2005 年 2 月 4 日 星期五 【晴】

=== 第一日假** 補習 ===
又係補習gei 一日la....英文~ 又係一邊食m記早餐一邊聽~ 今日又係教listening d 野~~~
之後, 同杰行街街...陪佢買衫~ 點知我自己都睇岩左, 買左兩件~~~ 丫...我今日無學到畫~~~：Ｐ
跟住差唔多時間果陣, yan&峰都call左我, 之後搵番佢地食lunch~ =.="佢地兩個又係度唔知仲咩...
補完chem 呢~ 就同峰搭番輕鐵番黎~ 之後約左媽咪....行街~ 夜晚就去左元綠食~~
臨番屋企之前去左買jay 演唱會果隻碟...^v^之前已經想想地買, 但見今晚tv無野睇就買黎睇law~
但真係好好彩有買到!! 因為番到黎, 開部電腦...個mon....變晒色~=0=" 之後仲越黎越暗, 最後黑晒!!!!
壞左la.....個mon~~><"無電腦用......夜晚就係度睇碟law~ 真係好彩有買到ja...如果唔係悶瓜我~ haa...

>>February 8, 2005 at 3:14:43 PM GMT+8

2005 年 2 月 3 日 星期四 【晴】

=== 輕輕鬆鬆等放學 ===
haa...今日可以話, 大半班人都癲癲得得... (其實誇張左) 總知就好輕鬆咁la~~~
不過chem 堂果陣呢~ 黎英細係度發脾氣咁...有d人係度寫紀念冊, 冇聽書~ 佢就係度話話話....
~.~"乜佢仲未慣咁樣上堂咩? 今日已經少左人訓教ga la.....我有專心聽書ga!!
art 堂整埋果幅設計d 字....一打鐘就有宣佈嗌我個名, 仲有迅同杰~=.=" 都唔知咩事.....
點知原來係選科講座~ 我地遲d 又要再講lu....之後小荔同黎英就比左好多野我地拎上去.....
amath 堂都派左好多野...今日幾科都有好多野拎番去~ 全部都係past paper, 我地gei 功課~~@@"
之後eng 堂好鬼憎a~ 係度發悔氣wo! 佢講左好耐...其實,都冇人專心聽佢講~ 佢仲咁遲放!
今日要開多次會...叫左bee 買飯比我~ 佢真係少可咁好人~~ haa...不過s班就正la~好羨慕佢地d盆菜...
開會...開頭其實唔知仲咩~ =.="好似無乜特別野講咁.....聽講a 班內部出現左d 問題~~~
不過都無理...我地約左星期日時間, 去睇酒店....其實而家仲要搵多兩間酒店~~ 好多野, 真係唔容易~
開完會~ 有中文堂....首先派朱古力~ miss 仲比我地果陣食....講陣會考語文咁就落堂~~
amath仲正!! miss 無端端話...唉算la~ 今堂唔洗做數la~ 你地鐘意仲咩都可以....超正!!
咁先係ga ma~~ ^^"話咁快就一堂.....開心! 之後就出去元朗廣場剪頭髮~~~
今次剪得都ok 滿意~~~ 不過歲晚加價...=.=" 早知, 早d黎剪la~~ haha~~~

>>February 4, 2005 at 2:05:07 PM GMT+8

2005 年 2 月 2 日 星期三 【晴】

=== 納米技術 ===
今日出奇地精神左d....可能因為番埋聽日就放假la!! 好想快d 放假丫~~~~~~
第1堂就係小測! 其實溫得唔夠....不過, 應該測得都ok 掛~~ 派作文la...><" 果然離左題~~~~
真係好難作....令人難忘?? 我唔識點樣淨係講個重點又唔洗講晒個內容....希望會考冇d 咁gei野~~
之後eng 都嚇一嚇~ 佢黑起塊面, 話d listening 要即刻交....無番補課果d人~ 但我未做好ga ma~~
於是都係art 堂做....art 畫一幅好細gei 素描~ 都冇心情畫.....又唔係正式d 集作ma~~~
lunch 一放就落去拎外賣....因為一陣開會, 要留係sch 食~ 我地都準時上到黎傾.....但得4班~
b班d人出左去食....="= 之後傾la....話會去多兩間酒店睇場再決定~~ b班交左人數, 佢地都三十幾個去~
其實早就應該咁la.....明明都無乜問題~ 但係就拖左成兩日.....唉......算la算la.....
最後phy 堂~ 今日早放...因為要聽講座~~ phy gei...納米科技講座~~ 初頭講d 野都算明....
但去到中間, 講左好多好深gei 野.....呆晒...@@" 成5點幾先完....臨尾庚sir 勁問問題~~
今晚好似無野做a~~ 正a~~~~ 又唔洗煩果d野....大長今越黎越好睇la~~~ heeee...

>>February 3, 2005 at 12:19:43 PM GMT+8

2005 年 2 月 1 日 星期二 【晴】

=== 又開會? ===
今日做下數, eng 做下past paper, 仲有講math gei past paper~~咁就一個上晝lu~
同kiki,杰杰,仲有迅,燕一齊食飯....因為一陣我同迅要見小荔~ 唔洗問都知咩事la.........
琴日已經有人投訴~ 相信都係佢地果班.....仲話我地態度唔好~ 但事實上又係點丫?
king sir 睇黎都攪左唔少野.....佢仲嗌自己班d 人不如一齊唔好去~ 超無奈.......
上多兩堂~ 放學唔洗補課~ 諗住同迅計計條數先.....之後嗌埋 s 班子坪, 趙令~~~
跟住唔知仲咩...話不如叫埋其他班算la~ c 班達達, 張曉男, 何曉媚, 莊婉琳等人都上左黎m班......
我地首先傾番 b 班gei 問題~~ 事實上佢地班有好多人都想去....不過有一班人攪事~~
無端端攪到咁? 加上king sir 比左d 壓力....後尾, b班有人比錯資料a 班....好複雜a~~
傾到差唔多, 叫齊全班d 代表la.....大家都覺得, 周婉誼佢......應該係會帶頭嗌人唔去gei人.......
本來都有d 中立gei人ga~ 但係佢地無乜出過聲.....唉~ 問佢地主要gei 問題.....之後好多藉口.......
講完生蠔, 就講魚生~~ 之後又話個價錢, 酒店, 乜乜乜乜.....酒店? 間間差唔多...價錢~ 唔會差太遠~
問佢地, 係咪轉左馬可ｘｘ就會去.....但明明, 兩間酒店個價差幾蚊~ 都會照收四百.........
真係唔明...點解會有repeater 幫手? 佢地唔係為"謝師"或者叫做"有心" 去攪呢個活動~ 不斷話唔好~
又講唔出想點....又試過問佢地野~ 可以兩個人一齊答, 而個答案係有差別gei .......
好無奈~ 何曉媚都話係佢地有人玩野....大家都覺得, 佢地好多都係藉口...但唔知為左咩~~~
而家攪到通告都可能遲出, $又要遲收~ 仲要搵多一日再出過黎去睇場.........
有時真係好想...佢地班係由d 自願, 有心gei 人幫手攪....如果同琪琪, tommy 果d傾~ 可能好好多.....
講講下都醒起自己喉嚨痛.....今日其實結論唔多, 都要等聽日佢地b 班去gei名單.......
而家攪到好似同b 班唔岩咁.....反而, 同其他果4班, 各位都越黎越熱心去攪, 去傾各方面gei 問題~
同b 班好似無野傾咁...根本係傾唔到~ 佢地唔肯聽人講...佢地番到自己班, 又可能講d野黎嗌人唔好去...
謝師宴...呢個只係開始~~ 之前都諗過會攪得唔夠好~ 估唔到.....真係估唔到會咁..........

>>February 2, 2005 at 11:42:20 AM GMT+8

2005 年 1 月 31 日 星期一 【晴】

=== 麻鬼煩 ===
今日成日都好似未訓醒咁...好多堂都發夢~><" lunch 去鴻運, 早知唔嗌意粉la.......
覺得好唔舒服~ 仲係好熱氣.....番到sch 同d 同學傾左幾句謝師宴~~
開始煩惱la, 又有問題出現~~ 聽講b 班得11個人去...都唔知點算~ 好鬼煩ga~~~
之後math 堂做完mc就放學~ 我地又要開會la.....開頭得c, s 班黎左~ 我地傾左少少野.....
maybe要加$$, or 轉酒店....之後, b班拉大隊落黎傾數~ 但係果個林俊文就唔知去左邊~~~
可能係唔敢同我地講la~ 超...代表自己班講野都唔夠膽~~~ 無端端佢地轉左負責人~
果個好似叫周婉誼gei...之後河文俊又坐埋落黎傾~ 問呢樣問果樣...好似質問人咁~\./
講到我都有d 火...又話我地咁樣唔公平, 得一間酒店~ 又話貴....又話未計清條數~ 實唔夠$之類~~
煩死人....又話唔洗風景好, 要5星級都無用.....根本講到尾佢地都係想平d~~~
仲話想全班集體唔去.....總知幾個代表講野gei人都擺到明唔likey咁!! 諗起都火!!!
佢地唔likey, 我地夠係la~ 4班就一班....今日又開到5點幾, 都唔知傾乜, 好似為佢地班開會咁.....
明明星期五已經派左代表黎開會...決定gei 野都代表左自己班, 而家先黎講有問題.......
今日先黎開會講野果d人, 之前又唔黎.....如果而家有野改, 咁姐係星期五開會講d 野廢gei ja!!
我已經喉嚨痛緊...仲要同佢地繼續傾~ \./ 比個咁唔滿意gei 樣我睇~ 咁叻gei 話你地做主席去攪law~
攪咁多野仲咩.....間間酒店都差唔多, 四百蚊呢個價又係差唔多.....多幾十蚊, 同少幾十蚊.....差唔多ja~
平時去玩都唔止用果幾十蚊la....如果真係能力上有問題, 真係好有需要就話ja...唔係全班都係掛~
一生人, 得一次中五gei 謝師宴~~ d 老師係比面我地先黎, 家下係我地多謝佢地ma~~~
相信從未有一年...謝師宴有咁多野煩~ 謝師宴, 可以有一班話幾乎全班都唔去.....諗起都.........
夜晚同媽咪係街度食飯...迅打黎, 收到另一個壞消息~~ 睇黎聽日要快d 攪掂佢~~~

>>February 1, 2005 at 2:06:25 PM GMT+8

2005 年 1 月 30 日 星期日 【晴】

=== 家長日補假 ===
正! 今日唔洗番學....but 本來要eng補課, 我無番到~~：P 十點幾又出去同媽咪飲茶黎~~
飲完茶, call 阿潺出黎~~ 之後等杰,kiki 佢地補完課出黎一齊食lunch~~
係博多門口等緊果陣!! 見到郭佩玲~~~~~~~=0=" 佢同個男人一齊, just say 左個 hi la~~
不過死la~ 佢會唔會同黎玉嬋講話見到我地ga?? 之後杰同kiki 黎到, 佢地就食lunch,我嗌左小食~
原來今日...得24個人番左, 姐係有17個人無番~ 當中, 4個repeater都無番~~ 聽日唔知點算lu~
食完野, 我同杰行左陣...ling 就黎搵我, 話想買衫....不過最後佢無買到~ 反而我就買左件格仔衫~~
最後..我地又去左生活之味食tea~~ 今日gei 感覺好似星期六咁...但醒起聽日要番學~ down晒....
想睇古巨基演唱會...但最想睇係avril~~ 今日睇雜誌話3月25日~ 黎hk, 好難得...好想睇~~~><"

>>January 31, 2005 at 2:00:47 PM GMT+8

2005 年 1 月 29 日 星期六 【晴】

=== 家長日** 飲茶記 ===
今日係拎成績表gei 日子....陪媽咪番學校見家長~ 我地班, 小荔姐要見晒全部家長~~~
番到去...d童軍嗌晒早晨~ 之後上去見.....等果陣, 隔離係黃上銘gei 阿爸阿媽~~
陳慧同郭佩玲一聽係黃上銘gei 家長就已經爭住同佢講野....又話"佢其實可以再考得好d ga~~~"
無幾耐, 迅就上黎~ 我睇左份通告...真係唔錯, 似模似樣~~ 入去問小荔姐幫我地睇睇, 都話驚阻住~
睇下1分鐘都唔洗姐...咁都阻?=.=" 就話星期一先比佢睇....到我見lu~ 見果陣我都有入去~~~
小荔姐話我keep住就無乜問題....但願如此la~~ 哇...今次操行拎到A!! =0="
好快見完~ 去飲茶...但嘉城好多人~ 就去番西鐵站果間....本來坐果度係走廊咁ga~~
之後轉檯la....坐左一陣~ 個伯伯同我地講野...話d 叉燒包好正~~~ 我緊係叫la...我好鐘意食~~
食食下野..個伯伯又同我地講野....=.=" 又話我靚女...呆左一呆~ 之後話我對眼....龍眼~@@"
講講下, 好似幫我睇相咁.....=0=" 就係咁, 我地就識左....個阿伯好鐘意講野咁~~
佢同佢老婆...點講lei~ 都幾好人gei應該....個阿伯叫我比心機d 讀書~~~ 講左d好有道理gei 野.....
傾傾下, 仲話得閒約出黎飲茶~ 交換左電話.....最後傾傾下仲話....第時可能契左佢做契爺~ 真係契果d....
唔知點解....覺得佢唔係有惡意~ 又覺得.....點講lei~ 總知有一種感覺.....唔識講~
佢差d 請埋我地飲茶...我地緊係話唔洗la~ 就係咁樣...唔知點解就識左呢對七十幾歲gei 夫妻~~
飲完茶.....唔知去邊~ 又睇戲.."黑天使elektra"....都係因為無聊又唔想番屋企先睇~~~
都ok la 套戲...好似短左d, d 特技又唔夠.....睇完, 去左people 度問野~ then 話食下午茶....
b仔again~~ 我喉嚨有d痛a...><" 牙似又腫左dd~ 慘慘慘.....早知bbq 果陣就燒少d野黎食la.......
食完糖水就番屋企...睇左陣"小櫻"~ kaka....訓晏教....正~ 夜晚又唔想做野la....聽朝唔想番補課.....

>>January 30, 2005 at 3:53:12 PM GMT+8

2005 年 1 月 28 日 星期五 【晴】

=== 補習日 ===
傻左8 點就起左身~ 補完英文...好眼訓~~ 之後去豪家學畫畫~~ 畫得唔靚a 今次..../.\"
唔知係咪因為唔夠精神呢~ 大約兩點三la...就同欣,峰搭西鐵過去~ 開頭up左一大輪野.....
甚麼烤豬~~ 我就係度訓左陣....今堂得一半時間真係有教野~~~ 真係好唔抵咁!!!
想轉星期五又full 晒~~~ 唉.... 補完習lei~ 就番元朗....欣無端端諗起, 之後唱果首詩歌.....
不過諗極都諗唔到係邊首~ 我地諗左好耐....=.=" 真係好傻.....未食lunch, 番到黎4點幾先食~~~
同峰去左博多...不過我地兜左好大個圈~ 我想食焗果d野...但最後, 佢收錯$~ 可能佢以為我係食tea la~
之後咪番屋企law....咩都無做過~=.=" 唔想溫書.....無端端又要打字, 謝師宴d 野...tv都無乜睇到~~

>>January 30, 2005 at 2:12:17 PM GMT+8

2005 年 1 月 27 日 星期四 【晴】

=== 音樂比賽, 5M 亞軍!!** 兜兜轉轉 BBQ ===
今日八點就起左身la~ 9點番去練歌....我地練得都ok la~ 練埋點落台, 架飛機要起飛....=.="
11點幾...高年級gei 音樂比賽開始la!! 好輕奮a~~~ 阿珊仲帶左d 螢光棒比我地ya~~
似乎f.6,f.7 d 氣氛好d~~ 開頭係獨唱同埋合唱比賽....上年"旗王"楊家樂今年叻左, 件衫好大件.....
唉ya...6s班gei 張文杰唱gei "單車"本來好正ga...唔知仲咩首歌跳線~~ 好慘a 佢~~~~
到班際la!! 7a "十年約會"...佢地臨尾講口聲, 多謝老師....果個人講到好似想喊咁.....
之後原來第3班就係我地la!! 好緊張a.....頂硬上la~~ 預左一定有人笑....一邊唱, 一邊做動作......
當然, 到左某d 位, 聽到台下好多人都笑....=.=" 最last扮放飛機...d人以為我地真係放~~
唉...我都話放ga la!!! 其實我地之中都有人話不如放出去~~ 但係有d人話執果陣樣衰~
唉!! 樣乜衰ja~~~ 樣衰得過d 動作咩?!! 不過算la....臨尾落台起飛果陣又比人笑, 其實真係好白痴....
睇埋其他班, 就到band 表演同埋老師表演....有大波wong~@@" king sir, 譚sir.......
等左好耐..終於都宣佈結果!! 班際a!!!!!! 亞軍5M~~~~~~~~~~~ 好野!!!!! 我地睇左la!!! 呵呵~~~~
不過, 當宣佈我地得獎~ d人都無聲氣咁...叫佢地快d 起身上去影相又唔影~~\./ 妖~~
之後話派代表....鈴同ida 上左去~=.=" 之後冠軍係7A...都有d估唔到~ 而且跳勁舞gei 6A就一個獎都冇~
完晒之後..我地上番台再影大合照~~~=v= then 落去大門口, 嗌埋小荔一齊影相........
不過, 唉...唔明點解, 小荔無上黎睇我地比賽.....真係幾唔比面下law!!~~><" 好無奈ga.......

完左音樂比賽, 攪謝師宴d人就要去i.t.開會...一開就開左兩個鐘~由1點幾開到3點幾....lunch都未食~
真係超煩....好鬼煩~~ 開頭話諗邊間酒度都傾左好耐~~ 最後話投票果陣..."香格里拉"已經有3班支持~
但5B唔知咩事...無端端又話唔係"馬可ｘｘ"就唔去....跟住又勁講電話, 迅同果個不在場gei 何文俊傾數..
無端端又嗌king sir 落黎...又話盡量唔好過三百五~~ 但我地4班都一致傾左400係ok gei 價la~~~
煩死~ 之後繼續開會....打去問酒店同book期~ 陳善彤無端端又加把口....
攪掂到差唔多...傾番重點gei 野~林俊文好似又唔留心咁...="=唔高興都唔洗咁下話~~~~
唔係要4班就1班ga ma.....唉~ 謝師宴真係煩.......下星期又要去睇下個場~~ 又要收錢交訂金.....
開完會....我同迅就去番博多搵阿潺,kiki,杰杰,燕佢地....食下午茶~~ 食完就番屋企.......

好累...有d眼訓~ 番到黎同媽咪傾左陣計, 就換衫出去.....call 佢地, 話不如改活動因為落雨.....
出到去, 開頭話去阿珊度~ 但都係唔好....就決定去天水圍la~~ 我,杰,阿潺,迅,豪,鴻就搭車過去......
再嗌埋bee 出黎....then 去到天水圍果個燒烤場, 一個人都無~~~ 傾傾下....不如去番屯門la.....
我好想去蝴蝶灣~ 而且而家都停左雨.....再搭西鐵, 搵番bee 一齊過屯門~ 開頭係海翠搵地方買野...
點知搵唔到.....再過番美樂買~ 之後入去都成7點先開始燒.......冇乜人~~ 幾好a~~~
燒野食果陣~ 都勁比人串.....=.=" 我有時就想整到bee 講粗口, 霍翠珊就會罰佢$~ haa.....
bee d 粗口就有改善la....燒燒下, 講起 "心神恍惚" 呢四隻字...我讀錯左字~~~/.\"
之後講起好多詞語...唔知咩事~ 呢年開始講野....有d懶音~~ 讀唔岩音d 字~ 跟住佢地笑我.....
又教我讀中文...haha~~ 好鬼攪笑~ 燒到咁上下, 我燒棉花糖....著埋火~~~ 仲影左相......
食飽就開始玩la~~ "唔係ma, 咁鬼易"...仲有做動作去估咩字la~~ um....仲有"馬拉松"~~ haha~~~~
臨尾叫人幫我地影下相....12點幾就走lu~ 搭輕鐵尾班車~ 番到元朗食b 仔....搭的番屋企~~

>>January 29, 2005 at 1:02:37 PM GMT+8

2005 年 1 月 26 日 星期三 【晴】

=== Ｒeｈe a rｓa l ===
今日番學撞到阿潺同云~~ 入到學校無耐就打鐘....而家越黎越遲番學咁~~~=.="
番埋今日, 聽日就音樂比賽再連放3日....今日緊係無乜上堂gei 心情la~~
amath做數....hee~ 我識a!! 有d鴻唔識gei, 我都識~~ 有時仲教阿潺...=.=v 我進步左!! 呵呵~~
呢排成日同阿潺,迅仲有bee 玩...."哼~~我嬲你~~~" haha.....好鬼攪野~ 又繼續同bee玩過三關~~~
到左chem 堂就更加唔洗講...唉~ 周不時講d野諷刺我地~~ 廢到爆....細英今日又串迅黎!! kaa...
lunch 嗌左鴻運外賣...都係就大連jar! 好快食完...咦原來係sch 食飯, 食完係有d 悶ga.....
我之後走左落去提番abcs 班記住聽日開會...um~ 之後中文堂就作文....難忘gei 電視節目~~~
諗黎諗去, 就"天國的階梯" la~~ 不過原來...真係好難講得詳細d ga~ 而且又要講d難忘位....真係難~
bee攪笑a~ 作左成頁仲係講緊"千與千尋" gei 開頭~~ 今日唔洗補課a! 因為小荔姐知我地要rehearsal~
作完文等多陣...就開始練歌~~ 咦! 今日個feel 幾好, 呢d 先至叫真係熟左la~~ 無唱錯過歌詞~~~~
之後練到5點幾先去rehearsal~~ 郭佩玲睇住我地, 好似好緊張咁.....我地d 動作, 佢拍晒手a~~~
拍低左, 有d 位都幾齊.....um~ 聽朝再練練應該ok ga!! 我地唱完半首就上去繼續練多陣......
今日練到5點9就走得~ 影左相相~~~ 臨尾我地係走廊度拎d 紙飛機黎一齊飛~ haha~~~
走果陣, 比迅同燕跟蹤...=.=" 我去左元朗廣場買d野, 又跟住黎wo...又串野wo!! 甚麼吃不到的葡萄...\./
買完波波膠紙就走....我覺得幾靚ga~=v= 番屋企....一邊聽mp3, 一邊諗野...諗左好多野~~~

*******************************************************************************
何韻詩 ~ 明目張膽
等　終於到夜深　才能收集上次你　留在飯店那紙巾
夜更深　不敢送贈的吻　全憑我手中的偷拍照　營造著你那體溫
＊我　如果想一世人　和你過　平時就要企後幾吋　去幻想　別要摸
＃若有　一天公開　明目張膽的愛　我怕會讓你　太意外
　我的愛　只願　縮到最小　彷彿不存在　就算　我最愛你　情願好好遮蓋
　化作了密碼　不公開　我一向　都慣自言自語　沒別人愛
　難道你發覺我志在　就會肯滿足這期待　如若我也有權愛　同樣我也有權不必被愛
揀　偏僻角落坐　完全袒露就怕我　全部被你看情楚
待你好　只不過是幫我　成為我愛演的一個我　其實未算太坎坷　
Repeat＊＃
暗裡進行更自在　不相戀　誰會受害　但願盡情地種　誰說花　需要開　
若我　一天公開　明目張膽的愛　我怕會讓你　太意外
我的愛　只願　縮到最小　彷彿不存在　就算　我最愛你　情願好好遮蓋
我怕揭露了　不精彩　拆穿了　總盼望誰在意　蜜月難再
如若你發覺有我在　就結束暗戀的時代　無謂去博你憐愛　明白叫你太煩的　不是愛
如若我也有權愛　同樣我也有權揀　怎樣愛

>>January 27, 2005 at 12:12:49 PM GMT+8