2005 年 7 月 5 日 星期二 【晴】

=== back la ===
8點未夠就嘈醒人..\./ 今日10點先集合a!! 真係丫....食完早餐就去咩咩漁夫之寶~~
又係叫人買野ga la...不過d 尤魚絲真係幾好食~~ 話咁快12點就去食lunch....
呢餐真係好多野食~ 有鮑魚...就緊係細隻果d~ 有翅...真定假就唔知lu, 好似假假地....
仲有好多野食...個麵真係好好食~ 不過實在飽到乜咁....太多野食la....
同埋d服務態度好好...前所未見過咁好服侍~ 係好好好......~~
之後係DIY工場~ 有d野真係幾靚gei~ um....跟住咪就係去買杏仁餅果d....無興趣~~
攪掂! 走得~~~ 番到黎hk先6點幾...幾好幾好~~ 番到元朗食埋飯就番屋企.....
都係屋企好......唉~ 真係好辛苦ga~~ 我肯定....呢兩年我唔會比呢d事再有機會發生!!

今晚ryan打比我~ 話我知ar be比人炒左!! 姐係話我8號唔洗番la!! haha~~
至於之後點...我想繼續做就跟第2個a head, 唔想做就唔洗理~ 而家我唔洗辭職都唔洗做la!!

*** 相簿已加grad din.大合照~~ 歡迎再度參閱....

>>July 6, 2005 at 2:27:24 PM GMT+8

2005 年 7 月 4 日 星期一 【晴】

=== 珠海*第1日 ===
6點幾起身~ 真係慘.....粉嶺集合~ 跟住落馬洲過關....終於黎到~ 原來都唔係好耐ja....
首先去左個我最唔鐘意去gei地方...寺廟~ 好煙a....="= 又無野好睇...又熱~~
lunch仲要食齋?!!! 不過好在...有得買甜品~ 第1次食雙皮奶....好好味jar!! 原來咁好食ga~~~=v=
um....之後去邊呢? 總知係叫人買野果d地方....我都唔記得晒la~~ 悶爆....
不過比較特別dd gei係哈里波特魔法學院...咁都得?! 有冇比到版權費ga......
除左一兩個魔術比較特別~ 其他都真係幾無聊...睇完之後,仲話可以即場教你魔術不過要比60蚊~
低b...=.="呢d咁搵笨gei野~ 緊係無人咁on居la下話....唉~ 呢兩日, 陪住我gei只係部mp3機law....
到夜晚, 食完個飯之後..um~ d野食都ok....之後去睇聚龍show~ 我前年好似黎過~~
不過有好多都係新野lu....d 歌in左~ 最in係老鼠愛大米~~ 仲有睇大長今歌劇.....
個位金牌司儀..好似無之前咁好笑~ 唉....其實都ok la~ 我都唔知比咩common好~~~
番到酒店...本來有個spa~ 但係10點幾la~ 阿媽好累...所以無去到~ 唉是但la.....-.-
呢晚我睇埋創世記先訓~ 我對上一次睇好似係會考之前....話咁快就黎大結局lu~~

生日快樂~ 我係咪應該咁講呢? 但係....快樂??

>>July 6, 2005 at 1:07:26 PM GMT+8

2005 年 7 月 3 日 星期日 【清涼】

=== 強戰世界? ===
琴晚訓得好唔舒服....呼吸有d辛苦tim a!! 好似醒過兩三次.....似乎心情有d不安~~
訓到10點....11點出去~ 同媽咪去左銀行先....勁長龍!!! 超長.......唔想排~~~
不過媽咪果個戶口~ 有得排另一度~~ 因為我過數比佢, 佢係呢隻戶口先可以排呢度咁快!!!
又順便, 個職員同我拎番張卡!!! 好野!! 因為之前洗$洗得太勁, 而且未出糧..我戶口唔夠果個額~
所以順利申請番以後都唔洗達到果個額...另外因為謝師宴, 放左d $落我戶口~ 竟然有廿幾蚊息!!
我算唔算賺左呢?=.="平時d息得果幾亳子....不過我本簿仔, 有排都唔會番去果個數字ga lu..=.="
六萬幾..要儲幾耐先儲到??@@" haha.....不過暫時黎講, 我都算係曾經擁有過!!
then, 番學校~ 拎碟比ling......我呢d中五生竟然幫手攪中六d野....佢地果d試後活動~~ 咁快ga la?
之後我上左圖書館check番d同學錄....有3本少左頁數~ 我就拎番去書局度同佢講...叫佢整番比我~
謝師宴gei 手尾就係....要拎d同學錄比repeater~ ="=但係每班gei 主席...當日已經走晒無理~
我又發現d野...點解得番19本?!....無理由ga!! 都唔知夠唔夠分...仲想拎比郭佩玲同細英~ 實唔夠la..

明明話約12點9 ga ma!! 又遲...今次因為邊個而遲呢...原來係豪!! 不過台灣麵真係好多人...都等到1點~
岩岩好佢地黎到...豪仲有鴻& 峰la~ 肥斌番左屋企先出黎....ling仲係sch整緊野唔黎食野wo~/.\
我地5個食完野就搭的士去新元朗中心...真係懶a你地~ 不過我都好認同今日係好熱!! 勁熱!!!
坐係的士度都熱到乜qq咁.....><" ling等埋我地黎, 買d野飲就入去睇lu....."強戰世界"~
都ok a套戲...d屋係咁塌落黎a...d地下裂開果d....d人爆開.....仲有湯告魯斯都ok, 係開始老左d~~~
不過爛尾law~~ 咁樣就完左ga la?? d外星人咁易瓜.....肥斌睇到恰眼訓, 咁佢就誇左d~
套戲...ok好睇la~ 幾好丫...不過諗番轉頭會覺得有d唔知咁.....睇完戲唔知做咩好~
去郵局又大排長龍, d ive野唔拎住lu...去左m記坐下飲野, 食雪糕~~ 我地研究百變小櫻果個劇場版!!
估唔到...豪係咁記得~ 仲可以解答我gei 問題!!! 豪我好佩服你丫~~~~ 原來你都鐘意睇小櫻! haha~
之後後d比佢地呃我去朗屏!! 好彩我今次夠堅定...番屋企抖下好過~~~ 熱到爆a真係!!

>>July 4, 2005 at 11:43:34 AM GMT+8

2005 年 7 月 2 日 星期六 【晴】

=== 飲茶 ===
咦...好似好耐未飲過茶咁gei? 應該話好耐未飲過西鐵果間茶樓先岩......
而家鐘意黎呢間多過稻香la~~ 各位下次想試下記得去元朗西鐵站~ 果間野真係ok ga~~~
同媽咪飲完茶就行陣...等豪佢地打黎果陣, 我已經離開左新元中~ 要番轉頭買飛a? 唔好掛...
之後傾傾傾...推到睇聽日~~ 而本來約左ling睇龍咁威都一齊轉睇果套la........
真係麻鬼煩a!! 又唔係睇早場就唔洗叫我買飛la~~~~\./ 我臨番屋企果陣就去買飛.....真係麻煩!
番到黎都係睇下卡通片咁~~~ 有d野令我好煩....其中一件事係關於我份工~~
本來我琴晚好有決心咁樣, 決定左辭左份工佢~ 諗住今日打去la....但佢唔得閒, 無聽我電話~
之後我打比ryan~ 問下佢而家做成點...而家做DBS~ 佢話好賺過之前東亞....
roadshow場仲有四五百蚊一日~ 我8號落roadshow....umm....我究竟試下做住先丫, 定真係辭左佢?
當我開始想做住先gei時候...而家我又開始動搖~ 份工又麻煩wo...唉!!!!!!! 點好?!!

>>July 3, 2005 at 10:28:46 AM GMT+8

2005 年 7 月 1 日 星期五 【晴】

=== 打牌 ===
今朝好似10點起身~~ 又開始睇卡通片la...今日仲發現左百變小櫻a, 神風怪盜~~~=3=
本來都諗住唔去街...但杰約打牌~ 好耐無打過la! 上次打邊爐我都無乜打ma....!
大約12點, 約左yan同肥斌交旅行d尾數....原來唔覺唔覺, 仲有10日我地就去旅行la...好快到ga la!!
之後搵阿潺, 買車仔麵上杰屋企食...蛇蛇都已經到左, 仲打緊機tim~~
食完就打牌.....杰羸左好多law~ 我中段先羸番d...不過臨尾輸番~ 總共總左12蚊丫...=.="
好鬼累~ 6點同蛇番屋企....我地都好耐未試過咁樣, 之前有排成日都放學一齊搭小巴番屋企~~
佢地一個二個都話睇"強戰世界"先...唉........家下攪到我都唔知點~ 不過算la..佢地都聽日睇洛~~

>>July 2, 2005 at 1:59:50 PM GMT+8

2005 年 6 月 30 日 星期四 【晴】

=== 無聊 ===
我發左個惡夢!! 唔知點解...我唔小心, 係一座好高gei野度跌左落黎......
=.="夢入面, 我feel到跳樓果種感覺....好恐怖~~ 但落到地下, 唔知點解跌唔死~ 仲雙腳落地....
真係好驚.....@@" 點解周不時都發埋d夢...比人追趕, 或者好似零空gei感覺咁.....
11點幾起身之後, 醒起阿潺本來約我今日11點食lunch, 黎到就黎....我仲過左11點先起身~=.="
中午食番d意大利粉....之後無無聊聊聽下歌, icq....又攤係張床度~~~
本來天氣好好...誰不知3點幾開始落雨~ 又係斷斷續續果隻.....已經落左兩星期雨la~~
約左ling 4點去食tea~ 還番張記憶卡比佢....諗住過兩日睇戲~ 但今日已經勁多人買左飛無乜位....
就放棄左, 或者聽日再睇下星期一有冇早場la~~ 我地又無聊咁逛下新元中.....5點幾佢就走lu~
我就去搵媽咪~ 落勁大雨...本來想夜d先食飯~ 但媽咪就食左野先, 我因為飽得滯無食....
陪佢食完野, 就上左旅行社...今次係睇下短線果d~ 因為悶得滯gei關係...係我阿媽悶得滯~=.="
佢想番下大陸玩.....講真無乜興趣, 不過我8號先有工開, so下星期有幾日都得閒.....
決定左5,6 號去珠海行下.....唉~ 其實我唔去, 悶極都可以係屋企渡過...不過我都唔知點解應承左~

有時d野...唔鐘意都會做, 或者鐘意都唔做......
變化無常~~ 我gei 情緒又開始低落.....唔知點解唔多開心...........

>>July 1, 2005 at 12:15:25 PM GMT+8

2005 年 6 月 29 日 星期三 【晴】

=== 中五之最後．Ｇrad din ===
9 點就醒左...我懷著不安的心情~ 等待時間gei 渡過...3點, 換衫化埋妝就搭的出黎~
點知落大雨~ 去到書局..佢竟然...竟然仲未印好d同學錄!!!! 話差廿本~ 等多一個鐘送黎學校~
番到學校...迅,肥仔等人已經番到, 仲有張男, dogdog李靜雲~~ 但係好多人仲未到~~~
有人問我, 而家番黎有咩做~ 本來我想等d 禮物黎到要分左佢, 同埋寫番圍獎no.~
d禮物都遲黎...d男仔濕晒~ 蛇過左4點半先黎.....一個鐘已經過左, 書局d人仲未黎...又無佢電話~
好驚...好驚~~~ 之後仲有簽名簿唔記得帶, 要另一個人6點半先帶黎酒店......
仲有我地book果架車都未黎....不過耐d先黎仲好, 因為d同學錄仲未得.....
之後佢打黎la~ 話d同學錄仲有4本未得, 要等多3個字~ 我話一定要而家送黎, 果4本遲d拎~~
真係過份!! 我訂果陣話29號拎~ 今日30號..仲要比多一個鐘佢都攪唔掂!!! 點做生意ga?!!
架車黎lu~ 24座變36座~ 真好彩....d禮物先有位放jar~ 3mins後, 書局有人送同學黎...都無時間鬧佢tim!!

搭車果陣~ 同杰,肥智傾計...其實我仲係有d擔心咁~~ 唉....6點到酒店~ 開始set野la.....
唔知點解覺得好亂....不過之後都ok la~~ d人黎lu...點知校長仲早過d學生黎~ 佢未夠7點到左..=.="
搵人帶位比佢之後, 都無人理佢lu...@@" 都唔知可以點....不過佢無耐之後, 就話出去行個round~
7點幾d人陸續黎....不過有堆老師仲未到~ 我地遲左開始, 因為d人掛住影相唔肯番埋位...好麻煩~
我都未有時間影相a!! ="= 唔知點解呢晚我好忙....不過開始之後, 我幾忙都要坐番入去睇~~
dogdog同張男做司儀, 佢地都做得幾好丫....校長致詞~ 佢讚我地間酒店, 仲話價錢合理~=.=""""
雖然係合理..但好多人都話貴~ 不過間酒店真係唔錯ga ma.....幾好服侍丫~~
之後, 唔知點解我要上兩次台...一次同蛇陪校長切cake~ 一次就收果張感謝狀, 多謝我地部printer~

開始食la...d野食都ok丫~ 之前有人講到勁難食...=.="仲有唔知點解佢加左三文魚比我地, 之前話係無~
um...食到7788~ 我地比左45mins比人食下野, 表演先開始....A班畫畫, 都ok丫~ 佢地多謝老師果度好正~
B班玩"老師話"~ 雖然有點兒那個...不過有king sir出黎幫佢地撐場~~
之後抽獎...攪到校長好瘀皮~ 我都叫張男是但叫個老師出黎ga la!!! 抽圍獎同細獎之ma!!!!="=
點知叫左校長出黎..都唔知點兜~~ 唉....好失敗!!!!! 校長一落台就去左廁所lu...=.="
then抽左大約十份細獎, d人就話不如唔好抽...車......咁仲有咁多獎咁點a?!
我地都有d失策...早知小荔問我d老師洗唔洗買禮物果陣, 就叫佢地唔好買la...太多禮物la~~~~

好快到之後3班表演~ C班唱歌, 都幾勁有人肯練...雖然無乜體頭, 但佢地總算團結~
m班la!! 其實真係好擔心佢地會做得唔好, 因為條片人地會唔明...點知原來佢地有d特別野~
皇上企係台上, 段片開頭晨曦講野, 皇上就好似同緊佢傾計咁~~ 好多人都覺得好攪笑~~
不過又係gei....皇上不嬲都攪笑~ =.=" 不過播相果度真係太長...好多人話太長~~
講真, 首歌幾好聽....咦我發現, 佢加番我地踩冰&4m同簡sir影果張相.....之前本來無ga~
臨尾我好期待咩野好肉麻...之前唔知皇上係段片度up乜, 原來呢次係同台上gei晨曦講野~
肉麻gei 野~ 都係講句多謝ja~~ 都想睇多次!! 佢兩個咁樣夾都幾新鮮~~ 肥智快d剪好段片la!
到s班都係拍片....雖然好似好衰~ 但我都想話佢地拍得....=.="唔知點咁~~ 姐係...唔知咩....
特別鳴謝長毛, 肥斌~ haha! 不過真係奇怪...repeater會幫手~ 同埋佢地呢年都ok 團結...
呢級黎講, 最團結都係s班同c班~~ 佢地播完片, 文家傑叫d老師上黎...=.="好無禮貌咁樣......haha~
到最後...大抽獎~ 我地無抽到老師送d禮物...係我地d攪手分左佢~ 因為酒店吹我地快d完......=.="
d人都勁影相~ 最後大合照埋..就趕我地出去出面d位可以影~=.=" 真唔明, 6點交場~ 11點就要清...
之後得番我, 蛇, 杰杰同肥智執野....肥智幫左好多手~ 佢仲要拎番淨到果d同學錄番sch~
因為d班主席走晒..無人幫repeater拎~~ 真係.....shit~=.=" 好彩肥智係度......
之後我地趕搭尾班車....西鐵尾班12點15分~ 番到黎~ 食糖水...同阿潺,豪,鴻,蛇蛇去b仔食~~
食完..兩點幾就番屋企......成3點幾先訓........真係好辛苦a!! 對眼就黎爆....@@"

*******************************************************************
總括黎講..謝師宴~ 唔開心...因為要我幫手攪.......唔止謝師宴之前, 謝師宴過程中, 仲有之後都要.....
最唔開心係我影左唔係好多張!! 成晚得最後果半個鐘都無影相~~><" d人都開始走~ 我影得50張jar!!!!!!
唉.....真係晒左~~ 一舊電都用唔到~~ 真係好失望.....我真係好後悔, 早知唔好理咁多野快d走去影相la~
如果淨係抽獎果度唔理, 都影到唔少相....迅今日又係咁la~ 又唔跟車, 黎到又去番自己班坐~ 迅主席...
=.="唉...如果有一下次, 如果可以我都唔想再攪咁多野.....今次謝師宴我覺得好深刻........
覺得好辛苦......或者係我太緊張...但係真係好多野要理~ 好似呢排黎講...電話都不停響~~~
從未試過入線都入得咁密......大部份都係謝師宴, 謝師宴.....點解要問我?? 其實我好多野都唔知~
就係咁樣...好多時候決定野果陣都問我, 跟住我又要作決定......真係好煩~~~
唉.....睇黎要快d轉聆聲la....而家唔鐘意聽"童畫"~ 覺得好煩....令我諗起電話響.....真係煩死~~~
自己班又係wo~ 唔肯比人知拍成點....又唔講, 又唔踩排比我地睇....不過都好, 理少樣野~
對自己班真係無歸屬感....好唔鐘意自己班.....謝師宴, 老實我係好多謝劉小荔.......
其他野都無乜意義...不過今年同杰杰,阿潺,kiki,云,豪,鴻,迅都玩得幾開心~ 呢d係餘下值得感動gei地方~
謝師宴完結...終於鬆一口氣....不過仲要番學校check d同學錄law~=.="有無攪錯幾本都印少左頁!!!
其實真係有個好大gei問號....點解我會攪謝師宴??? 如果唔係劉小荔叫, 我真係乜q都唔理a!!!!!!!!!!
最後....唉~ 鄧佩瓊...中五....um.....8月10日~ 就知道會唔會繼續留低....當然, 我都係鐘意留番自己學校~
不過到時會變成點真係唔知.......或者仲未識珍惜自己學校, 到時候gei感覺可能又唔同ga lu.......

>>July 1, 2005 at 4:58:00 AM GMT+8

2005 年 6 月 28 日 星期二 【晴】

=== Ｔing ===
好正gei早餐~ 杯麵+沙津!! 個杯麵唔知係邊個gei呢?鴻定係峰定係肥斌gei呢? 是但la..haha!
係屋企呆到1點先出黎...點知拎小禮物果度, 未開....去禁$~ 黑仔gei 事終於都發生........
我諗住禁d$係比埋聽日同學錄尾數~ 點知.....我禁錯no.~ 跟住要重新入卡~
但佢張卡出黎果陣, 我就推番佢入去~ 我唔知原來要等佢顯示左入卡先入得...結果食左要卡!!!!
嚇死我....臨尾一日攪grad din, 聽日要找數ga ma...好彩媽咪借住$比我先~ 希望夠la~=.="
張卡就後日去銀行整番....我頂丫~~~ 真係麻煩!! 早知我就唔好咁心急la........

約左ling同ting食飯~ 留意...ting係陳婉婷!! 好耐無見la~~~~~~~=v=
其實主要目的係我想借佢個袋grad din 用...唔該晒~^^" 我地係椰林閣have lunch~~~
元朗行左陣街...竟然比我買到衫同短褲~ 之後行多陣就過屯門....又去屯門?
yes...因為我要換番件衫, 順便睇下有冇鏈岩襯...佢地話我預備grad din 果條鏈唔襯...
不過最後都係睇唔岩~~ 我地睇到6點幾先走~~ 番到元朗我仲要買樽好重gei橙汁番黎....
夜晚食芝士意大利粉........謝師宴前夕~ 我仍然大吃大喝~ 真係唔識死....=.="

超時空金牌女將!! 終於比我搵到la~~~~ =v=

>>June 30, 2005 at 3:41:30 AM GMT+8

2005 年 6 月 27 日 星期一 【晴】

=== 校長 ===
今日去完銀行出本票...就約左張男去送禮物, 送比學校果陣...開頭睇電器~~=.="
迅呢個時候打比我, 叫我唔好買住...小荔話d老師想要printer~ 我同張男就去睇la......
有d 衝動之下, 就買左果部$1288 gei printer....好貴a~~ 我地唔可以再超支ga la, 得番好少$~~
之後番sch....當然部野由張男抬番去la~@@" 我唔洗拎野都出左成身汗....今日超級熱!!!
我地等校長得閒, 送份禮物比佢..佢叫我地出面等, 原來佢係入面鬧緊老師~@@"
到得果陣...都真係成個鐘~~~ 送完比佢, 佢叫我同迅同張男坐低...話傾幾句~
即刻呆左......之後佢up左一大輪野~ 我已經唔記得係咩la...總知係佢平時講開果d~ 真係O晒嘴....
第1次咁樣見校長, 咁近對住我訓話....真係痴線................=.=""""
之後開會~ 真係好嬲...b班果位, 唔記得叫咩名la...頂佢個肺不如唔好黎la~
有d人都唔肯聽日番黎踩排一次...真係無奈~ 只好唔理...星期四先就星期四先law~
唉....攪掂都兩點幾~ dogdog同張男係度傾司儀d野...我同蛇走左去art room偷紙~=.="""
haha...拎比杰杰包禮物~~ 之後我同蛇就走, 去食tea....好耐未食過chesse cake la!!!!
食完買埋少少野....唉~ 謝師宴已經融入左我呢兩星期gei生活....-.-
買完番屋企...真係超熱~~ 頂唔順....本來想去游水都係放棄左...番屋企開冷氣抖下好過~

>>June 28, 2005 at 12:49:32 PM GMT+8

2005 年 6 月 26 日 星期日 【晴】

=== 頭文字Ｄ ===
今朝諗住同媽咪去一去銀行...出張本票~ 點知原來要寫番對方名....
我唔肯定寫酒店名定邊個人~ 不過香格里拉個英文名都唔係好有印象....就無出到~=.="
then, 去左嘉城飲茶....本來想去舊嘉城, 點知執得咁快~ 最後一面都見唔到佢.....
飲到11點幾12點~ 約左ling...陪佢食lunch, 我就飲蘋果綠茶~~~ 之後行左陣...再出屯門行~~
到頭來都未買到鞋~ 不過o係權相佑果間野....@@" 一次過買埋.....
4點幾走~ 番到新元朗中心~ 約左阿潺...我地食左個tea先~~~ 之後睇"頭文字d"~~
不錯不錯! 幾攪笑丫...又幾好睇丫~~~ 不過個賽道真係有d悶......睇黎有續集wo!
umum...阿潺陪我睇鞋~ 最後都係揀番ling提議我果對~~ 其實唔係好鐘意呢d鞋,不過幾岩襯gei!
買完我地就去麻布十番食晚飯...好味好味~~ 食飽飽~ 番屋企...番到黎10點幾lu都~ 試下成套...都ok wo!

>>June 27, 2005 at 4:03:19 PM GMT+8