2008 年 3 月 30 日 星期日 【晴】

<北京．香江．海南島>

三處地方去得遠的地方都是自由行的，錢是花多了，但由自己一手一腳策劃，自己處理，由機票、酒店，到食飯、撘車，都係一手包辦，雖然有時真係諗到頭痛，但到達目的地時，真的很高興～
不過，跟旅行團那種無腦旅遊又幾．．．又唔可以叫輕鬆，但有人同你安排晒野，算ｏｋ　ｌａ～
自由行中，無論同朋友，還是女朋友，當中都有一點點的意見分歧，有是正常的，希望各方面都會包涵小弟的自大、麻煩、自私啦～～～　　　^.^ "

北京...首都呀,有現代,有傳統,有歷史,有文化...由的士大佬到火窩店老伯,都散發著北方人的風格,景點啦wor...宏偉!!! 我到過長城的好漢坡了,以後我就是好漢了!!!真佩服山上都可以建出這東西來,秦始皇好呀吓~

香江溫泉...飲飲食食,狂影相,初次見到「考拉」....都幾可愛呀,可借我地浸溫泉浸得果一陣,真失敗

海南島...與女朋友怱忙地準備去的,真的是倆小口大冒險,我知自己唔係真係咁叻ma,仲要我照顧埋女朋友,真係有d擔心。由一朝早兩點九起身,到深圳坐白牌車,都幾充滿危險,好彩,成個行程都冇咩事,這次旅行的體會比較深,對身邊的人也明白多一些。其實,我同佢,應該係互相照顧才對。
好想再去下旅行,自己plan~~~開心好多~

>>April 4, 2008 at 1:02:52 AM GMT+8

2008 年 3 月 5 日 星期三 【晴】

<好想走人>

真係好想走人,我未能想得開,有時見到人講一套,做一套,好氣憤,人地話我太在意,可能係......

mr.kwan, what is your weakness??

>>March 5, 2008 at 10:54:14 PM GMT+8

2007 年 12 月 30 日 星期日 【晴】

<自來也大人>

在打這篇日記之時,我居然看到死亡筆記的大結局,正!! 奇拿輸了



>>December 30, 2007 at 9:07:16 AM GMT+8

2007 年 12 月 16 日 星期日 【晴】

<最緊要健康>

經過一星期的肚痾,又讓我對人生有多小小的體會,不過通常好快會忘記(人類的通病)
真係唔好咁自負呀,要適可而止呀,8成飽好啦
不過反而最有得著是聽到收音機講人瑞的長壽心得係...唔好勞氣,但對我黎講都幾有難度,因為...睇唔過眼要出聲

>>December 16, 2007 at 9:06:56 PM GMT+8

2007 年 11 月 14 日 星期三 【晴】

<買架>

屋企大執,我同大佬張書檯都掉走,要買新架。唉..點知中間發生左d好不愉快的事情。哩個世界,搭訕真係好差的行為,八婆,搞到阿媽差d喊,好討厭,關佢x事,多口的女人,唔知頭唔知路,阿媽又係,人地講一講就咁,心理唔健康。

＜原則＞
公司ｄ人ｋｅｅｐ　ｏｎ　ｐｌａｙｉｎｇ，態度係好ｈｅａ，成日圍埋一齊笑。原來我份人係好憎人工作時玩，由以前响ｂｖ到現在，我都冇變。而由以前到今日，我都仍然有諗．．．我係咪應該要埋堆呢？因為咁我ｄｏｗｎ左一朝，好彩有人輔導，提醒了我，「原則」二字。不錯，對於自己認為是對的，要固執，這就是周老師贈我的「擇善固執」。
ｐ．ｓ．　我認為响ｏｆｆｉｃｅ　ｈｏｕｒ成日圍埋吹水，大笑，係好無聊白痴的行為

＜老糊塗＞
經理老了病了，自己都顧唔掂，難怪會作出這些糊塗的行為．．．．．．
平日咩都叫我地自己決定，咩都唔理，都好離譜吓。
今日有幾個月曆送給我們部門，都唔夠分，經理佢居然點名指定給數名同事，原因係佢地幫佢做野。我當然冇份，因為我冇服侍佢嘛，但哩件事卻反映了他連小小的管理智慧都欠俸。
很簡單，咩叫幫佢做野，其他同事就不是幫他做野？其他知道的同事會怎麼想？月曆價值小，意義卻重大。老實講，我現在已想到花紅的問題。以人為鏡，他就是一個管理的反面教材，唉，冇運行。

>>November 14, 2007 at 11:03:19 PM GMT+8

2007 年 11 月 9 日 星期五 【晴】

<緊張過後>
督察的筆試過了,很難。警校的環境算不錯,但人卻不太喜歡,食煙粗口,還有,從考生的眼神知道,他們都不是善男信女。
唉~離開那裏,返回公司,感覺也不太好,因為總是遇上令我失望的人、事。還是回家後做運動好,心情舒暢一點。

>>November 9, 2007 at 3:01:56 PM GMT+8

2007 年 10 月 30 日 星期二 【晴】

<唔該晒>

今日唔該中醫烈為我義診,thx.

下個目標係要用中藥當禁藥駛

>>October 30, 2007 at 11:00:39 PM GMT+8

2007 年 10 月 24 日 星期三 【晴】

<張開眼睛>

這一刻我身在office,我已由早上九點non-stop工作至現在...晚上七點....我真的認為在這 裡工作是 浪 費 時 間 , 我 應 該 在 家 中 享 受 晚 餐 , 然 後 再 為 我 的 警 察 考 試 努 力 。 看 到 身 邊 的 同 事 在 嬉 戲 , 我 的 內 心實在不好受,因為太不公平了。唉!不應有恨!
我很掛念我的女朋友、家中的床、衝鋒21.....
累得連眼都睜不大了......

>>October 24, 2007 at 7:20:21 PM GMT+8

2007 年 9 月 29 日 星期六 【晴】



女朋友返工+去camp>>>>唔得閒
經紀張晒傷左>>>>>>>>>冇打波
爸媽哥返大陸>>>>>>>>>屋企冇人

今日我悶爆左,自己一個人放工,行行行行行坐船去尖沙咀,再去深水埗(因為我想報興趣班),之後買左本經濟一週响馬德里食下午茶,瑞士雞翼撈麵唔好食....

返屋企...打機睇戲,睇tv,自己煮麵食,煎番熱D排骨,瞓

一個人好悶,望番D相...原來我在拍拖後才開始影相,回想當時買相機也是為了追女仔才花2千大元,傻爆

>>September 29, 2007 at 11:54:41 PM GMT+8

2007 年 9 月 22 日 星期六 【晴】

<一班人打波>

今日自己去左睇中醫,好開心呀,中醫佢好似認得我,又問我哩樣果樣,身份好似長輩睇住d細大左咁。

飲左碗葯,我就同朋友們去打壁球,估唔到大門有個藍球,可以五個有打,正!!好耐都冇打過啦!健康緊要,努力打波。

昨天在930上聽到有個我懷疑佢係傻的,他在車上唸東唸西,又科莫多龍,又哼大戲,又明朝清朝,我心諗唔通佢就係南海十三郎?最好笑係後來黎左個經紀佬,一個股票,一個粵曲....

我就黎响公司自閉啦,同我講得最多野o既,可能就係經理......

>>September 22, 2007 at 11:55:08 PM GMT+8