2005 年 7 月 30 日 星期六 【晴】

<義工>
過去兩星期,我接受了黃潔麗的邀請,到了深培中學當補習老師,當中真係有好多得意野阿.......
我係1f的班主任(其實我都估唔到自己有一天真的可以當上班主任),我果班好乖的,好多女仔都好靜,有的仲好得意,第日大個一定會係個靚女黎的,不過可惜,有幾個成績都麻麻,楊雅玲,郭善行,劉家汶,佢地幾個給我印像較深,因為我每次叫佢地做數都冇次得。至於男仔,有個叫邢家豪,我覺得佢真係好似我,佢又係果d成日都唔出聲,高高瘦瘦的,所以我有d偏心,比個進步獎佢。仲有個叫許晉章,我地都叫佢做許晉,佢係超醒的一類,其他同學都係多咀同學,佢地真係好好好鐘意駁我咀阿。劉進彥就係第一個比我叫佢坐開一邊的同學,我果日真係好惡,搞到佢地好怕我,另一個叫楊志樂,佢係唔係都會舉手,好鐘意有表現,唔識都照舉手,真係比佢吹漲。另一班1e班,印象其實唔係太深,得幾個記得。溫卓其,佢係果d好鐘意動手動腳的小朋友,年紀尚輕,其實只係想引人注意姐,我諗如果佢可以將其小聰明用之於善,一定可以有好成績,班上仲有幾個女仔,好鐘意串我,巴咀真係利到殺死人,好彩我夠道行,頂得順。
p.s.我被人叫我做奶媽.....夠鐘喂奶la,小朋友

做完義工老師,就係去camp,入面真係好唔合我哩個「壞人」,我......真係唔識合群,我第日入hall,希望會好返些少啦

>>September 1, 2005 at 7:34:21 AM GMT+8

2005 年 7 月 10 日 星期日 【晴】

<搵工難>
好耐都冇寫過日記，因為放假關係我自己都懶左好多，日日都睇ｔｖ／打機／出街。
見工？？冇呀！份份都係有欺騙成份，叫人點去見呀，好似果份易通書院叫人去做課程推介，冇ｂａｓｉｃ　ｓａｌａｒｙ的，ｎｅｗ　ｙｏｒｋ　ｌｉｆｅ下個月又叫我去ｉｎ，我自己都唔想做的，點ｉｎ　呀．．．．．我其實份人係有ｄ不甘平淡的，但又好貪，但又懶咁就大鑊啦．．．．．．．．．

>>July 10, 2005 at 8:40:34 AM GMT+8

2005 年 6 月 21 日 星期二 【晴】

<無聊到我曉飛啦>

按題目的提示,都可以知道近日的我係無聊到痺,我而家唔駛返工,又唔駛返學,真係得閒到飛起,我日日坐响屋企打機,日日係咁email出去,係幾空閒ga,不過,只要一諗到今年之後我就冇時間玩,又會心情好返些少,聽到人地的消息,一d人又有工做,一d又話去旅行,真係頂...點解佢地可以厚住面皮咁同老豆老母攞錢嫁,唔通真係仲細咩??我以經好耐都冇同阿爸阿媽攞錢洗了,不過仲有好多好多地方都係食佢地,所以你話叫我去問佢地要錢去玩去買野,真係唔夠膽開口,今日打打下唔知點解會離題,作文的話我就要食蛋了....

>>June 21, 2005 at 11:25:31 PM GMT+8

2005 年 6 月 16 日 星期四 【晴】

<我係一個貪錢仔>

今日仍然係放假,我仍然係响屋企得閒,中午叫了大門上我家打陣機,晚上咪同豬肉一齊去配眼鏡lor, 不過......

當我回程途中,收到家威來電,佢話交通銀行聽日招估書deadline,問我有冇諗住入,我聽到之後,個人當堂心動,好想乘機賺下錢ma,之後咪同佢地(加埋edwin)一齊吹,我自己本身唔係一個有錢仔,所以投資對我來講真係要好小心,我好怕輸錢的~~後來聽到爸爸講,賺盡都係得豆潤咁少,扣埋手續費,把鬼....我又打消一切念頭了

>>June 16, 2005 at 12:16:38 AM GMT+8

2005 年 6 月 14 日 星期二 【晴】

<放假lor>
尋日咩都唔駛做,我叫左chung,大門,康少來我家玩,大約兩點,就去打羽毛球,兩小時的激戰後,我當然疲倦不堪,夜晚又同佢地去左唱k,都幾貴呀,我而家冇野做ma,又變番窮人了,有時錢都都幾緊要...

>>September 1, 2005 at 7:35:24 AM GMT+8

2005 年 6 月 12 日 星期日 【晴】

<愛.作戰>

今朝一早睇左一套戲,其實冇咩特別,最令我有感的就是開場的十幾二十分鐘,描寫一般情侶的相遇,吵架,分手,好似好普通咁,但又幾細膩,可惜的是我只可以在電視電影中感受,我希望可以親身體會一下

夕陽無限好,哩首歌我近日天天都起馬聽兩次,從絕情谷中,聽到陳奕迅親身解釋左歌的內容,我聽左覺得好矛盾,世事無常,好事往往係短暫,但又係咪真係咁可惜??又唔係,因為"好風光多的是,多陽平常事然而"每天眼見的永遠不相似"好事總會在明天發生的,要正面呀

>>June 12, 2005 at 2:37:55 AM GMT+8

2005 年 6 月 10 日 星期五 【晴】

<要我忍??>

忍左兩星期,我終於要爆發了,日日比人當狗咁鬧,又喝,又小,真係再聽落去都冇意思,我係一過人,人係有尊嚴的,斷唔會為左錢而甘心比人鬧到我一面屁,「你咩都驚,不如唔好做啦,我唔去整影印機,就咁你法,你詁你真係大晒呀,一路都忍...........今日終於叫左我下星期一出去灣仔做跟車,我真係冇咁笨呀,咪發功囉........!!!!!!
放工後,立即打比呂生,in我果位高級,跟住咪爆晒所有野,唔do姐,自己人都爽晒,哩d咪就係guts囉
响哩度o既經歷我一定唔會忙記,因為我要記住哩個世界係有一d變態的人,自己要點先可以同佢地相處?一係你自己都癲埋啦,唔係就係咁先

明日起,又要再為工作而煩

>>September 1, 2005 at 7:36:35 AM GMT+8

2005 年 6 月 7 日 星期二 【晴】

<不快的一週>

本週記寫作時,我的心情很不愉快,又係為左一份暑期工,真係好令人失望,話我做野唔帶個腦,又話咩關人隱士,滿口污言穢語,不知所謂,仲叫我去搬野,同見工時的協議完全唔同,我要同佢攤牌!!!

>>June 7, 2005 at 12:29:57 PM GMT+8

2005 年 5 月 29 日 星期日 【晴】

<暑期工+睇戲>

暑期工開始了一星期,頭三日返到去都好唔開心,因為我一路返,一路比人鬧到飛起,又話我有問題又話做我老師好辛苦wor。我知有人會唔like我架,因為我做野時只係要坐响office入面,仲有冷氣,哈哈,好似幾high 咁(唔駛搬野la),我比d人憎都唔奇ar~~~而家開始上手啦,d野其實係低b野,有時間比我上高登tim~~但係要我日日都5點8起身真係殺死人,日日都好攰架......

星期六,上埋最後一堂結他班,就去左荃灣同朋友一齊去"再"睇一次starwar...奇怪的事,我居然買左上次一樣的座位,如果可以的話,我希望果個位會成為我的專用位~~~~(太低b了)

>>September 2, 2005 at 9:28:36 AM GMT+8

2005 年 5 月 21 日 星期六 【晴】

<睇星戰>

尋日張懷烈返黎,我咪同佢地一齊去左數碼港睇戲law, 幾奇怪,成日都去一d咩都唔知的地方

數碼港都幾大,又幾靚,烈話似巴比倫的空中花園wor, 似唔似我就唔知,因為我自己都未見過,哈哈,不過靚同high class 就係真o既,

去到果度,威勁話餓,我地咪去search for food , 真係攞命, 度度都咁貴, 最後都係去百佳食一d超唔好食的燒賣。

套戲就真係好睇啦, 我哩個小男孩一睇到d 光劍"嗚嗚"聲咁打就好興奮啦

最後,我就去左旺角攞番個結他,在此先多謝阿忠

>>May 21, 2005 at 1:41:02 PM GMT+8