2005 年 3 月 17 日 星期四 【晴】

=== 最後一堂學畫 ===
今日約左易佩食lunch...之後一齊番sch拎番準考證...但係我地無著校服番去~ 佢唔比入....
=.="勁樣衰...之後我地話張準考證係入面要拎番~ 就call 晒miss....攪到好大件事咁~
拎完野咪走law~ 其實我地係順便借畫板~ 之前未借丫ma....then我去左豪屋企學畫.....
今日應該係last 堂lu...我聽日都唔想學~ 今日由12點幾畫左3個鐘, 佢家姐又改左差唔多成個鐘~
跟住比左d 關於art gei 相比我睇~~ 成5點先走....原來今日仲要補習~ 我都係琴晚好晏先記得~
我同yan同峰過到屯門仲買左d 燒章魚丸補習果陣一邊食...正!! 不過我喉嚨都有dd 痛ga la~ 無乜理~
補完習番到屋企又食左少少野.....死la~ 個喉嚨好似真係開始黎料.....唉~

>>March 26, 2005 at 2:06:47 AM GMT+8

2005 年 3 月 16 日 星期三 【晴】

=== CE * ＡRＴ Design ===
今日係我人生第1次會考gei 第1科~~~@@" ART....係我最大期望gei 一科黎ga~~!!! 好緊張ya....
朝早同左蛇, 易佩係帆船食早餐...之後搭的士入錦繡花園gei 伯特利.....哇咁快到gei?!!
我地係第2早到gei 考生呢....仲有差唔多成個鐘先開考~~ 企左陣先有得入去果個所謂gei..操場?
有d詩歌gei 音樂....原來呢間係基督教中學我而家先知~ 不過d 學生呢就真係幾嚇人~~
好緊張ya!! 上hall la....咦d人好似好pro咁, 尤其係d 男仔wo~~ 開考lu......真係個心係好驚ga~~
比我地講中左其中一條題目~ 係類似迪士尼入場卷~ 不過個名叫dreamland law~~~
um...其餘兩個題目都唔知點做好, 咩野電話廣告同埋禁煙.....咁咪揀dreamland law學校做過gei~
我諗都唔諗就拎左張波波底紙...之前做得咁辛苦好在用得著...不過我諗唔到隔離做咩好~
=.=" 無乜idea.....都唔知點算~~ 跟住做左d野都幾是但....d字就仲是但law, 用書法筆寫因為我無時間la~
真係慘....做出黎都唔多靚gei~~ 唉...唔開心ya~~~ 都唔知點算...我估自己呢份paper可能得c或者d~
做晒果陣周圍望下....好多人都揀dreamland呢個題目....最攪笑係坐我後面果兩個男仔個構圖一樣咁滯~
考完快d走...我地3個又搭的士lu 因為實在太重la d野....番sch還番d野先, 同埋放低晒d野去玩!!!
haa...我地3個去左新元中食野~ 不過我揀果個都唔夠易佩同蛇果個飯好食...唔開心~~
本來想睇戲but 冇戲好睇就去左唱k lu.....勁唱勁唱.....唱左兩個鐘已經想死~ 有d想走......
=.="唔知係咪因為太耐無去玩gei 關係~ haa...6點番屋企~ 咦...我地張準考證好似留左係sch tim.....

>>March 26, 2005 at 2:02:20 AM GMT+8

2005 年 3 月 15 日 星期二 【晴】

=== Prepare for ART ===
阿蛇打黎我先醒jar...本來都約左10點番學~ 但我緊係遲la....同媽咪食埋早餐先番~
約埋易佩....番到sch~ 蛇, 婷 ,dogdog都到左.....大家都為聽日gei art 會考準備~
其實都唔係整得好多野....=.=" 好在易佩幫我寫英文字!! 佢真係寫得好過我好多呢~~~
miss chow係度...問下佢design gei 野....佢講左好多miss lau無講過gei野a!!! 都識左d野!!
婷同dogdog出去食lunch....幫我地買埋番黎~ 不過等到成兩點先有得食.....好肚餓ya!
呢個時候又有f.1 上堂...咪係平台食law~ haha....好正ya!! 百份百+燒章魚丸....=v=
而且肚餓就特別好味!! 食到飽飽....又有百份百d 野飲....i like it!!：Ｐ
整到4點幾....易佩同蛇,ar be出去買野....等埋佢地番黎就走lu~
丫...miss lau仲上左黎~ 借左d正筆比我地....真係幾正~~~ 之後同蛇, 易佩搭的士番屋企....
聽日要努力a!!! 希望唔好咁緊張la...但我今日已經好緊張!!!! 我一定要考好d ga!!!!!!!!

其實我好開心!!

>>March 16, 2005 at 1:15:07 PM GMT+8

2005 年 3 月 14 日 星期一 【晴】

=== CHEM;; MOCK 結束 ===
今日考eng paper 1同chem.....作文就ok~ 不過chem就.........同如期一樣...@@" 唔掂lu~~~
份long Q. 90滿分.... may be有廿分la~ 之後同阿潺,kiki,云食完lunch番去考mc....應該拉到d分掛~
終於考完mock la!!!! 不過後日就到會考....art design.....><" 諗起真係...........唔知比咩反應好~
落左art room 整野....dog幫我拎左好多底紙~ haha...一個二個都係度借野/偷野....=.="
我整左一張底紙....係黑白波點~ 好似圍棋咁ga!! 蛇仲等埋我先走....聽日繼續努力!!!

>>March 15, 2005 at 11:57:55 AM GMT+8

2005 年 3 月 13 日 星期日 【晴】

=== PHY" Oh my god ===
今日呢科都無乜信心....因為因得唔夠多丫ma~=.=" 今日繼續咳....唉...痴線ga..........
paper 1做得超慢.....佢地話有時間淨...不過我就差成兩題!!=0=" 實fail....唔知點算~
mc就好d...可以拉分~ 不過總分pass唔pass到呢??真係唔知lu.........
雖然考完都覺得自己唔多掂....但唔知點解冇乜d好驚,好唔開心gei 感覺.........
可能因為個mock得番聽日jar!! kaka~~~~~~~ -.-不過chem lei就.........唉!!
考完phy就同阿潺,kiki,易佩去食lunch~~~ 粥+腸粉~~~ 之後眼訓+咳+肚痛就趕住番屋企...........
救命......希望art之前可以好番~ 番到黎媽咪係咁嗌我訓教....攪到我忍唔住訓左兩個鐘~=.="
已經4點幾.....溫.....溫..........溫............./.\" 我唔識chem ya.....好難.....好qqqqqqq多野背........
有時溫溫下又發夢.........諗諗下....目標18分~ 其實盡都係拎16,17....保守計就得12,13......
話就話要升到....萬一升唔到...我應該讀ive定係報poly gei design呢?
唉講開design...我星期四就考la....><" 仲未準備好........到時一定要有好表現ga!!! 我要拎A or B....="=

尋覓 察覺 細想 原來是這樣

>>March 14, 2005 at 11:53:27 AM GMT+8

2005 年 3 月 12 日 星期六 【晴】

=== 非常時期 ===
嘩今日星期日la..../.\"聽日又要番去考mock......今日仍然咳咳咳.....慘!!
溫書...phy~ 唉....冇乜心機....咳得好辛苦......又凍wo~ 傷風埋.....點溫書a???? 唉!!!!
想訓教...但唔得~ 而家係非常時期...我仲差兩日mock jar!!!! 之後就係art ce.....
加油la...唉~ 不過黎緊gei phy同chem...睇黎都會"the皮" ga la.....無精神+無心情ma.......
咦~ 今晚又有電視睇....點算呢??：Ｐ唉.....溫書真係好悶~ 而且phy呢d野...諗多過背野.....

我的懶音....
同甘共苦---"同更共婦"
心神恍惚---"新晨恍忽"
鄭舜豪---"鄭歲豪"
迅速送出---"送出送出"

>>March 13, 2005 at 11:29:11 AM GMT+8

2005 年 3 月 11 日 星期五 【乍雨乍晴】

=== 古巨基勁歌金曲演唱會 ===
今日訓到10點幾....=.="好辛苦!! 個喉嚨仲係咁....我係咪應該睇醫生呢??
食左d野, 睇左陣vcd~ 諗住溫書....但仲係好眼訓, 訓得唔夠!! 兩點訓到四點....又做左陣mc~
yan打比我, 話改6點出黎食飯...但我應該趕唔切~ 媽咪又叫我飲埋湯先出去.....
唉~ 之前係想去, 不過覺得要溫書先話有冇人要我張飛...而家個喉嚨唔舒服, 變左唔想去.....
不過而家都要去ga la...比左兩舊水ga ma!! 等車果陣...="=兩架滿座, 已經等左4個字ga la!!
之後無奈之下, 要同個陌生人一齊搭的士出元朗.....真黑仔~ 仲要好凍ya今日!! ><"
再黑仔d都有...峰都係遲黎, 我就最遲...佢地8個坐埋一齊...隔離我地兩個...仲要影相~~ ="=pk...
淆生仲要唔出聲~~ 我頂丫........死達達望咩a望~~ 今日成日都比佢地玩...../.\"
食完野搭車lu~ 首先8名5s人仕...yan,fung,同,盈,肥斌,ｘ君儀,文家傑,鄧蕙菁..一名5C達達&5M就係我~
我地係巴士影相又好嘈....=.="成班傻仔咁....初頭以為會遲, 不過去到好彩岩岩開始~~
下面d人勁興奮...我就覺得麻麻地~ 係比佢唱卡通片"我係朦查查"呢首歌攪到好開心...=.="
等左好耐...我好想聽"勁歌金曲"~ 呢頭講完果頭就唱la~~^v^ 好正!!
不過估唔到咁快完....中場d人係咁嗌,又拍手...都晒左唔少時間...但都好快完~~~
但d人都唔走...勁嗌佢出黎~ 我地呢場係第1次有加班..=.="車不過都係唱"愛與誠"好悶......
之後又係咁樣講左好多次多謝就走.....真係散band lu~ 我地番元朗食糖水...之後番屋企~
呢個演唱會麻麻地ja~~ 佢真係冇乜歌咁....好聽果d來來去去都係果d...=.="不過算la~ 等左11年la!!

>>March 13, 2005 at 4:33:31 AM GMT+8

2005 年 3 月 10 日 星期四 【晴】

=== 維園繪畫比賽** Ｆung'S birthday ===
陰公a 陰公!! 今日要7點幾起身....8點去到巴士總站度同miss 去畫畫比賽~~~><"
好彩趕得切ja~ 同文亦城& f.4書法好勁果個男仔去....去到我地仲遲左3個字tim~~~~
仲有4個f.2同f.3 gei學生一齊比賽...呢次係全港ga~ 維園gei 花卉展覽, 我地就係度比賽.....
好多花ya!! 好靚ga~ 不過都無時間欣賞....要揀花黎畫~ 我揀左金百合.....
好慘ya...要企係度畫~ 本來有得坐...但如果我坐左, 就睇得唔清楚, 前面d人頂住晒~\./
好累law係....尤其隻左手要捧住塊畫板~><" 好彩張畫紙細jar!! 坐係我附近d人都畫得唔靚...
但聽miss講.....再遠d gei地方, 有d人都畫得幾得ga bor! 呢次咁多人比賽...應該無乜機~~
唉....畫到12點~~ 之後我地站地鐵轉西鐵番黎~ 好累ya....仲有個喉嚨好唔舒適~ 成日咳wo...../.\"
miss 搭車果陣同我傾下讀書gei 問題~ 佢提議左好多野比我聽....但我第時真係唔知點揀....
番到元朗, 我地同miss 係天橋底果間蒸飯度食野....又食左dd 腸粉~~ 咁我就番屋企lu~~
都成兩點半...我好累好眼訓~ 所以要訓教....訓左兩個鐘多d~~ 之後都唔知仲咩...
不過都做左dd mc...之後同hemi 傾左陣電話....等多陣, 就出去搵媽咪食飯lu~ 食左唔係好多野....

7點半我就搭西鐵過天水圍等大連同hemi....hemi電話無電~ 攪左一大論先搵到佢....煩~~
豪黎接我地入肥斌屋企...佢屋企真係好癖!! 今次第1次去jar....今日fung 生日慶bbq祝~
but 我地3個都唔想燒....我同大連同喉嚨唔舒服~ 黎到掛住睇電話~ haha~~~
跟住佢地打機...踢波黎gei~ 鴻打得好屎...我又未玩過~ 我就同佢打~~ hahaha...好攪笑~~
因為我唔識打....不過馬仔教左我d~ 玩完一陣...打左兩鋪牌~ 佢地話一百蚊一番,跟住我輸左就話真~
fung,豪,肥斌,馬仔,bei ,roza佢地燒野食....我地3個掛住睇大長今....好似唔知點咁~~
因為大連話想早d 走...無等ip ka yan就拎個蛋糕出黎, 又玩果d 噴出黎d紙條~ 自拍影大合照....
丫!! 個蛋糕係寫住"生日快樂!! 淆生~~" haha....幾攪笑....不過....唉~ 唔講la...
之後...大連話真係走, 我同hemi講不如等埋ip ka yan黎先....then送大連出去搭車~~~
果陣yan 黎左lu~ 我燒左兩條腸仔~=.=" 跟住吹下水...講下是非, 尤其我地班~ 原來個個都幾八~haa....
我同鴻再一次決戰...要踢足10mins~ 兩個都唔識..不過最後我入左一球ya!! wakaka~~~~
um....跟住玩"唔係ma咁鬼易"同"呯嘭嘩"...畫到咁上下就食蛋糕...之後..影相........
呢次有肥斌阿哥幫我地影...但我就比人迫坐果度....好無奈...........
食完蛋糕就同hemi, yan, 馬仔一齊走先....搭的士番去......番到黎都3點幾....即訓~~
但個喉嚨仲係好唔舒服...勁咳.......唉~ 我終於都知點解會咁....應該係星期三食gei咖哩攪到咁!! \./

>>March 12, 2005 at 3:51:26 AM GMT+8

2005 年 3 月 9 日 星期三 【晴】

=== 陸運會班際接力 ===
今天比媽咪嘈醒~~ 頂丫前果3日都訓得唔好ga ma!! 今日比我訓耐d唔得gei咩~~~><"
例牌叫我去飲茶law~~ 之後行左陣....仲考慮緊番唔番陸運會~ 有d想睇班際, 有d想溫書......
kiki同云都番....我問埋阿潺, 講講下就決定番lu~ 約左佢地博多have lunch~~~
仲以為兩點先完...番到去果陣, prefect 話我地遲到....仲話要記名! 我地話咁我地走lu~~~
再同佢講我地係f.5 其實可以番, 可以唔番ga! 之後佢就算...比我地入law~
等到3點先開始班際!! 謙, dogdog, 豪, 珊!!! 你地要加油ya~~~~~ 要羸ga! kaka~~~~=v=
真係第1~~ 呵呵...影左dd相~ 睇埋師生接力我地就走lu....去飲野~ 有少少似玩個waiter咁~~XD
轉完台, 又嗌佢拎多d 奶油黎...之後又幫我地影相~ kaka....之後吹水, 傾左好耐~ 好攪笑!!!!
yan, 豪, 肥斌都黎左..佢地飲完野, 我地都未吹完水...仲吹我走~ 之後kiki佢地番去....
我就同yan 佢地買禮物....揀拍都揀左好耐.....我始終覺得送拍, 未必揀到岩佢心水......=.="
不過是但la...then諗住去買袋la~ 但我又想番屋企lu.....放低$就走左~~ haa....
食完飯, 易佩打比我~ 佢就黎番到白沙~~ 我出左橋頭果度陪佢傾計.....=v=之後番屋企睇tv lu~~
聽日我唔想去畫畫ya~~~~ 我想留係屋企溫書...我講真ga!!! 唉...聽日又可能得番好少時間溫tim....
呢兩日成日都咳咳咳...感覺..唔舒服!! 唉~~ 真係衰ya~~~~ 唔鐘意唔舒服.......

>>March 10, 2005 at 1:34:29 PM GMT+8

2005 年 3 月 8 日 星期二 【晴】

=== MATH；hemi 姐生日 ===
math...paper 1幾easy下...long.Q比會考易好多! 不過mc係miss kwok就難d lu...=.="
本來要搵miss整準考證d野...不過都係食飯先~ 去左大快活....同阿潺,kiki,云&易佩~~~
食完番學校整....可以睇左邊度考先wo!! 不過我好似好多科都無人一樣gei....><"
仲要好慘art兩份paper都係伯特利考....又遠又唔知點去又少人陪!!!!!! 唉~~~
幫miss將d準考證貼相....好快整完就走lu~~ 得番我同易佩行街街....因為我要等ip ka yan佢地~~
同易佩傾計傾計傾計...兜左好耐~~~ 佢地補完phy, 我同阿潺交左ive $$先~~~
yan佢地4點幾先黎...去左買禮物!! 好彩無買到公仔ja! 最後我地揀d野都幾唔錯wo~~^v^
約左hemi出黎飲野同比禮物佢....今日佢生日ya! 我地都係吹水la...有時都講讀書~=.="
仲有....甚麼"淆周"~ 勁qqqq無奈.....呀!! =.=" 今次有我,yan,大連,峰,豪,bei,肥斌同hemi飲野ya~~
都成6點幾...本來話買埋禮物比另外就黎生日果位~ but lei..佢係度ma~ 而且我想番屋企wo~
我同hemi就走先lu~~ 我好想番屋企ya~~~~ 有幾日假放~ 正!!!!!
今日小荔同miss kwok都係度好煩...=.="嗌我快d整art 會考d底紙同字....@@" 佢地好肉緊ya....唉~
星期五劉莠蕙又叫我去比賽...仲要出到維園~~ 我點溫書?! 下星期就考phy同chem...特別係chem先驚!!
小荔同miss kwok都話寧願唔好理mock...用d 時間整art!! 因為會考緊要好多....：Ｐ
不過真係講得岩gei...如果我會考art 都失手~ 我真係死得, 唔洗旨意升tim!!!! 只許成功不許失敗!!!!!><"

************************************************************************************
何韻詩 ~ 花迷戀
給你匯報天氣預告　一直迷路天空泛濫濃霧　想化做你小禮物在被窩終老
誰人又待我好到像隻蜜蜂　闖進花蕊留下微風
當快樂也似蜜糖漏到任你怎操縱　給你嘲笑我蠢
若然地球突然頓失一切　山崩海也亂啼　毫無疑問　我未夠好　離你七呎　望你望我感覺最好
祈求小小先知可推測得到捉摸不到　就臨時通知你我正在等你
若嫌身驅這摩重拍翼難高飛　來讓我承受你　能學到心不會死
祈求小小先知可推測得到捉摸不到　但求一夜轉化成為密友的氣味
有日提起　總會話甜蜜是有眼淚還是美　
給我原素　不會漸老　翻開被鋪懇請你待我好　千個未揭開的秘密令髮膚乾燥　
誰人又待我好到像隻蜜蜂　需要花瓣色也面紅　毫無疑問　我未夠好
離你七呎　望你望我亦都失控
＊祈求小小先知可推測得到捉摸不到　就臨時通知你我正在等你 (通知你那個我正在等你)
　若嫌身驅這摩重拍翼難高飛　來讓我承受你　能學到心不會死
　祈求小小先知可推測得到捉摸不到　但求一夜可以重頭熱愛起
誰人共我在前世　曾為愛甘去自毀　在世間似是螻蟻　沉默到花也漸萎　耀眼生輝
Repeat (＊)
來讓我　做那位　來日會　共你可　熱吻起

>>March 9, 2005 at 1:39:04 PM GMT+8