2005 年 9 月 7 日 星期三 【晴】

<夜遊尖沙咀>

受到朋友的邀請,我去左太空館, 睇果d 咩星象巡禮, 入到去坐低,只見黑馬馬, 咩都睇唔到,又只係聽到有把係咁up, 係咁up, 哈哈,我都唔知條友講咩,不過望住個假天空都幾舒服ga, 好似咩都唔駛諗咁,最重要的是...... 其實天上的每一粒星都只係宇宙入的一個星球,但係幾個幾個一齊時就有一個一個的故事, 仲要係會神話化添。 其中講解員說笑的話牛郎星同織女星相隔唔知幾多光年,係唔會相遇的,但是如果故事轉為兩人永遠分開, 又會唔會太殘忍呢,所以古人真係有詩意, 人地一年先見得一次已經好慘啦, 唔好咁對佢地, 繼續保持心中的傳說吧。

睇完介紹,我地就沿海旁行, 經過見到會展的地方,我停下來欣賞一會,卻被友人問是否有不快的故事,哈哈哈,望一望姐,可能我個樣似呱,冇樣睇ga。

去到尖東,食左一餐飯, 之後一齊去睇戲,「千杯不醉」,其實整晚最開心的就是在這一刻,不停笑......好!!!

最後, 要走了,我遲了,還上錯車,不過好彩錯有錯著, 反而趕得切~

開心的一夜, 就此完結, 呀,最後仲買左糖水比大學同學食。

p.s. 我好鐘意stephy的「藍鞋子」

>>September 8, 2005 at 7:06:33 AM GMT+8

2005 年 9 月 6 日 星期二 【晴】

<第一日住hall>

今朝一早返學,搭車時,居然被我見到ronald, 真係有緣, 如來佢而家讀緊master, 做hall tutor, 勁勁勁

之後返到學校,忽然收到學校的電話....

上左兩堂後去了屯門巿中心買小小野,然後返hall, 接下來,我會介定為hall 的生活開始了,其實今晚校長不在,我本來會好悶,好彩,有個朋友陪我 icq 打發了整晚時間, 第一晚都幾開心呀~

中間發生過小插曲,好似話隔離hall 有火警wor

其實我自己覺得宿舍生活都幾無聊ga, 只係我唔需要返屋企姐

>>September 6, 2005 at 2:04:27 AM GMT+8

2005 年 9 月 4 日 星期日 【乍寒還暖】

<又去教會>

今日又受到中學同學的邀請,又去左佢間教會度,幾好呀~聽下耶穌, 不過我知d 朋友實諗我醉翁之意不在酒, 哈哈~ 都係咁啦,聽下,唱下, 走人......

走人後,同左個朋友食野,席間其實我知道佢好唔開心,咪講d 開心野law, 好多謝佢咁被面聽我講咁多廢話。 點講呢? 我自己都唔知有咩好講,不過尋日我諗番首舊歌, 劃火柴---劇場版, 上下集, 入面東東up 左一段野, 都幾有意思, 我自己以前唔開心時聽過,仲唔開心, 因為......所以呢,都係 唔好聽啦。

朝早,睇左集日劇,叫「好想好想談戀愛」聽個名就知係純愛故事啦, 就咁睇好似人人都有條線發生,中間個主角講個:「女人就好似月亮,你往往只見到其表面」又好似係。

最後, 大門聽日就返大陸開工, 我祝佢工作順利,要等埋我上黎呀!

p.s. 回途時,忽然遇到車禍(其實只係小意外), 好彩姐, 諗起....「如果我有事」

>>September 5, 2005 at 7:43:01 AM GMT+8

2005 年 9 月 3 日 星期六 【酷熱】

<錯過>

今日同大門睇完「人細鬼大」(套戲d 配音好頂癮), 之後就行去旺角,諗住買上星期見到的一雙鞋,上星期見到間鋪頭就黎關門大吉,對鞋減左2xx 蚊, 咪心動囉,成個星期都想去買架啦, 可惜日復日,我都唔得閒。直到今日,我行去買, 點知真係執左, my god~~ 個天點解咁對我, 我係有心買架,我係真心想買, 可惜。

機會可一不可再,見到鐘意時點解我唔買呢?我只係果刻覺得好似好貴,就猶豫左, 諗左一星期,始終對雙鞋念念不忘,到而家冇左,我先至後悔,塵世間最痛苦莫過如此......我對 timerland ar~~~~

2005 年 9 月 2 日 星期五 【清涼】

<搬野入hall>

今日我搬野入hall, 叫左大門 同chung 幫手, 電腦加啞鈴加衫, 唔重呀~

原來佢兩個都係好少入屯門,搞左佢地成日, 真係唔該呀, 而今日搬野入去,亦意味著我的住宿生活即將開始,我會過得點?同同房相處得好嗎?我會唔會又好自閉呢?都唔知

不過返來時,大門佢話老竇有d 煩野,都幾煩嫁, 不過又引申出~應該人人都有d屋企野會令人覺得好煩,我都有,你都有,冇計,屋企人,關係一出世就定左,你要接受呀

>>September 2, 2005 at 11:53:19 PM GMT+8

2005 年 9 月 2 日 星期五 【晴】

<九月一>

九月一,咪開學lor,最後一年做full time學生, 明年今日.......應該為工作而煩惱呱
一入宿舍,間房好大陣傢俬鋪味,加埋我地o既殺蟲炸彈,肯定咩都死,不過罐野成六十蚊,好貴唷~

仲有....我的日記link由今日起會post出來,比人睇o下啦,晨早同下午都聽過唔同朋友話post o下野比friend 睇,咁就開放出來啦

今日放學後,又約左葵涌邨的朋友食下午茶,不過去之前,我返左bv 比野阿can, 佢話我大個仔左wor, 即係外表又老了,都好,我近期要轉戲路ma,不過,曾經同過一個朋友傾過,佢話我個樣似好成熟咁, 我就响哩過point 上打個問號,因為我只係二十二歲,做得多野(esp 保安) 唔表示我老呀,我....半成年only

>>September 2, 2005 at 9:25:10 AM GMT+8

2005 年 9 月 1 日 星期四 【晴】

<請假唱k>

我真衰仔,為左唱k,我連暑假工都唔返,仲要吹水話要返學,正賤人。不過咁,該日的聚會係會難先約到的,,所以先至去姐,冇計啦。不過話時話,我又唔係想扮勁認叻,我覺得自己唱k都唔算太差,不過又唔係好

暑假工,last day, keep on my style, 成日蛇去食野,又訓覺,唔緊要,都最後一日啦。都好,比我可以見到咁多做新聞的過程,都叫有野學,又比遇到舊同學。

補敍:
前個禮拜返左深圳,同豬肉同家威一齊去,之後又去過玩桌球

>>September 3, 2005 at 12:18:49 AM GMT+8

2005 年 8 月 22 日 星期一 【晴】

<自己好爛玩>
點解有個咁o既topic? 因為我近日放工後成日都掛住約哩個, 果個出街,星期六日又出左街,其實我都可以坐响屋企打下機,睇下電視姐。
上星期,有試過約人去買泳褲,去果d騙錢的樓上cafe,去睇冬蔭功,去跑步......打到我都唔想打。
近日我仲成日返工時訓著左,當我一坐定响電腦前要我打字時,我就一定會釘眼訓,仲衰過阿宗,所以呢,我之前真係唔應該咁嬲他的態度,因為自己唔係比佢好好多。
今日見到簡同學......有時見到身邊朋友有好發展,我都會自己不其然唔開心,因為我的前途好似好冇出色,唔會有咩突破,想發逹?下世啦~ 不過咁諗又真係好唔健康,因為人同人係冇得比的,每人都有不的經歷,你覺得人地好,人地可能又覺得你好,我以前都覺得自己好大個,不過,其實又點會呀,我好多野都未試過,我好想係咁玩,响半成年的階段不斷玩,
頑皮也不過十年廿年吧, 如果真係未任性過就老化,咁我咪錯過一個重要階段?!所以呢,玩啦, 唔怕嫁,haha,

>>September 2, 2005 at 9:26:27 AM GMT+8

2005 年 8 月 15 日 星期一 【晴】

今日我好興!!因為遲到,我都知遲到其實係自己要負的責任,唔應該怪人的...

>>August 22, 2005 at 11:33:44 PM GMT+8

2005 年 8 月 4 日 星期四 【晴】

<新工作>
做左幾日野,都幾開心,點解?因為份工有d hai,日日係咁count d router 呀, 電腦呀...... 好彩有朋友一齊做,如果唔係都會幾悶, 日日都對住d 機器, 野都冇野講。公司都幾大,人自然多啦, 不過,身為一個暑期工,我都冇咩心情去同d同事渾熟,如果係以前的話,我一早同佢地傾下計啦。遲d好似我要落site做,去唔同地方登記,應該會幾辛苦,不過咁, 我試過一個月的無聊日子,真係攞人命呀,所以我學會了珍惜兩字,有機會就要好好珍惜呀,錯過了,或者第日完了,一切過只會成為你的回憶。所以呢,我每次見大門佢地,豪哥,豬哥同家威哥一齊時都會開心d。

其實日記哩家野,唔應該係私人性質的嗎?何以大家都鐘意公開呢?真費解

>>August 4, 2005 at 11:55:54 PM GMT+8