2005 年 9 月 3 日 星期六 【晴】

=== 乖學生 ===
起身飲左碗湯...之後做功課~ 英文週記...=.="以前寫百幾字就ok~ 而家要300字.....
好乖a! 我用左超過一粒鐘黎做...成日都要查字典機~~ 好耐無寫過野, 作過文la~ 唉....
見得閒, 熨埋裙~ 無乜野好做~ 肚餓......約左ling去食tea~ 仙跡岩!：Ｐ
我嗌左個飯黎食~ 仲有茉香珍珠真係幾好味! 傾下開學d野~ 都無乜特別...
因為今晚要食自己...之後佢陪我上百佳買鮮奶同叮叮...今晚再餓可以叮燒賣黎食~~
好乖a! 溫word power!! 聽日開始...我要每日背一篇比阿潺聽~=.="都唔知堅唔堅持到ga....
呀!!!!!!! 我唔見左夾手冊果個紅色火柴人磁石a.....><" 點算a~ 唔可以唔見ga!!!!

怪怪地 真係唔知點咁 人生就係唔知點咁 有咩意思??
鐘意鐘意鐘意鐘意好鐘意 定係 唔鐘意唔鐘意憎憎憎好唔鐘意丫 唉

>>September 4, 2005 at 10:13:21 AM GMT+8

2005 年 9 月 2 日 星期五 【晴】

=== 劉寶;;劉曉 ===
琴晚劉曉約我&劉寶話今日去個工作坊...都唔知去唔去好...佢兩個都係咁嗌我去~
oh....今朝劉曉又打比我~ 實在不能再距絕....見係你兩個jar!! 真係丫~~
勁耐無三個人去街~~ 果個工作坊都唔清楚係咩黎....去到尖咀, 我同劉寶都提議不如唔好去~
我未食野, 去m記買左個包~ 之後我地都係去左果度~ 九龍公園gei 體育館....
遲左半個鐘~ 入面勁多橙色衫人...@@"咁多人gei!! 之後換左件橙衫就入去.....
分左好多隊~ 來自不同區域...我地果隊當然係元朗區~ but我地黎到果陣, 得4個人...仲有8個人未到~
果陣已經要玩第2 round gei game...扮自己區gei 特色野~ 本來想做百鳥塔, 但我地得4個人~=.="
最後都推到last果隊先做, 我地做b仔涼粉...勁唔知點咁~ 果8個人終於都黎到.....

第3個game~ 兩隊mix埋比賽~ 元朗區with總署~ 佢地叫總署因為..佢地之前參加總署gei 澳洲交流團~
個game要我地做一個廣告~ sale一間非常學校...而我地gei學校係扮扮扮唔記得叫咩學校la~
賣點係3個course...分別係女人新主義(教人發姣), 教男人生仔, 同埋認識自然生物(大象呼雞蛋)~
我,劉寶,劉曉+另外3個女仔~ 同埋一個男仔佢扮阿sir~ 教我地發姣~ 超爆攪笑....勁正!!!
有個女仔...個idea應該佢諗~ 之後佢做教男人生仔果part...將隻腳放係頭度~~~
佢地諗d野好創新!! 仲有佢地好大膽, 唔怕瘀gei~~~ 最後到我地表演果陣...真係好精彩~~~
仲有拎左獎~ haha.....頒獎禮果陣可以做多次比d嘉賓睇~~~ 好正wo~ 有個杯!!
影左d相就走la~ 我地3個去行街!! 玩具反斗城....disney~ &then佢地話想睇藝術館~ 我無意見=.="
不過去到關左門lu...就話去太空館~ $5..是但la~ 勁耐無黎過la~ haha....不過好少野玩~~
之後番元朗...都成8點幾~~ 想去一番食野, but已經停左登記...金田又要等6張檯....
so~ 去新果間...果度好細, 不過佢話遲d開埋樓上....d魚生都幾好~~ 我地share食, 仲有兩個飯~
走果陣醒起我地仲未有合照~ 所以係條街度自拍左好多張, 最後都係叫路人影~~
都係last果張攪笑...真係木起個咀~=.=" haha.....番屋企lu~ 都仲睇到少少海底奇兵gei....

>>September 3, 2005 at 3:16:43 PM GMT+8

2005 年 9 月 1 日 星期四 【晴】

=== 正式上堂lu ===
今日day 1~ 又要排隊唱校歌...譚sir數人果陣, 我地都發現豪唔見左~ 豪遲到a!! haha!!
上番地理室又要落番黎影班相~ 第1堂上applied math...等我仲有少少期待la~
點知龜仔...佢第1句就係:applied math就姐係應用gei 數學la......=.="""""都唔知笑定o嘴好.....
佢今堂~ 講左5次"因此之故呢"...佢講野成日都咁呢,之後呢,呢個呢...聽到好辛苦~~~
真係慘.....相信實令d外校生好失望~ 我地都好d, 已經都有少少心理準備.....
佢開頭up一大論廢話....係真係廢果d呢~~ 阿潺試下舉手問佢要買咩書...佢又唔理人~~~
=0=" 今堂佢教左4寫5入, 同埋咩準確誤差.....落堂果陣, 有人問佢呢d考試考唔考~
佢話呢d唔係好重要gei ja~ 唉....兩堂就咁樣過左~~~ 點算呢..feel到佢書會教得好慢......

UE堂...都無乜特別~ 講下佢d planning....今年英文呢科,好似好多野做咁.......=.="
臨尾無端端默書...默番今日校長果篇野~~ 美玲話我知..原來譚sir好鐘意無端端默書~~~
佢要我地係人名紙度寫晒4份paper d grade....d外校幾勁! 譚sir睇完仲話我地班UE可能有90%pass~
shit...果10%咪姐係.....唉ya.....入到黎~ 覺得自己好差咁.....因為佢地個個英文都pass~
而我就.......係咪比個f困住左自己??不過.....就算比我e左~ 而家都有大把人勁過我.....何況我...唉~
驚完就算~ 努力a!! 阿潺叫我每日背一篇word power比佢聽...=.="以前無背到, 而家補償番??haa~~
我唔想放棄a~~~~ 今日有d感觸....方法唔係要人地比, 係要自己去搵, 由自己決定付出幾多......

PE堂~ 真係連任到pe科長...阿潺law~ 又提名我la...我已經成功做左6年pe科長~
睇黎呢d芝麻綠豆野真係好適合我~ A班係姿做..so~ 今年我繼續唔洗點做野ga la~~~正!
lunch 又去鴻運~~ 番黎空堂勁free law!! 成班友係it圍埋一張檯坐....無野做吹水~
而隔離果檯...有兩個外校生~ 一個睇報紙,英文果隻~ 一個拎住支筆唔知係咪做緊功課...=0="
勁大分別law~~=.=" 我地就係度傾計~~ 肥斌仲帶埋"啦吧", 峰拎個mp3出黎播左陣歌...痴線~~
不過有個新同學陪我地一齊傾計~ 佢係上水住, 英文拎A果個~~
我坐左係峰同豪中間...加埋再隔離gei 肥斌~ 佢地3個串到我一棟都無........
今日第1日番學jar....我仲要對住你地成年~ =0=" 傾傾下計~ 3點半打鐘, 即刻走人~ 勁準時~正!

林琪琪~ 你今日排隊果陣, 我係望緊你地!! 唔係望與唔望之間, 係望緊!! 你都唔知笑緊咩~ 奸到死!
琴日同琪琪交換左細個gei 相黎睇~~ 你細個果陣真係靚女好多wo~~~XD
但我有d失望, 點解無左同學錄貼左果張ga.....我好想收藏起果張相wo~~~ kaka...

>>September 2, 2005 at 4:47:45 PM GMT+8

2005 年 8 月 31 日 星期三 【晴】

=== 開學日!! 踏上６S ===
今朝起身有d辛苦...無食到野出黎a~ 因為阿潺law..佢話買野食wo~~~
不過我早左出門口, 咁岩果班車又搭到....早到左~ 叫阿潺落黎~ 我地去左買包食....
約左大連~ 不過等到8點佢先到~~ 咁就番學la~~ 都有dddd 興奮gei....
點知落到i.t.~ 轉個頭就打鐘排隊....哇~ 男仔果條龍好長~ 長到無位企...我地班好多男仔a!!
少有地...開學禮咁快完左~ 好慘a...我地真係無課室...要用地理室........
譚連威開始派通告...同埋選左臨時班長~ 估唔到..楊美玲, 阿潺, 大連會咁樣對我........
最後我就做左女班長~ 而男班長唔知點解係梁國峰..邊個提名ga?都唔知係咪玩野!!
反而...唔係迅做~ 唉...我今年都有d想做...因為覺得中六中七gei班長無野做...拎積分~~
落去見校長...又up埋晒果d野~ 又強調我地其實可以考得好d..只係出面d學校轉晒中文考~~=.="
之後番黎無野做~ 攪埋晒d老土野...一個個出去自我介紹~~~=.=" 有d人都講得好攪笑...haha~
坐我地前面..有5個女仔~ 原來都係kaman d fd~ 崇德過黎...因為我撻kaman個名, 我就識左佢地la~
haha...佢地話想攪su~ 我地好支持佢地!! 因為我地一定唔攪...要攪社!!!!!
唉..譚sir 已經暗示左我...今年唔好攪咁多野~ 唉.......要專心讀書..............
我發現唔止鄧柏軒一個小學同學!! 仲有一個ga!!! 果陣小學隔離班..又係打羽毛球ga~~~ gdgd!!

放學要去開班長會..又係果d例牌悶野又無聊~~ 去搵番佢地成班食飯~ 鴻運...有9個人!!
鴻運加左價a~~ 我地呢d熟客都要加價....番學校test phy~~ @@"
測完都覺得有d唔知點咁...連d方法都唔知用得岩唔岩~ 死la..都唔知會錯幾多ga~~
之後同阿潺去報安格靈補習...報完先醒起!!! 第1堂15號係我地去緊camp!!!!!!
好蝕a!! 一堂成百幾蚊......唉..........真係....之後約左杰~ 去許留山食野...我呢排勁熱氣~~~
4點幾番屋企..做功課...今日gei 功課就係...寫手冊...簽回條....=.="

日記3週年紀念日!! 亦係開學日!!!! 希望到第4週年果日...都係我f.7gei開學日黎la.....
其實開學....大家都會留意d外校生~~ 男仔...有一個靚仔! 其他就...ok la~ 唔係樣衰law...
女仔...umumum...我見到有兩個ok靚~~ 其實都係得一個靚........
幾個女仔無打底...=.=" 其實我地係咪應該提下佢??? 不過難怪~ 佢地以前套校服藍色ga ma...
唉!! 聽日正式上堂lu~~~~ 不過上一個cycle多dd就去camp..會唔會攪到又無心情ga??
係時候對下d英文....我要努力a......................不過........唉.............

>>September 1, 2005 at 10:32:13 AM GMT+8

2005 年 8 月 30 日 星期二 【晴】

=== 3年日記 ===
今日同媽咪去左紅樹林食lunch~ 之後上豐澤...買部新gei 字典機~~
之後我自己番屋企先~ 因為要溫溫d 書la...其實都係睇下, 記番d式....都做左dd mc~
我覺得無乜用...溫溫下~ 見到郵差叔叔送信...佢入晒信我即刻出去睇!!
今日考試局寄信黎~ 結果又係成績無變..../.\" 唔開心左一陣....遲d話有得退番$140比我~
好熱a~ 有d悶....繼續睇"小魚兒與花無缺"~ 我睇左頭10集lu....正!
聽日開學la~ 希望好天氣la~ 希望教d老師好la,唔好咁惡la~ 希望d新同學好la, 最好有靚仔la~

今日係我寫左足足3年日記gei 大日子~~ 恭喜恭喜!!! 的確係勁gei!! 3年無停過ga~~~
不過唔知有冇人3年都無停過, keep住睇我日記呢?? 可能都有一兩個掛, 因為初初個日記比得幾個人~
打日記已經成為習慣~ 每日上網都一定要打打個日記...就算果日無野做, 都要打篇野記低佢!!
呢3年....其實有好多野...係好多野發生....無論轉變, 經歷都好多~ 感受係多到3年都寫唔完...
睇住一篇篇gei日記, 我想話自己...我覺得自己長大緊ga!!
唉~ 唔知講咩好........好感慨a~ 黎緊gei日子, 我都會繼續打日記~ 仲有我對showhappy係不離不棄ga!!!
個個都用xange!! 做人唔應該跟風!! haha...雖然而家勁多百萬人都走去用xange~=.="攪到我好out咁~

************我都被貼了...form 劉曉!!! ((唔係xange人都玩得?! 劉曉話呢d叫特別!!! =3=))
這是規則：
開始遊戲的人出一個題目，在自己的blog上寫下答案，然後把題目丟給另外五個人，
在文末附上這五個人的連結，並且到這些人的留言版上留下：「你被貼了!」。
這五個被tag到的人，在自己的blog注明(並附上連結)是從哪一個 blogger那裡傳來的題目，
然後寫下答案，再去貼另外五個人。如此繼續下去。
而題目是「怪癖」:
1. 周不時都會嗌悶...尤其番學果陣!! 就算唔悶都會話悶~ 無端端唉聲嘆聲....
2. 夜晚番房之前, 熄燈果陣... 一定開左走廊燈先, 之後熄廳gei 燈, 之後臨入房先熄走廊燈~
3. 成屋都係snoopy...算唔算怪癖?? 不過d野大部份都唔係我自己買..=.="
4. 成日傻笑~ 比人串果陣law...不過成日比人串又算唔算怪癖?? 我都唔知點解d人成日串我...
5. 懷疑自己患上渴水症...早,午,晚三餐一定要有野飲~ 番學一支700毫升水都唔夠我飲....
************下一步係轉個波比人: kiki, 阿潺, 杰杰, 峰, 林琪琪!!

>>August 31, 2005 at 1:05:25 PM GMT+8

2005 年 8 月 29 日 星期一 【晴】

=== 素描班Last堂 ===
今日同媽咪飲茶....之後去元朗廣場等阿蛇la~ 就一齊番學校...今日last 堂素描la~ 真係好!
問左周楚焮~ 佢應承左做啦啦隊隊長!! ^^" 不過睇下我攪唔攪到社先la.....
um...今堂無畫比佢地睇~ 叫佢地自己畫...因為都係琴日果幅之ma~ 今日唔洗畫菜, 應該好d la掛~
其實我有時都幾得閒, 淨係行黎行去....我教彩色果邊, 得三四個真係好唔掂jja......
我都無乜心機教~ 因為見到兩個衰人a!! 不過之後同個女仔傾計, 佢好好傾a~ 咁就無乜野la...
終於教完~ but miss又話要同佢地睇番呢6堂gei畫, show晒出黎睇下大家進步成點......
我同阿蛇臨尾仲有手尾跟~ 就係抹抬.....就黎開學, 校工無時間抹抬...要我地抹~=.="
攪到成3點先走得~~ 唉...我約左阿潺同ling ga ma! 係博多度tea....幾得意, 有個新野, 日式芝士雞~
kiki收工上左黎傾計, 佢kfc有新制服~ 仲有a...kfc 20周年, 加左價....而家越黎越唔抵食~~~
之後同阿潺入朗屏西鐵交收...阿潺而家勁a, 成日都網上有交易~ 搵到$wo...haha......
我地再去光明買書~ 我指定要係光明買....因為我由小學到中學~ 年年買書都係呢度買....=v=
仲有1日就開學la!! 我真係幾期待ga~~ 但係我又好驚...都唔知驚乜~ 其實我係知ga, 但唔識講......

我地呢班打工仔! haa!! 今個暑假我做左3份工....份份都唔超過7日~~
東亞信用卡7日~ 新屯中3日~ 學校素描班6日~ hee...都賺到少少$番黎gei.....ok咁la~~~
原來我呢個暑假...都無乜點去街~ d時間...去旅行la~ 番工la...仲有攪下謝師宴都幾日無左......
其他一係就留係屋企抖law...丫! 果陣岩岩會考完, 有一排我係度勁睇卡通片........
總結~ 都ok 充實....不過如果個暑假可以再長少少~ 咁就岩岩好ga la!!
好想bbq, 打邊爐, 打麻雀, swim, 睇戲~ 如果每樣野, 各做多一次...我呢個暑假就perfect ga la! kaka~
丫仲有d書都未晒睇tim.....唉!! 面對現實la...暑假完ga la~ 唔好再咁貪玩la...中六ga la!! 要生生性性a~@@"

>>August 30, 2005 at 11:48:06 AM GMT+8

2005 年 8 月 28 日 星期日 【晴】

=== 第5堂 ===
今朝約左阿蛇一齊買餸~ haha....last兩堂, 同阿蛇mix埋一齊教~~~ 買生菜,甘筍...
睇左班主任~ 6S譚連威...亦姐係佢教eng la~ 未比佢教過, 希望佢好人&教得好la~~~
成兩點9先收工~~ 約左ling, 阿潺, kiki~ 生活之味度食野~~
阿蛇要番屋企~ 我同ling行下...阿潺同kiki又唔一齊行wo~~ 你兩個a, 唔理我la...
之後行到5點~ 我同ling去左個神秘gei地方..=.=" 邊度? 呢個係秘密! haa...6點幾番屋企~~~
今日撞到何伯~ 佢講左d好岩聽gei野...而家多左人考syllabus a, 變左少左差果d人考syl. b.....
好似比籍口自己咁...但我真係未至於f掛?! 唉..都係唔好再諗la, 越諗越hurt~ 出年比心機再考過la....

若刻意讓自己變得特別 有甚麼意思?
不能平凡的尋求平凡 究竟 有誰能夠順其自然?

>>August 29, 2005 at 3:19:41 PM GMT+8

2005 年 8 月 27 日 星期六 【晴】

=== 掃貨::新書包 ===
又訓到10點幾la~~ 3日之後, 要早3個鐘起身~ 都唔知得唔得ga...@@"
星期日~ 同媽咪飲茶~~ 好多人等位a...不過我地等左一陣就有位lu~ 睇雜誌, 等野食~~
成1點先走~ 好多野買...又買左襪la~上左千色, 經過買bra果度, 差d行左入去~ 見到黎玉嬋!!!
佢揀緊野....好彩佢見我唔到~=.=" 緊係唔入去la~ haha.....阿潺打比我, 話約左kiki lunch~
佢帶張9折卡比我~~ 我行多陣就過去陸記搵佢地~ 我食左阿潺碗白涼粉...：Ｐ
之後行下~ 睇袋a..puma果個無晒黑色a~ 佢地又話橙色唔靚...再睇睇laomiddle la,好似都睇唔上眼~
ling黎左比番本書我...之後撞到杰~ 佢又搵到工la! seven a...我都想做a~~ 點解之前唔請人wo~
杰未食野~ 我又有dd肚餓....去左kfc~ kiki同ling都走左~~ 食完野, 坐下傾下計~~
之後再去睇多次d袋....終於揀到la~ 越睇越鐘意...終於買左la~~~^v^
不過~ 對於呢個袋...我有d奇怪gei 遇感~~ 當然唔講得出黎la~ 如果真係發生, 咁咪好攪笑??@@"
今晚好鬼悶~ 電視無乜野睇....好彩前幾日開始down"小魚兒與花無缺"....
而家有頭十集~ 睇住先la! 好攪笑a!!! 謝霆鋒又靚仔wo....XD 我今晚終於都無咁悶la~~~
放緊假, 無理由夜晚走黎溫書ga ma....講開溫書...唉....仲有3日時間!!
原來9月2日就係day1~ 仲有9月14日就去camp...西貢~ 我估係小學去過果度........
想快d 開學!!! 但係我又驚wo~~ 聽日可以知道邊個做我班主任la.....好緊張a!! 仲有3日開學la!!!!!!!!

>>August 28, 2005 at 3:11:08 PM GMT+8

2005 年 8 月 26 日 星期五 【晴】

=== 抖足成日 ===
今日訓到10點幾~ 無乜野做咁...唔練波lu今日~ 今日好似last一次, 但都唔想番去打~
留係屋企抖下....睇番琴日前日gei 酒店風雲&妙手人心~~ 琴晚果集睇到好感動a!
lunch 是但整番d飯, 又有雞翼食la~ 到4點幾果陣訓左陣教.....
諗番起~ 之前去澳洲有兩日gei 日記未打....搵番本簿仔, 今日咁得閒, 就打番落去~
夜晚又無乜野做~ 睇鋼鍊la....咦! 今日無溫到書tim~ =.="""" ohoh.......
仲有4日~ 有兩日要番工..又有好多野未買, 又要溫溫書~ 睇黎都係無時間玩ga lu.......
之前仲話想打多次邊爐, 仲有bbq.....唉~ 成個暑假~ 唱得一次k jar......

>>August 27, 2005 at 10:51:23 AM GMT+8

2005 年 8 月 25 日 星期四 【晴】

=== 中六前奏!! 海洋公園 ===
我今日真係好開心~ 我發夢都估唔到...暑假可以黎到海洋公園!! haha~ 由會考講到而家話去ga la!
開頭仲以為攪唔成......肥斌又攪掂左, 臨時唔番工~ 仲有阿潺又叫到迅去~ 難得難得.....
我地去kfc食早餐~ but個早餐真係唔抵...我支持kiki先黎jar!! 佢個樣真係好唔同~~
峰同豪係遲到law! 之後佢地去左美心食....then去西鐵join埋肥斌就搭車去lu!
睇睇人物....全部都係將會升上6s gei份子~ 我地岩岩好6個人, 齊晒海洋公園6個主題公仔gei飛~
黎到海洋公園~ 諗番上年咁..又係暑假8月尾黎, 又係夏水澧, d人又係差唔多咁la~
不過同阿潺黎呢度, 都係第1次~ ((kiki唔好羨慕,我同阿潺玩乜都兩個人一齊坐...wakaka~~~~))

黎到已經12點~ 係正門入...so要搭攬車過番去玩d機動遊戲~~ 過山車, 海盜船, 跳樓機~
今次玩海盜船唔驚~ 無泰國果個咁激~~ 但我仲係好難舉起手....@@"
跳樓機今次真係有d嚇親~ 以前明明跌落黎之前有"炸"一聲...今次唔聲唔聲跌, 仲對住個海果邊~
之後話玩埋越礦先食野la~ but 行行下落雨..呢個時候, 我講左一句野ja~ 就又比人串....成日都比人串~/.\
不過等左一陣就細雨d~ 我地去排隊....都唔係話好耐ja~ 就有得玩la!! 呢個玩左兩次~~
但我呢次有d唔同...我同阿潺一齊大嗌~ 以前我係驚到嗌唔出聲~ haha...今次嗌得都幾勁~
玩埋滑浪飛船la...我搵件衫"姐"住~ haha..豪帶個貴袋黎, 要好好保護個袋~~
之後成3點先食野~ 點知我去買m記..因為幫豪,肥斌買埋...之後果個人又拎少左野比我~
但我以前自己無落單...咁我咪話要多個巨無霸~ 點知原來佢拎少左gei 係麥樂雞.........=0="
我買完番黎先知....總知而家多左個包~ 我就番轉頭叫佢拎番盒雞比我...唉!!!!!!! 真係失敗....><"
食完野之後, 玩多次海盜船...同埋果個轉轉轉...飛鷹a~ 玩完個個都暈下暈下....
好熱a...走左去海洋館a, 賣紀念品有冷氣d地方抖下......5點幾搭番攬車過去~~~
見到個噴泡gei山...有d失望~~ 唔同上年有個池比人玩gei....無得玩tim~~ 淨係影左相~
之後上去玩水戰! shit.........比人圍攻~~ 濕到乜咁~ 鞋又濕, 褲又濕........
今年果個地方大左...不過好9~ 入面有個工作人員用水射人....真係兜頭淋............
唉~ 我無帶到褲...又無帶多對"物"黎~ 淨係換左件衫......唉...d男仔又好快換晒, 無得借佢地果d~
真係慘.........鬼知我會濕得咁勁咩!! 你地d褲d鞋就唔濕!!! 好慘a!!!!!!!
之後唔知邊個話要睇佳佳....入去都唔係度~ 跟住行左好遠, 好遠...又話一定要咁樣行wo!!!
兜左個大圈先出番去......太多人~ 搭的士去銅鑼灣地鐵轉西鐵~ 番到元朗食飯.....
博多度~ 又唔知食咩la~~~~ 而家真係唔太鐘意食呢間野....唔知食乜~~
肥斌勁唱歌....好攪笑~ 之後梁國峰!!! 佢無端端比30蚊我..原來佢良心發現!!!!!!! 太過份~ 我記住你!!
佢果日...話自己比多左$~ 頂又話乜乜乜.....總知我就還左30蚊比佢~ 點知原來一直都係我岩!!

今日好好玩~~ 暑假尾聲...仲有幾日番學~ 好彩去得成ja!!
下次目的地係迪士尼!! kaka.....不過唔會真係等到08年掛??? 阿潺! cherry 約你去迪士尼a!! 記住!!

>>August 26, 2005 at 3:52:24 PM GMT+8