2002 年 10 月 7 日 星期一 【晴】

琴晚佢真係訓左...So成10點幾先打俾我...
果時我都冇咩野...
But又feel佢冇事咁=.="
so真係有少少嬲...
就算佢打左俾我
我都一樣唔係咁開心...
佢好似唔知我幾時嬲幾時眼訓咁...
唉~
算啦...
唔知講...
我諗過一排會冇野掛~...

>>October 8, 2002 at 12:03:32 AM GMT+8

2002 年 10 月 6 日 星期日 【晴】

唉~終於又返學!又係星期一啦~
今朝真係涼左喎~
唔知聽日又會唔會咁涼呢?
勁眼訓呀我今日...因為琴晚好夜先訓得著...
成2點幾先訓著...
又咪因為唔開心所致...唉~算啦...
喊過...笑過...咩都做哂啦...
我諗今晚應該唔會再因為唔開心攪到訓唔著掛?
今日原本打算補完課就去搵miss chan chan補習既!
But我真係好累呀...
就算去左補唔聽既都係冇用啦~
今日勁攪野!第3,4堂入hall度聽講座!
當仲有D好敏感既問題!就係sex啦~
個個都聽到笑哂咁!
當然我就更係有笑啦~
But其實呢個講座本身係講關於性病既!
其實呢個講座果個女仔都講得幾好呀~
今日就係有呢D野做啦~
唉~
佢仲未打俾我呀...
又唔知今晚點啦佢...
一定訓左啦佢!
唉~~~又話8點幾打俾人!
而家成9點幾都仲未見佢打俾我...
次次都係咁...
真係嬲得一次嬲唔到第2次!
.....唉.....而家我都唔知嬲好定唔嬲好啦...
嬲又feel自己好少氣...
唔嬲又feel對唔住自己...唉...
算啦...
到佢打俾我先算啦...
大可能佢又唔打俾我...

>>October 7, 2002 at 1:40:04 PM GMT+8

2002 年 10 月 5 日 星期六 【晴】

天文台話下星期初轉涼!
點知今日真係涼左少少~我諗聽日一定會涼好多掛~
今日下晏陪ToTo出去買野!But最終佢都係冇買到!
我0地係大中度行左陣(只係度行冇買野...)
之後就同佢去左富善買左D信紙話寫俾我喎~
以我就為左有散銀交Art既買野錢!
So只買左信封!費事買咁多野啦~一陣冇錢買冬天衫呀!
返到屋企冇野好做呀又...食左少少野,睇下電視!
之後仲諗住做功課!點知又係冇做到...
走左去織頸巾!Then feel到累累地咁咪訓左一陣囉~
(唔知點解一起身隻眼已feel好累=.="其實我知咩事既~)
訓醒就走左去燙衫~
唉~唯有今晚先做功課啦!

>>October 6, 2002 at 10:05:31 AM GMT+8

2002 年 10 月 4 日 星期五 【晴】

今日真係開心~雖然初初幾悶下~
因為佢去左做part-time~(So冇得傾電話...)
But之後我就搵左我亞媽陪我去行左陣街!
買左條褲同一件外套~
嘩哈哈哈~~~真係開心呀!
But駛左唔少錢啦已經^^"
原本仲睇中左對<呠>0家!
最終都係冇買到...因為費事一次過駛咁多錢啦~
算啦~下次先買過啦~
下星期開始轉涼喎又!咁有件外套幾好呢~
今日原本唔係同亞媽行0家!
原本係約左ToTo陪佢買野~
But佢只係出果一陣...
唉~so而家轉為聽日先陪佢買lu~


>>October 5, 2002 at 12:19:22 PM GMT+8

2002 年 10 月 3 日 星期四 【晴】

天氣報告話下星期初天氣會轉涼同乾燥!

>>October 4, 2002 at 10:57:20 AM GMT+8

2002 年 10 月 3 日 星期四 【晴】

嘩哈哈哈~~~咁就過左一個禮拜啦~時間話咁快就過!
會考又話咁快就0黎...=.="
唉~算啦!唔好提呢D啦~
今日D堂好易過~
英文堂果件咁既肉瞼飛龍冇啦啦發皮4!挑~
then之後地理test都唔係好深!吹都吹到出0黎~
But佢只俾得我0地25分鐘渣!
放左學仲諗住再落art room畫畫&拎番我應得既野!
好可惜又係果件容少惠頂住哂!
好似佢果班好重要咁!
又話滿哂!唔俾我0地入去!挑佢呀!勁憎佢呀!
佢都唔只一次係咁0家啦!幾次咁多啦~
次次都係呢一日day4就係咁!死八婆!!!
今日放左學之後都冇咩點行街...(難得一日放早,唔駛補課)
But佢今日開始返工lu~
從此我要學習成日都要一個好悶既生活!
星期6/日都唔知點啦!一係搵我個Best fd ToTo!
一係就搵我老媽子行街街~
唔係就唔知搵邊個好lu~可見我真係冇咩真心既朋友...
算啦~真心朋友既我feel唔駛多!
一個已好足夠0家啦~
今晚冇野好做唯有做下功課囉~
做下等下佢就放工打俾我!
諗起都開心~~~^^
係學校成日都見到佢我已好滿足啦~
佢要做part-time我都唔可以阻佢0家!
有時我就下佢就下我咁大家都過得開心D~^^haha~

>>October 4, 2002 at 10:48:25 AM GMT+8

2002 年 10 月 2 日 星期三 【晴】

今日好累呀~~~堂堂都好眼訓=.="
返到屋企一陣就訓著啦~
唉~今晚仲要做art!成份西方書法都未做過呀!
仲要洗con同燙衫...
聽日好似仲有地理test添~(都唔知test邊!)
我feel自己好多野要做呀!西方書法都唔知做到幾時呀...
做一份我都不知要做幾耐!
怪都係怪自己f.4果時唔交西方書法啦~
攪到D書法勁差!又唔夠時間做!
聽日上堂一定又係眼訓...


>>October 3, 2002 at 11:09:17 AM GMT+8

2002 年 10 月 1 日 星期二 【晴】

唉~~~又返學啦!(終於可以用個書包啦~)
朝早起身返學第1堂,勁眼訓呀~
So放左學返屋企即訓呀!
嘩哈哈哈~~~
今次原本要補英文課0家!
But做完writting part之後佢放我0地5分鐘,
就係呢個時候我0地就即走啦~
勁攪野呀~精蟲利用肥鋒個位放哂D書包係佢度!
之後就叫肥鋒出去拎哂D書包!
勁攪野呀!精蟲係咁拋出0黎走廊度!
由肥鋒佢係出面接!以我就扮哂野兩手空空咁出去休息~
就係咁!我0地成班好成功地走左出去!
唔駛補英文啦~嘩哈哈哈~~~
But我feel肉瞼飛龍係應該知知地0家!
因為成班人好似雞飛狗走咁!
唔知5分鐘休息後又點呢?~
一定係勁多人冇去度補呀!
個場面一定勁攪野~^^
大約4點幾到返屋企!因為1來人0地要練波...
So行多陣都唔得!2來我又累想訓覺!就係咁4點幾就返左屋企啦~
訓左1粒鐘就醒左啦=.="仲以為可以訓耐少少添~
起左身冇耐俾我見到我家姐買左薯條返0黎食!
呵~於是我冇再訓就食薯條啦~
而家我係0岩0岩食完野冇耐打既日記!
今晚我諗我會做下西史功課/art 0家啦~
唔係驚一陣又做唔切!

>>October 2, 2002 at 10:16:48 AM GMT+8

2002 年 9 月 30 日 星期一 【雨】

今日朝早明明有個好靚既太陽曬住我訓覺=.="
點知下晏就落雨lu~
之後落完雨冇耐我就出左去行陣啦~
行下坐下飲下野咁囉~
之後就返屋企再玩我既電腦!
上下網,check下留言板,打下日記,同人chat下咁!~
咁就過左我呢個國慶日!
唉~聽日又返學啦喎~
算啦~返就返啦!返多3日又放星期6,日囉~
橫點我又買左個書包咩囉!
當為左佢以返學用吧啦~嘩哈哈哈~~
個袋我feel幾靚0家真係!
學校都唔見有人用既~
But我家姐話個袋唔值呢個價錢喎~
最終佢都買左俾我!當係送番生日禮物俾我囉!
算平左佢啦!嘩哈哈哈~~~


>>October 1, 2002 at 9:31:34 AM GMT+8

2002 年 9 月 29 日 星期日 【晴】

真係開心呀~點解?!
因為返左一日學聽日就放假一日啦又!
今日5點幾左右先返到屋企...
因為又要test呀~Art都要做完先走得!
So攪攪下都差唔多時間lu~
之後都係行左一陣就返屋企啦~
唉~~~
聽日又唔知有冇街去...
唔想又係冇街去...
唔係既話咁就哂左呢一日假期0家啦!


>>September 30, 2002 at 10:54:42 AM GMT+8