2006 年 9 月 3 日 星期日 【晴】

3/9 晚上一句問細佬: "家姐就快生日喇wo, 有咩送俾我??"
然後細佬2話不說飛身錫左我塊面一啖, 再加句生日快樂!!!
咩料呀!! 屋企個個人都咁熱情既呢......
呢個細佬呢下好似細細個成日錫家姐的細佬, 好親切! 細佬對付女仔, 果然係有一手, ha^^

沒有等到12點, 我同阿妹都決定同周公一齊度數....

一早上接過媽媽的紅封包, 爸爸的生日祝福
媽媽還講返25年前我呢個鐘數都未出世...

似乎係每年必講的說話!

整日收到好多祝福, 要多謝送上sms, 致電, msn msg 的每一位朋友
好多人, 數數先:
sms 按時間有首領及夫人, vivi, 文豪, bay, eva, 文軒, wendy, 光仔, daddy, natalie, yuen, 麒, 宏基, albert, 烏蠅, 其偉, maisie, 小云, 麗, wilson, cora, labmate ah wing, kenix, patrick...
而致電的有家姐, 同一日生日的ms chong, daddy, sharon, 日安, 阿邦, meemee, edith, 源仔, alice, 哥哥....
msn 有琪琪, 馬馬, 紀豪, pauline, 文軒, winnie, 首領, 烏蠅, ada, 大勝爺, 文綺, jaz...
email 有涼粉的e card 同melody 的青三日記
日記留言的連, charles (其實可能唔算, 但都多謝你), 小小, 同埋又係麗
還有枱上的萬用年曆一揭, 是阿mo的小字條, 好驚喜!
那本一本清心今天換了一本信心了^^
仲有見到面的紀碧, edith, pauline 同連的一句生日快樂,
回到家見到的sunny同阿磊

還有在心底中祝福了我的每一位...

多謝你們~~
你們簡單的一句, 令我感受到很多愛, 多謝天父!

點解會見到紀碧, edith, pauline 同連....因為我返左教會!!
原本打算生日靜靜的過, 想靜靜數算主的恩典, 然後再思想一下人生的方向 (好似好嚴肅咁!)
不過, 美儀幾天前約了我
那放工先去教協申請緬b 保險之後就唔知去邊
結果係返左教會
我有點摸不著頭腦, 不過, 在阿麒個位正好是跟美儀數算主的恩典
還是感恩到激動的哭了

細細個媽咪已經話我係喊包, 由朝喊到晚, 估唔到咁大個都仲係咁.....

已是第3年收到美儀送的花了, 還有用心的禮物及很長的祝福禱告! 多謝莫美儀!


+++++++++++++++++++++++++++++++++++++++++++++++++++++++++++++++++

買了禮物送給妹, 祝新工順利. 開開心心, 最緊要身心靈健健康康!
每天經歷主的恩典及愛, amen!

>>September 5, 2006 at 5:52:22 AM GMT+8

2006 年 9 月 3 日 星期日 【晴】

璇，生日快樂 - Melody

璇，你就是我身邊那 “如雲彩般的見證人”

我為你在小組的委身感謝主

願主將羊和糧天天賜給我們

使少的沒有缺多的也沒有餘



我為你在教會的服事感謝主

求主帶領我們開我們的眼睛

全都不是徒勞冠冕已經存留



我也為你在家的見證感謝主

主要成為你和你一家的救主

豐富你的產業拓展你的境界



最後為你我大大的讚美謝恩

主看你為寶貴是貞潔的新婦

你有我的同路人是我的激勵



謝謝你，生日快樂

++++++++++++++++++++++++++++++++

轉自melody在青三日記的分享
未夠9點在公司一開email 睇到

好感動呀! 忍唔住流了淚來.........
melody, 多謝你 !!!

>>September 4, 2006 at 5:42:03 AM GMT+8

2006 年 9 月 2 日 星期六 【晴】

這是第3次在早堂帶敬拜
已經沒有之前的緊張了, 感謝主!
只是我幾乎是聽不到自己在說什麼
最後一首歌仲完全沒有聲

但我又一d都唔緊張, 因為我以為只係我企果個位聽唔到
我見大家個樣都好投入, 好安慰咁, 仲以為樓下d人聽到, ha
相信會眾是聽到主親自跟你們說話

只是一完了崇拜, 人人都跟我說聽不到個mic的聲及人聲, 聽到的只有音樂聲!
oh no......但也感謝主, 我冇因為咁而在台上手忙腳亂!

首領and敬拜隊弟兄姊妹, 不要為音響覺得唔開心或唔好意思啦
敬拜在乎對準神, 與神有相交呢~


完了崇拜, 小組到了皇家太平洋酒店食lunch buffet
見到d 食物, 一下子好興奮!
都幾好食, 謝謝麗的安排!
yeah, 也謝謝每一個組員及文軒區長的出席, 大家都破費了~~

收到ada 的禮物, 當下定左一定
多謝妳!

小組, 很喜愛小組~



>>September 4, 2006 at 5:34:01 AM GMT+8

2006 年 8 月 31 日 星期四 【晴】

每年都會很期待9月, 我的生日月
會收到很多朋友的祝福

但今年, 沒有呢個期待
是怕再提起年齡? 絕對不是啦

而係, 我唔係好想花太多時間去慶祝自己的生日
覺得沒有什麼大不了

基本上, 我現在的生活好少玩的
行街很少、睇戲近乎零
最多的活動是慶朋友的生日

一下子要花很多時間去玩, 仲要係慶祝自己生日
我覺得好浪費~~
我過唔到自己.....

近幾日收到各方好友的慶祝約會
有的就到d時間好奇怪, 有d要推到緬甸之後....
請原諒我, 我不是不重視大家

只是, 我想多點時間安靜, 約會上帝
為緬甸作最好的預備!

我不是對自己差, 也不是為了緬甸給了自己很大壓力
只係, 時間真係唔應該咁用


我仍然很需要大家對我的生日祝福的!
多謝你們! 為我默默的禱告, 那是送給我最好的禮物了!

>>September 1, 2006 at 3:11:14 PM GMT+8

2006 年 8 月 30 日 星期三 【晴】

緬甸個心要返番黎喇..
今晚training 帶敬拜
笨口笨舌的....果種唔能夠用順暢國語祈禱所帶來的無奈
再一次令我好無奈!!

所以話, 好多野都要時間同個心操練的
很真實的提醒!

文綺的那一句"在所有問題之前, 先要謙卑下來....."
再一次提醒, 去緬甸的原因目的是什麼....??
"是要將最好的奉上"

恩慈晚會sub zone 竟然仲totally forgot 左要諗埋聖光中小學晚會
我自己認為是不能夠原諒的absent mind!

天父, 憐憫我吧!
緬甸的心要返黎喇, 求主幫助!

9月, 要跟家中的普通話老師勤加練習!!



9月, 新開始!!

>>September 1, 2006 at 4:18:14 AM GMT+8

2006 年 8 月 30 日 星期三 【晴】

出camp 後其實真係唔係太累
但可能新工較忙, 一回家食了飯, 就周公急call 了
也好, 我要好好休息!

妹妹被老細欺壓了多時
一直都為她禱告, 曾大聲叫她辭工, 不用受精神虐待
加上環境資源中心9月contract out, 留下來再沒有意思

只是, 想到天父的安排必有祂美意
在當中, 放上信心, 每每擺上禱告時, 也哭不成聲!

單純的妹妹有一副易欺負的樣子
但她卻很堅強. 比我還要強
她一直想找學校的工作來做, 奈何沒有教育文憑, 要讀, 大家都說起步似乎很遲
所以被聘用的機會也很少

昨天, 好消息臨到了
份工飛黎的時間實在太奇妙了

一間小學校長說要一位任普通話及數學老師, 9月1到職
或許是剛巧合選的人離開了, 或許是其他原因
找得很急

對妹對家人來說, 簡直理解不了
只是interview 過後就要求9月1 上班

妹期望教的是數學、常識及普通話, 她重申對學校說, 自己沒有基準, 沒有教育文憑
但學校看好了她普通話考了國家語委水平, 並且成績優良

在今早再傾好了合約細則, 如昨晚家中商討
一家人都支持妹轉職
一來留下來沒有味兒, 雖說走得很趕, 但實際上也沒有什麼文件要handover
team 中同事因頂唔順老細, 已經走淨妹一個, 可想情況幾咁惡劣



第一次去緬甸時, 曾經牧者說可能是惡者的攻擊, 細佬遇上交通意外
然而卻將福音帶進家裡

那天, 我因上帝的感動, 要學好國語, 邀請妹妹一起學, 那時她還未信主啊
隨即明年的短宣我已見上帝祝福了我

今天, 學校是看準妹的良好普通話而聘用妹, 怎看也是上帝的祝福

多謝天父!




流淚禱告, 天父今年多次的應允
盼望這個見證, 同樣感動家人!





家中除了李姑娘, 明天多了個miss Li/ 李老師
姐姐妹妹的學校是馬鞍山隔離鄰舍
哈, 想最開心的是媽媽了!

上帝, 怎能不讚美你, 哈利路亞!

>>August 31, 2006 at 5:39:19 AM GMT+8

2006 年 8 月 26 日 星期六 【晴】

青三實耀跑camp 2006

很趕的入到營舍, 由緊張的心情轉為平靜
是天父親自的釋放, 籌委們的鼓勵
及家能的"32個臉孔"

眼淚一滴一滴一滴
很享受的一個培靈會, 讓人真的在敬拜中跟上帝很近

26/8早上
這個敬拜應該是最少時間預備的一個, 只是入camp前2晚有時間想想
然而, 我覺得跟朱君的配搭很好!
「我覺得我地會好夾到的」朱君笑住問點解…
我話因為我地有神在中間!

上帝問：你還愛我嗎？
不知道大家在反省自己屬靈生命由初信一刻開始….想到什麼

縱使我看到有人打嗑, 但更有很多流著淚的臉孔, 很激動人心

在自我中心的環境下, 人常認為上帝不夠愛自己
聽不到主的聲音.....看不見主的工作......

可有為上帝想想, 從上帝的角度出發想, 你愛祂嗎？
有了我的命令又遵守的，這人就是愛我的；愛我的必蒙我父愛他，我也要愛他，並且要向他顯現。(約14:21)

盼望大家在神的話語中好好扎實

力榮牧師的訊息－為生命而戰, 很入心!!

自一開始想起找力榮入camp為我們講訊息, 收到講題及經文,
到最後聽完整篇訊息, 很感恩, 是上帝的工作, 點解個connection 可以咁緊密架?

最後力榮邀請我地攬著本聖經放在心口......祈禱
佢未開始祈, 我d 眼淚就好似瀑布咁流出黎, 成本聖經都係眼淚
大概是覺得很慚愧.......
上帝的話語真的好有能力, 好重要, 是生命的地圖呀!!

另一個感動的位, 是晚上的Night．Like．Light
之前近乎沒有時間跟組員一齊, 小組只欠被boss 扣押melody,
其餘3個都是第一次入camp的組員,
我覺得呢一晚好緊要, 我好開心呀,
玩到爛的orientation, 真係睇下你點去玩, 我真係覺得好好玩, d tasks 又令到小組好團結.....

晚晚上去到水霸
個天清到見到好多星星, 天父真係好奇妙, 天氣好得出奇~~

「我們要在這世代中 好像明光照耀
像星星掛在 漆黑天空........」

漆黑中更見光的明耀........呢下.....真係......好觸動!
多謝天父, 感受到..........在漆黑中光的重要!

27/8

天國戀曲
其中有一句, 大概係話:我地唔知道幾時身邊的家人朋友會相信主, 但我地要做的, 是每天做美好的見證同埋為他們祈禱

聽了很多次, 今次再聽, 反省更大

最後收到滿滿的一間小屋, 回家在旅遊巴中看見窗外灑了點雨水....
天父呀, 你真的很大很多的工作, 多謝你!


欣賞籌委, 你地個個都好正!!
欣賞每個青三人的參與
欣賞自己小組......常聽說個組長係點, 個小組就係點,
但我感恩我們新的小組各人有著不同的性情, 可互補不足, 我們還有很多地方要給上帝塑造呢!!
不得不提, 差不多每餐食完之後, 每個組員都清理到是最後一批人走!
勁欣賞呀!!

青三區, 要不再一樣, 為上帝實耀跑!!!

>>August 29, 2006 at 5:02:11 AM GMT+8

2006 年 8 月 23 日 星期三 【驟雨】

明晚出發入camp了, 願天父保守整個營
成就的是耶和華, 造作為要建立的也是耶和華, 耶和華是祂的名。

天父爸爸, 你要睇住我地呀!!


去完camp, 我們正式分開2個小組喇!
我突然間好唔捨得.....
好想, 2組同心參與在青三camp 中, 得著主更多
同心為上帝實耀跑......!

>>August 24, 2006 at 6:27:56 AM GMT+8

2006 年 8 月 20 日 星期日 【晴】

又是新的一天, 新的一個星期, 努力!!
期待星期五六日的實耀跑camp!!

>>August 21, 2006 at 1:10:25 PM GMT+8

2006 年 8 月 19 日 星期六 【晴】

一早起來, 頭痛得要死
由敬拜開始, 已經想回家抖....個身仲好慶tim

然後同自己講一百句, 要撐住!

早堂學了首好好聽的回應歌
很享受!

來回幼稚園同office 拎歌紙, 唔知係唔係一出一入
我覺得有d 想暈 >.<

在小組的敬拜中, 又再一次安靜在神中

帶完最後一章的尼希米查經, 祈禱後, 1點半回家
沒有飯食, 快速弄了個公仔麵....再飛返教會

3小時多的預備物質, dem game及實gp 再finalise 埋d 細節
之前有祈禱, 敬拜的時間, 是的, 要警醒禱告, 不要灰心!
但完的時候, 我真係冇咩ram 喇, 全日的活動都想走左去唔理
結果, 決定走了小云的生日會, 小云, sorry 呀!
青三四的組長, 我好耐冇同你地玩喇..........

返到屋企, 四肢都很累, 頭也很重
對住餐飯都冇胃口

突然有一刻, 好想喊, 好嬲點解成日都唔可以健健康康
同時問自己, 點解對自己既身體咁差......整日想抖都唔俾自己抖

我真係好唔鍾意見到自己咁樣樣
塊面又好似爛左咁, 真係好肉酸呀, 可唔可以快d好返呀?
唉, 我唔係要求自己可以好靚, 只係唔想咁嚇人姐......
平時都唔係一個精神樣架啦......嗚嗚嗚
究竟身體出了什麼毛病?

冷靜一下, 吃了點飯

開著了電腦, 播著詩歌, 繼續努力!!
我係唔會咁易就氣餒架!

同自己講一百句, 要撐住, 做多5分鐘就抖!


最後努力到11點幾, 真係唔可以了, 我要休息!


我真係好軟弱.........


好, 發洩完畢~


我知道大家都很努力, 同樣的辛苦, 大家都要加油呀!!




好好禱告~

>>August 21, 2006 at 12:57:55 PM GMT+8