2005 年 1 月 11 日 星期二 【颳風】

<<被發現>>

日記終於被人發現左,睇到係咪同平日個我好唔同?of coz,我都有野講ma,阿豬先生,多謝先,咁比面update我info

終於都send左application letter出去,希望得啦,可以轉下,成日都覺得响果間野係獻世咁,真係o徙時間

>>January 12, 2005 at 1:50:58 PM GMT+8

2005 年 1 月 10 日 星期一 【微冷】

<<普通>>

好小心情好似今日咁,完全冇咩起伏,全日都係做下的無謂野,打下機,彈下歌,又一day,就算我睇到個result,都冇咩大變化,真係唔之好定唔好,知道輸左錢,又冇反應,日日係咁都唔錯

>>January 10, 2005 at 11:16:55 PM GMT+8

2005 年 1 月 9 日 星期日 【晴】

<>

哩幾日都係非常得閒所以冇咩發生,最特別咪係响一日之內同一時間撞到晒d舊同學lor,家威,hoho,韋文,我都話有緣的話真係避都避唔到啦, 希望今日又會有d難忘野值得我記住

>>January 21, 2005 at 12:48:39 AM GMT+8

2005 年 1 月 6 日 星期四 【颳風】

<<哥哥>>

今日又同豪哥去左青衣城飲下午茶,過一d亞伯式生活,之後當然係去馬會,點之咁都見到宗哥,又一次証明左世界真細小

放工時,臨走時唔小心整親自己隻手指,勁流血....返到屋企我都冇理佢,自己都唔理佢,不過個衰哥一返到黎,佢又好鬼熱心地幫我清理傷口,真係好鬼兄弟情深,好,不過佢依然有好多缺點呀

>>January 7, 2005 at 11:09:30 AM GMT+8

2005 年 1 月 5 日 星期三 【颳風】

<<心淡>>

今日夜晚返到去,竟然話叫我唔返,又係七點15分先打黎,我都到左樓下,個阿姐先叫人唔返,真係好頂佢唔順,都係哩度打完就唔嬲啦,費事side氣.叫我去第二組,又要我搬野,又要我做埋d無聊野,好失望.

希望我可以快d搵到另一份工啦,唔駛再每日都有d心up的機會,出黎做野真係唔可以攞個心出黎ga,唔係棧自己唔開心

大學生,有人話係垃圾,不外如是,唔好諗住出黎可以位高權重,要腳踏實地,由低做起,不過你叫我做埋d自己都覺得無聊o既事,又係咪好呢?係做先算肯捱,定係要順從自己個心?大丈夫,有所為,有所不為,哩句應該答到我的問題呱

不過,我怕我又會因為唔想同錢作對,第日又為賺d咁o既錢而唔開心,都係第日先再諗啦.總之搵到就走,係咁話啦

>>January 6, 2005 at 12:54:07 AM GMT+8

2005 年 1 月 4 日 星期二 【颳風】

<<零五年第一次開工>>
今日終於開番工,都係補習同返bv姐

補習個小朋友實在太唔長進,遲d就後悔,真係教到冇癮

bv......真係有d唔想返,好冇癮,一年前我都仲返去,而家真係變左,不過阿can待我依然幾好,我只係服佢炸

今日要記住:最醜陋的情緒係怨恨,正所謂:不應有恨,何時長向別時圓,一念天堂,一念地獄我做人都係要比自己多d低能時間,咁會開心好多

>>January 5, 2005 at 1:03:08 AM GMT+8

2005 年 1 月 3 日 星期一 【晴】

<<宗哥出事>>

今日其實都仲係放假,又係無聊中,去左馬仔屋企耍,不過出事啦.......

我去到馬仔度,其實又唔係真係咁凍,不過我見到宗哥又震震下,咪叫佢帶我條頸巾,佢又話唔駛..
好啦,下午茶時間,我地三個人落去美心食下午茶,都好鬼貴,又唔係好食,物價真係又再升番.宗哥响餐野唔係食好多,一條腸炸

會合左大門,一行人又再番去玩,哩個時侯,我叫宗捲住張被黎玩,中間佢食左啲正露丸.

七點到我地走去諗住食dinner,不過佢响地鐵中表現非常不適,面青口唇白,真係好得人驚,我地咪立即走去仁濟睇急症,搞左三粒鐘,佢爸爸黎,事完

諗落,其實好似唔關果餐tea事,因為我都有食ma,不過,最錯就係我地唔記得之後叫佢食番小小野,失策,不過我地都幾衰,之後走左去食火煱,正人渣

p.s.聽到佢話有休克同見到佢個病樣時真係好怕,怕唔知點同佢屋企人講呀

>>January 4, 2005 at 1:09:58 AM GMT+8

2005 年 1 月 2 日 星期日 【乍雨乍晴】

<<第一次的演唱會>>

今日係我第一次寫日記,2005年,希望有啲好習慣可以發展一下

kelly,真不愧係我第一個鐘意的明星,我終於都可以睇到佢o既演唱會,紙醉金迷果個.哩個係我第一個自費睇的concert,雖然係山頂位,不過都好"交興",因為係自己偶像ma(第時我一定會買握手位),一路好多朋友都知我鐘意睇kelly,不過細個時冇錢,大左啦,可以滿足一下自己啦.今日同豬肉去睇,都算唔錯,帶我遊佢間高尚學府,又帶我去食煲,冇識錯你

我發覺其實聽concert應該係同你的另一半去睇先係最好,原因係咩我都唔多講,不過今日兩個佬去睇都唔錯,起馬有話題ar

第一日打日記,唔想講咁多,希望我會keep住打啦

P.S.陳慧琳真係好靚,我好鐘意佢完場前紅色果套衫

>>January 4, 2005 at 12:49:03 AM GMT+8