2003 年 3 月 4 日 星期二 【雨】

嘩~今日又係咁凍>.<真係好怕凍呀我!
今日派左準考証!我有兩日出沙田考!
兩間都唔知咩鬼野學校0黎0家!
考第2日art係出沙田考~有幾個人都係同我同一間度考呀~
hehehe~~~真係好啦!
我好似有兩日係同我家姐係同一個試場考呀="=真係呀!
唉~~~呢幾日都唔係咁開心...
算啦>唉唉唉...
希望日日都好似情人節果日咁樣就好lu~

>>March 5, 2003 at 10:56:16 AM GMT+8

2003 年 3 月 3 日 星期一 【雨】

今日冇啦啦凍番!凍死人囉>.<
我最怕凍0家啦!
唉~~~星期四就考art mock啦~
我D材料唔係咁夠添="=家下都仲未買齊添~唔知點算好添!
中文test又係咁差!真係失敗呀我!
鬼叫我平時唔努力咩?就考mock同會考啦~
加油呀!!!>家下有太多記念冊寫啦!寫唔切...help~~~
我老豆仲未俾零用我=.=...好彩我仲有D錢0者!

>>March 4, 2003 at 1:55:13 PM GMT+8

2003 年 2 月 23 日 星期日 【晴】

嘩嘩嘩~~~原來我有咁多日冇寫日記啦喎~
呢段時期過得冇咩特別~
放下新年假咁囉~今年逗左一千蚊利是都冇!
(家下駛左一半啦喎~)
呢半個月最特別果日都係2月14日情人節既0者~
果日我過得好開心呀!>.<希望日日都好似果日咁就好lu~
唉~就會考就考校內試啦~
我仲未溫書="=...
見到D人都溫書啦...仲好努力添~
家下就算係遲溫都要頂硬上去溫0家啦!
唔係真係想考個0分返0黎咩~
冇可能0家ma!考好少少就算讀其他野都有著數D呀~
就算出0黎做野都有著數D呀~
家下開始儲錢買夏天衫!一定要儲多D錢先得啦!
到左考完會考之後冇野做又冇錢咪唔掂囉~
So儲定錢到時考完會考除左為左買衫之外,出街玩行街都有錢呀ma~
琴晚我有史以來第1次溫番中文!可惜...我只係溫左好少...
雖然我溫得幾課,but果幾課都有出!
到左test果時又唔記得左好多...唉~~~
鬼叫我平時唔溫書咩!低死啦~家下先溫邊度溫得入腦先得0家!
今晚開始!我要實拖溫書政策!一日溫少少~希望到時會考可以做到圓滿!
就算我上堂點唔聽書都好!返屋企都要溫書!!!
我一定要考好個會考俾你0地成班人睇0家!唔會好似平時test咁樣差0家啦!

>>February 24, 2003 at 10:02:52 AM GMT+8

2003 年 2 月 3 日 星期一 【晴】

幾日都冇得上網啦~原來上網果度有D問題...
唉唉唉~攪到我今日先可以上到網!
係屋企養病既時候又冇得上網!
攪到我係屋企冇野做又好悶咁樣養病!
今日終於去左街啦~呢幾日都病倒係屋企=.="
日日攬住盒紙巾!今日終於好好多啦~But仲係臉青青咁...
今日有開心又唔開心!返到屋企之後收到一個令我好down既消息...
唉唉唉~~~希望唔係真0家啦~
(又再一次唉啦!人生在世真係不如意既事十常八九!)
家下有樣野我真係好想買...唔知我可以幾時買到得到呢?
But我又冇咁多錢買哂喎="=
真係唔知點算好啦~...

>>February 4, 2003 at 1:52:23 PM GMT+8

2003 年 1 月 30 日 星期四 【晴】

hehehe~~~(我係度傻笑仲咩呀=.=?)
點解我係度傻笑?咪因為我買左對我勁like既波鞋囉~
呵呵呵~當你買左樣自己好like既野都會好開心啦~
係大中果幾間都冇得買啦~攪到我去左新達買!
新達有間買得好平!But冇我個碼...So又去左第2間買!
雖然係貴左100左右~But都比原價平左啦~
對鞋我同我家姐一人一半!我唔駛出哂錢已好好0家啦~
呵呵呵~~~
今晚要出去旺角食團年飯呀...要對住我老豆果邊果班友仔!
唉~~~一個字講哂!-----慘!
小女子呢兩日都病左呀=.=...攬住盒紙巾做人!
早知我就琴日睇醫生啦~初一至初三都冇得睇醫生0家ma~
好想快D到初4呀>聽日就大年初一啦~又要對住我亞e果班八婆啦~
如果我唔係為左封利是,我都唔會理佢0地咁多呀!
唉~仲差唔多成日對住佢0地添得0家!我既傷風又點能好番呢?
唯有初二同初三係屋企休養下啦>真係好想快D到初4喔~hehehe~~~諗起都開心呀!
聽日就係大年初一啦~
小女子在這向大家拜個早年!
恭祝大家新年快樂~~~恭喜發財~~~恭喜恭喜~~~^-^

>>January 31, 2003 at 9:14:12 AM GMT+8

2003 年 1 月 29 日 星期三 【晴】

哈哈~
今日係新年假既第1日!
唔知呢個新年假有咩做呢?
我只知今日冇野好做囉~
But晏D我點都要出一出去!
諗深一層我好似好耐冇打網上日記啦喎~

>>January 30, 2003 at 5:28:03 AM GMT+8

2003 年 1 月 2 日 星期四 【晴】

真係可憐囉~真係慘囉~
今日開始返學囉~收得皮囉~
唉~~~
幾咁辛苦呀="=!琴日又走左去踩單車呀~
攪到就身骨痛...今朝都仲係有痛痛地咁...
又勁眼訓喎~攪到返學既時候勁勁勁辛苦呀>想訓又訓唔到!...算吧啦~今日都返完學囉~
咁咪可以放多3日假囉~其實如果我今日唔返就可以放多4日假0家啦~
今日明明係day2!學校都唔知仲咩春!真係好撚憎呢間學校!
冇啦啦話上早會!又話低form要考試!今日係佢0地考試前最後一次上早會喎~
So要講下佢0地考試D野喎!真係好撚煩!真係好憎呢間學校!
有得讀番呢間學校我都唔Q讀呀!
好可惜我根本就冇機會讀番囉~
呵呵呵~~~真係太好啦~我要睇下呢間學校點樣收皮!

>>January 3, 2003 at 1:40:25 PM GMT+8

2003 年 1 月 1 日 星期三 【晴】

1月31號果日我點幾先返屋企!
下晏出左去睇戲----貓之報恩~都幾好睇呀!~
之後就返0黎大埔食野!食完之後就出左去海濱~
then一路行下坐下成班傾下計咁!
就係咁過左呢個新既一年lu~
今年既12點我過得好開心喔~~~^-^
hehehe~~~真係難忘呀!
今日我同成班fds去左踩單車!
首先踩左去林村~之後許左個願係許願樹度!
Then之後就出番大埔!原本打算係大埔食野!
But佢0地話出沙田!於是就踩左出去吐露港到沙田~
嘩~我都係第1次咁踩0家渣~
我真係未試過踩咁多路~而且我又耐冇踩單車喎!算係咁囉~
中段路係果隻船度休息下食下野~
之後去到沙田有人就去大圍!
But我唔想去!於是係沙田度休息下食下野飲下野咁!
食完野之後落左機鋪!Then又踩返大埔lu~
一路踩冇停過咁...So...我真係好好好累呀~~~
就身骨痛><
聽日仲要返學添得0家=.="
唉~~~都唔知點算好lu~~~
But都係返一日放3日0者~唔梗要啦!~^^

>>January 2, 2003 at 2:29:57 PM GMT+8

2002 年 12 月 29 日 星期日 【晴】

唉~~~又要補課...
27號又返左去補課(西史)!~
真係辛苦...果日仲係返成日!So果日下晏補課訓足全程!
今日只返半日...
只係返去test中文!好可惜...今次我又係冇溫書...
加上我肚疼唔舒服...唉...攪到咩野都做唔到...
下晏我行左陣先返屋企!~
返到屋企又咪對住部電腦囉~
悶悶悶...
夜晚咪係屋企打邊爐~~~
聽晚唔知點過呢~?

>>December 30, 2002 at 8:46:42 AM GMT+8

2002 年 12 月 25 日 星期三 【晴】

今日係一日好值得記念既日子~
hehehe~~~你知我都知!^-^
今日去左睇戲戲~^^幾好睇呀套戲都!
夜晚我老豆老母去左天水圍!
So我同我家姐兩條友仔係屋企打<冰>爐!
正呀~>But d野食係我去買既=.="
算啦~又唔駛我洗野!都好0家啦~
唉~~~聽日要補課啦!真係好慘慘慘...呀!=.=

>>December 26, 2002 at 1:56:16 PM GMT+8