2007 年 2 月 15 日 星期四 【微冷】

我覺得家恩的教導很吸引
說話談吐, 一舉手一投足也很有魅力

<摩西五經>

下次唔要遲到! 一分鐘都唔想~~

>>February 15, 2007 at 11:50:02 PM GMT+8

2007 年 2 月 14 日 星期三 【陰】

情人節快樂!

今天公司老中青的女同事, 也收花
公司分左幾個apartment, 坐我果邊, 都見到有4札
今年香港經濟真係好 , 哈!

我心情基本上冇咩起伏, 上一次跟情人慶祝的情人節係4年前
刻意出力的回想, 也想不起那晚食左咩....@_@, 究竟去左邊到食, 又食左咩呢....
印象只有送禮物果一幕
咪以為我咁現實, 實則果幕是很浪漫的~~

今天工作開始收爐, 很好!
其間收到穎欣一個sms, 很感動, 多謝你呀!!

人人放工也急急腳的離開, 但manager偏偏在臨放工前, 炮轟我一大餐
點解要咁呢??
真係激氣到上心口!!!!


++++++++++++++++++++++++++++++++++++++++++++++++++++++++++++
多謝阿妹送給我的禮物 ^o^

>>February 15, 2007 at 11:45:57 PM GMT+8

2007 年 2 月 13 日 星期二 【晴】

轉自青三日記

學習從別人的角度出發
這是我時刻提醒自己的事情

這世上有很多不同的關係、既定的角色
而每個人也有自己的想法
怎能夠好好的相處呢?

很想分享參與了數次區長會後的感受
原來, 人真的不容易易地而處, 不容易從別人的角度上出發


先代入自己是組長的生活, 嘗試尋找"身同感受"的路......
組長們, 那些事, 令我們感到開心及欣慰的?

我會答, 組員穩定返小組, 生命跟上帝相連, 在各個層面上能造就人, 見證神, ...等等...
那怎樣可以知道呢? 一組大大話話有成6,7,8人...??

我會答, 就在每次開組, 一起敬拜、查經、分享中, 組長可以略知一二, 加埋閒時的關心關顧....

我們喜歡小組有outing, 一定興奮萬分, 因為覺得可玩一餐之餘, 組員間大概彼此更熟絡, 對組更有歸屬感

而開心及欣慰, 就是偶爾組員在查經及分享中簡單的一句回應, 在敬拜中, 看見大家渴求與神同在的樣子; 分享時, 感恩的表達; 更甚就是他們一兩句的關心及支持說話, 我可滿足一整天~ 如果發現組員們之間會互相建立, 這更是不得了~~

其實, 簡單一點說, 就是想透過不同的方式聚會, 讓生命穩定成長, 更像主耶穌!! 而且, 是讓我們所知道的~~


而區長, 其實, 有什麼事, 令他們安慰呢?
一星期一次的小組平台, 組長看為組員理所當然要出席的聚會, 沒有了

換來是大區組長組, 小區組長組, 區長join組或是區長約我們食飯, 一月一次....
這不可以是理所當然的聚會嗎?

近半年來有幸看到區長們的每月探訪小組及關心組長的報告
歎為觀止.........

一小區, 大大話話有7,8,9,10 個組長
原來沒有了一星期一次的小組平台
每星期花上的時間, 比一次開組的時間多出好幾倍....

然而, 區長也不是看大家所交的"功課"足唔足
因為他們明白並體諒組長處理每星期小組的繁重
更重要的是, 他們想在短短的聚會或是餐桌上的分享中
略知我們的情況

想到這裡, 我不禁不承認
人的確不容易從別人的角度出發
如果要我們每個有天當了區長的時候, 才說"我明白了", 似乎太遲也不可能

很想, 由現在就開始多思想, 多感受
願意我們都一起努力, 為牧養我們的打打氣! 讓我們跟區長的關係更雙向, 其實, 他們很需要關心及支持!!


由於身同感受, 我們準知道, 作些什麼, 可以令守望、牧養我們的感到欣慰開心吧!


+++++++++++++++++++++++++++++++++++++++++++++++++++++++++++++++

近來寫多了我對"區長"的感受
好像又是吹捧了區長

但拉遠一點看, 這個反思可引用到其他角色中

父母親跟子女, 老闆及下屬, 情侶.......
真是不容易學習的功課!!

最後, 很想對敬拜區的區長說句話
首領, 今晚要取消了祈禱聚會
不要灰心! 繼續努力, 為上帝給你的, 堅持到底



>>February 13, 2007 at 2:03:06 PM GMT+8

2007 年 2 月 11 日 星期日 【陰晴不定】

星期五晚上跟舊公司2位數字好友食飯
其實我們見面也直呼全名, 唔知點解o係到要用數字代替, 哈~

今晚輕鬆的過了一晚
朋友, 我們都努力!

食肆全面禁煙, 在cafe坐, 更舒服, 坐下就想睡~~
通宵van竟然有70幾80人排隊, 很誇張~

+++++++++++++++++++++++++++++++++++++++++++

星期六的小組很齊人, 又穩定, 很感恩~
阿展快要畢業了, 今天由他作靈修分享, 說了近來怎依靠上帝找尋工作
一句說: 是要等, 但知道不會是白等...
簡單的一句, 由他口中說, 感動萬分~

之後是晚堂, god will make a way
為美儀祈禱時, 有個很強烈的感覺, 好似祈極都唔夠咁
呢個感覺不太好....姊妹, 你要加油!

多謝主藉家恩的教導
「警醒」「聖潔」還有再聽到的「揀選生命」

及後是青三四組長團年飯, 2 圍枱, 雖不齊人, 但感覺也不錯
不過我一路打, 一路跌watt
著住件褸打又熱, 除左又凍~~

沒有到過sky platform, 很想去~~
但還是回家抖, 相信是更好的選擇
缺席了暉的生日會, 不好意思呢

++++++++++++++++++++++++++++++++++++++++++++++++++

今早起身, 頭有點痛, 但還可以
好想逃過呢期很強勁的流感高峰
病了12月1月, 不想再病

9點半完了早堂敬拜服侍, 開區長會
定期地聚會, 可以有更多的分享, 很感恩!

天氣很反覆, 走到基覺開小組, 好似有點熱, 但風吹一吹, 又有點涼
小組敬拜之後, 我覺得個人好慶, 頭痛又加劇了
唔好咁啦......

除左天氣. 我開始研究, 我係唔係應該減少我星期六日的活動......


回家食過午飯, 3點訓, 碌到7點先起身, 好爽!
休息很重要, 今晚又要早點訓, 新年要健健康康的過!

>>February 13, 2007 at 9:06:46 AM GMT+8

2007 年 2 月 8 日 星期四 【晴】

今晚第一堂上研經法
見到一貫的神學課程同學仔
加埋青三幾位組長, 很多人

記起年前一眾人上裝備站的場面, 真係一時無兩!!
盼望我們可以一起學習, 好同意佘牧師那句, 越學越覺得更要學!

+++++++++++++++++++++++++++++++++++++++++++++++++++++++++++++

晚上蒙若賢遞過來一張饑饉三十贊助表, 我很樂意支持
他禮貌地說道有機會可以一起饑饉三十一下, 我即時晒手兼寧頭

我唔係要食好多野的人, 不過要30個鐘頭唔食野, 都唔係唔得既...........
但我估我會攤左o係度, 30個鐘訓左一大半, 想郁, 但又有心無力咁! 哈哈哈!

所以, 唔夠野食的第三世界小朋友, 真係好慘啊~

>>February 9, 2007 at 12:39:08 PM GMT+8

2007 年 2 月 7 日 星期三 【晴】

這星期有點忙, 午飯吃過飯盒的時間
我愛上了到YMCA 的chapel
可以靜一靜, 一星期也留連三兩日

每週一次跟同事到chapel對出的地方分享, 很好
她與我分享她2歲幾的小女兒首次開聲禱告的情況, 過程叫人感動

每晚也給小女兒講故事, 然後為小女兒禱告, 看著她入睡
呢d生活, 我覺得好有意思同好寫意!!
之不過咁, 我對於而家可以每天為弟兄姊妹/組員生命禱告的生活
也十分滿足! 雖這不是我的小朋友~

+++++++++++++++++++++++++++++++++++++++++

近來家姐返家中食飯的時候
都愛跟我們憶述番我們的童年
是我們的集體回憶~

很有趣, 相信要時不時有呢個時間, 集體回憶一番
因為怕人大了, 記憶會退化, 會忘記!

媽媽常說, 從前細細個要看實我們放什麼東西入口
我話, 我而家要反過來看實媽媽, 因她身體不好, 要注意飲食
好幾次, 媽媽一個坐在sofa, 默不作聲, 我就會問, 你又想放什麼入口食....
給捉到正, 然後我們就會大笑

爸爸說, 從前在幼稚園窗外窺看我跟妹上堂
有個星期日, 完了小組回了沙田堂幼稚園
爸爸問我為何來, 我說, 我要睇返佢上金色年華小組, 接佢放學, 哈!

多謝天父, 給我家中的爸媽、姐、妹及細佬!!

>>February 9, 2007 at 11:47:30 AM GMT+8

2007 年 2 月 5 日 星期一 【晴】

星期六日都沒有開組, 勁玩!

星期六中午出了街一趟
最喜歡是開心見誠的談話

下午的敬拜區聚完了
晚上即興的跟早堂人食晚飯再上文綺家打Wii
很好笑, 打了跳舞game, boxing 同碌ling,
今晚做左好多運動, 哈哈!
我相信如果支可樂係聽話既, 我會玩夜一點!

回家有一覺好的睡, 感謝天父!

++++++++++++++++++++++++++++++++++++++++++++++++++

星期日一早跟組員食早餐加聯合崇拜
崇拜後又開始一天的活動

在greenbox 有3間房是沙田堂的人
有時我覺得我們都真係幾振興經濟~~
朱君其偉組一間房、雅雯組一間房、我跟文軒紀碧又一間
我只坐在自己的一間房, 但閒時穿插很多人過來玩, 很開心
侍應們見到我地走來走去, 次次開門入黎都唔同人數, 有點無奈, 哈!

完了找回原本的人腳過了APM, 上了fun zone 遊玩一陣就去看<巴別塔>
2個幾鐘頭, 幾個故事都有野要諗
對於睇開卡通片既我, 多過頭, 要慢慢消化下
不過人性的表達的確很真實, 同樣, 真實過左頭......很震撼~

最後去了食飯, 就回家了, 很久沒有玩咁多場, 很滿足!!

今晚跟紀碧學左一句說話, 相信很好用! 多謝!
To LKY: 呢D係名副其實的型, 學下!



>>February 6, 2007 at 1:06:00 PM GMT+8

2007 年 2 月 2 日 星期五 【微冷】

本來很好心情的happy friday, 被同事呢個消息嚇壤了
晚上趕趕的跟麗食了彩龍就會祈禱會
她跟我說, 她公司炒一個過不到probation 的人, 他那team 人都是閃走了
原來人情真係咁冷暖, 我又開始覺得自己有點無知同天真, 哈~~

+++++++++++++++++++++++++++++++++++++++++++++++++++++++++++
祈禱會原來要唱足成個鐘
但今晚我企o係度, 都能夠好投入, 感謝天父!

為小組為牧區為尊敬的牧者為愛鍚掛心的弟兄姊妹禱告
今晚差不多通通看不見你們

我覺得祈禱會是不可停止慣了的聚會....
到底, 回來祈禱會, 不是停留在要"推動的聚會"
這是, 對家的歸屬感
其實只是每月一次 (有很多教會是每星期/ 隔星期一次)

相比每星期的小組, 大概也不想組員是"為返組而返組"
講緊既都係那份從屬的感覺, 在小組共同實踐信仰, 互相守望!
祈禱會, 也是全沙田堂人共同為教會禱告守望, 實踐彼此相愛與守望!
近年好多時祈禱會都會為地方發展/ 建堂禱告
這我也覺更是靠大家一起共同參與的事

返組的新組員都是多返幾次才定下來
未曾回過祈禱會的, 我很鼓勵你, 開始參與其中, 感受一下這家的氣氛
回過的, 也鼓勵恆常回來, 我說不上每月都到, 讓我們一同努力吧!

我真係極度欣賞那些每次都會見到的少年區人!!



從屬感, 在於對這地方的認識, 對這地方的愛
建立時, 需要緊記, 我們是需要付出的!!!

如果要問, 上帝祢可以給我什麼時? 請先問, 上帝, 我可以為你擺上什麼? 付出什麼?

願上帝憐憫, 幫助我們教會!


>>February 3, 2007 at 10:15:41 AM GMT+8

2007 年 2 月 2 日 星期五 【晴】

今天收到同是環保的同事被炒的消息
第一個感覺係, 公司都真係幾冇良心
第二個感覺係, 好心寒~~~

那同事本是請回來解答technical 的問題
但她做的, 卻是處理會議及當中的文件
工作性質改了, 到了probation 的最後幾天, 就被炒了
HR 的head lunch 前找她傾, 說是mis-match
還準備好了封辭職信, effective 係下星期四
但說她簽了, 下午可以走, 公司會賠她一星期的工資

而同事離職的email, 下午由HR manager 出, 說同事辭職了, effective 係今天....

呢個email, 好心寒.......

係唔係間間公司唔過probation 的同事都是這樣的處理呢?
她已是我在這公司內看到的第2個同事, 即日被炒走, 覺得好得人驚~


她能力上做不來文件上的工作, 很正常, 人家當了近好幾年的實驗室工作
而被炒也有道理, 但當中的原因, 同事們都眾說紛紜
有的說是她經常駁manager 咀......我聽在耳內, 也沒有不同意

因為炒她的主意應是manager 出的

manager 今天11點就出外了, 下午2點多才回來
完全沒有處理過呢件事~~

仲心寒, 因為我覺得有點似借刀殺人........

>>February 2, 2007 at 3:36:46 PM GMT+8

2007 年 1 月 31 日 星期三 【晴】

由細到大, 家中都冇養寵物
無論是惹人憐愛的貓或是對人忠心的狗, 我雖不抗拒
但壓根底兒沒有太大好感

在街見到或是朋友的小寵物
在禮貌上, 我跟他們都相處得來
我最怕只係佢地冇la la 撲埋我身

今晚, 我坐在廳中, 阿妹趟在睡床
她突然驚恐地飛奔到廚房門前的媽媽那裡
說有隻野, 識郁的....在房......

當我跟媽媽一心以為係飛蛾類物體既時候
阿妹話果隻野似老....老鼠.......

我當堂跳左上sofa...仲立刻見到隻小倉鼠跑出黎廳
隻小倉鼠似係有人養果種.....點解會走入我間房架....??!!
心想, 家姐好似就到屋企喇wo, 咁佢男朋友係唔係一齊到架呢...快d黎la

牠好快咁在門隙走左出門外, 媽咪即刻關門, 但我即刻嗌左佢, 因為我驚牠會被門夾死
但媽媽又唔想給生路小倉鼠再入屋
呢個情況真係又危急又吊軌...

門還未關合, 家姐就到了門口, 但得佢自己一個~~~ oh no.....
家姐見狀嚇左一跳之外, 話隻小倉鼠在我地家門口唔肯走

點解佢個主人咁唔小心架~~ 話晒佢都幾可愛, 的的識識咁...

聽到家姐一個人同隻小倉鼠角力, 我妹同媽都好緊張....
攪左好耐, 結果, 家姐找來鄰居幫忙, 送走了這隻小可愛
遠親真係不如近鄰~~~



我們四母女, 真係給嚇個半死.......其實, 牠很小....!!

>>January 31, 2007 at 10:48:18 PM GMT+8