2006 年 11 月 28 日 星期二 【微冷】

苦口良藥, 我要好返! 多謝媽媽!

>>November 29, 2006 at 1:44:24 PM GMT+8

2006 年 11 月 26 日 星期日 【晴】

還是要病~~~~

明知這個週末很忙碌, 也沒有好好珍惜星期六早上的睡眠時間
我覺得係我致病的主因

經過在醫院2小時的服侍, 聲嘶力竭的講故事
喉嚨痛得好厲害~

決定不返晚堂, 回家二話不說就要睡, 卻唔夠半小時又醒

星期日完了早堂及小組, 下午又出走了~
但這一次的出走, 應該是好的吧!

7時多回到家, 匆匆吃了點飯就睡

趟下來發現....人很滾, 是發燒了
四肢也很痛, 喉嚨很痛, 仲不停的打噴嚏.....!!!

好辛苦 >.<

>>November 27, 2006 at 5:54:59 AM GMT+8

2006 年 11 月 23 日 星期四 【晴】

呢2個星期真係好癲~~

仲有2個星期, 我要努力!!
我發現, 我一放工就會唔記低晒工作上既野, 唔知係好事定唔好事~~~

+++++++++++++++++++++++++++++++++++++++++++++++++++++++++++++++++++++++++++

晚上走到街中, 已看到聖誕燈飾....雖不奪目, 但慢慢睇住, 有一種好舒服同開心既感覺!
我仲覺得有點浪漫, 唔知幾時著左既呢? 聖誕節快d 到就好了!

之但係, 如果可以坡住領巾同著住boots應該會更開心
行行下仲出汗tim, oh...凍d 啦, 凍d啦!

雖然無花果樹不發旺 , 葡萄樹不結果 , 橄欖樹也不效力 , 田地不出糧食 , 圈中絕了羊 , 棚內也沒有牛 ; 然而 , 我要因耶和華歡欣 , 因救我的神喜樂 。 主耶和華是我的力量 ; 祂使我的腳快如母鹿的蹄 , 又使我穩行在高處。哈三17-19

>>November 24, 2006 at 3:41:04 PM GMT+8

2006 年 11 月 22 日 星期三 【晴】

細佬仔, 生日快樂!!

唔知細佬會唔會睇我日記既呢? anyway, 祝你快d 完成你d papers, 多d返屋企!
最緊要係再乖d, 再乖d, 再乖d....咪成日懶型先得架~~
細佬成日話我偷睇佢個xanga.....咁online diary 係俾人睇架la^^

晚上一家人食飯, 好多送, 好開心啊!

>>November 24, 2006 at 3:56:11 PM GMT+8

2006 年 11 月 21 日 星期二 【晴】

何穎欣生日快樂!!

寫返星期一晚跟何穎食飯, 係退修camp之後約的一餐飯呢~
傾左好多野, 同埋超爆笑!

話說我地去左一間正宗韓國餐廳食飯
係文軒介紹的, 文軒話佢夜晚會好多人, 要book 位
但打左好耐電話都冇人聽
咁為表我既誠意, 我lunch hr 就行左落去book 位

"我想book 位, 今晚7點2位" 點知阿老闆同老闆娘係講韓文架, 佢指住一個阿叔
原來得伙記叔叔識講廣東話, 咁我就同佢講要book 位,
佢聽到7點, 就話得喇, 我問要唔要留電話, 我姓李, 佢fing 晒手話唔晒

結果, 我地2個7點鐘去到....包左場, 一個客都冇! 到8點先多人wo..haha

呢個伙記叔叔仲好攪笑架, code d 對話先 -
當我地指住個menu問佢. "呢款冷麵係點架? 可唔可以介紹下"
伙記叔叔: "呢個冷麵冇咩R........... " 即時呆左!!

我地先食韓燒, 伙記叔叔時不時會過黎幫我地調教下個火,
見我地食得好慢, 佢話, "你地唔好食其他野住, 食晒d 牛肉先la"

咁我地就好聽話咁好快燒晒d 牛肉食, 到食個石頭飯時...

"唔該, 想要點豉油或者鹽呀, 個石頭飯唔係好夠咸"
伙記叔叔: "呢d 咪係豉油law" , 佢指住左用黎點韓燒牛肉碟豉油, 嘩哈哈, 我地對望, 靜左一秒, 之後爆笑...點解呢度食飯咁似o係屋企, 同阿媽既對話既??

後來黎左個冷麵, 仲放低左一支野同一樽野
我地舉手叫左老闆娘黎教我地食
唔知點解, 何穎要同佢講國語, 又唔知點解, 我要跟左佢講國語
後來發現老闆娘係識聽廣東話架!
佢好好咁幫我地夾冷麵, 仲教左我地加醋同芥辣, 都幾好食^^

晚飯傾左好多野, 期間我講返起5．1 team build 果次, 係我第一次認識她
仲首次發現佢既論盡野, 我邀請你睇返我5．1 呢篇日記!
超爆笑! 好記得最後係我, 何穎同文軒3個落晒水~~~

何穎仲講多左幾樣好爆笑既蝦碌事件
笑死左

最後9點幾一齊搭火車返屋企, 好滿足!

祝穎欣生日開開心心, 與神與人都甜甜蜜蜜!!

特別鳴謝文軒既好介紹, 我都話, 你成日都會幫我解決問題!
文軒話好野梗係介紹俾我wo, 咁我多謝先喇^^
文軒好到...9點幾打電話問我間野得唔得
話有間在山林道食越南野既都幾ok
招牌菜係「大頭蝦」!

為左多謝你, 我決定找天跟你一齊食, 我請!

>>November 22, 2006 at 6:01:51 AM GMT+8

2006 年 11 月 18 日 星期六 【晴】

緬b re-u

所以弟兄們、我以　神的慈悲勸你們、將身體獻上、當作活祭、是聖潔的、是　神所喜悅的．你們如此事奉、乃是理所當然的。
不要效法這個世界．只要心意更新而變化、叫你們察驗何為　神的善良、純全可喜悅的旨意。
我憑著所賜我的恩、對你們各人說、不要看自己過於所當看的．要照著　神所分給各人信心的大小、看得合乎中道。
正如我們一個身子上有好些肢體、肢體也不都是一樣的用處。
我們這許多人、在基督裡成為一身、互相聯絡作肢體、也是如此。按我們所得的恩賜、各有不同．或說預言、就當照著信心的程度說預言． 或作執事、就當專一執事．或作教導的、就當專一教導．或作勸化的、就當專一勸化．施捨的、就當誠實．治理的、就當殷勤．憐憫人的、就當甘心。 (羅 12:1-8)

每人短短的分享, 還有這段經文
好好的放在心上

>>November 21, 2006 at 5:41:26 AM GMT+8

2006 年 11 月 18 日 星期六 【晴】

每逢颳大風落大雨
大家可以賺一天半天假期
海陸路交通會維持有限度的服務, 好像是奉旨可以休息一樣
留守在家中, 多是想怎樣偷閒一番, 這倒沒錯, 有誰個人會真的做好防風措施?
我們也不是住在山區或是低窪地帶呢~~~

當颳起大風, 落著傾盆大雨之際,
我也很想放個假期, 以為是理所當然

感謝主, 我真的有一天的假期, 卻沒有只維持有限度服務
而且, 我更謹慎, 不敢鬆懈
我的屋子, 今天在那裡? 防風擋雨能力如何?

**儘管翻風雨, 我的心也安穩**

多謝主!
因為祂的恩典真的夠我用
信實神, 永不改變!

身邊的屋子, 盼望都安然無恙~

收到不少弟兄姊妹的問候, 多謝大家!
不要以為我是人前歡笑, 背人垂淚的人
我可沒有這樣高深的功架
正如媽媽常說, 鄰居走出走入經過家門, 看見一片屋內淩亂不好看, 唔執都係咁二關埋d度門, 唔駛咁難看
我回答, 都已是十多年的街坊街里, 用不著裝!

有什麼是沒有給見過的呢~ 哈!

正能量仍然好充足, 你夠唔夠呀? 我分d 俾你!
我對自己也很好, 不用擔心!

11月, 好多風雨呀~~~

撐著的, 有天父, 有你們, 多謝主!

>>November 21, 2006 at 5:16:36 AM GMT+8

2006 年 11 月 17 日 星期五 【晴】

尋找支撐點、平衡點.....

>>November 18, 2006 at 3:15:05 PM GMT+8

2006 年 11 月 13 日 星期一 【晴】

相信任何人也很怕失去的感覺

近排成日唔見野
繼唔見左張八達通之後
尋日做做下野, 摸摸耳仔

啊.......唔見左隻耳環既?!!
去左邊呀?

我感受到另外一隻......同埋屋企盒入面的耳環應該很難過!



上班途中不見八達通, 想了一整天, 下班走回火車站票務處找
尋日行左公司幾趟, 作地毯式搜索

他們都不見了....

八達通及耳環已買回了


沒有再想有不見的!




我敢說, 這不是失去, 也未曾失去!

>>November 14, 2006 at 10:00:58 AM GMT+8

2006 年 11 月 11 日 星期六 【晴】

轉自青三日記 12 互為肢體

不要只看為一篇日記, 請切切禱告!


若一個肢體受苦，所有的肢體就一同受苦；若一個肢體得榮耀，所有的肢體就一同快樂。林前十二26

今天完了早堂, 我小組跟紀豪小組一同去了探望紀豪爸爸
很久沒有到過紀豪家了

一進門, 看見世伯可以站起來
心想, 情況也不算太不樂觀吧!

當紀豪逐一介紹我們...世伯對於他認識的一班舊有組員, 立即"手指指"
他看到我時, 更是指得厲害...

心中很是難過, 就是今年頭當世伯中風再度入了醫院時
一個人擔粗粗去了QE, 所看見的, 是說話比我更多的世伯
他跟我談了很久, 他很愛說話...

今天, 他只可以"手指指", 連發音也不行....或許, 他不想給我們聽到, 他已經說不到清楚的話來...

今天下午, 也跟了紀豪拍畢業照...
能夠見證這一刻, 心中真的百感交集
這幾年, 走過的的確不易, 在旁邊打氣也時覺會乏力..
欣賞紀豪, 終於都成功過渡了!

明天是紀豪的畢業禮
但今天晚上, 世伯又再次暈倒了入院
懇請上帝開恩, 憐憫...
============ ========= ========= ========= ========= ========

願上帝親自醫治世伯, 在祂容許發生的事上, 讓紀豪更懂得靠緊上帝,
成為他一家之主, 又叫幾兄弟在照顧爸爸看事上, 有更多的溝通,
更多的愛心及耐性, 願天父用愛親自連繫一家人。

============ ========= ========= ========= ========= =========

互為肢體的感受, 很深很重...
願天父給我們力量, 給我們時刻敬醒、時刻為弟兄姊妹守望、禱告的心!

>>November 12, 2006 at 4:40:12 PM GMT+8