| 日記 | 日記主簡介 |
|||||||||
2006 年 11 月 13 日 星期一 【微冷】 今日真係諸事不順!!! 一心諗住早d 出門口整野 去到銀行出面部櫃員機......封左!! 0..0 再去print notes.....明明click左print雙面....點知print左單面俾我 大拿拿36個page.......一疊.......厚到爆!!! 最慘係搞到我唔夠紙print其他野.....唉!!! print print下仲有人同我爭機, 人唔print, 佢唔print 我去邊部機, 侉又去果部機, 我頂!!! 仲要print咁死大個file, 阻住晒!!! 好黑呀!!!!!!!! >>November 14, 2006 at 10:35:46 AM GMT+8 2006 年 10 月 31 日 星期二 【寒冷】 點解去到邊都會有d 咁仆街0既人, free-rider!!!! 0係讀書入面信相係最乞人憎的 上個sem...我都算...因為我都係請0yee出手幫忙先搞好份research 你一句"我都唔識statics, 唔識點做", 咁就唔駛做, 好!!!! ebusiness就更加唔駛講, 你自己有冇做, 你心中有數 0係個power point cut d point落黎 加落去, 你覺得有人睇得明你apply緊邊個case咩 今次...求求其其做左自己果part, 完全唔駛理上文下理有冇矛盾 你唔睇人地點寫, 好!!! 我睇晒再同你講, 你果part要改野, 真係差在捉住你隻手幫打埋落個word入面!!!! 你自己電腦壞左, 又冇返黎學校做, 你唔好同我講你0係公司做啦 不如直接d講句"我係唔改架喇, 要改你自己改, 你咬我食呀?!" 你咪繼績去聽concert, 去BBQ, Halloween囉!!! >>November 1, 2006 at 11:37:28 AM GMT+8 2006 年 10 月 10 日 星期二 【晴】 冇錯! 冇錯! 就係今日!!! 我同恆生終於有個了斷!!!!! 琴日放break果陣, 陪左chole去櫃員機找卡數 忽然醒起, 最近應該就找卡數, (好似係18號), 不過唔記得要找幾多, 就 LOOK LOOK 佢 一LOOK.......有3位數字的銀碼飛過.....咦!!! 唔係化, 冇奶油架喎!!!!! 再LOOK多次, 原來係SAVING ACCOUNT有3位數字.... 咦!!!! $521.8, 多左既!!! 多左呀!!! 冇錯喇!!! 就係多返480!!! 係480呀!!! 呵呵呵呵呵呵呵呵呵~~~~~~ 480終於回到我的身邊!!!! 咪住!!! 有D 唔妥...... 大埔個經理明明講過, 一退返$$$$, 果個理工分行條友會打我手機 通知我D $$$已經入返落我戶口, 點解入左$$$$...我完全收到唔到任何通知 恆生.......你都算毒喇!!! 今日係11號呀!!! 係我SAVING ACCOUNT 的月結 你個狗賊真係卑鄙, 以為我唔知D$$$返黎, 想係今個月又想扣我60蚊呀??? 到時我又去嘈, 你妨你唔會講 "林小組, 你都知道呢個戶口最少要有5萬結餘, 之前你就話唔知扣左$$ja, e+你知左, 所以0呢個月扣的60蚊...我地係唔會退回的...." 所以今日早左返cityu, 0係city間恆生同佢死過!!! 仲可以食個 tea添 一切0既野....我實在諗得太理想喇~~~~~~~~ 以為city間恆生實唔駛排隊啦~ 點知.....條龍排到出晒圖書館!!!! 我頂!! 原來今日係交學費的deadline, 唔怪得之咁差多人排隊啦 仲有d係排隊係交 locker 費...............足足.....我排左成個鐘先埋到櫃面 黎喇~ 黎喇~ 黎喇~ 我今次要冷靜d, 冇謂又氣到橫隔膜痛....... 我同講"取消呢個戶口" , 佢居然同我講"呢個戶口唔駛取消, 我地係唔會收你月費" 唉....我真係要叫你地恆生一聲"大佬"... 你咪再耍我喇!!! 我唔會再信你地!!! 你地間間分間d 人就唔同講法, 根本冇誠信可言 你地收皮啦~~~~ 唔好再同我講咁多廢話, 唔駛旨意再陰我喇!!! 0係我有生之年, 如非必要, 我唔會再用你恆生的服務 ｉｔ ｉｓ ｓｏ ｂａｄ！！！！ ========================================================================== 頂!!! 真係衰開有條路!!! 去canteen 食個 tea........超難食!!!!! 粗製濫做!! 不知所謂!!! 原全同佢既價錢不合比例!!!! 唉....究竟係我口味變左, 定係.....個 tea真係好難食=..= >>October 11, 2006 at 10:17:58 AM GMT+8 2006 年 9 月 24 日 星期日 【晴】 今次收到月結單, 唔知點解今個月呢張我細看左好耐 越睇越唔對路.....點解冇啦啦會收左我六十蚊戶口費用??!!! 之後就起勢咁找返上幾個月0既月結單 原來0係好早前已經收緊我錢!!! 點解從來我都冇收到通知!!! 加上呢個戶口我係0係polyu, 申請信用卡時, 佢幫我開的戶口 好明顯呢個戶口只是用來找卡數!!! 我冇諗呢d爛鬼戶口要放五萬蚊, 唔係就扣錢!! 咁就好笑喇~ 我好記得開果陣, 我問過日後有冇額外收費, 是否終身免年費 果氣友答"係" 我先去開....e+事隔3年就收我錢, 係咪食矇左呀??? 於是搵返晒咁多月結單死落去分行同佢理論!! 唔去由至可, 一去就把鬼火!!! 門口氣友除左個殼比較好睇少少之外, 真係好廢!!! 我同佢講件事, 佢聽都未聽晒, 就係咁叫我去排隊 最基本的門面野, 望下我張月結單的動作都冇, 淨係叫我排隊啦~ 我頂你個臭肺!!! 家陣你係酒樓d 姿客呀?? 諗都唔諗下究竟個客咩事, 淨係叫人排隊 如果我同你講, 我缺樓宇按揭, 你又叫我排隊呀??? ok!! 好~ 我排隊.... 一路排...d 火就係咁起 \ . /+ 我已經好冷靜,好有禮貌同果位櫃台講完件事 佢居然叫我返去搵返3年前的戶口細則睇, 又叫我去返poly分行搵返個staff 又話咩畢左業冇乜冇物, 最好笑係...佢話我呢個情況好少有, 叫我去問下d 同學仔有冇咁0既情況 條你拿差星!!! 家陣你唔係恆生分行呀??? 叫我搵返3年前的野, 我同你講份野仲0係屋企你信唔信呀?? 3年前的rules, e+0岩用咩~ 你咪耍我啦!!! 我0岩0岩先拎左有關呢個戶口0既章則, 上面清清楚楚寫住畢業後首3年是免費 唔駛收月費, 最重要係, 當年我開果陣, 條友真係同我講係唔會收月費, 是 終 身 免 年 費 咁你理咩我究竟是否畢業呀?? 咩叫終身呀??? 我一日未死你都唔駛旨意收$$啦~~~ 搵返3年前的staff去問??!! 你用下腦啦~ 3年前0係度做0既人, 點知今時今日仲會唔會0係度做呀?? 你自己3日後都唔知仲0係唔0係度做啦!! 死part time!!! 最後呢氣友俾我鬧到佢叫我冷靜d..... 你咁0既豬樣加態度,你叫人點冷靜d 呀??你檢討下先啦~ 你個fd做緊個客, 又唔專心, 0係度答嗲~ 最後0既收場都好慘... 我認當時我好串咀兼火爆, 不過冇啦啦收我$$$$, 仲收左唔只幾個月, 係半年有多!!! 大拿拿四百八十元正呀?? honey!!!! 之後...有個阿姑出黎接手我個case(應該高級d), 話同我check返, 會全數退回$$俾我 不過...都係0係度陰我囉~ 叫我cancel左個戶口, 開過另一個, 又話咩信用卡又要收月費 根本係一大堆廢話!!!! 我cancel左, 你仲會退返$$俾我, 你唔好當我咁天真啦~ 你講咁多做咩先~~你理我個戶口cancel or not, 你退返d $$返黎我再決定啦~ 我係cancel自會打上card center, 唔駛你粗心, 冇野搵野黎做!!! 由頭到尾, d 態度都好差, 完全感覺唔到侉地係serve緊我, 不知所謂!!!! 極度唔all like 恆生, 我決定撤資!!! 將所有0係恆生所有的野, 全部cancel !!!! >>September 25, 2006 at 3:37:19 PM GMT+8 2006 年 9 月 3 日 星期日 【晴】 今日係返學0既day1, 上呢個 business process analysis 個 lecturer真係..............好唔得囉!!! 完成唔知佢講緊乜, d 英文十足十d 同學仔present果種 十句唔埋就講"um.......how to say it......" 真要命=.= 所以我地4人0係上 lecture 0既時候己經討論是否先drop, 下個sem再讀, 避一避呢條友~~ 原本我drop呢科0既意願都未有咁強烈, 直到上tut.......入黎教果條友又係佢呀=0=!!!!! 咁...真係唔好意思!!!! 我同chole 行動一致, 立即去AIMS drop & add.......... 我諗呢個action....係我有史以黎....決定得最快的一次!!!! >>September 5, 2006 at 1:09:25 AM GMT+8 2006 年 8 月 21 日 星期一 【晴】 考完試, 好爽!! 呢個sem又過左,呵~ e+d人真係好怪...定係我少見多怪??!! 0...0 果日考完試同chole 0係火車分手之後, 咁0岩有位坐呀~~(皆因是上水終點站) 一坐低就開始鐘眼眠......正0係呢個時侯有個麻甩佬坐左0係隔離 佢一坐低d 動作好大, 令我不得不望多佢兩眼!! 佢0係佢個gucci 大袋入面係咁鈔係咁鈔, 終於鈔到佢要0既野........ 一舊黑色的物體, 我仲以為是侉0既手機, 因為都好細部下 點知......佢一開機......聽到0既係....gegegegege聲 原來係一個show刨=.....= 此情此境, 我就諗起星爺齣戲"國產零零柒"的對白 "你唔好以為侉係一個電話, 其實係一個show包, 你睇外表以為係一隻鞋, 其實佢係一個風筒......" 我即刻忍唔住笑左出黎XDDDDDDDD 呢個人兄由大圍上車, 一直係咁gegegegegege係咁刨佢塊面, 成車人都睇住佢, 因為都幾嘈下(人少嘛) 心諗..有冇咁大塊面咁多show要刨走佢呀?? 到我落左車都未刨完......0...0 其實真係有d 噁心.....就等如唔好0係公眾場所做私人野.... 最噁0既係.....剪指甲!!!! 仲要係剪到啪啪聲果d 真係好難頂 \ . / >>August 22, 2006 at 5:09:44 AM GMT+8 2006 年 8 月 13 日 星期日 【晴】 返左city溫書, 同0係poly溫書好唔同, 因為大部份時間都係一個人 真係好自由自在, 鐘意幾時走就走, 唔駛約人等人留位 不過到最後都會有人自然會找到我閂關0既地方 問我借notes抄返, 呵~ 呢個sem同阿chole再熟絡左, 佢個feel 真係有d 似楊燕, 都係冇啦啦會癲起上黎 我地一講起做project都有共鳴!!!! group project......no way 啦 >>August 22, 2006 at 5:17:24 AM GMT+8 2006 年 8 月 9 日 星期三 【驟雨】 呢兩個week都冇覺好訓,又要早起, 又要遲返屋企......cityu根本就係我第2個家...我呸 .\ /.凸 成日都搞到我冇k巴搭, 琴日返到大埔仲落狗屎, 點幾先吃飯, 慘慘慘呀!!! 不過e+..................好開心呀))))))))))))))))))))))))))))))))))))) 呢仆街project終於做好晒, 仲present埋添喇 哈哈~~~~~~~~~~~~~~ 唔好理好唔好, 我淨係知我從今日開始有覺好訓喇 yeah!!!!!!!!!!!!!!!!!!!!!!!!!!!!!!!!!!! 要特別鳴謝靈儀出手幫忙, 唔係我份research實冇功課交 愛死你呀^++++++++^ >>August 10, 2006 at 12:33:53 PM GMT+8 2006 年 8 月 8 日 星期二 【溫暖】 今日係newsa生日之外(生日快樂, 又大一歲喇,要乖乖地) 仲係中五放榜..........點解年年中五放榜都係天陰陰, 呢年仲要係雷雨 咁.....聽日究竟駛唔駛返學呢?? 會掛8號嗎?? 咁咪唔駛present囉.....呵~~~~ >>August 9, 2006 at 10:43:07 AM GMT+8 2006 年 8 月 2 日 星期三 【寒冷】 唉.....真係好耐好打日記..... 今日風大雨大, 都要早返黎做research....點知都係做到一pat野咁 一連四days都要返做LEE做露, 個人好忟憎 快D搞好晒D PROJECT啦!!!! 見到就煩煩煩 E+上緊ebusiness tut...又唔知做緊乜..... 好想死........ >>August 3, 2006 at 1:01:43 PM GMT+8
|
人氣: 43497 Design & Scripting by ShowHappy.Net |
Hey ~~~
<br>take