2006 年 1 月 5 日 星期四 【颳風】

CHOW CHI KIT


琴晚發左個好特別既夢呀.....藍風所以球員到齊晒呀~~
成大班人上左山頂個小型場度跟隊踢波呀~~
猜包剪揼~~結果第一隊有得玩呀.....
第一場輸左呀,肥威之大意呢??
更住第二場我冇得踢呀~~由老明右腳既猛虎射球GOAL~~GOAL~~
更住唔記得乜水又入呀~~兩連勝呀,但我都係冇得踢住嫁WOR
唔只我嫁.....周傑本來入左場又出番黎,更住佢喊WOR
隊長肥杰小七佢呀??
哈哈哈.....
最後我都係冇得踢既??激死人啦......
發埋D無理頭既夢都有既??

今日真係勁.....得閒呀??
今晚係難得既準時收工呢??
收左工約埋俊俊阿曾阿立出黎篤波呀.....(撻Q榮都JOIN埋一齊)
今日狀態幾掂嫁.....HEEEHEEE....
但最後都係要俾$20既.....

懿懿都上埋黎呀~~
多謝呀!!!
靚靚呀.....
聽日著多.....
嘩.....聽日得番十度咋.....真係要著多件衫呀咁多位

15號仔=卡達


>>January 6, 2006 at 4:26:38 PM GMT+8

2006 年 1 月 4 日 星期三 【晴】

嘩.....好勁呀


日頭出門口仲係好熱下既~~
太陽下山就黎料啦....
呼.....未來幾天都係咁凍嫁,大家著多件衫衫啦!!!

今日都唔太忙碌啦.....
要忙月頭忙好啦,月尾收爐大家過年啦.....
要谷一谷自己先至得呀!!!
收左工就澎澎聲返屋企啦~~睇電視食飯飯
覆雨返雲都唔舍講咩既??
合申同紀繞南又幾得意攪笑呀!!!

突然~~突然.....
我想.....我想~~
大雄我地要加快節奏啦,唔可以再得個講字呀!!!
我要發圍呀!!!

返埋聽日.....又一星期啦
真係快呀!!!

雲斯ALAN


>>January 5, 2006 at 2:18:24 PM GMT+8

2006 年 1 月 3 日 星期二 【晴】

明明明日之星


阿仙奴曼聯.....大戰已經不再叫做大戰啦
一場意義唔重大既賽事呢??
唉.....
懷念昔日既韋拉火併堅尼......

今日自己既狀態好番好多啦~~
但食左藥同樣係比較阿呆,反應慢D啦
頭都暈暈地呢??
今年真係開得唔係咁好呢??
大檸樂啦.....

今日本來可以準時收工啦.....
點知.....
頂佢個肺呀~~叫佢早D又唔黎,係要收工先入黎
激死人啦!!!!
D客真係....

火箭唔掂WOR


>>January 4, 2006 at 3:29:53 PM GMT+8

2006 年 1 月 2 日 星期一 【颳風】

直指國米


頂......又病Q左添.....

今日真係好辛苦.....起身時周身骨痛.....
哎呀......
耐冇做運動骨頭都硬了不少呢??

首先同咁多位朋友仔講聲新一年工作愉快先啦!!!
今日係06年第一個工作天
相信好多人都會同自己講 : 新一年新開始,要比心機呀!!
係度祝大家心想事成啦......

今日成個人都好唔掂呀.....
唔想返唔想做野唔想出聲....
LUNCH都要訓一訓頂一頂呢??
今日成日心只係想---快快收工返屋企吧

結果真係有得收工啦.....
咁又點呀??
發冷添....又病啦!!!
真係吹脤呀....

大結局啦


>>January 4, 2006 at 3:27:07 PM GMT+8

2006 年 1 月 1 日 星期日 【晴】

怪怪既組合


好累的一天呀~~!!!
琴晚係大雄度打通頂雀仔......一路睇叱吒一路打真係唔知顧得邊樣
琴晚EASON好勁呀~~連奪多個獎項呀,但佢今年真係實王名歸既
我都喜歡佢呀
至於女人方面.....大熱既JOEY撐唔住啦今年
人氣大跌呀,TWINS都你呀.....英皇大為失色呢??
打雀途中華仔有叱吒十大呀---我得你,即播MTV呀,勁攪笑(此華仔不是彼華仔)
廣告中又有華仔呀.....我地成日笑七華哥呀
打到六點先鬆人即打的返家訓啦.....
(仲話唱歌LOR,都起唔到身,睇完叱吒有好多歌都想唱呀)

今日放假.....訓到兩點起身出發啦.....
06第一場藍風賽事呀,等左呢一日好耐呢??
今日始終都唔齊人.....可惜可惜!!!(但都叫做岩岩好既)
今日踢起黎比較玩野唔得認真咁呀,好多球都係咁......
睇完C朗既片段影響掛??
加上左腳仔傷左都唔好咁盡啦,一陣真係收山就大檸樂(多謝各界朋友關心)
今日都入左球既助攻方面都有呀~~06開始我要計一計自己入左幾多球啦!!!

返到屋企白白上網睇波......
呼.....要等到月底先有假放啦
放多一兩日得唔得呀??

TO : 大雄華仔的信

兩條能樣~~棟九阿叔呀
又話去踢.....臨去前又話累又話曬,想放飛機呀
頂你個肺呀
好彩最後你地都有出現,算你地啦
你地兩個唔黎我幾諗灰呀
係踢波途中不停咁望你地黎未黎未
心諗....算啦,唔會出現既
最後見到你地都開心番D.....
你地要明白一樣野,求人做某件事真係好能辛苦嫁
你地明唔能明白呀??

大雄你既體能好水WOR,踢一陣就訓底左,點攪呀??
江華狀態幾FIT呀,係右路經常去波,CUP番大位起身,又同人撞ONE TWO LOR

ALAN上

呢張掂唔掂??


>>January 2, 2006 at 1:36:03 PM GMT+8

2005 年 12 月 31 日 星期六 【晴】

樓上有靚女睇


卡陣係咩時間---02:17am
我已經急不及待啦~~好想好想打好06年第一篇日記呢??
哈哈哈哈.....
雖然06仲未發生過甚麼大樹,但我點都要廢嗲幾句滿足一下自己嫁啦!!!

其實香港既電視真係學到唔少既野~~
每一套戲多多少少都會有D啟發既??
若果你有認真咁睇一套戲的話.....
唔講戲呀~~講埋劇....電視劇同樣有好多既啟發嫁!!!
周星池我都學左幾句 : 俾你估到仲叫食神既,食神好野
人‧如果冇左夢想同希望咁同一條咸魚有咩分別呀??
心中既火係唔會熄滅既,吹熄左可以再點番著佢,睇你自己做定唔做姐

溝女你地認為需要既條件係乜野呢??
現在既女仔~~真係話難唔難話易又唔係易嫁WOR
係我既宗旨入面,追女仔一定要膽大心細、有錢、靚仔先至得
呼......
女人真係一隻奇異既動物呢??
有陣時真係唔明白諗緊乜??
咁又唔得咁又唔得,咁點先得呢??
真係西瓜呀!!!

睇住個頭呀


>>January 1, 2006 at 6:03:55 AM GMT+8

2005 年 12 月 30 日 星期五 【晴】

對佢感覺如何


安座家中倒數~~迎接2006年吧!!!

唔出去倒數既原因如下 :

- 太多人,唔想迫呀
- 除左2000年係比較特別,其餘都冇咩特別感覺
- 聽日要返工呀

妳還記得上年嗎??
巴西燒烤中渡過.....
真係傻瓜呀!!!
突然好掛住妳添.....

今日開工都幾咁忙碌呢??
哎呀.....今個月始終都係唔夠數,下個月努力吧!!!
下個月就新年啦~~真係快呢??
呢兩個月特別多假期,特別快過咁既??

聽日唔返工得唔得呀~~??
激死人啦!!!

隻腳....已經好左好多啦!!!
但始終都未可以用力住.....
希望趕得切1月2號吧!!!

返到屋企.....
都特別靜.....
比起銅鑼灣真係好大分別呢??
我都想出去開心齊齊倒數玩一番.....
唉.....人就係咁麻煩咁舉棋不定呢??

06年你地有咩願望呀??
不如大家分享一下吧!!!

我講先 :
我有希望三樣事情可以達成
1.事業上更進一步,知識/表達都需要更加之出色
2.希望同妳會更加更加之開心快樂,少D爭執
3.錢......我要搵更多更多既錢

因乜事咁灰呀??


>>January 1, 2006 at 6:04:25 AM GMT+8

2005 年 12 月 29 日 星期四 【暴雨】

二十世紀殺人網絡呀


2005ALAN仔大樹回顧

10.第一份聖誕禮物竟然係佢...送俾我(估下係邊個,TIPS係親戚)
9.終於都買到件保方啦(搵左幾咁耐呢??)
8.兩次去台北泡一泡小弟弟(縮左唔小添)
7.第一次接觸保齡球(卡陣日玩夜玩啦)
6.藍風足球隊再一次振作(唔想重滔覆轍)
5.杯九華哥的三十八天(條友仔真係唔搵我地嫁WOR)
4.今年未拜祭過阿爺&爸爸(真係不孝子呢)
3.古巨基演唱會終於睇到啦(真係有點兒想喊呢??)
2.KEROKEROKEROPPI既大碼公仔又點少得妳呢(目前最喜愛公仔)
1.六月四日.....今年最傷心的一天,永世難忘(唔知道要等多幾耐呢??)

05年足球壇上的十件事 :

- 利記絕地反擊成功,勇奪歐聯冠軍
- 祖記又添一屆冠軍
- 甸佬又一次成為世界足球先生
- 祖記2-0羸國米
- 阿仙佬最後一屆於高貝利
- 曼聯歐聯入唔到16強
- 樸智星成為首個亞洲曼聯隊長
- 傑志勇奪聯賽杯
- 利記於冠軍球會杯三次炸胡
- 恩沙基復出

車仔孖寶


>>December 30, 2005 at 5:37:36 PM GMT+8

2005 年 12 月 28 日 星期三 【微冷】

入樽=型


真係辛苦妳呀~~兩個小時既LUNCH都要走過黎''鴨巴甸''
陪我睇醫生....麻煩妳啦!!!

今日起身睇埋失憶界女王就白白就去睇醫生啦!!!
我睇既係---''楊偉跌打醫館''
多謝$180
呀~~唔好睇個名咁七呀,仲等我成日笑七佢添....
原來條友仔真係好堅下嫁!!!
俾佢推幾野條根即鬆更住包紮埋真係即刻見效呀~~
下次你地大可一試呢??

睇完就返屋企啦.....哎呀~~銀包放左係懿懿度添!!!
聽日先拎啦~~冇計.....
返到屋企打機(狂煲勝利)更住就訓左陣啦....
起身飯飯睇本草藥王''李時珍''更住就打日記啦
更住上陣網又打機啦.....
聽日仲終於都要返工啦.....幾日既假期終於完結啦!!!
呼.....

今日成日都留係屋企真係好悶添....
好想碌野&篤波WOR.....
等隻腳好番之後LUNCH時候上一上少林寺先!!!
希望快D好番~~趕得切1月2號既06新賽事啦!!!
我要大演帽子戲法呀~~卡陣誓言一野先.....

又係你拎啦---世界足球先生


>>December 30, 2005 at 6:44:11 AM GMT+8

2005 年 12 月 27 日 星期二 【颳風】

時珍大結局啦


今日真係禍不單行呀~~
碌碌下野都會整親隻左腳既??
真係唔開心呀~~今日仲有唔錯既感覺呢??
冇計啦~~唯有睇住佢地幾個碌自己就做觀眾啦!!!
激死人啦.....

真係好鬼死痛呀~~
行一步都痛呀!!!
點攪呀??
睇黎聽日都要睇一睇跌打嫁啦~~
又要用周傑名言啦 : 意外即係意料之外
順便賣埋廣告先 : 保險可以幫到我,一切大小醫療都冇有怕啦!!!

今日放假個人都幾輕鬆~~
訓到點幾先起身,琴晚睇埋波添.....
學大雄咁講,好耐冇波睇真係唔習慣,有線真係好緊要呢??

28號啦~~就快06年啦
係05年大家得既同失既又係幾多呢??
相信呢兩三天大家都會不停討論呢個話題
大家都會說笑一番
靜靜地先生回想一番05所發生既事情
我估必定有所領悟或者帶結自己歡樂既??

今日真係多謝大雄呀~~又請我篤波仔啦
heeeheee.....(下次試下篤$2.5先)
碌完野去食野啦,必勝客呀~~
我都好耐冇食啦,如果有埋芝心就VERY GOOD啦!!!
走果陣大雄&文仔仲見到D波仔添,仲有條女叫佢地入酒吧飲野WOR
哎呀~~又唔叫我既??(因為我身邊已經有位靚女磅住我呢??)
哈哈哈哈.....

呢張唔錯呀


>>December 30, 2005 at 6:45:07 AM GMT+8