2004 年 8 月 10 日 星期二 【陰】

終於黎到放榜 ge 日子 lu
尋晚成晚都冇訓到 ...
唔係因為緊張 ... 但我都唔知點解 ...
成晚都眼光光，諗左好多野，repeat ge 一年咁就過去左

今日收到張 cert 真係呆左，第一個反應係 " 唔敢當 "
我一直都認為 A 同 B 出現響我會考成績入面 ge 機會係零
望住呢張成績表我真係一臉茫然，簡直係令人難以置信 ... !
其實應該係喜出望外至o岩 ge ~ haha ~

拎完之後即刻比人的左去做訪問
haha ... 咁大個仔第一次比電視台訪問
我覺得自己答得好差呀 ~ 核核突突咁 ><
更不幸 ge 係我冇估計到大陸人多數睇亞視 ...
所以差唔多全部姨媽姑姐都見到我 ... 好尷尬啊 ...

真係好開心，收到好多祝賀
當每個教過我，甚至未教過我 ge 老師走過黎恭喜我
好有萬千寵愛在一身 ge 感覺
咁大個仔都未試過有咁 ge 感覺 ... 真係好多謝你地 !!

我仲要多謝某 D 睇唔起 ge 我 ge 人
佢地都係比左原動力我，令我更努力
仲更加令我珍惜現在有 ge 野
好慶幸身邊 ge 人一直都好支持我
今年得到好多個 " 義不容辭 "
無論係屋企人、朋友、老師都好幫我
如果冇你地響身邊，我一定唔可以有今日 ge 成績
我真係覺得又慚愧又感動 ~ 好彩我都算叫做冇辜負到你地
來年我會繼續努力 !! 希望大家都一樣同我一齊努力 ~!!

今日精句 : 令人加倍努力的原動力來自兩種人，一是喜歡的人，另外的就是仇人。

>>August 12, 2004 at 7:06:33 PM GMT+8

2004 年 8 月 8 日 星期日 【酷熱】

呢個社會都幾可惡 ~
本來我對於放榜都唔係咁緊張
之不過日日都聽到收音機呀 ~ 電視呀 ~ 報紙呀 ~ 三姑六婆呀 ~ 等等等等 ...
不斷響我耳邊講星期三放榜 ... 點點點 ... 又乜又盛 ~ 陰魂不散 ...
攪到個氣氛懶緊張咁 ~ 真係有少少比人圍毆 ge 感覺 ~
OH ~ MY GOD ~~~ @@

有 D 人會令我面紅心跳，甚至對住個電視發晒癲拍晒臺 ~
不過原來太接近，又或者近少少都已經冇左果種興奮 ~
原本遙遠的東西不再美麗了 ~ 真係可惜 ~
都係保持距離好 D ~ 呵呵 ...

今日精句 : 其實愛很遠，但其實更美麗，沿著你走近，或是中計 ! ( 鳴謝周耀輝提供 )

>>August 9, 2004 at 4:30:06 PM GMT+8

2004 年 8 月 6 日 星期五 【炎熱】

尋晚發左個怪夢 ~
見到吳卓羲 ~ 不過佢比我串 ~ 呵呵 ... 真係可憐哦 ~

今日本來想出街搵人食飯
不過真係好疲累 ... 而且阿妹又冇人理
所以咩計劃都告吹晒 lu ~
留響屋企休養生息
我記得我好多年都冇訓過晏覺，今日真係頂唔順 ... 訓左 ~

夜晚睇新聞
知道中國輸左比日本
D 人又掟晒野又乜又七
唉 ... 真係好羞家呀 ~
一件事還一件事，總之依家落到球場就係打波，唔係打仗 !
憎人地個國家都唔係籍呢 D 黎發洩
有時候中國人就係咁醜陋
唔通要人地特登讓賽輸比中國呀 ? 有咩意思 ?
一 D 大將之風同體育精神都冇 ~
我最初以為中國 ge 足球技術同個樣輸比人姐 ~ 點知連品格都輸成條街 ~

+*+*+*+*+*+*+*+*+*+*+*+*+*+ Happy Birthday to 弱雞 +*+*+*+*+*+*+*+*+*+*+*+*+*+*

今日精句 : 人地對你衰就只係人地理虧，你對返人地衰就變左大家都係衰人

>>August 7, 2004 at 7:00:40 PM GMT+8

2004 年 8 月 5 日 星期四 【綿綿細雨】

哎呀呀 ~ 今日去左黃大仙打牌
大敗而回 ... 嗚嗚 ...

經過我 ge 賽後檢討
發現我輸 ge 原因絕對係有跡可尋 !
一字記之曰『 貪 』!!
嫌三番太細唔食，之後往往係會比人食鋪十番
結果咪就係貪字得個貧之嘛 ~

今日精句 : 每個戰場都一樣，你唔 " 郁 " 人，人地就 " 郁 " 你 !

>>August 7, 2004 at 6:37:06 PM GMT+8

2004 年 8 月 3 日 星期二 【炎熱】

今日比我見到呢度 ge 人氣指數係 11111
5 條 1 ~ 真係好意頭 ~ 呵呵 ...

呢兩日都同朋友仔出左街 ~
尋日去左旺角，今日去左尖沙咀唱 K ~
今次又係好飽咁走 ~ 呢間野真係好多野食 !
之後去左香港歷史博物館，好少可做 D 咁益智 ge 野 ~ haha ~
但其實大家都係盤住三姑 ge 心態見星期三唔洗錢貪小便宜入去玩下 ~
入到去係咁影相，我覺得我地好似自由行 ... 不過都玩得好開心 ge ~

呢兩日出街都遇到好多死問卷調查員同 sales
我不嬲都會唔理佢地，仲會板起個死人樣以求嚇走佢地
我一直都覺得咁樣係冇問題，因為有 D 死纏難打 ge 真係好討厭
但係今日先知原來我對住個個都係咁
有 D 人真係職責所在要同你介紹下
唔鐘意大可以向人笑下咁擰頭以示拒絕，大家都好過
好可惜我一直都忽略左呢樣野
我冇諗過我呢 D 行為係會令一個同我無怨無仇 ge 人咁難受
對於自己響呢 D 時候未能易地而處，真係有 D 慚愧 ...

今日聽到一個好好 ge 消息
一位好朋友入到一間好好 ge 學校
真係好開心 ~ 呢個係一個好好 ge 機會，要比 D 心機呀 ~!!

今日精句 : 一些不以為然的表情和動作，往往令別人感到難受。( 鳴謝阿甄啟發 )

>>August 5, 2004 at 1:52:52 PM GMT+8

2004 年 7 月 31 日 星期六 【炎熱】

終於踏入 8 月了 ~
原來距離會考放榜只係仲有 10 日
好奇怪 ... 我真係唔係太緊張
唔係因為胸有成竹，原因不明 ~ 可能自己學會看輕一點 ~

今日真係好開心好感動 !!
我發夢都真係諗過會有人特意為我填一首詞
而呢首本身亦係我好鐘意 ge 歌，依家呢首歌對我有更大 ge 意義 ~
如果係情人 ge 話我一定以身相許 ~ haha
但係朋友為我做 ge 真係更多，應該係愈來愈多
-----------------------------------------------------------------------------------------
原曲 : 不拖不欠
新詞 : Nicky

漸成熟回望當天 段段旅程
未有人攻佔我 內心孤單背影
但明白 我會有日也可 找到一個真心相愛不錯

未停下來看新聞 段段見聞
但發現廣告確實很多的氣氛
在銀幕秒秒也在轉新
感覺不到它可將我吸引

不要美貌 不要富裕
只需他可真心愛我
我信我會有天得到

沒有問任何訊號
沒有畫任何記號
也深知終有天會找到

只要態度 不太冷傲
開開心心終可盼到
誰人能來伴我終老
若結局未能很好 亦會慢慢而進步
我總等到最好那來共我擁抱

ps.再一次多謝 Nicky 送呢首詞比我 ~ thank you very very much !!

今日精句 : 若結局未能很好，亦會慢慢而進步，我總等到最好那來共我擁抱 。( 鳴謝 Nicky 提供 )

>>August 2, 2004 at 8:05:16 PM GMT+8

2004 年 7 月 30 日 星期五 【酷熱】

今晚食左個幾詭異 ge 飯 ...
事緣係因為今日有人約我食飯
嘩 ~ 有人約我 wor ! 梗係o累飯應 ga la
不過我好似冇考慮到仲有咩人會去 ...
好彩都有 D 我識 ge 人，如果唔係都幾白痴
不過 ... 我總係覺得今晚係有 D 唔尋常 ( 定係因為比我聽到某 D 野呢 ... !? )

食完個好熱氣 ge 韓燒之後就去左一睹台灣人 ge 風采 ~
老實講 ... 我真係覺得佢好得 ! 令我羨慕不已 ...
今次係我咁大個仔第一次同完全唔識廣東話 ge 人用國語交談
好彩對方都叫聽得明 ... yeah =.=V
不過我覺得佢好似好緊張咁 ... 可能我太熱情嚇親人 ~ 呵呵 ...

今日精句 : 我唔講，唔表示我唔知 !

>>August 2, 2004 at 7:25:28 PM GMT+8

2004 年 7 月 29 日 星期四 【炎熱】

好快樂的一天哦 ~~

較左鬧鐘要早起 ~ 為的是要去唱 K ! ( yee ? 咁押韻 ge ... ? ) 真折墮 ~ haha
不過我真係未唱過一個咁飽 ge K ~
歌就唔係唱得多 ~ 不過真係食左好多野 ... 好飽好飽 ...
唱完去左行街街 ~ 行完就去會合同去睇 Sammi conert ge 朋友仔啦 ~

其實今次演唱會我都幾驚
因為我覺得對上次真係算好好，我驚會有比較
不過今晚真係好好正 ~ 我 D 至愛 Shine 同 Edison 都係嘉賓 ~ 真係開心死我 ~~
Edison 一出黎我簡直好似癲佬 ( 瘋婦 !? ) 咁尖叫 ~ 嗌到我傻 ~
不過大家唔好當我怪物，在場人士都冇乜邊個冇嗌出聲 ~
一個人靚，真係幾時都會咁受歡迎 !!
D 觀眾都好正 ~ 黎自五湖四海 ge ~ haha ...
如果我都可以好似佢地咁同 Sammi 合唱就好 lu ~ ^^

今次演唱會我發覺 Sammi ge 唱腔明顯唔同左
尤其唱快歌果時聲線比平時厚，聽聽下仲覺得幾似梅姐 tim !
haha ~ 唔知關唔關杜麗莎 ge 教導事呢 ?
其實我都因為咁而好開心 ~
因為我覺得今時今日 ge Sammi 大可以唔洗攪咁多野 ~ 穩打穩紮咁做呢個 show
但係都見到佢咁比心機令自己進步，希望比更多野比觀眾
作為佢 ge 歌迷我真係覺得幾驕傲同幾感動
除此之外，我聽佢唱《 唯獨你是不可取替 》時聽到個心好酸，有 D 欲哭 ge 衝動 ...
唔知係 Sammi 唱歌 ge 感染力大左，定係我感性左呢 ?

哎呀 ~~ 死啦 ~ 我依家仲好亢奮呀 ~
haha ... 點算 ~ !???

今日精句 : 一個人靚，真係幾時都會咁受歡迎。( 鳴謝陳冠希啟發 )

>>July 30, 2004 at 7:32:12 PM GMT+8

2004 年 7 月 28 日 星期三 【陰】

如果以前要我用一首歌黎形容我 ge 愛情
我會用莫文蔚 ge《 北極光 》
最近有一首歌講 ge 野有 D 相似
唔知大家有冇聽過，呢首係官恩娜 ge《 地平線 》
同樣係出自黃偉文 ge 手筆
雖然兩首歌意思相似，不過感覺有所不同
分別在於前者比較淒愴、悲涼，後者則較樂觀
面對同一份感情，但心態改變了，原來 Wyman 是跟我一起成長
戀上愛不到的人，我不會再說 " 早知你愛不起，怨亦難 "
為自己的所愛而趕路，縱使觸不到，但也是甜的，對嗎 ?
我會好好享受這份感覺，將它深深藏在心中，因為我知道，回憶一定會很美麗。

wawawa ~ 原來今日好多人生日 ! @@
haha ~ 聽日就有得睇 Sammi 演唱會啦 ~~
好期待 ~~ 好緊張 ~~ 好興奮 ~~

+*+*+*+*+*+*+*+*+*+*+*+*+*+*+* Happy Birthday to 阿奇 +*+*+*+*+*+*+*+*+*+*+*+*+*+*+*+*
*+*+*+*+*+*+*+*+*+*+*+*+*+*+*+ Happy Birthday to Vivian *+*+*+*+*+*+*+*+*+*+*+*+*+*+*+*+
+*+*+*+*+*+*+*+*+*+*+*+*+*+*+* Happy Birthday to 家豪 +*+*+*+*+*+*+*+*+*+*+*+*+*+*+*+*

今日精句 : 情願盼望有顆焦點，當就快將遇見，趕路還是甜。( 鳴謝黃偉文提供 )

>>August 14, 2004 at 5:45:46 PM GMT+8

2004 年 7 月 26 日 星期一 【陰】

今日同左 D 表弟妹去左行街街 ~
買左 D 書同買左 D game 就返屋企玩 lu ~
D 書仲要係唔洗錢買 ge tim ~ 真係開心 ~ wahaha ~

我記得我好細個果時覺得歡樂今宵好好睇
盧海鵬同朱咪咪真係好好笑，成日捱眼訓都要睇
早幾年無線又再做歡樂今宵，不過我覺得好無聊
我曾經懷疑過係節目變左質
不過細心 D 諗下，其實都係差無幾
改變 ge 原來並唔係歡樂今宵，而係我自己
歡樂今宵如是，至叻小人類 ( 前名:閃電傳真機 )如是 ...
很多東西都隨著成長而溜走 ... 當中可能包括果 D 唔知為乜 ge 快樂
這樣 ... 到底是好，還是壞呢 ... ?

今日精句 : 有時感到事物變了質，但其實改變的不是事，而是我們。( 鳴謝阿偉啟發 )

>>July 27, 2004 at 6:35:07 PM GMT+8