2005 年 3 月 3 日 星期四 【乍雨乍晴】

一覺訓醒，有時真係會咩煩惱都唔記得晒
所以都難怪我會咁鐘意訓覺 ~
可能加上今日係星期五 ge 關係，心情大靚 ~

放學去左沙田睇《 捉迷藏 》
很變態啊 ~ 全家人都 short short 地 ge ~
不過有 D 位都幾驚嚇
攪到我差 D 成個彈起 @@

之後去左搵野食
我發覺自己都幾煩 ~ 揀黎揀去都唔知食乜好
終於食左個幾好食 ge 葡汁意粉
跟住去左玩具反斗城搗亂 ~
哈哈 ... 我們都很變態 =P

ps . 今次又唔著校服 ... 好唔襯啊 ... !!!

今日精句 : 情侶間最好玩 ge 野，往往都係最無聊。

>>March 5, 2005 at 5:21:23 PM GMT+8

2005 年 3 月 2 日 星期三 【乍雨乍晴】

現在我的心情很差 ... 嚴寒令人心情更差 ...
面對 3 個 AL，實在感到無能為力
加上今日同 Miss 湯 ge 對話，更加不知如何是好 ...
可是 ... 我真的很討厭中國歷史啊 ... !

從來，我都不喜歡選擇
很多人說 : " 有得揀總好過冇得揀啊 ~ "
事實上 ... 好多時我都情願冇得揀
打個譬喻，愛上一個不能愛的人，冇得揀，但可自得其樂
被兩個或以上的人愛上，有得揀，但十分頭痕
正如今次 ge 事一樣，如果我是但一科勁屎，咁就唔洗諗咁多即 drop，開心死 ~
但係依家咁唔嗲唔吊，又讀得咁辛苦 ... 我都唔知點算 ...

講多一樣野，或許習慣了自己一個人咁過活
一直以黎有咩都自己鯁，同時亦享受沉醉響自己 ge 私人空間
多了一個人，我反而唔識如何生活 ...
我知我做左好多野令人感到無奈 ...
不過 ... 我亦很無奈 ...
看你的日記，發覺自己錯漏百出
很失敗啊 ...

今日精句 : 選擇，令人迷惘 ﹔愛情，令人更迷惘 ...

>>March 3, 2005 at 1:10:01 PM GMT+8

2005 年 2 月 28 日 星期一 【乍雨乍晴】

尋晚唔知痴左邊條筋，溫 Geog 溫到 3 點幾先訓
換黎 ge 後果就係今日遲左半個鐘起身 ...
趕趕趕 ... 趕到我傻 ... @@

返到去即將整 prefect 同準備升旗 D 野
今個月係 prefect 升旗，都幾得意呀 ~
今日都幾癲 ~ 一返到去就冇停過 ~
on duty ... 溫 Geog ... 好比心機咁上堂 ... 做功課 ... 搵 miss 阿 sir ...
好耐未試過咁繁忙 ~ 不過幾充實 ~

放學調位，原本 Miss 係調到我坐八星伴月九宮陣 ga ~
不過最後比佢調後左一個位，變左左右兩大護法陣 ~
唔錯唔錯 ~ 我對今次 ge 調動都相當滿意 ~ 呵呵 ...

之後留左我生平第二次 ge 堂 ~
Miss Lui 今日唔知做咩狂性大發 ... 差唔多全班都比佢留晒 SH ~
我都係今日先知，原來依家 ge 留堂係如此簡便 ~
即係留完都唔知自己有留過 ~

敵人今日終於有佢應得 ge報應
不是，應該係第一次 ge 報應 ~ 呵呵 ...

今日精句 : 處女座的報仇方法，就是每天開壇作法，不停詛咒敵人 ~ ( 鳴謝星座網頁提供 )

>>March 1, 2005 at 9:01:21 PM GMT+8

2005 年 2 月 26 日 星期六 【雷雨】

今日家長日，又要一早返去 on duty ...
諗返今個禮拜返足七日 ... 真係十分變態 @@

坐左個令鐘做 " 迎賓 " 就夠鐘到我見
雷老師今日一反常態地勁讚我 ... 比佢嚇親 ~
成績就不過不失啦 ~ 算係咁上下 ga la ~
經過一番討論之後我 drop 中史 ge 意向已達 90 % 了 ... ~

有人願意由頭到尾咁睇晒我咁耐以黎 ge 日記
每次知道都會覺得好感動
我印象中，好似知道有幾個人做過樣咁 ge 野
這次 ... 開始由感動變成慚愧 ...

事情，開始變得有點複雜 ~

今日精句 : 如果一次過得到太多以前好想要 ge 野，可能唔係一件好事 ...

>>February 28, 2005 at 11:02:50 AM GMT+8

2005 年 2 月 25 日 星期五 【寒冷】

今日遲左半個鐘頭起身
但係唔知點解反而早左到學校 ~
好慘呀 ... 星期六都要返學 ... ><

今日出奇地凍加大風 ~
吹到我頭都暈埋 @@
做左幾轉 MC，介紹學校網頁
不過就算我地講得幾好都冇用 ~
因為鍾副校長 ( 工 ) ge 表現實在太過強差人意
係咁踩自己學校，完全唔識避重就輕，連 D 好簡單 ge 問題都答唔到
簡直睇到我眼火爆，如果有支標槍我就飛埋去 ga la ~
同校長 " 奇技淫巧 " 實在相差好多皮 ~
唉 ... 呢 D 就係做到校長同只能做副校 ge 分別 ~

發覺最近開始用我 ge 嗅覺黎認人
今日聞到某種香味，好自然咁又睇下周圍有冇我熟悉 ge 人
之前聽人講，話其實人係會好似動物咁用嗅覺黎搵伴侶
唔知係咪因為咁，而令我愈來愈喜歡 " 索 " 人 ~ haha ...

對唔住啊 ... 係我大意 ...
我會好好反思一下今日 ge 事

今日精句 : 其實有得無聊都係一種福氣。( 鳴謝 Nicky 啟發 )

>>February 26, 2005 at 7:21:07 PM GMT+8

2005 年 2 月 24 日 星期四 【暴雨】

尋日要 rehearsal 介紹學校果 D 野 ...
呃左我半日 ... 真係唔抵 ~
好彩今日拿拿聲唔食飯住攪掂晒 D 野先走 ~ 成功早放 ~

lunch 去左又一城食 ~ 噢 ! 久違了的又一城 ~
好可惜去到先知同朋友仔緣慳一面 ~
跟住去左旺角一日遊 ~
拎返我農曆新年之前買落 ge game ~
飲飲食食咁又要歸家了 ~

我早放時你放假 ~ 真係開心 ~
好可惜太累 ge 關係昏睡左陣 ... 錯過了《 大長今 》... ><

今日精句 : 我寧願假得太真，都唔寧願真得太假。( 鳴謝 Kestrel 啟發 )

>>February 25, 2005 at 6:05:20 PM GMT+8

2005 年 2 月 22 日 星期二 【颳風】

農曆正月十五元宵佳節 ~
想不到會過得那麼浪漫 ~ haha ...
心情其實有點複雜，不過唔想深究了 =P

今日發生左好多第一次
第一次鬧 prefect
事實上我都忍了好多次
我唔鬧，唔代表我係傻的 !
係都諗個 make sense D ge 藉口丫唔該
真係美貌與智慧皆欠奉 !

第一次做獎品先生 ~
中文學會攪左個猜燈謎比同學玩
我就負責幫大家換禮物，感覺頗攪笑的 ~

放學去左睇《 魔間行者 》
不過不失啦 ~ 但係有 D 野都唔係太明 ~
可能我唔夠專心睇戲啦 ~ haha ...
旺角的確係一個相當危險 ge 地方 ~ 太多人，仲要係我識 ga tim ...
之後去左新世紀食飯，很飽 ~
返到屋企都十點幾了 ~

呢兩日，辛苦晒你了 ~
今天真的很快樂 !

今日精句 : 當我看著新的明天，沒有太多設限，出發 ! 在美好原點。( 鳴謝姚謙提供 )

>>February 24, 2005 at 5:39:03 PM GMT+8

2005 年 2 月 21 日 星期一 【乍雨乍晴】

十分凍十分凍 ... 凍到我唔願做人 ~
由於太多野要拎返學校 ge 關係，我今日要咩背囊
嘩 ~ 當堂低 B 左幾年 ~ 仲要拎住個大紙袋，樣衰極了 ...

下晏要去中大 " 睇戲學英文 "，估唔到睇到我爭 D 喊 ...
其實套戲都幾好睇 ge ~ 不過有 D 字真係唔識，所以係明唔晒的 ~
睇完之後真係學到英文 ga ! 只不過係淫賤英文 ~ 呵呵 ...

今日精句 : 面對困難時你會選擇 crying ? 定 do something ? ( 鳴謝《 Stepmum 》啟發 )

>>February 24, 2005 at 3:40:32 PM GMT+8

2005 年 2 月 20 日 星期日 【乍雨乍晴】

朝早起身梳洗 ge 時候聽到收音機話今日得 9 度
我同阿妹異口同聲咁大叫 : " 下 !? 9 度 !!?? "
冇錯，9 度 ge 香港的確唔適合人類居住 ~ 都唔明點解仲要人返學 ...

返到學校收到張通告話星期四 & 五有得早放
當堂開心到忍唔住狂笑 ~ 呵呵 ... 實在太好了 ~
不過好可惜有人話我知我星期六要返黎幫手介紹學校 ...
噢 ~ 這就是個人太正 ge 代價了 ~ 呵呵 ...

本來今日要 Geog test
不過比我煽動到全班都唔測
響群眾壓力底下真係唔洗 test ~ 改到下個禮拜
wahaha ... 我覺得我真係好變態 ~

放學勁勁多野要買
訓導處、中文學會、中史學會 ...
乜鬼野都要我去買 ...
哼 ~ 真係比蓮姐講中，今日變了一個師奶，一抽二 " lung "

今日一路行平時返學果條路一路忍唔住笑
成個癲佬咁 ... 樣衰極了 ~

今日精句 : 幫人分析感情問題永遠都可以好理智，自己面對感情問題就永遠都好似飲大左咁 ...

>>February 21, 2005 at 4:33:19 PM GMT+8

2005 年 2 月 19 日 星期六 【乍雨乍晴】

其實今日應係好美好 ge 一日 ~
不過尋日受左兩次無禮 ge 對待 ~
令我感到有 D 美中不足 ~

尋日一朝早去左唱 K，雖然好快比人趕走
不過佢個飯真係令我回味無窮 ~
之後去左參加 Miss Kitty ge 婚禮
今次係我第一次睇到響教堂進行 ge 婚禮
聽到 " 登登登登 ... " ge 音樂果下唔知點解有 D 感動
可能果下諗起梅姐 ... 又諗下自己 ...
結論就得出左今日 ge 精句

夜晚去左人地生日 party
都係飲下野，吹下水，玩下咁 ~
唔覺意地奉獻左好幾個第一次比同一個人 tim ~
不過都好多謝你拯救我 ge ~ haha =P

通左一晚頂 ... 即係攪到自己不似人形
頂唔順走左去訓 ~
點知一訓就訓到去 6 : 00 pm @@
天呀 ~ 咁就冇左一日星期日 lu ... ><

今日精句 : 可能好多人以為有 D 野可以好容易好應份咁得到，但對於另外一 D人黎講卻係一生最大 ge 理想。

>>February 21, 2005 at 4:10:55 PM GMT+8