2005 年 1 月 12 日 星期三 【颳風】

13/1 返工做野時,勁"界"到隻對手...勁痛!! 真係做到成身勁累,勁痛!

基本上...連續3日 (13-15/1)都做重覆o既"女工"工作...真係好fatigued!
做到對手好似畀人ｏ係兩個膊頭位射左兩槍咁....慘呀!!

13號...做完野,夜晚仲要返學....激累...連拎起枝筆o既力都冇~~ >.<
搵錢...真係好辛苦~~

15號果日....我地勁搏咁...一日做晒兩日o既野...完全係開行Turbo...
用光速去完成所有工作～～
做完野點??梗係成班餓鬼...食晒center可以食得，飲得ｏ既野啦！
唔係邊對得住自己?wakakaa!

>>January 30, 2005 at 7:25:55 AM GMT+8

2005 年 1 月 9 日 星期日 【晴】

10/1 失而復得...感覺還是有點不開心! 因為不見了的東西實在太多!

今日...我搵返早一個月前唔見左o既八達通連套...
個八達通套,係果次幫堅仔買碟送o既!佢畀左我.....
果時...唔見左...好唔開心....因為....我呢半年已經唔見左好多我好鍾意o既野!
有幾樣...仲同堅仔有關係o既....
今次搵返....係有開心o既...不過...都有d感慨....
其實...未搵返之前...我已經叫細佬幫我bid返個一樣o既...
但畢竟...有d野係唔可以代替o既!
....如果...我可以搵返o既係堅仔....就好啦!....(冇可能!)

>>January 30, 2005 at 7:16:21 AM GMT+8

2005 年 1 月 1 日 星期六 【微冷】

原本今日係約左YingYing,YingAunt and 敬 have lunch!
不過,由於有人唔記得&有人唔得閒~so...cancelled!
點知，１２點幾,烈烈就打畀我,叫我出去陪佢飲野!
勁開心,Coz都有一排冇見啦！唔知佢有冇靚仔到呢！kakaa!
就咁...我地約左1630 o係信和等~
佢話Vicky and 阿柴表妹都會黎！話要介紹表妹畀我識！
....夠鐘啦!我準時到達!不過冇人bor~~
原本阿烈同Vicky落o左隔離機鋪~咁我就去搵佢地啦!
好耐冇去過機鋪lu~~陪佢地打o左陣機,就行去登打士街一間上樓cafe shop！
多謝烈烈請我飲野~~冇計啦,我呢個week勁POOR!
一路飲，一路捉棋&玩層層疊～～
我都係照舊玩到wewa鬼叫～～ :p
Vicky著得好女人，烈烈就靚仔o左,表妹對眼好大好靚!!
...玩玩o下....阿烈同我講....話我變o左,變得靜o左~~...其實我都覺!
就o係佢同我講完之際,...望住阿烈....大家都好似有好多野想講,
但偏偏大家都chose左唔出聲....或者真係已經無聲仿有聲!
hahaa~~anyway,好開心見到你地幾個！！^3^

>>January 21, 2005 at 5:17:51 AM GMT+8

2004 年 12 月 31 日 星期五 【晴】

終於可以o係屋企啦~~
今日邊度都冇去...o係屋企整我第一個Cheeze Cake!!
今次整最simple o既 Lemon cheeze cake!!
不過都攪左大半日呀！！
但因為個cake企唔起，雪左半晏...最终都係拎佢去冰箱雪過夜!
要第2日先有得食呀~~

>>January 21, 2005 at 4:56:35 AM GMT+8

2004 年 12 月 30 日 星期四 【微冷】

今日照舊同肥比一齊返CityU做data entry~
不過今日要去第２間房度做野～～
而果間d PC o既keyboard超唔好press~所以開頭要ｄ時間適應！
o係做野o既期間,我問肥比今晚去唔去CountDown~
突然我就諗不如約埋阿Jo一齊去玩&Dinner!
最後,我地決定叫pizza上我屋企食,順便CountDown~
咁我mum又可以唔使一個人o係屋企啦!!^_^
食到勁飽～～食到尾仲有勁歌睇!!有華仔~勁開心~~
食完,睇完,仲有勁多時間,我地就玩cards !
玩去wewa鬼叫～kakaa!!
我仲搵o左盒勁舊o既棋出黎玩~~
真係玩到叫晒救命!Coz有一款,玩極都玩唔完!真係激死~
我仲送畀我之前整果條頸巾畀阿Jo + a birthday bear bear!
佢收到好開心～～我都好開心！！
kakaa...我地仲係咁拉長條頸巾～coz我織得太緊，唔夠長！
O...夠數啦～～10,9,8,7,6,5,4,3,2,1 "Happy New Year!"
就咁,又一年啦!!!
傾o左一陣,執好野,佢地就走啦!
佢地走之際,有人開門bor~原來係我大細佬～～
kakaa...我仲問係邊個tim~~
就咁，畀佢地笑我連細佬都唔認得！
鬼咩，佢個頭又唔同左，著果件褸我又未見過！
haha~~What's a enjoyable DAY!

>>January 21, 2005 at 4:33:56 AM GMT+8

2004 年 12 月 29 日 星期三 【晴】

經尋日一役...雖然訓左成晚,但都仲好累!
但又要一早起身去返工!!
好彩,今次返番CityU度做d office work!
絕對係好似走入天堂咁!!
帶返尋日收到o既野畀Adalinte,傾o左兩句,就要開始對住陪電腦做野!
今日有肥比同我一齊開工,冇咁悶~
可惜,因為掛住食野,遲o左返,攪到我地要分開做野!
Anyway,it's still better than yesterday that working alone!
(....由於...已經係12月o既事,記得唔係太清楚....
因為唔記得放工之後係點... :p
就寫到呢度啦！)

>>January 21, 2005 at 4:17:54 AM GMT+8

2004 年 12 月 28 日 星期二 【乍雨乍晴】

今日超級凍~~但嬌嬌又要6點起身,準備0730入到荃灣開工!!
又係行返26號o既路程,又係行12個鐘!!
不過...今次比上次凍10倍~~勁慘!!
好彩臨搭地鐵前買左隻暖蛋~如果唔係,一定凍死!!!
由於今日勁凍...所以做野都比較辛苦~~
幸好今次著果對鞋係平底~所以行得舒服d~~
多謝Yvonne一得閒就打黎問我做成點～～
知佢想早走~~所以約佢6點幾就返MTR幫佢收返ｄ野先～等佢可以走先！
正當約緊Yvonne之際,傻Beat就話放工黎陪我~
佢黎到"如心廣場"冇耐,陪我做左陣野,就同我一齊去MTR!
攪ｏ左成個鐘，收晒所有人o既野,就同傻Beat出返太子食野~
佢話去"地獄拉麵"~咁咪去lor!
我地叫左兩款唔同o既地獄拉麵,一碟豬頸肉,一碟天富蘿~
點知...我又懶叻,再加辣~~
結果...食左半個鐘有多,好"索"咁先可以食晒碗麵!!!
唔止畀傻Beat笑，仲要畀ｄ廚房佬笑...慘慘!! >.<
食完野...傻Beat就送我返屋企...因為太累,所以一路都冇咩講!!
Anyway,thx Beat!

>>January 21, 2005 at 4:09:51 AM GMT+8

2004 年 12 月 26 日 星期日 【乍雨乍晴】

尋日做o左成日野...真係好累~~差d夠鐘都唔願起身!!
起身沖完涼~肥比竟然打畀我...同我講阿Jo唔舒服...所以今日唔出黎~
原本我地係諗住同Jｏ預祝生日～但主角竟然唔可以出席!
What's a pity~~
但經商議之後...我同肥比決定要出~~仲照原定o既plan去玩!
約o左肥比1230 o係TST碼頭度等...但佢又照例遲啦~~ >.<
咁...又因為勁餓o既原因...入左"零食品語"睇o下有咩好食!
點知...就畀我搵到盒好得意o既糖糖~~所以買o左佢畀肥比做X'mas gift~~
其實....我都好唔捨得ga...因為得一盒 and it's reli cute!! :p
Anyway...好彩佢見到都好鬼鐘意～～Kakaa..
我ｏ地一上船就同盒糖糖影相～～
而肥比今日又有帶我織果條頸巾~~好開心!^_^
影完相相...我地就plan多次究竟今日ｏ既行程如何！
話咁快就去到中環~
我地第一站就係去為於結志街o既"蘭芳園"!
未去到...我已經簡介畀肥比知有乜好食~~
咁我地去到一坐低...就叫o左好出名o既撈丁~~
-->兩個"蔥油雞扒撈丁"+兩柸出名滑o既"奶茶"+"馳名厚身多士"
Yeah~~ Yummi~~ 好飽！！
食飽飽...我地就四圍行o下~~
o係"擺花街"原本去買好出名o既旦撻! 但佢冇開門~~ >.<
我又帶肥比睇o下"Yesterday Once More" o既攞境地方～～
去ｏ左果間紅酒鋪+華仔同Sammi買帽影相果條街！
而我地都ｏ係果條街度影ｏ左幾幅相！
就於行程緊密~~冇帶肥比去"蘭桂芳"就已經上o左電車!!
我地搭"丁丁"去到"筲箕灣" (其中一個電車總站）～～
搭ｏ左都好鬼耐呀～～不過個感覺都幾得意!!
我地兩個都未試過搭咁遠~~通常都係Wan Chai to CB!!
愈近總站...d街就愈古老~~
唔知點解...有d返o左去舊時o既感覺~
esp when we arrived "七姊妹道"果段路開始至總站!!!
去到總站...就d失望~~因為原來果個總站乜都冇!!!都唔似總站o既~~
一落車...我地就去o左7仔買野飲~~真係勁口渴!!
買完野飲...見到前面冇幾遠...有個招牌寫住"明華XXX"...
令我諗起老豆間公司--"明華工程公司"...
所以我同個招牌影o左張相相!!!
影完...我地就即刻搭返"丁丁"落太古行街~~
因為係尾站...所以上車可以任choose位坐！
我地一上去，就霸o左上層最頭d位o左~~
因為冇乜人...又未開車~~我地就勁影相~~kakaa~~
Just like the Train is us~~ kakaaa!!!
影完都差唔多開車啦!!
坐上層o既感覺好唔同~~正好多!!
其實HK真係有好多地方好正～～只要細心欣賞...就會發現佢o既可愛!
同埋...用$2 就可以坐o係車上面欣賞香港風貌...真係超值!去邊度搵呀?!!
直至而家為止~~都玩得好舒服,好開心~~
去到太古...行o左陣"Jusco"...買o左樣勁抵o既大口仔畀Mandy做生日禮物...
跟住我地就再搭返電車落CB o既Jusco十蚊店買整旦糕ｄ野！
今次搭"丁丁"落CB就冇前兩次咁好有得坐～～
不過我地就chose左車尾上車果ｄ位企～～感覺又好唔同！
果個位幾正ga...又有大軚盤畀我d地影...總之就別有一番風味啦~~
講真..唔係今日咁得閒玩"丁丁河"...都唔覺得搭電車有d咩特別! :p
去到CB Jusco 十蚊店...照例都係勁影相~今次d相相又係好得意o既!!
因為夜啦~~所以我地行o左一陣,買o左個攪旦器+一個盆~就走lu~~
我地由CB行返落Wan Chai搭船仔走～～
可能因為累啦~~比平時行得慢~~
我地沿近海果邊行~~好靜,又少車少人~幾舒服~都唔覺自己行緊CB!
見到好多人放狗～d狗仔勁得意!!kakaa~~
又行過幾間車行～～不過搵唔返之前見到果架好型o既黃色跑車!
唔經唔覺...就行到WanChai泳池果邊～～發現果度睇夜景一流～～
絕對係拍拖勝地tim呀～～又少人，又正！！
不過...由於真係太凍...要坐低傾計...就真係要著多件衫啦!
o係果度影o左兩張相...就趕去搭船仔返歸！
今次搭船又好特別bor~~因為搭下層~~
都唔知有冇十年冇試過坐下面啦~~我地都係上到船先知o係坐下面!
好surprised~~不過又好鍾意bor~因為下面d chair係古舊ｄga~
由於我地想影中環夜色...所以拉住肥比去坐最後掛o既位!!
Chair後面就已經係另一個船長室～～
但因為唔畀行入去...咁我唯有勁申隻手入去影啦~~
張相出黎o既效果係勁正~~
有種講唔出o既感覺~係大家冇可能o係普通雜誌搵到ga~~ :p
基本上...d人一開船就已經起晒身影相~我地都唔例外啦~~kakaa!!
攪到好似遊客咁～ :p
不過今日隻船好"long",少ｄ定力都影唔到靚相!!
正當大家影相影得起勁o既時候....架船突破勁拋!!!
之後船頭d人就大叫~~
咁好自然就梗係望過去睇睇咩事啦~~
點知原來係有個勁大o既浪kum左入船～船頭ｄ人濕晒！
kakaa~ d水浸到入船身中間～～
肥比仲好抵死咁問我"點解你咁叻帶我坐船尾?!"
仲係好彩冇坐船頭咋~~wakakaa!!如果唔係就真係難忘啦今日！
大家驚叫完冇耐...就要落船啦!!
今日真係玩得好開心呀~~hahaa~~
我同肥比就咁ｏ係碼頭say goodbye各自返屋企啦！！
真係好開心...但又真係好累!!
所以一上車就訓覺豬~~~
What's a wonderful~~ 可惜，阿Jo唔黎得啦!唔係仲開心~~

今年X'mas...照舊感慨!

>>January 9, 2005 at 7:29:41 AM GMT+8

2004 年 12 月 25 日 星期六 【乍雨乍晴】

今日GilGil要一早６點起身...入荃灣開工~勁慘!!!
如果唔係咁鬼凍...都可以冇咁慘!!
因為要0715去到TW mtr度搵我supervisor...
so...出門出得勁趕....thus...搵錯對鞋著　＞．＜
就係因為著錯鞋...令今日o既工作更加辛苦!!!
Today...我ｏ既工作範圍就係:大河道-->如心廣場-->海濱巴士總站-->聯仁街!
我要o係一個鐘行呢4個地方一次...
仲要行足12個鐘...
每個鐘都要行晒4個地方...
For what??...要做interview...仲要ｏ係Bus station or bus stop!
勁吸塵～～ >.<
又要行１２個鐘...仲要勁趕果隻...
激辛苦~~
最慘係...個電話去到晏晝已經冇電...
夜晚就收工果個鐘...由海濵行返返去市中心果時...
天又黑...又凍...對腳又勁 Fatigued...電話又冇電....
真係勁想喊lor...都真係未試過做野做到咁慘!
人地平時o係office度做野...勁嘆...話咁易就搵到錢~~
今次做外展...真係勁辛苦~~慘慘慘!!
不過有成$560一日...都算o係咁...
1930終於可以放工走人...
Thus返返去MTR交ｄ野畀我阿頭...
1945...真係走得啦~~
不過...我未可以返去抖...因為Date左我契媽兩個女(Mandy and Agnes)
約ｏ左佢地ｏ係KungTong食飯..因為要就Agnes...
Thus我又要趕出去...
o係車入面...我咪勁訓lor...真係好Tired!
坐低果時...對腳係勁痛...Poor >.<
８點幾入到去...落車果時...係勁唔願起身~
所以見到Mandy果時...同佢講我唔要行入去搵佢啦...叫Agnes出黎啦～
Then我地去o左就o係面前o既"沙嗲王"坐住等~~
等到佢黎到...傾左一陣,點左野食..
佢地continue chatting with each other...
and me?...我就訓住等ｄ野食黎...真係好累!
原本勁餓o既我...都累到唔多想食野...
所以食左d野...就停手...
食完...佢地見我咁累...都即刻送我去地鐵搭車返屋企!
....返到屋企...沖完涼都訓啦...因為聽日約o左阿Jo and 肥比～
Coz預祝阿Jo's birthday~
雖然累到唔多想出...不過朋友仔生日,冇計啦~
That's my day of 26/12.... what a poor Boxing Day!

>>January 6, 2005 at 5:50:45 AM GMT+8

2004 年 12 月 24 日 星期五 【晴】

尋晚吹o左一晚風...攪多今日唔多舒服!
....so...Stayed at home during day time~
食完飯...就換衫出去搵肥Beat~
去到Olympic2...就見到傻Beat拎住一大袋野～～
原來係送畀我ga~...勁開心！
我就慚愧啦....送咁少野畀佢~~
袋野入面全部都係我好鍾意o既-- Melody!!!!!!!!!
有一隻勁大ｏ既 Melody 公仔~
一條Melody毛巾～
一個Melody毛巾袋～
兩個Melody印仔～
一盒Melody唔知乜 :p
仲有一條好靚o既Melody士多啤梨電話條～
正當我攬住隻Melody勁傻笑之際...
就夠鐘開場睇戲...今日睇"功夫"~
夠晒鐘開場都竟然仲要等lor...過分~~
套戲...我就真係覺得唔掂lor...
後半節...我仲悶到差d訓o左~~
Kakaa..我全程都攬實野Melody唔放～～ :p
睇完...傻Beat就送我返屋企～
Btw..多謝Beat送畀我ｄ Melody!!!!!!!!!!!!!!!!!!!!
Reli HaPPy Today!~~

>>January 4, 2005 at 3:01:05 AM GMT+8