2006 年 1 月 1 日 星期日 【陰晴不定】

<零六年殺到啦>

咩都唔講,先同大家講句happy new year~ 祝大家响零六年會開開心心啦。

講番個聖誕節先,第一次上雙魚星號,開下眼界咁啦,不過細佬我唔好賭,上到隻船真係冇野o岩我玩,睇下d 老套的表演,有無上裝的艶舞睇,可惜我興趣不大,咪傻耕耕咁睇肥媽私房菜同有線電影3台囉,不過就食左好多野就真。

之後馬不停蹄咁坐船去馬交,未出發已經先興奮,我地居然去錯商場,仲以為係中港城添,點知一問人,真係肉酸到痺。今次個trip 同家榮+佢女朋友+我地,都幾好玩呀,不過d水係咸的,所以好難飲,好似話連沖涼水都是咸的,死未。行程中最難忘的還是旅遊塔,有度得塊玻璃,望到條街,成六十層樓高,我都腳仔軟。

哈,十二月三十一日,又即係今日,我同大門送左袋唔知係鐵定係鋼的金屬入大埔,可惜約左人,未能今日食你的下午茶,這一餐我不會忘記的,我等你~~
晚上諗住睇下戲,然後倒數迎接新一年(好老套,好幼稚呀可?)睇左套弱智兒童文學,harry potter,頂,真係唔啱我睇,我咁高b。

訓啦,聽日約了人,希望可以同到佢飲茶啦。

>>January 1, 2006 at 2:44:15 AM GMT+8

2005 年 12 月 26 日 星期一 【晴】



上星期五,可以算得上是把所有功課,考試都一拼完結,整個學期最辛苦的都可算是上星期。由一至五,我都沒有好好的睡過一頓。

星期一考data com, 由於明知哩科是多勞多得,所以,我溫完又溫,係咁睇,都總算ok。之不過我的隔離位個exchange就真係睇到我眼都凸晒,佢居然响未考之前就反轉份卷,阿sir睇唔到姐,都唔係咁呀化,之後仲要早走tim,勁!

星期一的晚上,真教我想死,narrating hong kong......佢比左一大疊筆記比我地睇,還掂哩科都冇書要溫,咪睇下law,唔睇由自可,一睇,唔得掂,我完全唔知up 乜,正當我苦惱之時,電話震動起來,那時我說笑式問:「你知唔知什麼是青年?」你居然一口氣講了一大堆文章內的東西。天呀,那一刻我雖身處走廊,但我亦難掩我面上的喜悅,實在太「叻」了,我當堂想寫個服字比你,之後我好似開左竅咁,又再從新看一篇,到四點sleep =__= zZzzZ

星期二晚上，其實都冇咩精神去溫　ｃｈｉｎａ　ｍｋｔ,因為經過narrating 的洗禮後,我已經好攰啦。但係,明知china mkt 係要背先至得,我又點忍心去訓呢?我咪係咁溫書,果晚溫到人都HIGH HIGH 地,又三點......

考完試啦,開心啦~~我都想,仲有份individual narrating assignment。 頂!我真係諗唔到寫咩。回馬鞍山的途中,你居然又可以說得頭頭是道,有左靈感,咪有野寫law,結果响做節之前就搞掂左9成。

講番做節,阿嬏煮果餐真係唔錯,可惜要返學夜做project,所以都唔留得耐。中間有一段小插曲,我問子陽點返屯門時,居然全家人都一齊教我如何如何轉車,七咀八舌,哈哈,笑到我~~~佢個個都咁講:「拿,你聽我講......」人人都係咁同我講,我都唔知應得邊個。

回到學校,我就著手做data com 啦, 其實都係唔識嫁啦,不過我地成group 人途中走開左,security 居然鎖左門,我地都冇得做,仲要企响果度理論左一陣添。冇得做,點算?組員阿mark 佢攞佢部私伙野,我地就在common room 內做project, setup, 打report,好攰呀,通頂......我未試呀ma。不過好彩有部有線响度,我地睇左成晚,足足四套電影,又爛又好笑。一早present 完我就去打埋個三千字然後同d同學仔同阿sir一齊食lunch, 都算係揼心口啦。食完交埋功課,真係呼一口氣,鬆晒。

星期六,平安夜的早上,我一早起身就開始泡製cookie,好彩都做得到,唔算差,係燶左d (特別鳴謝:朱茵) 佢好似好開心咁,都好~~~件衫好靚

終於講番到琴日,我去左元郎觀禮呀,又行吓,响果度選擇左一間麵店吃午餐,得牛腩同牛丸揀,好食。晚上去jade所搞的聚會,我地買左份禮物廿蚊,都幾好,不過就包得肉酸左小小。

睇番都幾多野做過呀,打到累了,收筆。

p.s. 放假就要多珍惜啊,不要想著四圍去,靜靜在家,其實也不錯呀。


>>December 29, 2005 at 11:08:06 PM GMT+8

2005 年 12 月 14 日 星期三 【晴】

<繼續溫書>

好悶呀,日日都係溫書,又凍wor,手冷腳冷咁。

昨日考左一科,fm, 唔該家威先,成日都答我,見到d人係咁早走,三個鐘的exam, d 人個半鐘就開始閃.......真係「令我極費解」我咪死磨爛磨law,打死都唔走。

考完,頭痛,真係人蠢的話,要用腦都辛苦d。仲有三科呀,真係要比多兩錢肉緊。

>>December 14, 2005 at 11:28:35 AM GMT+8

2005 年 12 月 8 日 星期四 【乍雨乍晴】

<病>

前晚吃晚飯時,可能因為太焗,自己身體又太差,所以暈暈地,果晚都冇精神去溫書,咪睡在床上溫書law, 不過有經驗的人都知道在床上溫書是不可行的,是自欺欺人的讀書方法。在讀唔入腦的情況下就睡著了。夢中,我不停撘咀,又被同學們踢了一身,睡眠質素極差。醒來時,真的全身也疼痛起來,好不舒服。後來在同學陪同下看病,原來有低燒~吃藥後的副作用令我不能集中精神去溫習,考試時,身還是痛的,答了一pat 野,好彩分卷係屬於9唔撘8的一類,所以應該都有很多人溫了如同無溫。

病中,我要多謝我的同學的關照。

我更要多謝你,屯門咁遠你都願意入來,一碗湯,多謝,我還要多謝你借我用的頸巾,你送我的冷帽。
細心,感到溫暖。
多謝你讓我陪你看電影,讓我陪你坐車。
很露骨,但衷心的,最後用這句作結:
「我覺得好感動,唔知點解我好想喊,多謝你地 !」

>>December 8, 2005 at 10:44:28 AM GMT+8

2005 年 12 月 1 日 星期四 【晴】

<閒日都有假放>

simply to say, 唱k, 踩單車,食飯,睇戲,都幾攰,雙腿發麻。

我昨晚終於解開了幾個月來的疑問,盡力避免啦,我不知道當時的他幹了些什麼,可能我也會重犯他當時的問題,請提醒我。我知道你口口聲聲話:「唔改嫁啦~」但我不相信啊,一切也是「漸」。

近日煩令一樣野......我係咪真係小氣??面子緊要d? 但我自己都唔高興wor...

>>December 1, 2005 at 2:43:44 AM GMT+8

2005 年 11 月 28 日 星期一 【晴】

<週記>

今星期,我身邊的朋友都經歷了不同的大事情,雖與我無貼身關係,但仍想在此記下來。

家威佢開心呀,要努力d,我相信我們不是同一類人。

大門,有兩份工請,可惜要賠上幾千蚊,算啦,不要忙記你層經得過一筆又是差不多五千的賠償,政府工,你爽啦!

你在過去的一星期由早做到晚,披星戴月,我感受唔到你的疲倦,昨天見你東奔西走,還能一臉笑容,我打從心底的佩服你,在這方面我不及你啊!

>>November 28, 2005 at 9:03:06 AM GMT+8

2005 年 11 月 22 日 星期二 【晴】

<話我白痴......>___< >

哈哈哈,今日行程:
屯門返屋企,屋企出黃大仙,再入去,再返屋企。
被人話我:「吓,咁白痴?!」
睇番都真係幾白痴嫁,不過我鐘意呀~

比我get 到我心愛的歌的另一version,兩個版本的歌詞改了小許,幾得意,比大家聽下

>>November 22, 2005 at 8:39:27 PM GMT+8

2005 年 11 月 21 日 星期一 【颳風】

<小學式週記>

這星期很快樂,我和朋友們在我的宿舍中玩耍,快樂得很。

回想起星期五,那天放學後去了黃大仙,當我第一眼見到我的朋友時,很奇怪,很奇怪,我居然會有一種很佰生的感覺,幸好我很快又能回復狀態。回家路上,忽然收到家威的來電,他說他在我的付近,真是意想不到啊~於是我便與他一同回家,真奇妙,晚上十二時,兩人在同一地方,沒有相約的,忽然的一個電話,哈哈哈。

星期六,早上本來約了朋友們去打桌球,可惜自己不爭氣,醒不過來,下午與朋友吃小吃作午餐,很久也沒試過這類型午餐了,我就不夠飽的,不知道朋友會否覺得足夠?否則會越來越廋啊。下午連看了三齣電視劇,「餵飽」了我這個電視精,很開心。

星期日,我又起不了床,沒有去補習,很弱。然後就與朋友們開戰,很久也沒試過一班朋友一起玩了。回家路上,我曾提過「百年修得同船渡,千年修來共枕眠」,我番查網上資料,有說法為「十年修得同船渡,百年修得共枕眠」其實無論點,我都係覺得因為有緣,所以先會相遇,但沒抓緊緣份去努力,又只會得句「緣來緣去」,不成正果。

現在,我又追看我從未看過的創世紀 I , 很吸引, 我會追看下去的。

>>November 21, 2005 at 8:28:12 PM GMT+8

2005 年 11 月 17 日 星期四 【颳風】

<天冷了>

天氣轉冷,朋友,多穿件衣服,別著涼,我好似已經中招了。

同家榮兩個人,每人袋十幾二十蚊去飲茶,用十五元左右,飽(結帳時數盡散銀)

工作辛苦,講句加油比你啦~


>>November 18, 2005 at 12:11:51 AM GMT+8

2005 年 11 月 15 日 星期二 【雷雨】



從今天起,我不再大花銅,儲蓄、儲蓄、儲蓄。人地話要賺錢的話,儲錢就是最笨的,要投資嘛~但好似成功的不多呀,所以都係踏實小小啦。同自己trade off 的遊戲開始了......

今天是我首次在本學年認真做功課的日子,感覺很悶,很想打機,都係要同人傾下計,散散心

>>November 15, 2005 at 10:55:19 PM GMT+8