2005 年 8 月 24 日 星期三 【晴】

===== 第4堂＆重返光明＆板門店 =====
今日又要教畫~ 不過番sch 之前同左媽咪飲茶...食左少少野jar~ 都唔飽gei.....
上左百佳買菜&薯仔~ 之後番sch set野.....今堂d人特別遲番咁~ 而且夠鐘果陣得9個人jar.....
不過之後加埋都有12人番....算la~ 唉...畫菜好難a~~ 我都有d驚......好似畫得唔靚咁~
又要比人望住晒點畫...攪到有d緊張~ 是但la! 都係由佢地自己攪la......
唉.....今日比人扣左人工~ pk丫!! 本來千二蚊...都已經係唔夠數~ 如果我全數收晒係有1420ga!!!!!!
之前無端端話得千二...之後....今日又話要同蛇平分番last兩堂gei野~ 得番1100.....
so今日miss比埋尾數我~ $100......shit!!!!!! 我本來果d$, 淨左320蚊....miss用黎比左art科買野.......
之後果d唔講la....總知點都有d唔公平...佢仲要同我講黑白難教d~ 好唔憤氣a~!! 你自己教埋佢丫~~

今日超晒時, 成兩點9先走~ 同阿蛇, 杰去合記度tea...kiki同阿潺之後都黎左~
食完野, 阿潺去買書包~~ 之後陪我去試下換部電話...佢真係唔肯換~
本來我係屋企收得好差, 仲差過以前部機, 幾乎係一d都收唔到~ 佢都有機會換比我~
但佢話我部機花左...頂佢個肺~ 開頭個男sale d態度好差!! 之後個女仔咁樣同我地講, 條氣先順d~
不過我真係好唔開心....買左番黎幾日~ 同我花左, then又收得唔好.....好心痛la!!
如果要整, 同埋換番光左塊膠~ 要去觀塘...我真係無興趣出去...但係部機.................唉!!!

番左屋企, 之後出黎, 杰幫我買左牛奶糖~ 我諗住比一盒萬老師......
番到光明~ 佢地唔見晒~ 我萬老師係三樓~ 原來佢地6個已經幫手執好d野...落左去打波~~
同萬老師傾計~ 講下我考成點...><" 唉~ 佢講左d野, 我有d唔開心~ 但係果種唔開心係唔識形容~
算la~~ 我都會跟自己意思, 繼續揀番自己條路.....傾傾下, kaman上左黎~ 佢都係番左無耐~~
佢地打完波又上番黎坐....越黎越多人~ 都10個人丫....之後等萬老師執完野一齊走~
真係可惜~ 因為佢個仔發燒, 今日唔可以一齊去食飯.....有d失望........
原來對上一次番黎光明, 都成年ga la...仲超過一年!! 無記錯上次係f.4, 光明聖誕聯歡番黎~

去千色等多一兩個人...就去板門店~ 女子組:我, 劉曉, 何蚊, 王婉婷, kaman, 兆允, 陳雅茵, 溫凱盈~
男子組: sam哥, 陳迦暉, 司徒嘉暉, 司徒b, 肥榮, 朱子, 簡偉鋒, 盛曉鋒.......
開頭都幾攪笑~ 佢地唔理我, 得陳迦暉理我....係ya~ 我真係好感動~~ haha...講下勁野先~迦暉24分~
原來鄧羨柳拎30分...=0="呆左~ 佢以前光明果陣都唔係勁到頭3名果d黎....同迦暉都係, 唔聲唔聲~
不過反而最估唔到係溫凱盈,兆允......特別係溫~ 佢一向都好叻咁.....不過今次就考得.......
劉曉唔洗講la~ 向來個feel都係玩玩下~ 而家中五先黎勤力都可以進步咁多!!!! 勁!!!!!
食食下都已經開始喉嚨痛~~ 好多攪笑野....玩下開口中&辣辣壽司........
司徒嘉暉教我地講丹麥同西班牙粗口....不過我淨係記得丹麥話果句係點~好攪笑ga! XD
其實我地有15人有食野, 不過計得14人$~~ 但最後人人都有比...so多左出黎gei $103成為公家~
我地有8,9人去左泛后飲野~~~ 好慘...我坐左個衰位~ 佢地幾個女仔都係晒入面, 我坐左出面~
得sam哥, 司徒迦暉吹下水~ sam 哥好認真咁樣話出年會學車&買車...佢真係走去供部車!! =0="
佢真係愛車愛得厲害.....司徒b年頭就會去外國讀書~ 好似係..瑞士? 到時要攪party~~

其實我地gei光明聚會都開始穩定...包括出席gei人都開始熟口熟面, 係果班ga la~
相信n年後, 我地都會再聚守一堂~ 仲有萬老師...我地一定會去佢新屋拜年~ 同佢個仔玩!!：Ｄ
光明下午校變左好多...校長換左, 佢地稱為"他他馮"而我唔識gei老師升左做校長...=.="
06年, 下午校會搬去雞地~ yoho隔離..原來之前經過gei 地盤將會係光明下午校gei新址~~
轉晒lu...但係我地呢班忠實fans都會不離不棄~~ 果種友誼真係同而家gei 朋友好唔同.....
諗番起本"八王子"~ 真係有少少共嗚...舊生聚會~ haha..不過我地果種係唔同gei! 唔知10年後會點~
唉~ 睇住一d同學...幾年前同而家相比~ 佢變好, 變壞, 變懶或者變勤力.....
通常唔會諗番果陣時小學gei野, 好多已經唔記得...只係記得我地做過同學, 果陣我地fd唔fd~
之後約番出黎~ 有d人唔同左....會有d新鮮~~ 見番佢地好開心~~~
睇住萬老師個肚大左...之後bb出世~~ 由咁細個~ 而家出左牙仔~ 識得叫我地"姐姐, 哥哥"
每一次聚會..大家一齊影相~~ 話題不外乎讀書去向...或者是但up d野吹下水~~
我有時會諗...雖然有d白痴~ =.="如果我地呢班人, 一個一個咁結婚..之後我地一次又一次出席去飲~
跟住....好攪笑~ 會坐埋同一張檯~ um...睇下邊個小學fd嫁中個有錢仔定係叻仔定係靚仔~
唉~ 雖然今日我諗到gei 野, 佢地未必諗到...但係我地將來,一定會繼續咁樣見面.......
其實係好多感受~~ 我好想知到時係點...下次一見番你地又會點~ 大家又會變成點......

>>August 25, 2005 at 5:33:15 PM GMT+8

2005 年 8 月 23 日 星期二 【晴】

=== 無電話用, 無得上網 ===
今日留係屋企~ 點知開電腦...上唔到網!!! 睇下條線又無野丫~ 攪乜鬼?!!
拎起電話仲無晒聲!! 房果個電話都係咁.....真係唔知咩事~ 無電話用, 無得上網~~~~~><"
打番自己屋企通ga wo~ 但係個電話無響....點算a?? 諗住唔理住~ 遲d先算~~
媽咪買左牛腩水餃麵比我食~~ 成日都無得上網~ 我就黎悶死la....點算a?? 好慘a!!!!
晏晝都溫過一陣phy gei...一陣law~ 都係攤抖下,聽下歌....好悶a~~ 慘!!!!
打左去電話公司la~ 打左兩三次...唉~~~ 聽日有師傅黎整wo........希望快d攪掂la!! 唉~~~
5點睇下卡通片...果套甚麼星夢美少女~ 咦又幾好睇ga wo....可能太悶掛~~~
好悶a....夜晚先慘~ 無得上網....姐係想我死ja!! 睇完tv仲有咁多時間...我點過a???? help!!!!!!
好唔開心a......點解個天要咁樣對我丫??仲有a...我部手提而家又收得好差a...
前兩日收得ok ga!!都唔知關唔關跌過落地事.....好慘a~ 又花左wo~~~><"
夜晚同阿潺&豪好辛苦咁樣傾電話~ cut左線4,5次~ 好辛苦a!!! cheap到死a!!! 有d後悔.........
無電話用~ 要靠何蚊,劉曉幫手搵人....唔好意思a~~~~ 麻煩晒你地la~~~~
不過我地光明人好好gei!! 通常一問佢地, 去定唔去唔洗諗即答~
haa...好開心~ 聽日可以見到佢地!! 仲有萬老師....不過我驚我gei 成績令佢失望...../.\"

仲有一個星期就開學la~ 有d期待, 但係又驚a.....有d唔開心~ 又有d開心~~

>>August 25, 2005 at 3:57:47 PM GMT+8

2005 年 8 月 22 日 星期一 【晴】

=== 第3堂 ===
9點幾起身~ 去左銀行入$....好多人排隊, 我都排左4,5個字~ 本簿仔d數字終於都多番d la!
去百佳買野~ 今堂要畫香蕉&紙杯~~ 佢地似乎畫得麻麻...係幾唔識畫~ 得兩三個人畫得好d~~
早知佢地咁懶, 畫得果兩三條咁少~ 我就唔買兩"蔬"咁多la~~~ 又貴wo d蕉!!!
阿蛇番左黎, 佢買左燒章魚丸~ kaka....請我食左兩粒~~ 好耐無食過la~~~=v=
佢等我落堂一齊去tea....行到好遠a~ 食越南野~~ 我叫左個炒公仔麵都幾好食!!
仲有阿蛇而家可以repeat la~ 加油a!! 我地出年都有機會繼續一齊去鴻運食飯lu~~ hee....
去千色行左陣~ 拎住d蕉好重....4點幾就走~ 落到地下撞到阿潺~ 佢交收本書, 幫佢細路買ga~
我見到麥高偉同佢個fd~ 點知原來賣書比阿潺果個人就係佢個fd....世界真係細~~~
番到屋企睇番琴日gei 酒店風雲&妙手仁心....咦~ 今日無溫書wo....=.=" 聽日要溫至得a!!

好慘a!!!!! 今日部電話跌過落地a!!! ><" 花左a....個面果度!!!! 好慘a~~~~ 買左幾日jar...好慘a!!!!!!!!!!!!

>>August 23, 2005 at 10:48:23 AM GMT+8

2005 年 8 月 21 日 星期日 【晴】

===== Bird's Nest Dinner Buffet =====
今朝11點幾身睇陣電視~ 原來西遊記last集....估唔到仍然令我幾感動~~
lunch整左餃子食~ 之後我拎左d phy出黎溫~ 做左三十題mc....頂唔順la~~ 好悶a.....
無聊到5點幾同媽咪出街~ 應承左請佢食飯~ 尖沙咀度行左陣, 去無印買左d文具~~~
跟住去美麗華la~ 原來咁多人食ga....仲話要訂位~=.=" 好彩咁岩有兩個位jar~~~
燕窩buffet~ 幾乎樣樣野食都會有d燕窩係度....@@" 但係算我唔食la下....燕窩好味咩?
我等住夾舊cake果陣~ 前面個阿婆夾緊...佢將其他cake gei 燕窩夾落自己果舊cake度~ 呆左~=.="
d橙汁第1杯唔洗$, 如果再斟就要成25蚊ga! but果個靚仔waiter, 佢照斟一次比我地唔落單~
食到好飽...臨尾送左個甜品...飽到上心口~ 其實d味道都係ok la...我對d燕窩無乜興趣~
要我比$果下有d血痛~ 呀!!!! 無85折ga......人地個個都有d咩信用卡a,咩優惠卷a~ 我覺得自己好蝕!!
之後行左陣....去到海港城~ 諗起yan 好似話有工番係果度....跟住行下行下~ 見到果間野....
=.="咦~ 做咩野未開gei...原來間野仲有幾日先正式開~ 又咁岩見到有堆人收工...but好似見唔到yan~
之後行多陣, 就番元朗lu~~ 係朗屏條天橋行緊果陣...前面有一雙戀人~ 望望下原來係佩儀&銘~
我無叫佢地....平時佢地都正正經經...比人見到就即刻縮晒手~ haa...我都係唔好阻佢地好d~

又買電話, 又請食飯....我仲要淨係請左阿潺同kiki~ 今日又請媽咪食buffet.....
我d 收入無左一半lu~ 另外果一半一定要儲起佢!!!! 但係開學將近...我有d野又未買~ 點算呢~~

>>August 22, 2005 at 3:27:56 PM GMT+8

2005 年 8 月 20 日 星期六 【晴】

=== 又聚一聚 ===
琴晚臨訓著....我合埋眼都見到d棉花糖~@@" 係度捲d 棉花糖.....my dear!! 職業病~ haa...
仲有a~ 琴晚發夢見到你地成班~~ 不過唔記得左我地係度做緊乜lu~~~~
今日約左kiki, 阿潺have lunch...博多~ 超耐無食!! 起碼都成三個月~~~ kiki 順便約左人賣本書~~
之後行街街~ 睇下袋咁la....就黎開學la~ 我仲未睇岩袋~~~ 之後阿潺又約左人交收本書~~
我地諗住去blue star搵杰杰, 比驚喜佢~ 不過去到又唔見佢...打電話又無人聽~ 究竟你今日去左邊a?
去千色行~ kiki 睇中左個書包...不過買兩樣野有得7折~ 其實我見到個袋都有d想買, 唔知買唔買~~
未至於話好鐘意~ 諗左好耐...佢地都話其實ok~ 咁我都係買la...kiki我幫你慳錢a! 你要識做la..：Ｐ
台灣麵度tea....之後陪阿潺買書, 因為落雨我都係下次先買la~~
係平價度撞到黃倩欣~ 傾左幾句~ 佢將會同彭樂謙,小次同一間, 仲同班wo!
仲有今日都撞到鄧柏軒~ 阿潺同kiki話佢有d薯仔feel....=.="唔係哩~ 佢真係好攪笑ga!! 今日未出聲ja~
5點番屋企~ 呢排到晏晝就好眼訓....死la~ 咁我開學之後點算??又要早起身呢...慘la!!

kiki~ 我地會搵日突擊拉大隊去kfc~ 為你打氣!!! 拉埋banner~ wakaka....=v=記得夾多幾件雞比我!!
睇黎要開始溫physics...就聽日開始la!! 希望唔係三分鐘熱度~@@" 仲有阿潺星期三a! 約定ga la~~
唉~ 仲未決定補 ken chan定cw shum好~/.\" 又無人陪...唔知係咪真係同何蚊一齊補好~
暫定星期四光明友聚聚....向萬老師報告成績~>0<" 劉曉....你要加油打電話a!!：Ｄ

>>August 21, 2005 at 10:07:04 AM GMT+8

2005 年 8 月 19 日 星期五 【晴】

=== 番工::棉花糖 ===
今日又可以替yan番新屯中份工~ 10點幾...約左bei係供水橋等~ 又落雨又大風~ 好似打風咁!
落緊雨, 見車就上~ 係兆康度等610~ 咁岩豪同峰轉西站黎到, 又會可以搭同一架車...
去到新屯中~ 我打比su...佢話落黎陪我食飯~ 各位比半個鐘我行開下先....辛苦你地la!!：Ｄ
今日可以整棉花糖, 好開心! 因為上次壞左...整左都幾耐下~ 中間上左一陣彈床~~
之後豪又肯同我換wo~ 又可以繼續玩棉花糖....不過臨尾慘d~ 點解截左人, 條龍都係咁多人ga??
d爆谷派完, 彈床收左我都未做完....差唔多5點半先派晒~~~~ 隻手好累a.....
仲有~ 臨尾有個阿伯發爛渣...明明都話比埋佢, 佢都要嘈...痴痴地, 仲講左精景野:"谷ｘ住條中氣"
佢係咪有病? 為左支棉花糖鬧人...=.="到個女人搵老公番轉頭諗住出番淡氣果陣, 個阿伯走左lu~
唔知做咩今日特別累...仲有a! d棉花糖有時飄入眼la可能...攪到好唔舒服~~~@@"
su仲想留我食飯沖涼過夜~ haha~ 唔好咁la...今日唔方便丫ma~~ 下次先la 好無??hee.....

番元朗食飯~ 佢地好煩a....請食飯請食飯~ 講左好多次.....叫埋阿潺, 佢去左田中搵位~~
唉~ 最衰一番唔比5個人~ 真係串!! 最終因為唔想食田中, 去左千之壽...阿潺唔好唔開心la~~^^"
我第1次食呢個炸南瓜~ um...都係一番抵d大件d~ 算la......其實好似食左好少野~ 都成二百幾~~~
拿~ 我本來諗住請ga la...不過你地咁想夾番$, 我就緊係唔mind la....：Ｐ
峰原來係比左80蚊我, 之後我仲以為佢呃我....@@"無找到$比佢~ haa...下次先la下~~
食完飯~ 同阿潺散步, 聊聊天...原來今晚睇港姐! 無得睇tim......算把la~ 好眼訓a~~

好似已經告一段落....但係諗番起都會好唔知點咁~ 無可奈何gei 事實....
已經唔知可以講d咩~ 但我唔想諗起, 唔想有人提起, 唔想番屋企~

>>August 20, 2005 at 4:14:50 PM GMT+8

2005 年 8 月 18 日 星期四 【晴】

=== 千杯不醉* M303* Bowling ===
今日同ling去睇千杯不醉~ 好在我夠醒前日去買定飛jar.....hee~~ 我地去買d野食入去~
阿潺同佢個fd都係睇同一場~ 但係真係估唔到~ 我地咁岩買中坐隔離位!!! haha....真有緣~~~
套戲都幾攪笑~ 但係好似怪怪地...佢地無端端一齊, 仲有個尾有dd求其~ 比起新紮師妹真係差幾皮~
之後去左買電話~~ 無晒黑色a...我鐘意黑色wo~ 但係佢地幾個都話銀色靚d, 同埋黑色未必再出~
咁就買左銀色~ 之後去食飯, 同埋杰係嘩鬼....佢今日有得番工~~ 杰! 出糧識做la~~~：Ｐ
係西鐵站等豪,肥斌, 鴻...肥斌係度話我做咩買呢部, 又話唔好, 佢同豪係咁攪我部電話~ 喂好la wo!!!
我地去屯門仁愛堂果度look ling....kiki同佢表弟等緊我地lu~~ 我地look左成半個鐘, 彭樂謙先黎~~
玩左一粒鐘就走lu~~ 都ok好玩~ 我第1 round好屎, 不過第2 round勁過佢地!! 但肥斌最勁, 幾次都全中...
番去市中心佢地話食野....我同ling,kiki,鴻買左窩夫食~ haha.....好味!!
之後落左美食廣場, 不過我唔想食野...睇下時間~ 我要拎kiki本書賣比宋利和, 所以同ling 走先~~
番到黎...好累~ 尤其雙眼...仲有其實今日食完lunch果陣都唔太舒服~ 好頭痛a....即刻番屋企抖~~

恭喜kiki ive 度入到第1志願!!! 比心機丫~~~~=v=

>>August 19, 2005 at 10:53:01 AM GMT+8

2005 年 8 月 17 日 星期三 【晴】

=== 第2堂 ===
今日10點幾起身就即刻換衫番學校...仲有要買茄子番去比佢地畫, 我又帶左d蒜頭~~
齊人d la~ 番左13個人...開頭同佢地講番上堂d畫, 有咩問題, 邊d畫得好...之後開始la畫茄子la~
miss見琴日阿蛇教果d人畫出黎唔靚~ 仲問我係咪黑白難過彩色...真係攪到我條氣有d唔順~~
點會難過ga.....=0=" 仲有佢講埋晒d野~ miss三番四次咁樣偏心呢.....我真係頂佢唔順~~
今堂大部份人都有進步~ 畫得幾好~~ 兩點準時放.....不過miss早走過我~~ 又要執野~
兩點幾搵杰去合記度食tea....之後走果陣先黎落雨~~ 唯有番屋企..........

其實話就話收成咁多$~ 不過我講晒比佢地知點畫, 邊度用咩色....其實都算係咁la~
有時d野, 出面學都學唔到, 人地唔會話晒比你知點畫, 用咩色, 係度拖堂~ 諗起都幾無奈.....
諗番起真係蝕!! 係學校度,中四第一堂都唔太識畫,miss教條毛...而家佢地上中四gei, 就已經有得學緊~
雖然係由我地呢d人教, 不過我覺得都好大幫助...以前上堂唔識畫, 問得邊個姐, 自己係度畫....=.="
我唔係話d咩...只係我因為咁樣, 而唔可以進步, 我覺得有d唔公平jar ma.........
諗番我拎唔到個A~ 我真係非常之唔甘心....仲有因為轉制, d死人project, 考試局真係累人累物!!
丫~ 今日收到考試局封道歉信...佢話肯幫我地受影響d人, 將所有卷, 其他科都係~ 加多次分.....
車.....我要全面覆核a!!! 加分....有幾可加分可以加錯而令到個grade 變丫~~~!!
仲有仲有~ 今日睇過d分班...6S有33人~ 其中19個係男仔~ 姐係外校男仔有11個....
鄧柏軒真係黎tpk讀a! 我地又做同學la~ 不過佢修chem,bio..我同佢講佢chem睇黎要補習~XD kaka...
唉ya!! 仲有a~ 我個學號係有歷以黎最細ga~ 4號a~ 我唔制a!!! 死死聲..講起上黎..今日好似係..7月14~

>>August 18, 2005 at 4:22:10 PM GMT+8

2005 年 8 月 16 日 星期二 【晴】

=== 無題 ===
今日又番學校~ 早知琴日唔好口快快應承果條友..$240賣4本phy, 5折多d jar!!!!! 賺少左30蚊~
肥斌見到我係走廊行過~ 打比我傾左陣計....haha~ 佢份工就好la.....坐係度打字有冷氣~
上左art room , 今日到蛇教黑白...原來周楚欣學黑白~ 唔怪得知琴日見佢唔到~~~
無咩野做, 約左阿潺食lunch~ 我1點就走~ 我想試下果間目黑....點知~ 咁鬼細件gei d野食~~
我同阿潺都食唔飽~ 唉.....跟住行左陣千色~ 阿蛇黎左, 我地去美心食tea~
何蚊call我...講補習d野~ 我可能同佢一齊補phy....之後去左英皇同遵理拎d資料~ 補邊個好呢??
仲有我同阿潺又去左新世界問轉台d野....又睇電話~ 部M303 而家$1980jar!! 好想買!!!!
4點幾番黎...今日出左街, 但無乜野做~ 唉~~~ 好想去玩a!! 不過又要教畫, 下星期又要溫下phy~

>>August 17, 2005 at 11:57:47 AM GMT+8

2005 年 8 月 15 日 星期一 【晴】

===== 第1堂* 未開工．先出糧 =====
今日番學校教素描...要自己去買材料~ apple+檸檬茶.....我又拎住d 書~ 超重要搭的番學~~
去教員室miss個櫃筒度拎key上art room開門~ 勁有miss feel.....kaa!!
由於驚自己畫畫gei 技術有變....我早左番黎畫個檸檬茶盒~ 不過都無問題! 幾好丫~~~
幫我買書果個人黎左搵我...3本amath+3本chem~ 收佢六折!! 另外廿蚊本賣chem ex.比佢~ $460!!!
then~ 開始教la....開頭唔知點樣講~~ 總知我畫一次個apple...又講下點打色之類la~
好快就叫佢地自己畫.....佢地畫到d盒...都唔似gei~ 我唔記得左講透視....=.="真係唔好意思la~~
其實都ok gei....有時提下佢地要點樣畫~ d $真係易賺....本來有14人, 但今堂得11個....
總知每堂都坐底$200 la~~ miss今堂已經比左大部份gei 人工我.....$1000~ 發la!!!! 呵呵呵....*v*
阿蛇今日都番黎左睇下我點, 聽日到佢教....佢話不如聽日佢都拎埋$$~ 我地就走佬...haha~~~
miss 真係攪笑....邊有人開工第1日就比晒幾日gei人工ga~ =.="""" 呢個老板真係好~~~~~~
我同阿蛇之後去食tea~ 雞雞黎到之後, 我就自己番屋企先lu......因為6點幾又要出街~
去葵芳食飯~ 姨丈gei 媽生日.....好攪笑~ 次次d老人家生日, 係佢地派利是比我地~ 今次有50蚊tim!
表妹扭計....因為阿姨同姨丈大細超~ 淨係理表弟唔理佢....佢又話牙痛, 又話凍~ d小朋友扭計好可愛~
食到好飽丫....而家d酒樓進步左~ 甜品唔再係紅豆沙~ 今次係楊枝金露, 不過唔太好味.......
成10點先走~ 番到黎11點幾, 都幾累下......聽日又要番一番sch~ 睇黎今個星期係會連續4日番sch~

今日阿潺, 杰, kiki, 云呢4位朋友仔~ o係我番工gei 日子出黎打牌..仲要係去阿潺屋企打!!
kiki 仲要係我教緊畫, send sms黎話佢地開始打牌~ 真係罪加一等!!!!! 我問你地4個認唔認罪?!! \./

>>August 16, 2005 at 4:37:18 PM GMT+8