2005 年 12 月 16 日 星期五 【颳風】

估下佢係乜水


香港~~自我出生以黎第一次既暴動,今日終於都發生啦.....
雖然我唔係自身其中,冇份參加(我好想玩埋一份),但都睇到唔少既野

首先講下既係~~香港警方
你認為佢地今次既部署,行動,處理接受到嗎??
睇見佢地保護會展,都知道辛苦嫁啦.....
對香港既差佬有點自豪,佢地都幾盡責呀
佢地既部署差d俾韓國佬攪掂,如果真係俾人攻陷,顏面何存呢??
班香港差佬已經對韓國佬好溫柔嫁啦,睇得出.....

至於韓國佬方面~~同情還是惡行呢??
起初睇見佢地咁凍又走上街,真係好可憐咁
但今日佢地又咁激.....打差人,倒亂灣仔......太野蠻啦
明白到佢地已經俾晒面我地嫁啦,唔係自己地頭點都就住就住嫁啦
唉.....
佢地遊行完又拾好垃圾,唔知贊佢定插佢好啦

香港差佬唔可以打佢地,有咩冬瓜豆腐就有排嘈
韓國佬如果係香港玩得太大獲又係死既,令自己有排煩
講真呀~~兩者都有各自既苦惱
世貿開既係乜野,好多人都唔知,如果你知道既話就會明白
香港攪今次既會議又成功嗎??
對香港真係有幫助~??天曉啦~~

如果俾著香港人~~邊會咁激呀!!!
難聽D講~~死狗啦一定
遊行=散步姐.....
反映出香港人多多少少始終比較保障自己呢??
一語道破 : 費事奶屎上身

TO 啫傑


>>December 19, 2005 at 3:46:27 AM GMT+8

2005 年 12 月 15 日 星期四 【微冷】

古迪個頭冇啦


好耐都未試過食做冬飯啦~~
今晚整晒人腳呀~~
食盤菜呀!!!

真係幾好味咁wor~~正呀!!!
我都好耐冇上23樓食飯啦~~上一次已經係......
我屋企人仲問懿懿去左邊??
哈哈哈~~仲等佢地煮左咖哩蟹呢??
最衰我唔識得食呀~~可惜呀!!!

更住就上左34樓同大雄爭奪雀王之王啦~~
誰不知......今晚敗陣既係我同大雄LOR!!!
佢老豆羸好多呀~~小朋友都羸小小
呼....

兩點幾鬆人啦~~
澎澎聲返屋企.....
$20有找既的士 由東村---香港仔
白白.....就訓啦
聽日仲要開工呀.....

星期日大戰呀!!!


>>December 17, 2005 at 5:27:54 PM GMT+8

2005 年 12 月 14 日 星期三 【颳風】

就快冠軍啦


收左工澎澎聲JOIN埋懿懿先啦!!!
今晚有得睇小春呀~~YEAH!!!
多謝懿懿呀~~
佢係九龍灣國際展貿開呀~~都真係好遠BOR
趕頭趕命咁呢??
唱左好幾首兩呀~~現場係唔同D
加上條友仔又串呢??
聽完要食風呀~~勁凍呀~~攬住心愛既女人就冇有怕啦!!!

更住諗住搵周傑宵夜既~~點知去左踢波WOR
呼.....
佢地羸左呀~~我都好開心
下次我又要黎至得!!!
我個髮型越來越似EASON呀~~哈哈哈哈
唔似RAIN RAIN GO AWAY啦!!!

今個月條數真係好難睇呀~~卡陣先得果十萬點做廿五萬呢??
月尾仲放埋假呢??
呼......
算啦算啦,抖一抖就好啦!!!!
下星期一個新人原來係.....個男仔黎呀!!!
但做一個月就走人嫁啦~~??
又會咁既??

巴西泥地王


>>December 16, 2005 at 7:07:44 PM GMT+8

2005 年 12 月 13 日 星期二 【晴】

法國隊張皇牌


文仔~~走寶啦走寶啦.....
(下次我同周傑一定要帶你去一去呢??)

今日差D遲到呢??
因為太累啦.....
落左車就已經見到農民啦~~WTO
唔咸唔淡既英文......
睇見佢地琴晚一個一個咁跳海真係.....好好笑
但回想起我都覺得佢地太可憐呢??
雖然係今次既事件中我感受到既野唔深,唔太明白當中來龍去脈
但睇見班農民真係辛苦呢??
唉.....加上佢地都一把年紀啦,千山萬水咁走過黎HK
天氣又咁凍.....真係有點擔心佢地呢??
若果可以的話,一人讓一步就最好呢??

收左工同周傑DINNER呀~~阿貓地攤
好多貓咪呀!!!
真係特別既一個好地方呢??
同周傑今晚吹水為主.....都係講世界杯啦!!!
好飽呀~~食完澎澎聲返屋企~~好凍呀!!!
白白打日記.....即訓啦
太累太累呢??
回家途中仲見到老明領隊呢??
周傑太掛住老明啦,每個著黑衫戴眼鏡就=老明(MR.OLD)

D貓咪好肥呀~~哈哈哈
好多隻.....好Q呀!!!
D野飲好好飲呀~~$100任食任飲,係邊度搵呀??
仲有一隻訓左係我件大褸上面呢??
真舒服.....我都叫番佢一聲大佬啦!!!!
聽日得~~11度咋,小心著多件衫吧!!!

又傷~~幾時至復出呀??


>>December 14, 2005 at 4:27:56 PM GMT+8

2005 年 12 月 12 日 星期一 【颳風】

一觸即發


C組---阿根廷/科特迪瓦/塞黑/荷蘭
今屆既死亡之組??
好多人都係咁講~~但我個人黎講又唔係咁覺得WOR
只要兩支班霸發揮正常~~唔洗諗啦掛??
阿根廷~~今期又冇咩冠軍相,冠軍都未輪到佢嫁啦
荷蘭~~成班花靚,點攪呀??個教頭老實講句~~唔燧好有料姐
科特迪瓦有點兒神秘~~會否是上屆既塞內加爾呢??
歐洲巴西---塞黑,祝佢好運啦,唔洗做三零部隊都已經開心啦!!!

今日開始農民暴動啦......
我午餐時落街見到佢地都好有部處咁WOR
哈哈哈.....
大鑼大鼓咁好似新年咁呢??
好開心下呀.....或許自己係第一次接觸呢家野啦
又要封路又要咁咁咁......查實真係咁大陣象嗎??

有一個問題係我腦海中~~班農民唔係好窮既咩??
點買機票過黎呀??
摸不著頭腦呢??
聽說今日都只係輕量既遊行咋~~星期日至係高潮WOR~~哈哈哈

今日得知一個消息.....
我間分行個李小姐終於都要離開啦,下一站沙田
GOOD LUCKY
係銅記真係冇一個可以長坐呢??

呢個叫咩獎??


>>December 14, 2005 at 9:39:38 AM GMT+8

2005 年 12 月 11 日 星期日 【陰】

飛AWAY SHOOT


還是覺得妳最好

Composer:伍卓賢
Lyricist:林夕
Arranger:陳台證
Producer:雷頌德

運動要管 食量要管 啤酒買十罐 只准我飲一罐
樣樣要管 就像法官 天生較自滿 性格亦沉悶

*冥頑鬥氣盲中中還有理不講 麻煩 橫蠻但是我都會願意講*

#誰可比你好 能撥盡迷霧 煩擾於心中的你都知道 我壞或好
不求回報 容忍 懷抱 仍醉倒
誰可比你好 能日夜同步 能著每套衫也似是名模
提著不懂事的我漫舞 任何事也可以傾心盡訴#

自六歲起 就共你飛 不知道伴侶 應該去怎麼比
歷盡鑽禧 亦是怕死 身邊再艷美 都守足法紀

Repeat*#

還是覺得你最好 不知有什麼好講
能夠愛你別反抗

Repeat#

--------------------------------------------------------

好想唱歌唱呢一首.......
成隻碟最好聽既一首!!!

今日放假.....哈哈哈~~又一天放假呢??
又係星期一~~已經成為一個習慣呢??
今日訓到12點至起身,更住就買$12飯啦~~(自在軒)
拎埋西餅食添~~
返到屋企好眼訓添.....打機打日記~~
等DINNER~~咁就一天啦!!!
好好休息吧!!!
成日出街~冇益嫁!!!

小狂人---加先生


>>December 14, 2005 at 9:41:00 AM GMT+8

2005 年 12 月 10 日 星期六 【炎熱】

係唔係部相機倒轉左黎影??


B組---英格蘭/巴拉圭/千里達/瑞典
上年又一組,今年又係一組.....哈哈哈.....
唔通瑞典將會黎多次首名??
但今年既英格蘭可以話係大熱大勇~~第二熱門球隊呢??
呢組既首名將會取決於兩隊既得失球呢??
千里達~~飛過去德國自在學習一下,感受一下咩叫做世界杯姐.....
今屆既三零部隊首選~~
至於巴拉圭~~算叫做黑馬仔既,但橫睇直睇佢都係羸唔到英格蘭&瑞典呢??

琴日既香港聯賽杯決賽最後由傑志4-3勝出,首次捧杯而回
愉園查實鬥志可加呀~~先輸三球連追三球,只係最尾~~俾基夫符碌入左呢??
不過點都好啦~~一場咁激烈既賽事,希望可以令更多既香港人入場支持啦!!!

今日唔忙碌呀~~ROCKIE落左黎LUNCH呀!!!
收左工即過去寶琳果樹啦.....
咁遠做咩??
哈哈~~為左ALAN既新形象LOR
除左我之外仲有小WINGWING呀~~~
齊齊新LOOK迎聖誕&新年&06年&世界杯&......

越來越多人仔話我似....浪漫滿屋果個男主角啦~~
點算好呢??
哈哈哈.....
就連D客仔都係咁講~~真係難為情呢??
HEEEHEEE......
返埋WINGWING返屋企~~我都澎澎聲返屋企啦!!!
係2X食左個飯....唔洗十分鐘埋單.....
返到屋企即白白睇曼聯~~皇馬~~米蘭打呲戰~~巴塞
幸好聽日放假姐~~HEEEE.....

都幾攪鬼BOR


>>December 11, 2005 at 7:12:36 PM GMT+8

2005 年 12 月 9 日 星期五 【炎熱】

亨亨個阿爺


A組---德國/哥斯達黎加/波蘭/厄瓜多爾
唔洗點講都應該係德國首名嫁啦~~
同組只有波蘭算叫做有實力D之外.....其餘都.....玩下手全勝呢??
睇抽籤果陣時~~阿奇連士文不知幾咁開心呀,哈哈哈~~
唔洗對D強隊先呀,都鬆左一口氣嫁啦!!!
首名話係德國,咁次名又會係邊隊好呢??
我估.....波蘭嫁啦,係分組賽果陣時真係踢得好好呀~~
整體合作性非常之高.....完全係踢整體戰既,次名啦!!

收左工返屋企啦~~一黎眼訓二黎累累地又唔想洗錢呢??
返到屋企---今晚又係打邊爐啦~~星期六例牌DINNER呀!!!
更住~~睇波啦,上陣網.....打左陣機咁啦
但都要好早訓啦~~聽日仲要開工呢??
兩個星期日都返工.....
呼.....下星期日終於都可以放日假啦!!!

未來既天氣又轉涼啦~~大家小心身子呀!!!
呢D天氣最麻煩~~時熱時凍.....好易中招嫁!!!
下星期五仲跌到得5'c呢??

今晚係東華呀~~你地有冇支持呀??
多多益善小小無驅呀~~有錢出錢有力出力!!!
我覺得最好睇係錢嘉樂~~飄移呀!!!
成個李珊珊係中心~~打圈咁走,真係堅呀!!!

周傑送俾你既


>>December 11, 2005 at 7:01:00 PM GMT+8

2005 年 12 月 8 日 星期四 【颳風】

森保倫


今日都差D爆獲呢??
好彩....多謝上天打救我呢個小市民呢??

今日天氣冇咁凍啦~~
但我都著住件大褸,真傻瓜~~
但今日我覺得自己幾型仔下呢??
哈哈哈~~對嗎WINGWING??

今日都幾忙碌既~~臨收工仲收多左個客仔
呼.....
收左工即懿懿街街
食野先,去左食燒餅呀,幾好味呀~~加個牛肉飯(好味過吉仔)
更住就食串魚蛋買野飲先
更住就行多兩行先~~送左WINGWING搭車後見到.....

SOGO後面有SHOW睇呀~~
默劇&趣味既街頭表演姐.....
突然想一想....香港真係缺少左呢D街頭表現,多D既話咪幾好
同埋香港人始終欠缺一份激情呢??
更住仲俾我見到食物及環境衛生署既人蝦阿婆阿伯LOR~~
人地拉車仔賣野姐~~搵食咋,唔洗喝人地WOR??
真係.....隻眼開隻眼閉咪算LOR~~唉.....

返屋企白白,打機,傾電話~~打日記.....
睇下我打日記既時間??
等埋抽籤至訓呀~~聽日開始同大家分析下06世界杯既形勢啦!!!

2月14號約定你地啦


>>December 9, 2005 at 7:54:27 PM GMT+8

2005 年 12 月 7 日 星期三 【颳風】

下年先買起你


狀態方面真係好差~~好差~~好差.....
體能方面要慢慢操練番至得.....
技術方面好生疏咁既??
每一球每一腳都好冇感覺.....
點算好呢??
星期一要準備一下至得(星期一洗唔洗返工呀?周傑大佬)

冬天上水庫踢波真係一件幾辛苦既事情啊~~
冇得出場時俾風吹到頭都暈
有得出場時個身子又硬晒wor~~
比賽途中消耗既體能又多左WOR.....
辛苦呢??
怪都怪自己平時做過D咩黎仲好呢??

有少少傷風添.....未來幾日仲要上班呀!!!
星期一至有假放下~~
星期日米蘭打呲~~周傑今季首次內訌啦,幫韋利還是國米呢??
星期日上賓洲雄屋企睇波~~打機玩通頂等佢第二日返唔到工都好WOR!!!
哈哈哈哈.....

合體


>>December 9, 2005 at 7:48:36 PM GMT+8