2003 年 3 月 27 日 星期四 【晴】

呀?~居然停學???攪到冇左好多日返學咁喎~
計落去...得番果3日左右返學...唉~~~
家下先feel到有D唔捨得添!~=﹏="
其實係唔捨得係中學時代既開心同唔開心呀!
雖然我唔鍾意呢間中學!
But升左中學之後我成熟左~
而且又有好多既第1次係中學時代發生...>﹏<
中學比小學令我更加難忘!
唔得!我要係最後一日影勁多相相~~>.<
最衰都係爆發肺炎啦~hk又咁遲先話停學!
家下咁多人有事先0黎做野!
之後大陸有野既時候就好應該做預防啦~
明知大陸咁近hk!D hk人又成日返大陸做野喎!
大陸又係衰既!家下又扮哂野話唔係佢0地果度傳0黎世界各地!
嘩~初初發現有呢種病係大陸喎~唔係佢0地傳0黎仲有邊個呢?
都話一向唔係咁like大陸人0家啦~><#
唉~~~
家下美國又戰爭!真係好似一下子發生好多事咁...﹀︵﹀
而且我又...唉~~~真係好唔開心!>.<"...
家下只可以希望戰爭早日結束~死傷人數唔好咁多!
肺炎可以早日有根治既方法!
˙° o○﹒˙而我...我希望你可以好似以前咁...俾番開心我~
著緊我...錫我...對我好...
我好想你攬得我好實...
只要你咁樣...只要你變番以前咁...只要你變番好...
我為你做咩野都可以0家!>︵<
我會等你呢一刻...我會等你再次俾番開心我!˙° o○﹒˙

>>March 28, 2003 at 12:57:06 PM GMT+8

2003 年 3 月 26 日 星期三 【晴】

唉~今日maths mock...
死左啦~死哂啦~
我根本就溫唔到書呀!再加上我平日maths係最屎!
因為我唔like maths!琴日原本叫鋒教我!
But佢又去左打波!當佢打完波既時候...叫佢教我...
佢唔教...我真係好失敗!比著以前既佢!
佢係唔會咁樣!...最後凰凰教左我d!
可惜因為我平時上堂訓覺冇聽書!
到家下我真係一D都唔識~!根本都唔知咩野0黎!
聽日考中史...But我冇溫到!
原本打算去自修室既...由於肺炎咁勁既關係!
於是冇去到溫!係屋企太多引誘!再加上我已經係冇心機溫書啦~
又咪因為我...唉~So冇心機溫...
係屋企玩左成日電腦!唉~~~
成日都諗起D唔開心既野...諗番起以前!
諗番起情人節!諗番起31號果晚!諗番起12月26日果日~
再睇番家下...我真係好唔開心﹀︵﹀...
點解...?唉~~~我好想再次大喊一場!
雖然我家下都仲係成日喊...
But...我係屋企唔可以大喊...呢幾日係學校我都feel好孤獨咁...
長情...真係冇好處...太認真...都係冇好處...太愛一個人...又係冇好處...
我...好想死...﹀︵﹀好想大喊!!!...唉~~~

>>March 27, 2003 at 1:58:30 PM GMT+8

2003 年 3 月 25 日 星期二 【晴】

今日考oral我好驚...驚到好似好多野都講錯咁...
又問錯左一題問題!
miss問番我既時候,我又答錯左一條=.="
寫字果時手都震震地咁呀!>.唉~我又再次地失敗啦~
我幾時先可以成功0家?!
到左4條友一組果part!嘩...
好彩我做左開頭0者!之後佢0地係咁講!
我根本就冇野好講囉~冇野好講啦~咩都冇野好講啦~
連今日考我最好既西史都好似考得好差咁!
鬼咩~都話左冇心機溫囉...平日我西史都唔係好差0家0者!
我敢肯定!我西史係唔會好差既!唉~~~
估唔到今次既打擊令到我失去左咁多野咁...
成績仲比往日更加差...
唉~我好想溫!我好想努力溫!
But...我真係唔得...我真係溫唔到呀﹀︵﹀...


>>March 26, 2003 at 3:48:02 PM GMT+8

2003 年 3 月 25 日 星期二 【晴】

唉~...突然諗番起聖誕節同倒數...仲有情人節...
呢幾日真係我咁大個女以0黎最開心既日子...
如果上天能夠俾我有番呢3日咁開心...
我真係心滿意足0家啦~
因為你係呢幾日同我講左D令我好開心既野~
諗番起...真係好想喊...唉~~~
今次考mock我完全冇心機考!
因為我既心都唔知飛左去邊度lu!
我諗都係因為我唔開心...(我真係好唔開心>先會攪到我溫唔到書啦~
而且我平日又唔多溫書既人!
But我次次考試一定會溫!可惜...
今次我真係唔得!我真係溫唔到...﹀︵﹀唉~~~
成個星期我都係度喊...我喊既係點解以前可以令我咁開心...
對我咁著緊!家下點解又會咁樣...
起初我真係冇諗過我自己會咁長情...
可能一直以黎係我自己多餘!係我自己感情用事!
係我自己冇用!我係好好好...失敗!!!
太傻啦我...原來最終最傷心既係我自己!
我真係估唔到...
唔知你仲可唔可以著緊我~對我好D~錫我多D~關心我多D呢?
我希望時間能夠令你變好!我會俾時間你...
無論如何我都會俾時間你!我一定會等到俾夠時間你變,改為止!
其實我一向都係咁長情0家啦~以前暗戀人我都可以暗戀最少兩年...
唉...我太感情用事啦~呢D都算係我既弱點掛!
But我家下只係想你能夠再俾到開心我!
我既要求只係好簡單...希望你能夠幫我實現啦~
其他無聊唔開心既野我咩都唔理啦!

>>March 26, 2003 at 3:42:48 PM GMT+8

2003 年 3 月 20 日 星期四 【陰】

星期一出左去考會考art!星期三又係出去考會考art!
But星期一係大埔考!星期三係沙田考!
果兩日都好累呀考得="=...
素描比平時畫得少野好多!今次畫得我都幾滿意!
雖然我一直畫野都唔係特別靚...
But今次真係幾好呀~唔算差囉!
西方書法就...衰左!冇寫到題目!因為平時都唔寫開題目0家ma!
今次會考冇啦啦要寫...邊知咁多0者!
又寫錯左幾個字!唉~~~扣哂分啦家下...="=好無奈呀!>.<
出完沙田考完返0黎冇耐又出左去自修室溫書...
可能係太多人一齊同一間度溫啦~
So冇咩心機溫!一個走左出去...其他既就想走出去!
係自修室果度我好累...因為出左去沙田考...
勁早起身=.="...訓得勁少時間!又病病地喎!
到左夜晚終於頂唔順...成個樣勁眼訓咁!好早就走左!
呢兩日凍左...真係好怕凍0家我>.<
琴日miss仲係小食部度幫我0地成班訂左熱維他奶飲!
可以換麥精同朱古力!So我飲左朱古力!嘩~好暖呀!
果時我係勁凍!(因為我平時怕凍!)
飲左之後好好多!暖左好多!真係好多謝miss呀>.<
佢對我0地果班太好啦!都唔知點樣感激佢好!
之後佢又為左我0地成班訂左塗改帶喎!
又係唔駛我0地錢呀!miss實在對我0地果班太好啦~
畢左業之後要得閒搵下佢打下電話俾佢!
請佢食飯當係為左佢一直以0黎對我0地果班咁好!
家下係考mock!But我當佢係test咁...
因為我都冇點溫...根本就溫唔切咁多野...
再加上我平時又冇溫書...唉~
So...係咁0家啦!家下我唯有少少咁溫!等會考果時可以好D啦~
我家下溫書都係為左會考!唔係為左考mock囉~
今日原本去自修室0家!But成班人都唔去!
佢0地去左打波!仲打算自己一條友去溫添~
But...又驚喎=.=而且我真係好累...
之後就訓左成兩個幾鐘先起身沖涼食飯!
唉~~~呢幾日我真係好唔開心呀...
由其係琴日!可能係我太過敏感...
我又太過緊張啦~
唔知呢段過度期幾時過去呢?
我真係好想快D過去...我真係好想可以開心D!
唔知你可唔可以幫到我呢???
唉...﹀︵﹀...
聽朝睇下佢0地班人去唔去自修室先!
佢0地成班人聽日唔打波就會去自修室喎~
But D人都唔知會唔會知醒起身溫書0家!
我好想溫西史呀!因為...我真係好想會考可以考好D呀="=
希望佢0地聽日去溫啦...等有人陪我去溫都好呀ma!

>>March 21, 2003 at 12:03:25 PM GMT+8

2003 年 3 月 15 日 星期六 【晴】

除左我公公死果日...
琴日係我咁大個以0黎最最最最最...唔開心既一日!
唉~~~
諗番起都好唔開心!
真係好好好好好...唔開心呀><"
我個心簡直有一支好長好長既針吉得好入...
好難拔番出0黎咁="=...
家下唯有慢慢咁拔番出0黎...
之後再等個傷口慢慢咁好番啦~
唉...﹀︵﹀...

>>March 16, 2003 at 12:19:16 PM GMT+8

2003 年 3 月 9 日 星期日 【陰】

唉~~~琴晚訓唔著添~成3點先訓得著...
今日我既心情又唔係咁好...
又係唔係幾開心...就算3點幾先訓得著都冇點係school度訓!
係school度只係訓左幾個字!
到左上中文堂時...拎番張準考証!
原來我同美能有勁多日係一樣喎~
Art第2日係沙田五育中學考~
有好幾個都係同一間同一日同一時間考art呀~
家下最驚係oral=.=
冇人同我同一時間考oral既...有一個同我同一日考!
But佢早我成粒鐘...果間咩祟蘭中學都唔知係沙田邊度既="=
miss又話果度好難去...
叫人點去喎~考oral仲要係6月25號先考...
駛唔駛咁遲先考呀!?唉~~~
放左學返屋企居然俾我亞媽見到我同鋒一齊!
哈~我亞媽都冇點講野就走左lu~
返到屋企佢都冇同我講D咩野...
之後我就訓左陣,then起身食飯~
家下食完飯咪休息下打打日記囉~
我諗我一陣會溫下中文0家啦~Because後日要test中文!
希望我唔開心既心情係聽日會平伏落0黎啦~...

>>March 10, 2003 at 11:12:52 AM GMT+8

2003 年 3 月 8 日 星期六 【陰】

朝早明明都仲係晴晴地天0家!下晏就陰陰地天啦~
我今日成日都冇出過街!係屋企...好無聊咁過...
唉~~~有D野令到我唔係咁開心!攪到我又再之喊...
我都唔知要喊多幾多次先得啦~
可能因為咁...我睇個天...好似特別灰暗咁...
而且我仲feel今日凍過琴日咁...唉...(應該係病病地咁掛...)
可能又係我自私啦~...我真係唔想咁樣呀><"
今個月我老豆遲左俾零用我!琴晚終於俾左!
But零用居然少左!唔係hk要加稅!連我零用都要加稅呀!?
攪到我零用都少左...唉~~~少左就係少左0家啦~
對我而且0黎講...咁想儲多D錢買衫...俾少左零用就當然好似少左好多錢咁啦!
唯有自己再用少D錢係啦~唉~~~
最近呢個幾兩個月都冇咩開心既事發生係我身上咁...
點解我成日都feel唔開心0家?我真係好想知點解呀!
算啦~無論點都好!我都要面對!我唔可以逃避0家!
(雖然係咁講...but我好想避!我好想避開呢D唔開心呀!><)
P.S:我唔理咁多啦~努力考好會考佢啦!(But我到家下都仲未溫書...)溫書溫書溫書...
努力溫書!!!>.<

>>March 9, 2003 at 2:34:29 PM GMT+8

2003 年 3 月 8 日 星期六 【晴】

而家係12點8!我起身起左半個幾鐘左右~
都仲未食野...
琴日好晏先出去拎con~=.=...
之後返到0黎都成6點幾啦~Then同佢0地成渣人去買打邊爐D野!
唉~好可惜我又唔可以出街太夜="=
攪到12點前已經返到屋企啦~真係衰!我真係唔想咁早返屋企呀!
But今次我都玩得幾開心呀~^-^
希望下次再有得玩既時候可以玩通頂或者玩得夜D先返屋企啦~
今日唔知有咩地方好去呢?

>>March 9, 2003 at 4:42:52 AM GMT+8

2003 年 3 月 5 日 星期三 【雨】

又落雨啦...唉~~~好凍呀今日!今日仲凍左添呀~
好彩我早有準備0者~hehehe~~~
呢個網上日記我0岩0岩換左背景0家啦~
因為之前果個顯示唔到呀!So咪整過新囉!
今日考art mock="=唉~好失敗呀我!
我做得好差呀我feel...(即頭係事實!)
我第1幅好求其,第2幅唔0岩題呀做得,第3幅又貼哂邊咁!
總之就好差啦~點解...會咁0家我...
會考唔好再出錯就得啦!俾D心機做吧啦~唉~~~
考完mock之後咪去左買紀念冊!
大埔冇咩紀念冊買=.="好難搵到本0岩心水咁!
最後買左本幾Q既紀念冊!(其實有D幼稚)
日文果D我feel幾靚0家!
But為左人0地寫得方便D!而且我又唔識睇中文喎~
解釋唔到俾人知...
So咪買左本有中文有英文對照既紀念冊囉~
今日RB好臭呀~佢隻手有雞血味!(血腥味)臭臭臭=.=
hehehe~~~

>>March 6, 2003 at 11:08:02 AM GMT+8