| 日記 | 日記主簡介 |
|||||||||
2004 年 12 月 13 日 星期一 【乍雨乍晴】 頂~~ 太多喇~~~ 唔想讀~~€ 求其搵d 野背左佢算~ 我唔想再同佢糾纏落去 oh~~ god bless me~~~ 冇啦啦中左木馬, 搞左成日部腦先ok 好彩發現得早, 如果唔係就大檸樂 家陣我天堂打到有成十幾百萬, 又有勁多B裝武器 如果TOUCH WOOD"奶"野, 咁就真係"他媽哥池" 我怕我會係年紀最大因網上遊戲武器被偷跳樓死果個~ 呵呵~~~~~~€ 仲有15日倒我就重生喇~ 天堂2 超靚喔~~ >>December 14, 2004 at 4:03:13 PM GMT+8 2004 年 12 月 12 日 星期日 【乍雨乍晴】 沒完沒了0既pmm, 溫極都有, 唉....... 拉訕日日都人頭湧湧, 唔早d返去真係位都冇個 好好彩, 呢幾日都俾我搵到位^^ 十一點幾倒, 隔離個男人就走人, 跟手就有個女仔接上 佢放低左樽水就行開左, 呢d 都不足為奇~ 正當我溫pmm溫到入晒神0既時候, 冇啦啦隔離有人怒吼一聲"咩事呀?!" 一望過隔離...咦?! 點解有另一個男人坐左0係度0既, 乜唔係個女仔霸左先架咩?! 個女仔同個男人講"樽水佢放0係先架" 個男人就應佢"哦~" 之後佢自己又扭返轉頭做自己野 隔左冇幾秒, 佢又問"樽水你架?" 個女仔話"係" 仲講話"我係去左拎我自己d 野過黎先放低樽水架!!" 個男人好大聲話"咩話??" 個女仔靜左, 望住佢........... 個男撲都冇意思起身俾返個位人, 仲依然扭返轉面做自己野 之後仲扭轉面, 扮晒野咁講"咁依家點丫!!?" 個女仔好無奈, 講句" 你咁鐘意坐, 我拎返樽水走囉~" 個男人真係俾返樽水佢就自己做返自己野 嘩~~~~~~咩世界呀???? 咁0既事都有??? 明明係自己坐左人個位, 仲聲大大問人"咁依家點丫?" 分明烚人啦~大叔!!! 好冇品ja~ 唉......如果個女仔堅持唔走同佢嘈多兩咀, 我真係會出聲, 點解佢咁快就讓步??!! 冇guts呀!!!! 冇位坐事少, 俾個咁0既大叔烚事大!!!! 依家d 人真係好離譜, 我同對面個男仔睇到咁, 都不屑mil 個大叔!!!! ps 今日扭到 lemon dale, happy~~ >>December 13, 2004 at 3:43:52 PM GMT+8 2004 年 12 月 10 日 星期五 【乍雨乍晴】 今日唔知做乜鬼, 冇乜mood溫書.... 唉..... >>December 11, 2004 at 1:53:03 PM GMT+8 2004 年 12 月 9 日 星期四 【乍雨乍晴】 我諗...........今日普通話應該平安過渡到 好野~~ 終於完晒d 野 lu~~~ 今日去QT拎返份PROJECT 呵呵~~~ 估唔到一晚時間趕起, present都做唔到都可以有咁0既分數, 大喜!! 阿sir, 你真係仁慈~ 連我自己都唔知講緊乜, 你會聽得明, 勁!!! 六點四改topic, 冇問題!!! 冇pre conlclusion, NO BIG DEAL!!! 超~ 果班咁0既粉腸做左咁多野, 咪又係同我地同分, 食蕉啦~ 講咁多個 P, 咪 PK 囉~ 咁你冇聽過講多錯多咩?! 抵你死!!!! 哇哈哈~~~ 我妻係覺得今次0既EFFORT好抵!!! 嘿嘿.....pmm, 聽日到你喇~ >>December 10, 2004 at 4:07:46 PM GMT+8 2004 年 12 月 8 日 星期三 【乍雨乍晴】 唉.....早知唔問好過問啦~ 問左人普通話口試考成點, 個個都話好深好難~ 死啦~ 以我呢d 茄喱啡, 聽日......九成九係我0既死期 如果我唔知深 or 淺, 我都唔理咁多衝住去就算.... 25%入面都唔知有冇一半.....死火囉~~ 頭先check email, 見到有個trip係去日本 咦~ 日本?! 好想去架呢~ 我話晒都學下日文 我諗去到都唔會係啞, 至少...我係識問人"呢樣野幾多錢?" 如果佢accept俾我去 +有fd 同我去就好喇~~ >>December 9, 2004 at 3:32:25 PM GMT+8 2004 年 12 月 6 日 星期一 【微冷】 嗯......淫賤恩!! 你終於肯生性喇~ 呢幾日都好乖咁晨早返拉記溫書, 進度不俗, at least 跟到個 timetable 真係令人感動~~~ 
今日又扭到新款, 重覆0既有楊燕同阿may呢d義氣仔女幫我哽左 呵呵~~ 其實係我駛橫手要佢地硬食~~  "我冇五蚊喎~", 真係駰得!!
其實我今日真係冇心煸你架, 楊燕.... 我都唔記得左我禽日拎左本FM返屋企....可能我俾阿小小強嚇姪左..... 事源係我禽日同阿MAY分手後去坐火車, 例牌去往尖東方向, 因為一定有位坐嘛 大佬~ 話晒我都俾左成五個八車錢架!! 係唔係訓下都好呀~ 當架車坎返紅磡, 係人都知會有一大埋人衝入黎爭位坐架啦~ okok~~ 當大家坐定晒, 一個吉位都冇0既時候..... 小小強就係我側邊出現, 佢行行行行行, 爬爬爬爬爬, 0係個window走黎走去 噢~~~~真係好嘔心 
第一次咁近距離見到個咁大頭.......... 當時0既我不斷同自己爭扎, 究竟我起唔起身好呢??? 我起左身0既話冇位坐架喇~ 咁我之前做咩要坐 倒 頭 車?!!!! 家陣我求咩ja?? 我都係想坐下訓下ja, 點解咁對我?!!! oh shit!!! 小小強越行越埋, ok!!! 我俾晒你坐, 我走~~~~~ 就係咁......我係企到落車....... 所以今日我有d 咁難常0既行為, 係唔怪得0既!!! 都好啦~ 等你睇下我locker有d 乜野, 你清楚晒啦~ 連"薔薇之戀"VCD都俾你搵到, 勁!!  不過真係估唔到你會咁白痴...呵呵~~~~
出左拉記你居然冇帶銀包, 返唔到入黎, 仲要打電話黎俾我求救 0係呢個時候, 你係咪估唔到我會講"你買蛋卷, 我就落黎!!!" (蛋卷係我扭蛋重覆左三四隻) 哇哈哈~~~~我都估唔到我會嗡咁九格, 溫書真係會令到個人失了常........ >>December 7, 2004 at 4:10:56 PM GMT+8 2004 年 12 月 4 日 星期六 【颳風】 總之我今日好開心..... 非筆墨形容 >>December 9, 2004 at 2:54:01 PM GMT+8 2004 年 12 月 4 日 星期六 【颳風】 嘻嘻嘻嘻嘻~~~經過上次俾阿may"幢"過之後, 我今次醒喇~~ 我7.30就起左身, 咁早做乜鬼呢?? 就係返poly溫書 當我正準備換衫出門口果時, 忽然靈光一閃..... 拉記今日開唔開?? opening hour係幾多?? so, 我就拿拿聲上網睇睇先~~ 呵~ 今日係開一點至七點, 好在冇晨早返左去, 唔係都唔知點算囉~ 好野~ 呢一次係我第一次"成功避屎", 冇踩到落去呀~~~ 嘿~
咁早....做d乜好呢?? 就係去左洗頭+download天堂貳章+落街買野俾老細開餐 睇見佢地就心酸．．．我呢期日日晏返就冇買到野佢地食 屋企人就唔多理佢地兩個......很悲哀呀~~~~  就黎有得玩新版喇~ 好期待!!!
不過點都要到29號先可以全情投入~~ 29.....普通話......一諗到呢個筆試得果15%就冇咩衝勁去讀, 真係唔係好想理鬼佢~ 禽日溫到兩課BS+做PAST PAPER+一課FM．．．好開心！！ 為左獎勵下自己，我決定買ｃｈｉｐ ＆ ｄａｌｅ０既ｓｃｈｅｄｕｌｅ 係！！我話既！！我一定買到返黎！！ ｐｓ ＳＨＥ隻新碟真係 爆 爆 爆 好聽！！ >>December 5, 2004 at 1:23:47 AM GMT+8 2004 年 12 月 2 日 星期四 【微冷】 好野~ 今日終於完晒喇~ 最重要就係PTH有得做FSQ喇!!! 等左咁耐....等到喇!!!! YEAH!!!! 煮死佢!!! 煮死佢!!! 煮死佢!!!! 識到SUKI呢個人真係好喇~ 二話不說就幫到我, 真係好多謝佢^^ 嘩~~~ 梁思浩CROSS OVER郭晶晶 
>>December 3, 2004 at 7:44:30 AM GMT+8 2004 年 11 月 30 日 星期二 【酷熱】 第三隻.....好灰...... >>December 1, 2004 at 1:30:45 PM GMT+8
|
人氣: 43499 Design & Scripting by ShowHappy.Net |
Hey ~~~
<br>take