2005 年 9 月 27 日 星期二 【晴】

世界杯金球之一


驚驚呀~~因為.....
發夢竟然見到.....髒髒野呀!!!
好恐怖~~真係諗起都驚驚地呢??
有人話係好既先兆.....之但係.....''一件事呀''
都咪話唔驚呢??

突然好有興趣講下呢樣野添......
heeeheee......
我本人就未見過呀,但聽過感覺過唔知道又算唔算呢??
其實對呢家科野都真係幾好奇.....真係有點衝動想.....
好似上次咁呀~~七月十四諗住同大雄+華仔齊齊上一上去香港仔水塘
之但係.....都係得個講字呢??
哈哈哈~~都咪話唔驚呢??三條友仔上到去....都唔知會見到D咩啦??

聽過......呢個係真既~~但最後係真定係自己錯覺都係唔知道.....
但都已經好幾次呢??
每次講返出黎都幾令自己心寒......
哎呀~~!!!
都係唔好講呢科野啦~~!!!
講下......十月二吧......同好多個人仔去遊艇派對呀,諗起都爽呀!!!
都好耐冇出海玩過啦......
今年最後一次接觸大海啦~~要好好享受一番
寄望~~天朗氣清吧!!!

最後......希望大雄都會去啦......最後既唉契弟啦

始終都係ALAN好


>>September 29, 2005 at 11:39:09 AM GMT+8

2005 年 9 月 26 日 星期一 【陰】

史特加真難攪~~老查心諗


心血來潮既夜茶真係爽呀!!!
今晚只係得我+雄仔咋......華哥話要做PROJECT喎
今晚都係嗲嗲計為主.....大家傾下呢樣果樣啦!!!
哎呀.....唔知道十月一號夠唔夠人呢??
真係好想呀.....唉.....!!!

同雄仔茶完之後就返屋企啦......
澎澎聲同WINGWING+大雄打明星三缺一啦~~!!!
哈哈哈哈~~!!!
上晒癮啦~~真係大檸樂呀!!!
打到冇訓覺呢~~直到有波睇為上呀!!!

好眼訓.....好累呀!!!
要撐住呀.....

好想快D睇童夢奇緣呀.....
同埋說多HIT我愛妳.....

最後有一個呼籲.....
十月十五號有一活動
哈佬喂---海記夜場
請有興趣者均可提出報名.....
$140全包(意思係場內既鬼屋都包埋
請大家多多支持參加吧!!!

咩野野樹咁開心


>>September 27, 2005 at 7:51:09 PM GMT+8

2005 年 9 月 25 日 星期日 【陰】

成個大賊咁呀


琴日俊俊生日呀.....(佢係乜水?一個岩岩係澳大利亞回歸的人仔)
琴日一收工就返屋企先~~太累呢??
更住夠鍾時就上九記打個冷啦.....
哈哈哈哈!!!
今晚出席人仔如下:
吳X榮+羅X庭+馮X俊+梁X聰+周X傑+李X倫+吳X權
我地叫左四送十一飯四汽水.....
埋單=$208(話時話都好平下呀,D野食又唔差,又食得飽呢??)
今晚乜都嗲一餐.....之但係.....慢慢覺得.....
大部份都係哈哈笑為主啦!!!
幾個傻瓜聚埋一齊真係無所不笑,乜都反一餐呢??
食完正餐就食甜品啦.....話明有人生日,當然唔少得.....
(正所謂生日冇蛋糕又點叫做生日呢??)
更住仲去埋''三樣好''(往往最後的一站)
最後.....大家都係帶住依依不捨既心情各自回家呢??
.......唔知道又要等幾時啦??
若果有得去次CAMP就VERY GOOD啦.....肯定玩足成晚呢??

講返今日先啦......
今日.....今日.....做過咩黎呢??
哎呀.....唔記得呢??
只係記得.....打雀~~好開心好開心......
HEEEHEEE......手痕痕好好玩呀!!!
(如果你係NETVIGATOR用戶就可以反嫁啦,一齊反呀!!!)
明星三缺一........卡陣真係差一個人仔呀!!!

巴治最後的一球


>>September 27, 2005 at 7:43:35 PM GMT+8

2005 年 9 月 24 日 星期六 【暴雨】

王子---不再王子呢


以下係一則別人感想 :


有時發覺人大左,真係有好多既顧慮~同埋言行舉止~我明白有d野講左出黎會好傷人~!我知道自己唔再係細路女~有時候講說話都要諗過先好講!有時間人太直唔太著數lee個道理我有點明白~加上而家公司既同事都係大過我~係佢地身上學到好多野~佢地成日話~聽到你地d野真係好細路仔,好搞笑!可能就係一個細路仔慢慢踏入成人既階段........有好多野佢地都睇化曬~見佢地好淡定...而自己仲係亂衝亂撞~我諗我自己有好多野都要去學~去學下點做........

我都想有..........

p.s.有人說玩完了.......是嗎?

你那番說話未免說得太早吧!你還未實現它呢?

---------------------------------------------------------------------------------------------

睇完之後都唔太明白講乜野~~
但當我打一打日記睇返之前日記既時候.....
真係笑左一笑~~!!!
傻瓜呢??

---------------------------------------------------------------------------------------------

又一個星期啦~~
聽日開始係最後一個星期~~
真係要好好把握餘下時間追番d數呢??

個波呢??


>>September 27, 2005 at 5:36:35 AM GMT+8

2005 年 9 月 23 日 星期五 【驟雨】

10 + 9 ..... = 桑拿士


甚麼叫投資~~甚麼又叫做投機呢??
(有人解說一下過我知嗎??)

突然想一想.....
點先可以由細變做大~~越來越多呢??
ROCKIE一句說話成日都令我有如此想法.....
點先可以做叫錢搵錢呢??
其實......一個富豪係點出生既呢??

人往往都係成日諗緊呢個問題.....
點樣可以令自己有錢~~將來或現在會好D
每個人都渴望有自己既物業......資產......
真係要下多多苦工至得啦!!!
由冇變到有.....真係難事

生命其實點先叫做有意義??
有錢~~有女~~有樓~~就係咁簡單??
如果有兩樣野係你面前選擇你又會選擇邊樣呢~~??
A.)樓+錢+女人 OR B.)快樂+朋友
真係難既答案......

身邊既朋友都係廿字頭啦....
再唔係以前既吊兒郎當啦....
相信大家都要慢慢進入另一個階段啦....
有一個計劃係我心入面.....''三年又三年計劃''
呼......

三年又三年計劃玩完了


>>September 25, 2005 at 2:25:18 AM GMT+8

2005 年 9 月 22 日 星期四 【雷雨】

入波=雲佬=羸波


打風啦....今年第一個既颱風過緊黎HK啦
之但係.....都應該打唔正啦,掛8號既機會冇乜.....
香港人就係咁嫁啦.....由朝到晚都係擔心會唔會掛8號
哈哈哈~~心態往往都係咁
或者多一日假期掛~~??(就連我都係咁諗??)
麻麻地啦~~放多日假都好既,但冇又唔覺得有咩問題
可能我始終都係喜歡---SUNNY掛??

卡陣只係得十四萬幾咋.....距離今個月既下限仲有差不多一半呢??
哎呀.....點攪好呢??
都冇乜計嫁啦~~倒不如留番多D心機係下個月吧.....
究竟D客仔走左去邊樹呢??
呢個係一個謎......哈哈哈哈

收左工都係澎澎聲返屋企果隻黎嫁啦~~
唔想洗錢呢??
仲有幾日又出糧啦,辛苦多幾日吧!!!
話時話都有好多日都冇去超市一掃呢??
下個月不如.....
一個標準既打工仔往往都係咁.....
月頭始終都係豪爽D,一到月尾就灑手拎頭呢??
未到月中就已經.....希望快快到月尾出糧啦!!!
哈哈哈.....
想買呢樣又想去果度.....結果......!!!
又要交咩費又要俾家用......
呼.....
就係咁嫁啦!!

比心機啦---打工仔
邊個唔想做個老闆,有番D成就呢??

2006年.....仲有冇你份?係一個迷....


>>September 25, 2005 at 2:26:47 AM GMT+8

2005 年 9 月 21 日 星期三 【酷熱】

得意唔得意??


四人幫終於都再次DINNER啦.....
(周傑起左個新名叫四小虎呢??)
(文仔肥威你地又諗個新朵吧!!!)
另外今晚DINNER仲加埋從澳洲回歸既---馮典俊先生
LONG TIME NO SEE LA ......
(文仔話佢今晚個LOOK好大陸FEEL成個奇兵呢??)

今晚DINNER補番周傑既生日既.....
還記得上年都係必勝客呢??(只不過係香港仔果間呢??)
以後每年都係必勝客吧~~!!!!
今晚都係吹水大家聚一聚呢~~??
難得既係肥威都黎埋....真係好耐冇見面啦,近來好嗎??
大隻威.....

同俊俊吹吹水打聽下佢咩環境.....
剛剛回歸~~總之就祝佢好運啦!!!
至於自己.....都好應該向多行一步呢??
另外既周傑威仔文仔都應該差不多係時候.....轉一轉新既工作環境呢??
呼......
飽飽~~吹水吹到人地打佯
各自搭車回家啦.....!!!

返到屋企即白白打勝利~~
傾一陣陣電話.....
打埋前三日日記先!!!(呢排都係咁,鍾意儲埋一次過打幾日咁)
要改一改啦.....!!!!

迪比阿倫回歸啦


>>September 23, 2005 at 3:22:31 AM GMT+8

2005 年 9 月 20 日 星期二 【清涼】

下次我又試下先


好兄弟生日.....非講呢句不可---生日快樂

今日俾個客仔話我黑.....
我都覺得真有其事呀!!!
哈哈哈.....

收左工本來去睇晨曦對黎巴嫩既~~
但最後都係放棄左~~
同埋wingwing去左食飯飯
間野幾好味嫁~~叫做乜叉叉雲南菜館,都幾值得一吃既
更住就打左陣機,個人好累呢??
sorry呀~~小wingwing

澎澎聲返屋企抖一抖~~
打左陣''明星三缺一''(成日出沖激死阿倫啦)
早早訓頂唔得順啦.....

到到咁上下起身睇巴塞vs華倫
正呀~~
兩隊既龍門都真係......九流水準呢??

前晚聽新香蕉俱樂部~~
有條友仔打上去話自己岩岩18歲,想請教主持人點樣可以大個d
條友仔話由第一集劉德華做嘉賓聽到卡陣
哈哈哈~~
條友仔話自己想搵d大個d成熟d既女仔做女朋友
因為佢卡陣有五個12~14歲既女朋友(記住係5個女朋友)
即俾人插~~但好好笑呀,都唔知係唔係傻嫁??
話12~14歲好細個,覺得自己大個要搵d成熟型既女朋友(吹脤呀)
即仲話自己成日去''招妓''(一個岩岩先18歲既小朋友.....服左佢呢??)

呢下應啦


>>September 23, 2005 at 3:23:07 AM GMT+8

2005 年 9 月 19 日 星期一 【酷熱】

大美人


今日遲到.....
因為book場~~但都冇靚時間
卡陣成日都俾d社團book叉曬,激死呀!!!
就連水庫都冇啦.....哎呀~~以後想踢場波都幾難啦!!!
還掂都係遲啦.....買埋個早餐先返去啦!!!

今日又係冇客仔的一天.....
近排真係.....激死人啦!!!
計一計手指玩下手今個月唔夠數都唔奇呢??

應該十月十一月底就上國泰課程啦
到時真係加把勁呢??
仲要考試~~唔合格真係死俾你睇呢??

呢排成日都有奇怪特別既夢發呀!!!
又撞鬼又呢樣又果樣.....真係神奇事呢??

呢兩三日成日都打勝利......
但今期自己既狀態真係打得好麻麻地呢??
冇左以前有信心win既感覺呢??
真係真實左難控制左......
應該咁講......''足球真係圓既,冇話必羸呢??''
哈哈哈!!!

魯爾又回歸啦


>>September 23, 2005 at 3:25:16 AM GMT+8

2005 年 9 月 18 日 星期日 【酷熱】

有左你都唔係好掂咋~~!!!


連續''帽子戲法''終於都完了......(差一球呢??)

祖記三戰全勝~~榮登榜首
利記紅魔握手言和
皇馬巴塞相相敗陣而回
赫斯長勝軍~~領先第二位些路仔五分
拜仁打破球會紀錄,創造14連勝
曼城六次中眉中柱算佢唔好彩啦
AC米蘭作客不敵森多利亞
迪比亞路復任正選梅開二度
國米''符碌''羸波,全取三分
仙佬由蘇寶寶梅開三度攪掂愛華頓......

抖一抖先......
突然之間好頭暈??
唔知道咩野野事??
等一等.....

已成歷史


>>September 21, 2005 at 2:42:39 AM GMT+8