2005 年 12 月 26 日 星期一 【颳風】

期待1月2號


哈日龍=射籃球
係間鋪入面有多部既射籃球機,大家就係呢度鬥入得多啦
上次玩我已經好上癮,今次仲帶埋華仔&君君呢??
哈哈哈~~我地四個都好攪笑呀,為左玩就已經一早起身呢??

今日華哥又鬼打咁早起身啦,叫我睇卡通~~話有足球小將同亂馬睇WOR
哈哈哈~~食埋個早餐又出發啦,可惜條街D鋪未開呀~~
我地去左買手信先既,更住買蛋餅&蛋飯糰帶上去哈日龍啦
一路射一路食......頂佢呀,哈哈哈哈
勁好玩呀~~玩到華哥要除衫LOR,得番件背心
汗都出埋呀!!!
更住就行街啦.....鋪頭開啦,買左些少野啦
又係四周圍咁食野.....又食冰又食丸又食根......又飽啦
但快樂既時間往往都好快過.....臨走前我地仲要玩多次哈日龍呢??
(大雄你黎到一定話好玩呀,包你上癮吊晒鬼添)

係搭車時又訓啦~~去到機場已經有好多同胞啦,齊齊返香港啦!!!
我地搵左間勁貴既拉面鋪LOR.....
等上機....係飛機中我地又訓又食又訓.....
終於都有命仔番到香港啦~~
呼.....澎澎聲回家即白白打日記啦....
好彩聽日.....HEEEEHEEEE

係等上機時我問華仔君君最喜歡食咩,佢地話 : 胡椒餅
最鍾意既地方 : 哈日龍
我地仲記得''你''發誓過05年要搭飛機一次,可惜最後都未能實現
我地都好希望你盡快實現到呀,到時齊齊玩吧!!!
係哈日龍又想起''你''
知道你一定喜歡~~一定鍾意
係西華街時都想起你一定笑九華仔,吊九佢既!!!
仲有''你''同''你''呀~~三劍俠幾時可以齊齊去旅行呢??
如果可以成大班一齊你地話幾好呢??

溝女溝到紅十字


>>December 29, 2005 at 1:07:18 PM GMT+8

2005 年 12 月 25 日 星期日 【颳風】

些路迪又勁左啦


訓都未訓醒呀~~華哥已經打黎叫我起身啦,睇卡通WOR
哈哈哈....食過早餐就去''大眾湯''啦
可以一暏華DEE既咕咕仔有幾大支野啦.....
開頭得我一個泡咋,都幾驚呀
更住華仔入埋黎齊齊爽呀~~加加埋埋前前後後都只係得四條友仔
同華哥好FREE呀~~走黎走去,支野就左顧右盼......
哈哈哈哈......
乾蒸同濕蒸華仔都頂唔到呀~~最爽既係.....
兩支公齊齊跳落凍水池LOR.....哈哈哈~~
又有怕凍又要試WOR.....
更住頭都暈啦,沖身吹頭涕蘇....鬆人啦!!!

退房啦....第二站---西門''長虹''
上次東龍今次長虹,兩者都差不多姐.....
放低野就搵野食啦.....地下街乜都食呀,去左''小月度''呀~~
順便食埋''小龍包''---頂泰豐
$199任食蛋糕.....真係走左寶呢??
行左陣之後又搵野食啦....搭老的俾人呃左$20塊
我地食皇室點心呀,幾特別但好貴BOR~~之後.....
行~~行~~行~~行~~搵121(華仔新起嫁呢棟野)
食冬甩+影相......再行~~行~~行~~行~~
去鐃河夜市呀,講開呢度.....我地又俾人棟LOR
又話10分鐘更住20分鐘最後加加埋埋成個鍾LOR
最後都搵到.....算係咁啦
呢度又係多野食到暈呀!!!
''胡椒餅''+''老母臭臭煱''+''炸牛奶''+''秘製塞米''......
之後又搭老的呀.....今次話要搵個樣唔好咁奸WOR.....哈哈哈哈
呢條友仔識講少少廣東話,大家係途中都有講有笑呀.....!!!

今晚最後一站---''西華街夜市''(你地冇睇錯我又冇打錯,真係叫西華)
食左少少野啦~~飲左支寶礦力勁平LOR=$5.4(香港=$9.7)
真係想買成箱回家.....更住搭老地回家啦!!!
華哥又眼訓啦.....涼都唔沖就訓啦,呼......
最後仲俾我發現左呢間酒店竟然有......安全既野+冇著衫既電影
訓啦....真係好累好眼訓呢??

呀~~最後我地仲玩左哈日龍呀
想知係乜??
聽日講係地知啦......

識英雄重英雄


>>December 27, 2005 at 4:21:25 PM GMT+8

2005 年 12 月 24 日 星期六 【微冷】

THIS IS ME !!


05年第二次踏足台灣呢塊土地啦~~
年頭一次+年尾一次=兩次台北遊

一早起身.....搭機場巴士啦,訓左成程呀!!!
(因為前一晚仲係雄爺屋企HAPPY呢??又夜訓.....)
去到機場奴爺未到呀,同懿懿攪掂登機先啦!!!
我都係第一次係旺季出發去旅行......比起對上兩次既感覺都唔同
多左人,熱鬧左咁啦!!!
等埋奴爺就去食早餐啦,更住上機啦~~出發.....

第一天我地入住既係北投水美溫泉酒店
爽呀~~第二次住啦呢間野,我最喜歡既溫泉.....
真係舒服呢??
更住就四人行北上啦,去台灣最北既地方---淡水睇日落啦
岩岩好趕得切睇個蛋黃姐.....
呢樹地方我都係第一次黎咋,幾熱鬧WOR
有好多野食呀~~真係好好味呀,真係好多人呀,好迫呀!!!
呢樹最出名既係''阿給''&''高高雪糕''
係呢樹已經食左好多野啦.....但呢度都幾凍下呀,因為近海!!!

更住就下一站啦---士林夜市啦
又係多人到死但同樣野食好味到死呢??
最出名莫過於''華仔塊面咁大既雞排''&''青蛙下蛋''&''蚵仔煎''
真係好好味呀~~更住就行街街啦....但睇唔岩心水既野呢??
之後就返酒店啦.....華哥今日都俾面嫁啦,成12點先眼訓.....
係回程時佢同君君訓到唔識得起身呀,唔係叫一叫佢地可能......

臨訓前又泡一泡先......
真係爽呀!!!
咩野野既辛苦勞碌都鬆弛晒呢??
呼......

趣怪鏡頭


>>December 27, 2005 at 4:05:26 PM GMT+8

2005 年 12 月 23 日 星期五 【乍雨乍晴】

新一代球王已經誕生啦


真係凍死人啦.....熱番D得唔得呀??
24號平安夜.....可以收早一個鍾,哈哈哈哈
而且今我個二伯生日呢??

聽日就出發啦......
希望唔好咁凍啦!!!
如果唔係就唔願出街嫁啦~~
好在有溫泉爽一爽姐.....

係碌野既技術方面始終都係差D
第一局好陌生
第二局太執著落西
第三局106都好過冇,直波為主,當中有一兩球好靚既西波
呼.....去完旅行上少林去操一操先至得
更住就去篤野啦......華哥都去WOR
輸左$28添.....

多謝小朋友份禮物呀~~
估你唔到呀!!!
大家喜歡我既聖誕卡嗎??
靚就唔靚嫁啦~~心意啦
寫聖誕卡真係件開心既事情,唔知道你地覺得嗎??

DOWN DOWN WTO


>>December 23, 2005 at 6:22:04 PM GMT+8

2005 年 12 月 22 日 星期四 【乍雨乍晴】

知你大隻仔啦


值得一睇呀 :

世 貿 在 香 港 的 大 戲 已 經 落 幕 ， 香 港 市 民 對 這 場 大 戲 印 象 最 深 的 ， 恐 怕 就 是 一 千 五 百 名 南 韓 農 民 在 香 港 的 示 威 抗 爭 了 。
撇 開 支 持 世 貿 與 反 對 世 貿 這 種 自 由 與 平 等 的 基 本 矛 盾 不 談 ， 韓 農 的 表 現 有 幾 個讓 香 港 人 大 開 眼 界 的 特 點 ：

一 ， 是 他 們 對 世 貿 都 有 所 認 識 ， 知 道 不 公 平 的 自 由 貿 易對 他 們 造 成 的 傷 害 。 若 我 們 去 隨 便 問 一 個 香 港 市 民 ： 世 貿 是 甚 麼 ？ 相 信 所 得 到 的 答案 都 不 會 像 韓 農 那 麼 明 確 與 深 刻 。 韓 農 的 抗 爭 讓 香 港 人 對 世 貿 有 了 較 多 了 解 。

二 ，韓 農 為 了 整 個 群 體 的 利 益 受 損 而 進 行 抗 爭 ， 遠 道 來 港 為 了 向 世 貿 表 達 訴 求 ， 目 標 單純 ， 不 辭 勞 苦 、 不 惜 犧 牲 地 有 所 承 擔 。 這 一 行 動 本 身 已 相 當 感 人 。

三 ， 韓 農 有 組 織， 有 紀 律 ， 有 計 劃 地 進 行 抗 爭 活 動 ， 他 們 的 目 的 只 是 突 破 封 鎖 ， 接 近 會 展 向 世 貿 會議 表 達 訴 求 ， 他 們 不 騷 擾 香 港 市 民 ， 不 破 壞 店 舖 ， 他 們 不 帶 備 武 器 ， 所 用 的 都 是 現場 拆 下 來 的 圍 板 、 鐵 馬 ， 他 們 的 組 織 性 、 紀 律 性 也 讓 人 印 象 深 刻 。

四 ， 韓 農 與 港 警的 肢 體 衝 突 ， 從 全 世 界 普 遍 的 示 威 行 動 來 看 ， 毫 不 稀 奇 ， 而 且 本 來 就 應 該 如 此 ， 只是 香 港 太 習 慣 了 像 百 萬 行 那 樣 的 散 步 式 遊 行 ， 才 會 覺 得 突 兀 。

要 說 因 開 放 農 產 品 進 口 所 受 到 的 損 害 ， 中 國 農 民 比 之 韓 國 農 民 應是 尤 有 過 之 。 中 國 在 二 ○ ○ 一 年 加 入 世 貿 ， 入 世 過 程 中 在 開 放 農 產 品 方 面 的 讓 步 ，超 過 整 個 烏 拉 圭 回 合 世 界 各 國 讓 步 的 總 和 。 中 國 有 百 分 之 七 十 五 農 民 的 實 際 收 入 減少 。 韓 農 說 入 世 後 外 來 的 農 產 品 使 他 們 傳 統 的 農 耕 生 涯 受 到 破 壞 ， 中 國 當 局 更 有 意讓 自 己 國 家 的 農 民 破 產 ， 有 意 讓 農 業 人 口 流 入 城 市 ， 或 成 為 盲 流 ， 或 為 非 農 業 工 作出 賣 血 汗 ， 以 減 少 農 村 人 口 。 中 國 對 外 來 農 產 品 入 口 所 造 成 的 農 民 收 入 減 少 ， 沒 有予 以 直 接 補 貼 。 農 民 的 困 苦 處 境 非 筆 墨 可 以 形 容 ， 更 遠 在 韓 農 之 上 。
但 若 你 問 問 大 陸 的 農 民 ， 世 貿 是 甚 麼 ？ 他 們 不 會 懂 得 回 答 。 稍 有 知 識 的 可 能說 「 中 國 入 世 是 中 國 的 成 功 或 光 榮 」 。 農 民 不 知 道 自 己 的 權 益 受 損 ， 不 懂 得 抗 爭 ，更 不 用 說 像 韓 農 那 樣 有 組 織 地 抗 爭 。 中 國 農 民 的 抗 爭 ， 目 前 只 是 針 對 政 府 收 地 賠 償低 的 抗 爭 罷 了 ， 遠 沒 有 到 達 抗 議 世 貿 的 層 次 。

中 國 農 民 是 無 知 識 、 無 組 織 、 基 本 上 是 無 告 的 弱 勢 群 體 。 早 前 溫 家 寶 總 理 說中 國 的 直 接 選 舉 先 從 農 村 開 始 ， 「 如 果 中 國 人 民 能 管 好 一 個 村 子 ， 我 相 信 幾 年 內 他們 能 管 好 一 個 鎮 。 」 為 甚 麼 民 主 要 先 在 最 沒 有 知 識 的 農 村 開 始 ？ 為 甚 麼 知 識 水 平 高的 城 市 反 而 要 最 遲 才 有 民 主 ？ 答 案 就 是 無 知 識 的 農 民 最 容 易 控 制 。

韓 農 既 使 人 同 情 ， 也 讓 人 羨 慕 。

踢波需要---齊體既


>>December 23, 2005 at 4:55:35 AM GMT+8

2005 年 12 月 21 日 星期三 【寒冷】

我又想養WOR


今日冬至---快快回家食團年飯吧

返到屋企睇電視--- 草本藥王 & 識法代言人
都幾好睇嫁BOR
睇見李時珍同冬青呢段感情真係特別呀,好想知道佢地最後會一齊嗎??
另外識法代言人又係幾好睇呀!!!
突然有點喜歡胡杏兒添.....死火大檸樂啦(廖碧怡又冇咁喜歡WOR)
話時話佢同陳鍵鋒又幾襯嫁~~套野又幾好笑呀
果兩個小丸子&小燕子真係人細鬼大呢??
我睇見預告又好似好緊張WOR,一心又跟佬走WOR
狀媽又俾人釘牌呀,大少又心臟病
究竟阿DICK同一言可以救到律師行嗎??
我睇怕未來一兩個星期要做個電視痴呢!!!

今日收左工係街上面見到.....
每個人都趕住返屋企做冬食飯呢??
哈哈哈.....平時收工都多人嫁啦,但今晚仲多呢??
雖然係迫但好有氣氛好熱鬧咁呀!!!!

愛情就好似煮餐餸咁
無論你用咩材料、咩火喉去煮
只要你用心咁去煮
無論身邊既人話有幾難食都好
覺得最好食既始終係你自己

就快聖誕節啦


>>December 22, 2005 at 2:59:40 PM GMT+8

2005 年 12 月 20 日 星期二 【颳風】

今晚SURE WIN


今朝早起身已經好凍啦~~真係凍到震呢??
咁樣子仲話去滑雪......
哈哈哈~~但自己又好想去嫁BOR
你地話啦......人就係咁犯賤嫁啦
明知道既野往往都係要嘗試既......或者呢D就叫做''傻''掛??
怕凍就咪鬼去啦,去陽光海灘吧,搵個適合自己既地方旅行吧!!!
突然想起---''犯賤'' , 陳小春

聖誕節越接近啦~~係街上既一切都已經充滿著氣氛啦
記得上年買左份聖誕禮物俾自己,但又唔記得左係咩黎嫁WOR
哈哈哈.....
你會買份禮物俾自己嗎?? 我會.....
慢慢地我覺得已經成為家中既聖誕老人
好似上星期做冬食飯咁呀,我送左兩份禮物俾我既後輩呢??
堂妹---叮嚀公仔呀,哈哈,佢一拎上手幾咁開心呢??
表弟---紅魔鬼曼聯波衫一件......
而我.....以前既屋企人會送禮物俾我,現在我需要既只係佢地身體健康
仲記得細細個好恨屋企可以買禮物俾我,但佢地買既我大都唔喜歡
我想自己去選擇,但佢地往往都唔買俾我既
係時候買番一件禮物俾自己吧,一年一次姐都係.....

最喜歡歌手


>>December 22, 2005 at 2:45:41 PM GMT+8

2005 年 12 月 19 日 星期一 【颳風】

巨無霸


''你''有咩唔開心就講出黎啦~~係關於我??
唉.....
唔想同我講咪搵懿懿文佬傑佬佢地LOR.....
何必攪到自己咁唔開心咁辛苦呢??
唱下歌~~哼下歌個心會舒服D <<男子組>>

今日放假呀~~哈哈哈.....
但都一早起身啦,同埋傑佬文佬上四樓BOOK場
更住就早餐啦(BOOK場BOOK到人地小我地LOR)
好飽既早餐,但個面真係唔好味WOR
更就住去左NEWAY啦~~HEEEHEEE......
三人組齊齊高歌一曲呀!!!
最喜歡都係呢首---還是覺得妳最好

更住佢地上左我屋企決戰WINNING啦~~
哈哈哈~~20DEC第一屆三角賽由<<阿仙奴>>勝出,由ALAN帶隊
20DEC第二屆三角賽由<<英格蘭>>勝出,由傑佬帶隊
20DEC第三屆三角賽由<<車路士>>勝出,由文佬帶隊
哈哈哈~~真係開心呀!!!
好耐都未試過打三角賽呢??
更住就大家樂見,咁凍當然係---打邊爐呢??

做緊乜呀??


>>December 20, 2005 at 3:22:27 PM GMT+8

2005 年 12 月 18 日 星期日 【晴】

06世界杯~~你實會撐老鄉嫁啦



下面個GOOD字係唔係好靚呢??
哈哈哈.....
今日係銅鑼灣分行個李小姐最後一天呀~~
呼.....
佢要過沙田過新既生活,祝佢好運啦!!!

今日又係冇咩野做呀~~
老實講呀,聖誕節要BOOK要走既都已經一早攪晒啦!!!
卡陣等待既係新年啦.....
希望聖誕節麻麻地咁新年會有所改善啦!!!
今個月自己條數真係幾難睇下既呢??

收左工就返屋企啦~~雖然聽日係放假但都唔太想出街
個人累累地咁啦!!!
飯飯完就睇陣電視,更住打WINNING啦~~
終於都俾我買到美斯&羅斯仔呢??
仲買埋甘賓尼&梅迪薩卡.....(高佬中堅組合,廿分之穩固呀!!!)
打到....四五點先訓咋......!!!
聽日放假......已經PLAN好晒行程啦!!!

★★★★★★★★★★★★★★★★★★★★★★★★★★★★★★★★★★★★
★推推推推推推推推推推推推推推推推推推推推推推推推推推推推推推推推推推★
★推推推　　　　推推推推　　　　推推推推　　　　推推推　　　　推推推推★
★推推　　推推　　推推　　推推　　推推　　推推　　推推　　推　　推推推★
★推推　　推推　　推推　　推推　　推推　　推推　　推推　　推推　　推推★
★推推　　推推推推推推　　推推　　推推　　推推　　推推　　推推　　推推★
★推推　　推推推推推推　　推推　　推推　　推推　　推推　　推推　　推推★
★推推　　推　　　推推　　推推　　推推　　推推　　推推　　推推　　推推★
★推推　　推推　　推推　　推推　　推推　　推推　　推推　　推推　　推推★
★推推　　推推　　推推　　推推　　推推　　推推　　推推　　推　　推推推★
★推推推　　　　　推推推　　　　推推推推　　　　推推推　　　　推推推推★
★推推推推推推推推推推推推推推推推推推推推推推推推推推推推推推推推推推★
★★★★★★★★★★★★★★★★★★★★★★★★★★★★★★★★★★★★


納豆玩聖火呀??


>>December 20, 2005 at 3:16:25 PM GMT+8

2005 年 12 月 17 日 星期六 【颳風】

冬季走還是夏天走


今日去左唱歌,唱左好多歌呀!!!
傻痴痴/甜蜜蜜/還是覺得妳最好/明星/小星星/簡愛/失戀雄/獻世/K歌之王/MONICO/黑白......
好凍呀~~因為著短褲仔咋~~!!!

更住就去左買禮物啦~~
之後仲去左食燒餅,希望聖誕台北會好開心啦!!!
更住就行多兩行就澎澎聲返屋企啦.....
傻豬黎既~~!!!

好凍呀~~

打日記~~白白~~睇波.....
聽日要返工呀!!!
星期二至放假~~HEEEHEEE.....
爽呀!!!
周傑/文仔/我都放假呀~~大雄你不如又.....

嘩~~佢地做緊咩呀??


>>December 19, 2005 at 3:43:23 AM GMT+8