2006 年 1 月 31 日 星期二 【炎熱】

1/2 同軒軒睇<魔幻王國>,西貢一遊~ 多謝軒軒o既Anna Sui唇膏!

1/2 因為我唔記得我係約左軒軒今日去睇戲,以為聽日thursday先睇...攪到佢等左我3個鐘!
咁大個女...都真係未試過要人等咁耐~真係好對唔住! 哈哈,所以..軒軒一見到我就"亨"我個頭!
我地o係Langham Place買o左<魔幻王國>o既飛,就去左"仙跡岩"飲野~
飲完就岩岩夠鐘開場! 套戲...我個人覺得麻麻jei~
不過...睇得好開心~hehe! 軒軒買左金莎&童星點心麵畀我食~~勁開心!
睇完戲,o係Langham行左陣,佢仲放左件衫衫& jeans~
臨離開Langham入西貢前,軒軒仲搵我入"西武",買左枝我恨左好耐o既Anna Sui Lip Stick畀我~
之後我地就入西貢~~wow~~果個地方...gilgil都係第一次去~^_^.. 唔話你知去做乜!
8,9點,食左個麵,坐左陣,軒軒就送我返屋企~~
今日真係好開心呀~~~~~~~~~~

>>February 4, 2006 at 12:24:10 PM GMT+8

2005 年 12 月 5 日 星期一 【乍雨乍晴】

3/12 I.T.補課&104B韓燒&小肥羊麻辣火"wore" + 3-4/12 天水圍度假! & b仔o既芒果糯米糕-->正!

5/12 今日一早由天水圍返屋企,幫電話充好電就返學啦~
放學返虫虫~~ 施仲青黎虫虫接我放工..送我返屋企~
真係好凍呀~~~~~ ... 畀人偷吻左一下~~

6/12 有人錫自己,對自己好..係咪真係一件好事? 我怕承受唔起你的愛!
今日一早9點就同阿恆返city開工~~之後ying終於一個鐘後返到黎~ 做到1點幾,食埋飯就返學!
放學後,yingying就陪我行左陣街! 嬌嬌係"yANDY"買左件好令令o既外套! yeah!
多謝yingying陪我行街街! 跟住我就一個人返工啦~
p.s. 好意外,敬敬竟然打長途畀嬌嬌~仲打左兩次tim~~ wakakaa!! 傻佬,畀心機溫書呀!

>>December 6, 2005 at 2:22:50 PM GMT+8

2005 年 11 月 9 日 星期三 【晴】

成晚都冇訓....心情好差~

學業,工作,屋企,愛情.....樣樣都好煩~~

Esp屋企...點解"她"永遠只睇到我缺點? 永遠只係識埋怨.... 我知"她"有"她"o既壓力...但佢從來冇考慮過我o既壓力....一唔開心....嬌嬌就會做箭靶....再係咁...我真係撐唔到ga啦~~ 我都有我o既工作...我o既壓力唔畀"她"少...咁唔通我又可以隨便向其他人發洩?....(though...我都知我呢兩日都對某d人態度好差...I'm sorry for that! ) 唔通做大就要乜都受晒!? ...真係好辛苦!

除左工作,可以話冇一樣順利......真係好鬼冇用~

我唔識做個好學生,我唔識做個好女友,更加唔識做阿媽個女.....

>>November 10, 2005 at 1:41:16 AM GMT+8

2005 年 11 月 6 日 星期日 【酷熱】

原諒根本乃女人天性，又或者女人心房構造過分柔軟，我們愛上一個人, 可以原諒他七十七個七次。

但男人，如果你真的愛我們，就請你把上半心連同下半身一併交出來。

因為跟一個不完整的人，是無法談一段完整的愛情。

亦所以, 當你做出一些出軌行為的之前, 想一想你愛的女人!

也許, 一時衝動, 一時好奇, 真的令你無法自控.....; 相反, 若你的女人這樣做, 你又會怎樣? 我想, 你想也不想便嚷著要"分手"~ 有時候, 真的要將心比己啊!
------------------------
McDonald's Manager.... 我愛你嘛?! 我地究竟係乜野關係?!

>>November 7, 2005 at 3:13:56 AM GMT+8

2005 年 10 月 31 日 星期一 【微冷】

忙裡偷閒記:

尋日係"哈佬喂!"~

一大早9點我就要返城大開工~12點就返學~好趕呢!?

上堂第一件事係派糖~哈哈!

放學之後,同d同學仔傾夜晚去邊度玩~最後照完定計劃落bar!

同fifi,mandy,van去尖東買野扮靚鬼~kakaa~仲畀我o係果度見到mkc o既同學仔--陳文強!(不過好似佢改左名!~whatever啦!)

未買完我已經要先走,去虫虫返工~一放工我就飛小巴返屋企係咁二食d野,就趕去jordon mtr搵大家~

我地chose左好耐,終於chose左"英倫吧"~ 今晚出席o既朋友仔有: van,fifi,mandy,mark,虎,青蛙,仲有我-gilgil~

果度d外賣炸雞翼,薯條,同埋炒飯真係好得lor~kakaa~

好慘,gilgil我成晚玩輸,攪到飲左好多酒~勁辛苦!其實我飲完第一兩柸,已經開發wingwing地~ >.< btw,玩得好開心呀~ bar入面有一個姐姐仲對我好好tim~係咁搵我玩!kekee~

玩到12點到,我地就走啦€去搵toilet! kaka..個個都鬼死咁急!我個頭仲要勁痛tim~~辛苦!! wow,原來尖東海旁氣氛正好多lor~去完toilet之後,同d男仔搵左地方再continue飲之後,我就走啦!因為真係好辛苦~~ 勁開心,mark mark陪我出去搭taxi,仲畀左20蚊我搭車~~開心死~~經過尋晚,我發現小mark mark係一個勁細心o既男仔~~做佢女朋友一定勁幸福~希望佢快d有個好女友啦! 唉...唔知我幾時先搵到個咁好o既男朋友仔呢?! ...之後有過...可惜一早就失去左~~

一點幾,就終於返到屋企啦~~...嬌嬌好冇用呀!最後都係忍唔到,一返到屋企就嘔到7彩~~ 睇黎我真係好唔飲得! 換好衫,同傻青傾左兩句,我就訓啦~~真係好唔掂呀我!

All in all, I think we did have a great time last night! And I did enjoy it a lot! 期待緊黎緊下個friday o既bbq,希望一樣玩得咁開心~yeah! Thanks all you guys ~~

>>November 1, 2005 at 2:33:04 PM GMT+8

2005 年 10 月 22 日 星期六 【颳風】

好忙,好忙~

返學,返工,同學校開會~

朋友仔~Miss you all~~

好想拍拖...但冇時間~~ 對象有冇?..唔知呀!

>>October 23, 2005 at 7:12:56 AM GMT+8

2005 年 10 月 4 日 星期二 【晴】

呢個月忙EMB份野...真係差d連訓o既時間都冇~極累呀!
唉...朝又返工,晚又返工...唔係返學就返工...根本冇時間去同同學仔玩!
仲要黎緊幾多assignment要交~又快mid-term test~~真係忙上加忙!!
...不過都有開心野o既~
1. 畀阿head多次讚我工作表現! 又話要升我~~哈哈!
2. 有人話嬌嬌瘦左~
3.有人讚我靚左~
4.有人讚我係歌后~
5.做左我班o既rep~
6. ... 有男仔對嬌嬌好好~~
hehe...寫住咁多先! 要做assignment~
(p.s. :今日係咁咳．．．可能病病～）

>>October 5, 2005 at 1:04:29 PM GMT+8

2005 年 9 月 12 日 星期一 【酷熱】

WOW,5/9-11/9呢個禮拜忙到嘔~~
5/9第一日返學,一放學又要返"虫虫",但因為我放1630,又要1730去到石蔭~攪到全程都係跑!激趕呀~好彩追到bus,唔係我諗6點先返到去~一放虫虫,又要陪大力去買書...最後攪到將近11點先返到屋企,勁累!o係2%買左件衫,但要遲兩,三日先有得拎新果件!
6/9約左Lau Sir,敬敬,YingYing,小欣,大力去neway唱k...哈哈~~"蚌的故事"大合唱!笑死我啦~唱完k,去Library借書,借完同小欣,大力去新世紀行左陣,我就去返city返工...就咁又做到10點啦~
7/9大清早7點幾起身梳洗,9點多d返到city做野,今日開始,朝早o係city做o既都係d data process o既野..望個電腦望到眼仔痛~lunch同君君(my supervisor)+Margret齊齊落南山村食好出名o既咖哩豬扒飯,真係好正,係新鮮豬扒o既ga~好鬆軟!仲飲左個豆漿,hehe係一大碗黎ga,一上檯果時都嚇親我地!勁抵,5蚊一大碗,係平時o既兩柸幾!呢餐真係好好味!之後又返返office做野...1400我又返學啦!今日上堂上到1830,之後我就帶yingying+阿sing去city返工~又brief,又食飯,幾乎8點先開始做我地o既research!10點放工lu~~今日嬌嬌都有份做briefing,gaga!
8/9都係9點多返city做野...做到12點又返poly上堂!不過之前就去新世紀拎返我買左果件衫衫先!今日堂english終於知道某d同個仔o既名~一落堂因為心急走,幫阿sir推返張檯後,就一枝箭咁走啦!等lift o既時候,突然有人拍我!原來係我班o既男同學,好似叫frog. 佢幫我拎返袋衫...嬌嬌我真係一頭蝦啦!好彩有佢咋,唔係就冇左件衫衫啦!我仲記得frog佢鬼咁好笑容!我地仲竟然搭同一部lift~真"qea"!之後同yingying去bookstore買書,要食個tea~又要趕上堂!上堂上到1730,之後我就帶Queenie去city返工,小欣又想做,咁我就叫埋佢一齊黎~咁就返工返到10點啦!No Lunch for today!今日好乖,有溫書!
9/9今日將近10點先返到city開工~訓唔醒嘛~日日都咁累!12點就返poly返學!今日堂IT勁悶lor~放學,同小龍,阿sing+yingying落左Jordon食野~但因為原本佢地想食果間已經冇lunch,又唔知食乜,就走左去食阿活!食完,嬌嬌又自己一個人搭車返工!今日返"虫虫"~今日終於有機會o係屋企食飯啦!
10/9約左大力今日出黎,陪佢睇下衫呀..果d! 不過因為媽冇帶key,要等佢返黎開門畀佢,鬼叫我d brothers出晒街咩!就咁就等到4點!等媽返黎o既途中,"虫虫"果度打黎叫我夜晚去小欖BBQ~hehe,叫埋大力一齊去~但因為約左"虫虫"d人1945,咁我同大力去Tsen Wan行街,係一間叫"八麵玲瓏"o既野食台灣野,ok呀!今晚又玩到11點幾先返到屋企~~~好累呀!
11/9今日dated左JO+Phoebe去寶琳行街食飯~好似都有成個月冇見過jo啦!哈哈~~我竟然讚嬌嬌愈來愈有氣質,而Phoebe就話我今日靚靚!So happy!!另一個目的係去睇my love-->"Andy Lau" !幾驚辛苦終於排除萬難咁,影到華仔..wow...影完,成身濕晒lor~因為太多人啦~Phoebe & Jo,I'm sorry that I've spent so much time on watching AndyLau...haha...下次出黎一定唔會咁!唔知點解今日大家都好累,所以5點幾,大家就齊齊返屋企lu~P.S. 佢地係咁話我有拖拍,話我好似好開心咁!哈哈~~ 激死! 夜晚,同Donald傾電電~佢話要溫陣accout 先,因為要考牌!咁我自己都去溫左兩個鐘書!溫晒d econ!聽日一早就溫QM!之後,Emil打過畀我,傾左陣~Donald又搵返我~咁就傾到覺覺豬la~

>>September 13, 2005 at 3:25:38 AM GMT+8

2005 年 8 月 24 日 星期三 【酷熱】

一早6點幾就醒左,訓唔返~7點幾起身梳洗!因為約左阿仔小龍+ yingying 0850 o係Poly一齊去O' talk~ 勁眼訓! 小龍,唔好意思,遲左個幾字! 唉....個死人talk費到死~ 哈哈~~yingying悶到懶左! 我同小龍就打機...點知佢唔知冇熄聲!我一win就響好大聲!勁瘀~~ 聽完talk,拎左student card,再打埋d印去申請呢樣果樣...點幾先走得! 佢地有節目,我就約左高人去食野!最後都係食kfc only...食唔到我最想食o既越南菜!下次啦咁~ 食完,先返屋企放低d Doc,好死重!之後去左高人屋企~~ check 左自己個student net a/c! 玩左陣msn....唉....唔玩好過玩... 好唔開心!...............想喊又唔得.....因為有兩個師妹o係度! 幫高人同珍珍影學生相~5點到,落下面搵菁菁,一齊再落TST搵3T,高人就沖完涼先自己去! 好耐冇同班師妹聚首一堂~ 我地去左Pizza Hut~ 叫左個新o既批,兩碟pasta...6個人食~一人40幾~哈哈!!真係好就住食~不過好開心!但因為我今日真係好鬼累...又唔係咁開心...所以冇乜點出聲,希望佢地唔會介意啦! btw, 3T + 珍珍 電左髮,靚左好多!^_^ 食完,傾左一陣,行左陣街,就返齊齊搭mtr返屋企~

師妹們: 你地幾隻新學年要畀心機呀!讀咩都好,要加油~得閒就掛下嬌嬌!kakaa~~我一得閒都會搵你地出黎聚聚! Love you all~

ManMan,菁菁&我一齊mk落車,行到咁上下,我就自己轉彎返屋企...果頭叫佢地返去小心d...我自己行多兩步就畀3個o係度好似等緊人o既男仔撩...wow...嚇親...好彩岩岩又有個中年嬸嬸行過...我當乜都聽唔到...即閃~幸好佢地冇追上黎!哈哈~~ 不過幾開心ga,畀人叫靚女wor! 就咁,話咁快就到屋企~~好鬼累! 但勁多電話...冇計8點我個電話已經冇電~~ 11點幾,梳洗完...仲要上網check返學校d email and Doc,又要send野畀小龍幫我print,因為d野26號就deadline...又要約小龍26返poly交locker錢!

夜晚,同Simon傾完,又同Donald傾...死人Donald,你曳啦!

p.s.: 究竟男人幾時講o既野先至可信?

>>August 26, 2005 at 9:36:08 AM GMT+8

2005 年 8 月 23 日 星期二 【颱風】

<<太多不想要o既"surprise" >>
23/8<>: "害怕美女會給你太多,我願意將一切都簡化!來到我身邊擁抱我吧!讓我快樂好嗎?"

尋日,一返到QEC,知道Alex,Wing+Rick ３個supervisorS 做到8月就會走~~好突然!完全冇諗過會咁~最唔開心係Alex親口同我講唔做...話做得唔開心?! 我o係QEC都做左兩年...記得果時係學校社工介紹我去o既!仲叫我去果度搵個叫Alex o既人!就係咁...我第一個識o既老細就係Alex~ 所以,尋日知道佢話唔做...真係唔係咁開心~好感慨!... 其實呢兩個月做,多左好多新人...而佢地o既質素又唔係咁好! 唉...自己又就黎要去適應一個完全陌生o既大學生活...好多不知所措! 今年...真係好多轉變! 唯一到而家都未變o既就係...哈哈...仲未搵到個新男朋友! 朋友仔覺得我拍拖啦...但...事實係咪真係咁? 我諗..未係適當o既時候掛! 心儀o既人..係有! 但名份...就好似差d啦~ 我相信佢o既說話! 但始終雙方都好似未肯定對方~ 所以我都唔敢太投入! 唔知點解...呢排突然好多人同我表白....又驚又喜! 今日仲有一個X君問嬌嬌"我地結婚後生o既bb會點?" 哈哈~~我都唔應答佢!! 佢尋日仲教訓我唔好咁易信男仔講o既野~ 今日就同我講呢d野...都唔知佢想點! Stop here!
P.S. 皇子,希望你隻眼仔快d冇事!

>>August 24, 2005 at 5:02:05 AM GMT+8