普選立法會和行政長官的時間表和路線圖，盡快實現雙普選；
（二） 尊重市民爭取民主的權利，並以誠懇態度認真回應我們的訴求；以及
（三） 重視公民遊行和共同建構公民社會的價值，並以開放胸襟接納社會的不同聲音。

作為香港中文大學政治與行政學系的學生，我們熱切關懷我們的社會。政治和生活從來難以分割。當我們的老師平時教導我們，政治的終極關懷，是「人應當如何一起生活」(小弟按：How should we live together)時，他們所期許的，正是希望我們以獨立思考的精神，批評社會的不公義，並對社會有勇敢的承擔！在這個影響香港民主發展的關鍵時刻，我們感到有責任發出我們的聲音，表達我們對民主的熱切追求！

二零零五年十二月二日


發起人：

林嘉俊(崇政二)
梁智仁(新政二)
賴筑芹(新政二)
陳毅成(新政二)
黃宇軒(聯政二)
林謙宜(聯政二)
朱嘉祥(逸政二)

聯署人：

周保松(政政系導師)
黃世澤（兼職講師，2000逸夫政政校友）
蔡子強(政政系導師)
梁宇軒(崇政三)
李念恩(崇政三)
莊美蓉(新政三)
曹潔雯(新政二)
連志暉(新政二)
黃穎詩(新政二)
張景恆(新政二)
陳秀楓(新政二)
曾善璘(崇政二)
吳詩婷(崇政二)
李肇祐(崇政二)
關志勤(聯政二)
劉永皓(聯政二)
鄧翠琳(逸政二)
黃宇深(逸政二)
鄭懿嘉(新政一)
陳家祺(聯政一)
丁宏量(逸政一)
徐國峰(逸政一)

＊－＊－＊－＊－＊－＊－＊－＊－＊－＊－＊－＊

From Cutter's Xanga :

坦白講，我對這次遊行並沒有十分明確的目標，但作為政政系的學生，我覺得必要去體驗社會對事件的關注同看法。

政府遲遲不肯交出普選時間表，一次又一次地為反對加快民主進程提出不合理的理由，什麼政黨不成熟、民主要長時間醞釀云云，都令人感到政府之無誠意。民主熱潮，由八十年代開始興起，到今天我們仍看不到一個普選出來的領導人，一個８００人的選委會、半數的功能界別議席，都不禁令人感到民主路途之艱辛。

這麼多的不滿，似乎沒有理由令我不全心投入爭取民主的運動。然而，我要問的卻是最根本的問題：究竟民主是好是壞﹖「民主」這個詞在今天的社會已經成為神聖不可侵犯的標誌，即使是特區政府、北京也不敢公開表態反對民主，社會討論的都是何時有普選、民主進程問題，又有幾多真正放在對民主本身的討論﹖

From Stanley's Xanga :

乜野叫"成熟"
唔遊行? 唔反政府? 投票投民建聯?
(有一次曾鈺成黎中大講talk, 佢話七一之後就要求中央俾0708普選, 當然信唔信佢就另一回事... 但1123區選後DAB慘敗, 曾鈺成就話中央問佢做乜仲夠膽講普選; 換言之, 唔俾DAB贏就唔可以有普選?)
成熟一詞只係當權者砌出黎既一個包裝, 其實就係話"你支持我就得喇"
清醒點吧, 有幾成熟都好, 唔爭取既話, 當權者一日贏唔到投票, 一日都唔會有普選
要拎番我地既民權, 就要靠我地自己爭取

From 傑仔's Xanga

12.4遊行......

我掙扎左一排, 諗緊有無咁o既需要走上街呢?

但係最終都決定去, 主要的動力係我覺得作為一個讀政治o既學生

我覺得比任何人更有需要參與其中, 感受政治...獲取那實在的體會,

儘管我對某些價值不太認同,

不過感受這大時代的洪流, 唔...還是值得的

From Osmond's Xanga :

我們說要上街

不是因為我們迷信民主, 迷信普選

而是因為我們是有自尊的一群，　

絕不像討飯吃的乞丐

民主

體現了我們的ｉｎｔｒｉｎｓｉｃ　ｅｑｕａｌｉｔｙ

是我們應得的

絕不應該要我們討飯般的乞回來

From龍維給周生的郵件：
不要柏拉圖，只要路線圖！落實普選要快o的，否則去見羅爾斯！

＊－＊－＊－＊－＊－＊－＊－＊－＊－＊－＊－＊

明天，我們會在民主的道路上相見嗎？願意為未來付出一個下午嗎？
明天，把我們應得的拿回來，不為甚麼，只因我們是平等的自由人！

聽日要幫HRM o係灣仔守counter，所以應該唔會o係維園出發行足全程
不過又好想去維園走一趟，去o左維園打個round先再過灣仔join HRM？

>>December 3, 2005 at 3:44:41 PM GMT+8

2005 年 12 月 1 日 星期四 【晴】



其中一欄o既字序搞亂o左，校對o既人點樣做o野？
仲有，傳媒有樣o野經常搞錯：中大政政系o既全名
我o地係「政治與行政學」，冇「公共」兩個字o架
雖則我o地系o既英文名"GPA"中，P stands for public

原曲：天才與白痴 – 古巨基
改編：俾個日子

民主的呼聲應該夠多 種子應該開花結果 特首 選過麼
如果搞普選香港喎囉 請睇早幾年點喎左 商家口裡暴民零舍多
實在別拖得就拖 若手中一票在我
民心所想更受注視 那代言人越多
隨便舉中指o既得番一個還是太多

*這個日子 大眾齊上路一次
問結果 邊個知 然而尚要盡人事
如沒努力試一次 只怕後悔也不止
時日至此 哪個情願去當順民 盡快
俾個日子 大眾投票第一次
為了當家作主 最美好的那時
沒有聖旨 唯有正義
悲嘆無用 爭取先算大智
尋覓理想 難道坐住等 等恩賜

從一開始等一九八幾 今天追憶一九八幾或者 等到死
閒閒地相識都七百幾 首長選舉都七百幾 舉手機器賤民沒有say
實在越諗起越衰 未必等到八十歲
全版的廣告在叫喚我是何其善舉
延續七一精髓香港之最成就創舉

Repeat * x 2

(Source : http://forum.wongyukman.com)



十問歐洲冠軍球會盃 / 歐洲聯賽冠軍盃

Q 1 : 誰人曾六度奪標？
Q 2 : 誰人曾於一場比賽「大四喜」？
Q 3 : 多少球員首次代表球隊於此賽事上陣即大演帽子戲法？(提示：其中一人與上題相同)
Q 4 : 決賽史上最老入球球員？
Q 5 : 哪支球隊贏取此錦標次數多於贏取本土頂級聯賽冠軍次數？
Q 6 : 哪支冠軍球隊現時並非處於該國首兩級聯賽？
Q 7 : 多少球隊於一季內包攬此賽事、本土聯賽和本土盃賽冠軍？
Q 8 : 以場數計，哪支球隊保持最長時間不敗紀錄？
Q 9 : 哪個國家擁有最多曾奪標球隊？
Q 10 : 哪支球隊奪標時，距離對上一次於本土聯賽封王年份最遠？

>>December 2, 2005 at 1:44:00 PM GMT+8

2005 年 11 月 30 日 星期三 【晴】

o尋日冇上三支香Lect，今日o既Tuto超hea，邊聽邊出神
開始搵到Final Project o既方向，不過有冇足夠data去做？

A45組黨唔係新聞，對我來講最矚目o既，竟然搵到阿關入黨！
從理念、行事方式o黎講，呢個係心目中最有興趣加入o既政黨

日子臨近，網上forum越來越多對星期日o既討論，當然唔只睇
將對Plato's Guardianship o既批判偷換概念，原來都絕對講得通
何必妄自菲薄？生於咁文明o既社會，何必貶低自己o既素質？





>>December 1, 2005 at 2:26:00 PM GMT+8

2005 年 11 月 29 日 星期二 【晴】

基於某種原因，1020全體上下呢個星期之內都要去照肺
最多人揀今朝去，決定跟大隊，去完返o黎1095 Present

Best De ?咁就一定要賀下喇，自己揀，家傑四合一其中一款！
繼釘釘樹之後，CC人又有新玩意「剷草」，點解Shaw冇o既？
沿途操去粉嶺o既健康中心都好嘈，俾人怒啤添，因為Best De

好彩o個度冇其他人，全部都係我o地o既噪音，條友又博被con
擺明想落四樓「兒童智力體能發展中心」，不如幾個一齊落啦
要全部照哂肺先可以走，我同阿權趕時間返中大o架，快o的啦

大隊仲傾緊o係唔o係粉嶺飲茶，我同阿權就即跑返去1095 Tuto
夾多個Soci Yr 2合作present Social Justice，主打Rawls o既理論
趁仲新鮮，Final Paper o既題目想用《炮打羅爾斯》，挑戰佢囉

1095都完埋，其實絕對肯定哲學，特別係政治哲學o既存在價值
不過o的theory真係好深奧，readings又肯定讀唔哂，好難handle
對3070甚至3200都唔係完全冇興趣，不過Philo真係唔係我o個瓣

籃球最終B+失敗，好彩仲保得住個B(79分)，最衰罰球臨場失準
覺得上唔上都冇所謂，冇mood上埋最後o既三支香，返o左屋企

o係Coffee Corner食tea期間，同檯o既地盤工人幫人買外賣熱飲
「奶茶咁X(讀音同今朝照X光o既器官o既英文相近)細杯o既？」
阿生，呢隻係標準外賣熱飲杯，你唔係想用隻凍杯裝熱飲o掛？

>>November 30, 2005 at 5:00:05 PM GMT+8

2005 年 11 月 28 日 星期一 【晴】

最鍾意o既1020終於落幕，不過仲有兩個topic教唔切
睇o黎Final Exam將會超級過癮，不過又驚深到唔識答

姑娘o黎講照肺o既事，始終答唔到點解得1020 o的人要去照
阿傑幫手排照肺時間表，十足搞旅行團，SY同周生都照o左
A嫂生日，A銘唔係話想同阿丁玩X-Con咩？我o地樂意效勞！

1095仲有下星期o既加堂，正為自己出Final Paper題目而煩惱
有自由度唔一定好，望住咁多topic，都唔好點樣出題，好煩
o係UC Can傾聽日1095 Present，痛苦，原來縮極都仲有咁長

最後o既1020 Tuto，討論之餘，最後o個半個鐘要o黎evaluation
幾鍾意SY呢種教法，夠震撼，所以推介俾Physics人明年讀

Re Tin : 多謝捧場～
Re師兄：呢度有好多系o既消息？唔係o掛？

>>November 29, 2005 at 3:01:51 PM GMT+8

2005 年 11 月 27 日 星期日 【晴】

本店開張以來第1000份傑作，前後足足經歷o左35個月
當時只係一時興起想寫，不知不覺間成為每日o既習慣

有時重溫好耐之前o既日記，3年好快，不過真係改變o既好多
當初連F.6都未有著落，依家已經為M.Phil.作盤算，雖然好難行
會唔會有2000, 3000篇日記？3年、6年後，又會係點o既光景？

第1000篇日記，送俾壽星蝦！

＊－＊－＊－＊－＊－＊－＊－＊－＊－＊－＊－＊－＊－＊

四條柱，又有核突o野！就咁聽都覺得骨痺，仲要睇？咪搞！
毛孟靜明dum波鐘，拖到12:30先quiz，唔俾我o地咁早測完走
不過測完都係即走，去錢Lib搞1095 Present，進度比預期理想

考射罰波，10球入7球就滿分，如果破天荒全中仲送自助餐券
練習o個陣有70% o架，考o個陣就跌到一半，仲要三球撞前框
未計10分平時分，依家得21 + 26 + 22 = 69分，睇o黎B+無望喇

＊－＊－＊－＊－＊－＊－＊－＊－＊－＊－＊－＊－＊－＊

P.S.祝紅紅早日康復，病癒歸來！

>>November 28, 2005 at 3:28:35 PM GMT+8

2005 年 11 月 26 日 星期六 【晴】

HRM + SSU短時間內籌備o既政改研討會，o係HRM舉行
可能因為得幾日之內準備，搵唔到好多人走o黎sharing

請到來自支青組o既朋友，可以打探多o的關於支青組o既消息
o係中大搵唔到o岩心水o既莊，唯有走出大學站，再向出面闖

先玩Kit提o左好耐o既，o係南非訂造o既棋，學習民主o既價值
幾好玩囉，想幫HRM將呢隻game翻譯做中文，多o的人可以玩

下午有百忙o既梁家傑，o係我o地出去買飯盒o個陣已經到o左
Feel到佢對咁少人唔多高興，因為佢寧願花時間同多o的人講
都係o的佢講得多，我o地聽得多o既概念，死火，飯氣攻心添

梁家傑 + Ben先後去o左遮打花園，餘下o既人講其他社會話題
Leo咁樣都當返工？一份比補習輕鬆得多o既兼職，請食o野！
唔係Kenneth提起，完全冇留意過通常o係新發展區都冇乜教會

向第三屆聯絡April口述SSU歷史，邊o的係壞人，自己去judge啦
支青組有冇SSU咁內耗？聽Simon講好似冇，不過又唔係冇問題
April又好似Kathleen咁俾人玩，佢會唔會係今屆SSU矚目女將？





你可以話，五號報告書建議o既方案，已經向民主踏出一大步
你可以話，基於「平等」原則，唔應該唔俾委任區議員做選委
你可以話，中央根本唔會俾普選時間表，爭取時間係不切實際
你甚至可以話，郁o的就上街，就算唔係暴民都解決唔到問題

但係撫心自問，對於以上幾番話，你有冇一刻懷疑自己所講？
呢份政改五號報告書，究竟係民主大補藥，抑或係糖衣毒藥？
容許委任議員選特首選立法會，真係因為體現所謂「平等」？
點解做乜都要有時間表，唯獨普選就唔能夠有時間表路線圖？

經濟早就從谷底反彈，所以已經再冇迫切需要爭取民主普選？
爭取民主究竟係為o左經濟增長，抑或體現民主背後o既價值？
政治權利本來就屬於我o地，何必講成我o地要向中央「乞」？

乜o野區議會方案、兩院制o者？你究竟有冇真心向普選邁進？
講你又唔肯聽，我唔上街，仲有乜o野途徑，表達我o既意見？

人o地睇死香港人，我o地就再次上街，越多人越好，彰顯民意
下星期日，會來維園嗎？堅信民主信念的諸君，維園不見不散

>>November 27, 2005 at 3:40:21 PM GMT+8

2005 年 11 月 25 日 星期五 【晴】

鄧龍威終於講點樣做Final Group Project，之後就訓著o左
夠精神聽就聽，唔聽都冇所謂，我睇《政治哲學緒論》

首次o係中超擔正，對手係唔太強o既QFN，我指踢波方面唔強
兩隊都著紅衫，「客軍」系隊為遷就「主隊」，換上藍色龜背
1.Eric(GK)　3.立　5.Andrew　6.Barry　7.Elton　9.Cutter　11.誠

為求取勝，踢得進取o的，連Barry都壓上去攻，Andrew包最後
QFN攻勢的確唔多，全場只靠零星o既突擊，射4-5球得1球中框
o個球係下半場角球唔入俾人打返轉頭，好彩擋到對手o既單刀

進攻太迂迴，其實可以打得直接o的，見到龍門就起腳怒shoot
尤其係Cutter、誠熱身o個陣都腳腳七注，放膽起腳博大霧啦！
太集中o係左邊搞，太多無謂o既短傳，太少嘗試質直線入禁區

以「反底」為口號，希望o係QFN身上全取3分，可惜都交白卷
連續3場贏唔到，2和1負，得返3場，爭取出線o既機會又細o左

唔夠喉，圍內鬥波，Yr 3佔系隊人數最多，多到可以自組一隊
越踢越肚餓，完全冇哂力先肯停，又拉大隊去沙田市中心開餐
中超o既首度亮相告一段落，依家開始又要為1095 Present奮鬥

>>November 26, 2005 at 4:44:38 PM GMT+8