2004 年 9 月 8 日 星期三 【微冷】

今日 ge 心情已經好返好多
不過估唔到我返到學校第一句講 ge 野會係粗口

一大早未訓醒就要上台講野，真係得人驚 ...
其實我今日講果時腳都震晒 ... 好叉驚 ~
好彩都唔算講得太樣衰 ~ 呵呵 ...

終於上左外籍 miss ge 堂
外國人果然係開放 D ~ 無論教學態度定著衫都係 ...
不過覺得佢都惡惡地，又或者係要求高啦 ~

下晏果 3 堂有少少阻滯
首先係我唔小心響 geog 堂訓著左 ... 跟住比 miss 取笑
之後就係中化比人捷足先登，攪到我冇得去廁所 ...
哼 ... 太過份 ~

放學去行左陣新世紀
好似好耐冇試過 Happy Friday lu ~

今日精句 : 無論一個人有幾咁豐富 ge 知識，都唔代表佢有良好 ge 人格 。

>>September 11, 2004 at 6:25:09 AM GMT+8

2004 年 9 月 8 日 星期三 【雷雨】

今日懷住一萬個不願意 ge 心情返學 ...
好癲呀 ... 我都唔係好知自己點解會攪成咁
我直情有 D 討厭自己 ...

好好彩今日好平穩咁渡過
我仲發覺原來學校 ge 同學仔都幾好人
我入其他班房寫中文學會 D 野 ge 時候佢地都幾合作
連 F.4 ge 同學都識得包容，點解 D 姐姐會咁 ga ~ 呵...

好多謝大家咁關心我，我都唔知可以講 D 咩 ...
你地對我講 ge 說話我收到晒 ga la ~ 好多謝大家 !
其實我都冇咩事，可能我係比較情緒化 D 先會攪成咁
我會比心機 ga la ~ 你地都係呀 ~

呀 ... 聽日就要上台講野 ...
只希望不要講得太樣衰 ~

今日精句 : 心存浩氣，正義永在 !! ( 鳴謝 Nicky 提供 )

>>September 11, 2004 at 5:43:02 AM GMT+8

2004 年 9 月 7 日 星期二 【雨】

今日心情直插谷底 ...
好耐都未試過因為返學而唔開心 ...

依家上堂真係好無奈 ... 咩都唔識 ...
好難想像個個都攞起支筆寫野 ge 時候我一隻字都寫唔出 ...
History Geog 用英文教唔洗講 ... 我連中史都唔識 ...
今日叫人出去講，唔係我唔想講 ... 而係我真係完全唔知可以講 D 咩 ...
學校依家又好似乜都比晒我做 ... 乜都關我事 ...
見到個個都向前跑我仲停響度咩都做唔到 ... 好難受啊 ...
有時我都好懷疑自己點解會讀到中六，今日我完全體會到咩叫盲字都唔識多個 ...
唉 ... 我唔想返啦 ... 中六都唔開心 ge ...

返到屋企淨係識困住自己響房唔知做咩
返學返到咁都算折墮 ...

今日精句 : 輸光自尊也鬥下去，壓力大得慾望都失去 ( 鳴謝林夕提供 )

>>September 8, 2004 at 4:19:38 PM GMT+8

2004 年 9 月 6 日 星期一 【清涼】

今日我竟然響空閒 ge 時候溫書 ...
咁大個仔都未試過唔係考試測驗 ge 時候做 D 咁 ge 野
真係講都冇人信呀 ! 可能我開始從良 ... 呵 ...

呢個世界 ge 人真係好極端 ~
有 D 人會邀請你去佢班房共膳
不過響同一個地方，有 D 人係會怒啤你 ga ~
學校果然係社會 ge 縮影 ~

今日精句 : 同學們應該相親相愛 ~ ( 出自 2004-05 年度 L6A 班規 )

>>September 7, 2004 at 5:11:33 PM GMT+8

2004 年 9 月 4 日 星期六 【陰】

我 D 新同學仔 ge 留言真係得意 ~
嚇得我丫 ~ haha
遲 D 一齊去降魔服妖呀下 ~

從前有一間精神病院
精神病患者甲 : 喂喂 ~ 請問呢位院友知唔知海棠春睡點解呀 ?
精神病患者乙 : 乜病房唔訓得覺 ga !?
精神病患者甲 : ....................................
隔左一陣 ....
精神病患者甲 : 咁你知唔知九龍塘西隧響邊呀 ? 我一陣要探我大姨媽呀 ~
精神病患者乙 : 乜病房唔訓得覺 ga !?
精神病患者甲 : ....................................
又隔左一陣 ....
精神病患者甲 : 近排聽陳姑娘講呢度成日有失竊 wor ... 你知唔知係邊個做 ga ?
精神病患者乙內心一振，煞有介事般大嚷 : 你個死蠢 ! 乜得你咁多野問 ga ! 呢個高級病房你應該o係度o架咩 !?

本故事並非虛構，如有雷同大家心照

今日精句 : 同傻 ge 人嗌交猶如吹喇叭，無論你幾咁用力吹，都吹佢唔脹，仲會啤一聲 tim ~ ( 鳴謝阿喱啟發 )

>>September 5, 2004 at 7:36:23 AM GMT+8

2004 年 9 月 2 日 星期四 【炎熱】

今日上左西史同 geog
西史都叫可以跟到，地理就真係地理魯媚啦 ...
雖然我完全估到佢地想講乜，不過我就冇乜邊幾隻字係識 ge ...

lunch 之後又係銜接課程
我 D 同學好醒咁借張通告打錯而潛逃
所以得返我同 Miss Lee 1 on 1 ...
我幾乎比佢問到啞左 ... 自己咩都唔識 ... 好無奈 ...

放左學有兩個好朋友返左黎
同佢地周圍搵先生傾計，我地 D 老師都好可愛 ~ haha
之後去左旺角飲下野，吹下水
咁又一日 ~ 返學 ge 時間過得真係快 ~

死啦 ... 我覺得好得人驚呀 ...
自己咩都唔識 ... 做野又唔叻 ... 學校又有妖孽為患
情況真係令我十分擔憂 ...

今日精句 : 小波折放入大染缸，騷擾各界受盡驚惶，事後我討厭自己不夠硬朗 ... ( 鳴謝黃偉文提供 )

>>September 4, 2004 at 10:09:29 AM GMT+8

2004 年 9 月 1 日 星期三 【酷熱】

第二日 ge 返學通常都係疲累 ge 延續
今日都唔例外，十分眼訓 ~

其實今日都唔洗上堂
不過就好似好多野做咁
又要搵呢個又要搵果個，攪到我頭都暈埋 ...
終於，我都係頂唔順響 lunch 之後等緊上 History ge 時候昏迷左
好耐冇試過響課室做呢個活動啦 ... 亦都難得今日可以訓得咁大無私樣

今日 lunch 比我見到一個奇景
相信大家都知道咩叫海棠春睡，不過我今日見到 ge 係一條九龍塘西隧 ~
頂唔順我咩 ? 相信今日只不過係前戲而已 ~

今日精句 : 受得你就受，唔受得 ge 咪走囉 ! ( 鳴謝盧巧音提供 )

>>September 2, 2004 at 5:44:42 PM GMT+8

2004 年 8 月 31 日 星期二 【酷熱】

放左咁多日假，終於都開學
真係好耐冇試過早過 8 點起身

返到學校見到一樣令我十分震驚 ge 野
如果人真係有預知能力 ge 話，我知道點解自己呢幾日會攪成咁
哈 ... 我都唔知應該開心定唔開心呢 ~

第一日返學例牌冇咩攪 ~
都係派下野同埋玩下自我介紹咁
原來 Miss Lui 都幾攪笑，不過教書就 ... 唔知 lu ~

放左學又走左去唱 K
之後各自歸家 ~
今日十個累 ~ 早抖 !

今日精句 : 你叫我最快樂，你也叫我最心痛 ! ( 鳴謝潘源良提供 )

>>September 2, 2004 at 5:10:03 PM GMT+8

2004 年 8 月 30 日 星期一 【陰】

真係話都冇咁快就放完假
哎呀 ... 我都仲未玩夠 ...
我都唔明白點解 3 個幾月會咁快用完
呵 ... 所以我覺得呢個假期我唔做野嘆世界絕對係正確 ge 決定 !

今日同新同學去左唱 K
好開心大家可以溝通到，如果唔係到時得我自己一個癲 ~
同埋原來文科 ge 同學原來都幾好玩 ~ 太好了 ~ !!
但係到左傾某 D 話題 ge 時候，我開始唔識表達 ...
有 D 野我真係好想講，奈何又真係唔講得
其實我都好討厭講 D 唔係發自內心 ge 說話 ... 唉 ...
算罷啦 ~ 有 D 野真係需要大家自己去領悟 ge

之後去左打機同食野 ~
有人同我講原來入 camp 果時比佢 ge 感覺係扮晒野 ...
em ... 可能真係 ge ~ 我不嬲都承認我唔係一個好人

今晚異常 bad mood ...
真係痴 Q 線 ... 未返學都已經攪成咁 ~
但係我真係唔知點解 ... 我個心會咁 "o翕 "

今日精句 : 我也不想這麼樣，反反覆覆，反正最後每個人都孤獨。( 鳴謝林夕提供 )

>>August 31, 2004 at 5:28:39 PM GMT+8

2004 年 8 月 27 日 星期五 【暴雨】

知道自己情緒低落 ge 時候好應該安坐家中
如果呢 D 時候要我出去湊熱鬧好似太痛苦了 ~
縱使有人返到黎話好好玩，我都覺得我今晚留響屋企睇奧運 ge 選擇十分明智 ~

今晚好興奮 ~ 中國 ge 跆拳、跳水同女排都拎左金牌
女排真係打得好激烈，攪到我都鬼死咁緊張
贏左果一刻我真係成個彈起左 ~
我從來都唔知原來自己咁愛國 ge ~

ICQ 係一個令人又愛又恨 ge 發明
愛佢，因為可以同一 D 平時唔可以傾計 ge 人講野
恨佢，係因為呢個始終唔係兜口兜面 ge 傾計模式
今日幾多野講都好，現實都好似原地踏步咁
不過我都識知足 ge ~ 有得講兩句總好過咩都冇 ~

今日精句 : 熱鬧，只會令寂寞的人更寂寞。

>>August 28, 2004 at 9:44:41 PM GMT+8