2003 年 4 月 4 日 星期五 【雨】

呢幾日都落雨...我不斷咁搵野做!上網玩ICQ!傾電話~
令到自己唔好亂諗野~But前日原本係屋企玩ICQ,傾電話都好充實~
到左上番床度就0黎想訓既時候...我又諗番起好多野...又喊...
第1日係我喊得最勁既一日!
就係因為諗左好多野!我原本打算搵過個等我可以忘記佢!
But唔得呀><"我接受唔到!於是琴日我鼓起勇氣再打俾佢...
點知...佢俾左好多令我好唔開心既答案...佢講左D令我好唔開心既野...
一年幾感情...唔係話淡就可以淡...真係唔可以...我做唔到﹀︵﹀...
呢幾日我訓得好少時間...食得少左野咁=.=...feel到個人瘦左...
有人話我瘦左...冇哂精神...
我琴晚聽到佢講D野...我好唔開心...我又喊得好勁!
我仲以為我0地可以再次一齊...你可以攬住我~But原來係冇可能0家啦~
我仲以為一齊之後可以更加愛你更加錫你更加就你~點知...唔得!
過去左就係過去左...
係你唔珍惜我!係你認為我煩!係你放棄我!係你唔錫我!係你唔著緊我!係你唔理我!
But我會呢一生一世都係記住你~因為我真係鍾意你...
係你帶俾我好多開心同唔開心~我會永遠都miss呢段開心既回憶...
我既傷口要有排先可以復原...我唔想咁快接受另外一個啦~
因為就算點樣我都係接受唔到!明未?
我真係好想你再次俾到開心我!我都好想令到你更加開心!
我好想你攬到我好實!我好想你再次錫我就我緊我理我關心我!
唔知你隻手好番未呢?呢幾日冇見過你...唔知你又過成點樣呢?
好多野我都好想知...我想知你而家一切既...
I miss U!...

>>April 5, 2003 at 3:25:56 AM GMT+8

2003 年 4 月 1 日 星期二 【晴】

琴日4月1日...又係一個節日...
我同鋒正式散左...我同佢一齊既時候又係一個節日!
12月26日!我同佢行左1年零3個月多5日!
呢次係我既初戀...我真係估唔到我既初戀會變成咁!
我當然有諗會有散既一日...But冇諗過我同佢之間居然有第3者...
係鋒佢自己之前講到好愛我!想同我一世,有錢時會養我!
我好記得12月31日同佢12點係海濱既野...
果晚佢仲話:如果有人足左你去!我一定會發哂癲!呢句話我一定會記得!
情人節果日佢又話:我如果而家有錢幾好呢!咁我咪可以養你囉~
而且佢仲係火車度同我講情人節快樂~當然我真係好開心...
佢原本係我屋企樓下等我仲送左樣野俾我~之後仲錫左我一淡...
果時我真係勁開心...因為佢前果年冇同到我慶祝情人節!
因為佢要返上海...果年係新年...So佢買定勁多朱古力俾我食!佢驚我冇得食朱古力~
而且佢又陪唔到我!
果日原本去睇戲~可惜冇哂位...之後就去左食pizza...
Then行街街~去左尖咀海旁坐!佢知我有d唔開心~
仲買左支花同一大渣心形波波俾我!果時我真係lum哂~
佢見我喊!仲係咁泵我~就係咁樣...佢就話有錢會養我!
我仲記得我因為一D事要晏D先可以同佢出街慶祝!
攪到成4點幾5點先出得去~
呢兩日我一定好記得!
12月24日係聖誕節~我又同左佢去尖咀海旁坐下~果度好多人!我同佢又係好恩愛~
當然又係錫錫啦~而且仲早左返0黎大埔!係大埔行左陣...之後佢又同左精蟲果D一齊!
Then去到海濱佢都有打俾我!同我傾左好耐電話~好夜先訓...
12月25日又出左去BBQ~果日又係好開心好恩愛~
12月26日係我同佢慶祝一週年紀念...果日我都仲係好記...
最後果次睇戲係2月4日!...最後影卡係3月30日...
我知我好快會同佢散...希望可以留個回憶!於是我要求影卡!
呢次仲係我第1次俾錢影卡添~因為佢話佢冇錢...
果日我做主動拖佢手...因為我知我已經冇機會可以再拖啦...
中秋節果日...我初初同左屋企人BBQ先!之後先入大尾督同成班fds BBQ!
鋒仲出0黎接我~同我一齊返0黎大埔!因為我唔可以夜返屋企~
又因為我冇食野...So同佢係大埔食野!之後再行左陣先返屋企...
途中仲見到唔少人添~...佢送完我返屋企就返屋企啦佢...
最近果次BBQ我唔記得左幾時啦...But我只知果日我仲同佢好恩愛咁一齊搭車返屋企~
我0地仲搭多左個站!攪到要行返去...果晚凍左好多!
佢知我凍!居然除左件衫俾我著!我知佢都好凍~於是我俾左我條頸巾佢...
Then我見佢仲係好凍...最後我拎左薯彬帶0黎既外套著左!
俾番件衛衣鋒著!我果日仲同佢成日走開左~佢仲攬到我好實~當然我0地係有錫錫啦~
好恩愛既一對情侶...呢一日我都好開心好幸福!So我又會記得!
又唔知幾時我0地成班fds約左去踩單車!果日佢都好照顧我~仲幫我拎車推車等等~
我0地仲一齊踩住單車~又係好恩愛咁!
8月份我又係同佢好恩愛~果時我話佢望其他女仔!佢已經 send哂message俾我!
又話驚冇左又叫我唔好嬲!佢果時成日驚我嬲!於是為左我做左好多下掌上壓同sit-up!
果時我有試過感動到喊~果次係佢夜晚眼訓!訓著左...訓到12點先知醒起身打俾我!
佢因為驚我嬲!So即刻打俾我!仲做左好多下掌上壓~
上年既3月佢好為我!果時係我0地最最最恩愛既時期!成日上人0地屋企玩~
仲叫哂老公老婆仔咁添~當正真係老公老婆咁!果時真係好開心...日日都好晏先返屋企~
我時我真係好開心...真係好開心...But家下已經成為過去啦...冇得再變番好似以前咁!
男仔真係好易變!變左就係變左!真係冇得返轉頭!原本我都唔信0家!家下我信啦~
可能係我太天真!諗住佢真係可以變番好對番我好錫番我著番緊我!點知...原來係唔會咁0家!
我既諗法係錯0家!今次...我輸左...我真係喊得好勁﹀︵﹀...
佢係之前講話唔會好似佢某一個fd咁鍾意完一個又一個!
而且係佢講唔會咁易鍾意第2個!又話佢係長情,專一!又係佢講會養我同我一世!
我真係信哂佢!原來...佢係一個唔可信既人!仲好衰好賤好過份!!!
居然係鍾意第2個而對我既感情冇哂愛意...
佢以前係一個好好既人!仲好愛我!俾我感覺係用情專一!唔會咁易發脾氣!
我見佢真係好愛我~我先愛佢!原本我都唔係咁愛佢...初初果時仲有打算過同佢散...
but我唔忍心!而且佢真係好愛我!So最終都冇!點知...家下佢居然咁忍心!
冇理我感受!猜 諗過初初我同佢一齊係經歷過好多風風雨雨...
又經歷過好多開心唔開心先可以一齊!
點解家下話變就變呢?我真係好想知點解...佢真係唔會為人諗下...
家下我真係冇哂心機讀書...完全冇哂...以前我係會考試一定溫!
就算我平時點樣唔溫都好!But家下考mock我已經好差!我根本溫唔到...
原本我仲打算同佢拖到會考完左先散...點知...佢冇為我諗過!好自私!
...講過既承諾唔算數!But我真係好愛佢...我唔知時間幾時先可以沖淡呢D一切...
佢真係一個好唔負責任既男朋友...係佢以前講過對我做過既一切都負責任!
唉~~~我家下唔想係屋企...係屋企我又亂諗野...好唔開心...好想出街...
出街喊...係屋企喊唔到好辛苦!呢個初戀我真係好難忘...
唔知下年係呢D特別既節日我又會點過呢?下年我又會唔會有情人陪我過情人節呢?

>>April 2, 2003 at 10:40:33 AM GMT+8

2003 年 3 月 30 日 星期日 【晴】

今日係考mock最後一日...
仲有3日返學...呢個中五生涯就會完...
唉~我真係唔捨得>.<好唔捨得呀!!!
紀念冊又未派完...唉~~~
最少都要派哂俾我果班先啦~
雖然教育署話停課~But4月2-4月4都要返學補中文!
停完課再返多3日學就冇書讀啦~
好驚做左雙失青年添~
唔緊要!我5月中左右開始搵野做!
等我唔駛係屋企咁悶呀ma~
又可以吸收經驗喎~又可以寄情於工作上!
嗯嗯嗯(希望咁樣我可以唔好亂諗野啦~)=﹏="
我要努力!我會俾多兩星期時間自己~
又或者等到會考完左先!
我唔想因為自己既情緒影響到我會考!
就算我真係一向唔讀書都好!
But今次係會考呀~><"一定要溫!!!
唉~~~好想買衫衫添~家下又唔出得街...
肺炎太勁啦~我想買下D新衫~等自己扮下靚靚~
我要改造自己!等搵工都易D~
唉~~~我真係好唔開心呀﹀︵﹀...
琴晚我又喊啦~...
我仲咩咁易喊0家?...唔可以咁樣0家喎!
遲下我就會後悔自己家下為咩事喊0家啦~>.<"
But...我呢兩日都食唔安訓唔落...
呢兩日我都食左好少野...(都好既~可以減下肥!)
訓覺就...唉~兩日夾起0黎都係訓左10粒鐘唔知有冇...
好累...我好想休息下啦...好累...好累呀~
希望星期3可以去得成bbq!果日可以開心D啦~


>>March 31, 2003 at 6:29:40 AM GMT+8

2003 年 3 月 29 日 星期六 【晴】

唉~我唔記得左打落0黎添...
我琴晚訓唔著呀...成朝早6點幾7點先訓著...
之後10幾又起左身!其間仲要訓得唔係好lum...
唉~鬼咩~因為...唉...
總之就唔開心啦...So我訓唔著...
原本4點前開始訓...But最終點都訓唔著>︿<
好慘呀~~~
今晚唔知又訓唔訓得著啦...
唉~~~
好唔開心心心...﹀︵﹀...

>>March 30, 2003 at 9:46:07 AM GMT+8

2003 年 3 月 29 日 星期六 【晴】

聽日考英文~But好似冇人溫喎~
算啦~由佢吧啦~考完試之後放假!
因為停課關係囉~停課其間仲要有兩日返學補課果D!
之後停完課又得番3日學返渣=.=...
唉~~~一定要係果幾日影多D相相先得啦>.<
可以留番個美好回憶都好呀~
F.5後大家都會少見面...有D可能未必會點見添~
唉~~~好唔捨得D同學仔呀~I love你0地永遠0家>︿<"
今日我都冇咩好做...還下書...出街食下野咁...
之後又係屋企上網...唔係既話我真係冇野好做0家啦~
我要學習...我自己心知學習咩野咪得囉~唉~~~
又再一次唉添...="=...
F.5畢業完左要玩一日開開心心既先去溫書會考!
我家下真係冇心情溫書...
我只係想有一日真真正正咁開心一下~﹀︵﹀...
But開心完之後唔知我又可唔可以溫到書啦~
我家下心情真係好down...我已經down左成差唔多3個星期啦...
再咁落去...平時唔溫書既我...成績一定會更加差...
唉~好想再次大喊一場呀><"

>>March 30, 2003 at 9:20:26 AM GMT+8

2003 年 3 月 28 日 星期五 【晴】

你唔愛我啦 李彩樺

Call 你 call 左咁耐　四次你亦唔覆
實係做左o的野　又怕我知道
識你識左咁耐　無試過話送花
實係好心虛先會無端端送禮

*成日唔搵　只成日唔緊　成日也見但見一陣
態度唔同以前成個冷淡晒
是但啦　算數啦　唔煩你啦　無人錫我啦
再見啦　無野啦　實在夠啦　你唔愛我啦
是但啦　算數啦　又話錫我　話咁快又變晒話我幾差
再見啦　無野啦　完場啦　你唔愛我啦

聽我講左咁耐　“乙水”下我亦唔得　淨係坐左係樹話我太多心
等你等左咁耐　有無野同我講　淨係想聽多一次ＢＢ好愛你

repeat *

讀白: 以前出街你一定來接我　呢頭講拜拜你個頭又call
但係呢排　你有乜唔妥　眼定定唔出聲　你諗緊邊個
送俾你件 t-shirt　你好耐無著過　我地幾時識　你又唔記得左
係咪淡左　係咪厭左　你唔再愛我

repeat *


>>March 29, 2003 at 1:44:36 PM GMT+8

2003 年 3 月 28 日 星期五 【晴】

Number Nine　

作曲/編曲/監製︰Eric Kwok　作詞︰黃偉文

通宵　排到門口　就似要放榜 公佈你男友　限額多麼的罕有
即使　排到第九　若我也上榜　榜尾也就夠　從不介意落後

＊被愛得不夠　被疼得不夠　但冠軍恐怕　卻恨不到這份自由
被抱得不夠　被吻得不夠　但我不必　太內疚　
約會過某某　共你一手交一手＊

(情願你話　抱抱我)　就放我走　
(情願你話　愛愛我)　就很足夠　
(如若你話　最愛我)　亦怕接收　
怕以後　不准再夜遊

(情願你話　吻吻我)　就放我走　
(情願你話　算愛我)　但僅僅夠　
(情願對落　有數百萬個對手)　我卻在十名以內逗留

不想　越叫越走　若你有我心飛個吻就夠　十指都不必緊扣
喜歡　排到第九　若怕冷怕黑　需要個男友　由一至八待侯　

重唱＊

(情願你話　抱抱我)　就放我走　
(情願你話　愛愛我)　就很足夠　
(如若你話　最愛我)　亦怕接收　
怕以後　不准再夜遊

(情願你話　吻吻我)　就放我走　
(情願你話　算愛我)　但僅僅夠　
(情願對落　有數百萬個對手)　我亦勉強　是入流

今天相戀不夠　做對親一點的好友　
位置可搶攻　可死守　佔據有利地頭

假使一天玩夠　讓我靜靜交出所有　
做你哈巴狗　俾俾手　攀上最後九級補救

(還是你話　抱抱我)　就放我走　
(還是你話　愛愛我)　就很足夠　
(如若我話　最愛你)　亦怕接收　
你也極　珍惜你自由

(還是你話　吻吻我)　就放我走　
(還是你話　算愛我)　但僅僅夠　
(情願再視察　我百萬個對手)　那票實在神聖　慢慢投


>>March 29, 2003 at 1:42:25 PM GMT+8

2003 年 3 月 28 日 星期五 【晴】

單戀高校　

作曲/編曲/監製︰陳輝陽@好好笑　作詞︰李俊一

妳說妳一畢了業　不會再回望以前　
投訴高中生涯讓美夢亦擱淺

卻笑說三生有幸 可與我同做友人　
而我聽了後 面紅口震

明日將告別校園　跟妳道別時　我怕會暗暗鼻酸　
那年合力做值日生早過電　沉默但互傳著心跳

明日將告別校園　不可再自憐　
這世界競爭激烈　時間叫暗戀的苦澀　
也一天天的退消　同學若有一天再遇　往昔純情莫要變

Rap︰我個人可能太過怕醜　冇乜嘢真心朋友　
打動妳　消失之後　係我最快樂時候　 lam住校徽四圍走　唔夠膽　拖你隻手　
時光月個度去留　我一定開口

我怕你一失散後轉眼已忘掉友人　尋到至愛在凌晨擁吻

明日將告別校園　跟妳道別時　也叫我暗暗鼻酸　
那年坐在後座望到她背面　也使我心跳
暗戀幼稚　但哪可倖免　
就算經過茫茫悠長年月　也會記住那張臉
明日將告別校園　跟妳道別時　我怕會暗暗鼻酸　
未能日日會面亦必須致電　沉默但互傳著心跳

明日將告別校園　不可再自憐　這世界競爭激烈　
時間叫暗戀的苦澀　也一天天的退消　
同學若有一天再遇　往昔純情莫要變　
同學若有一天再遇　來望望舊日合照　
失戀都可當玩笑


>>March 29, 2003 at 1:41:40 PM GMT+8

2003 年 3 月 28 日 星期五 【晴】

你快樂嗎　

作曲/監製/編曲︰伍樂城RNLS　作詞︰林夕

你十七歲　早起晚睡　每日要飲幾罐汽水　
你未與他一雙一對　這麼說對不對

談戀愛　從來都計較代價　
但你和那人會覺得很快樂嗎　
習慣在背後吻他完成為了 深夜有個人送回家

＊明天愛什麼　如果你許可　來讓我保管也不錯　
你也未曾遇過　永遠未停下來的我　要你付出不算多

明天愛什麼　怎麼非他不可　其實我比他更清楚　
你太大情大性　誰亦覺得還不錯　大概當中包括我＊

你若愛人　很多顧慮　我亦怕給感情連累　
我共你真天生一對　這講法對不對

談戀愛　從來都計較代價　
但你和那人會覺得很快樂嗎　
習慣在背後吻他完全為了　
想日以繼夜有火花　

重唱 ＊

明日渴望玩耍請找我　有空檔請預我　

重唱＊


>>March 29, 2003 at 1:40:46 PM GMT+8

2003 年 3 月 28 日 星期五 【晴】

呵呵~今日剪左個好型既頭>.<正呀!~
But返學都唔知點返啦~
算啦!唔緊要啦~都係返多幾日學渣ma~
家下個look好似好...唔知點咁...
But我鍾意喎~~~
今日剪完頭髮就去左租漫畫書睇!
因為家下成日都feel好悶冇野好做呀~
唯有租下漫畫睇下啦~
唉~~~
聽日又唔知去邊好...
頂多都係還下書咁囉...

>>March 29, 2003 at 10:00:18 AM GMT+8