2007 年 1 月 6 日 星期六 【炎熱】

惟獨我的僕人迦勒, 因他另有一個心志, 專一跟從我, 我就把他領進他所去過的那地, 他的後裔也必得那地為業。民十四24

多謝文軒區長的教導及鼓勵
也多謝你的了解及諒解
我會努力學習

學習更多愛
因為多愛多能力!

感謝天父爸爸
因為祂給了我一個很好的屬靈爸爸

真的很感恩, 我決定要公開的多謝你!!

那年中六, 返了沙田堂
8年多時間內, 返組一年多後, 入大學時就要當組長
沒有組長的日子, 生命的成長好似停左咁, 面對組長呢個事奉都好模糊...

入大學不久, 成立青三
文軒區長好像是02年成為我的區長
一開始, 我好怕又不太喜歡文軒的
因為感覺他很惡, 我喜歡紀碧多d~~

雖然文軒常說他不懂牧養
不過, 我真的很感謝他為組長們, 為生命所擺上的時間及心力
3年的緬甸短宣也跟著文軒, 第一年短宣回來, 我很想突破自己
就由果時到今天, 跟文軒每次的食飯, 小區聚, 探訪我小組等等.....當中的教導及提醒, 真的很好
多謝你用心認識我, 並栽培我!!
言教不如身教, 就在他忠心委身的事奉態度上, 學習更大!
他真的是個好榜樣!

而家, 我都有一點點怕文軒的, 因為他好似咩都知道我咁呀!!!
事實, 我所有事情, 屬靈屬世, 大大小小都找他分享同分擔
而這一切的事情,他都會幫到手解決, 好勁!

我學習很慢, 多年來, 小組至上年才分立,
但我相信一切都有定時的!
記得你說要早一點帶我成為實習區長, 這對我黎說更好, 可以有長一點時間學.....
對於"區長", 雖然我沒有覺得自己有什麼能耐 (我知道你一定會話, 彼得都係漁夫~~)
但我知道的是, 這是一個成長同學習的機會
謝謝你願意花時間花心機的帶住我!!
我會好俾心機學架!! 我真係知道自己好不足
不論軟件上(愛人的心, 廣闊的胸襟, 忍耐力...etc)同硬件上(請食飯的金錢, 同好似唔晒抖的身體都唔多夠, 哈哈~~
不過呢, 正如你所講, 區長係自我監控的
我期望有天, 我會是個很獨特的區長!! 天父, 求你使用我, 幫助我!

我親愛的屬靈爸爸, 06年很不平凡啊
在每個不平凡的時刻, 我看到你的堅持, 也謝謝你一直都在鼓勵
我也真的好支持你的, 07年會更好架!!

天父爸爸, 多謝你!

p.s. 文軒區長不是偏心的人, 他事奉是一視同仁的~ 我唔係special case, 有人肯教, 我們要肯學啊!
p.s.2 我相信其他區長也一樣, 其他區我唔知, 至起碼青三四的也是, 要值得學效的榜樣!
p.s.3 我而家文軒&紀碧都一樣咁喜歡~~

>>January 9, 2007 at 2:54:35 PM GMT+8

2007 年 1 月 5 日 星期五 【炎熱】

「我渴求, 上帝恩典裏逗留
我渴求, 每天向你尋求
獻頌揚, 上帝恩如此多麼深厚
獻奉感恩, 獻上所有」

這晚小組的敬拜
但願上帝停留在我們當中

死而復活, 失而復得的弟兄, 我們理當歡喜快樂!


多謝天父的厚恩~

>>January 8, 2007 at 3:21:47 PM GMT+8

2007 年 1 月 2 日 星期二 【晴】

5天假過去了, 今天來了新的deputy manager
期望佢可以隔一隔manager 的無理取鬧同吹毛求疵!
有時, d 野改到, 我都分唔清自己果d係岩定錯

下午同事邀請我去隔離ymca 的chapel 分享同祈禱
係公司入面, 第2個同事作同一個邀請
其實, 她們分別都是來找我訴苦....大家似乎真係好慘咁

同事wendy, 又係wendy (哈~~ 原來我同叫wendy的都很有緣)
話我知, 有一次, 我同佢講左一句
“唔好理人地做咩, 總之, 我地自己做乜, 上帝會知道”
佢話, 呢句係一句好普通既說話, 但係令佢好入心, 也覺得安慰
所以, 今天找我分享~~
聽佢呻左近半個鐘, 佢問我有冇打算離開公司
我同左佢講, 我都做得唔係好開心架, 不過我好記得,
天父俾我呢份工係帶住好多祝福咁俾我,
雖然我覺得而家一腳踢係比之前辛苦, 但學野又多左, 起碼睇到整件事的full picture;
人事係複雜左, 但呢個都係學習黎, 可能遲下冇野學, 又或者真係好頂唔順就走了

她說, 我提醒了她年多前, 她也深感這份工作是天父給她的祝福
她要不忘記天父的恩, 好好再想想前路

希望d 同事唔好成日都咁一股怨氣啦
咁攪法, 真係人都癲架wo~~~
我都要加油, 我都唔想癲呀

++++++++++++++++++++++++++++++++++++++++++++

晚上約了阿麒食飯, 上次係1年前, 也是我跟他慶生日
不過今晚好特別, 多埋小云同宏基不特至
仲要係....今晚係3號!!

為左咁, 我地成晚笑左好耐~~
又覺得今晚餐飯應該係釵釵請的, 哈哈

宏基老師話好耐冇同我食飯, 我也記得上次同阿麒食飯,
之前又係見到宏基, 佢又係咁同我講

老師, 我想同返你講, 6 月你生日果時, 我都有同你食飯架!!
我仲話會守望你同小云tim, 有冇印象???!!

由於我仲有2聲咳, 大家都唔俾我飲凍飲
不過當食完野, 我提議食Haagen daz 既時候, 大家又好贊成
哇哈哈, 好可惜, 新開的鋪頭竟然冇位
咁我地唯有退而求其次, 去左citysuper
買左家庭裝, 抵食好多, 仲成功扭到計6個雪糕球有6種味, yeah!!

今晚似放假多d, 好開心^^
好似好耐冇咁寫日記了, 又好開心

小云, 我今晚覺得你靚左呀, 你的工作要努力呀! 小組又係~~
釵釵, 我要搵晚同返你同麒食飯, 但你請:) 希望唔駛1年之後!

>>January 4, 2007 at 10:22:29 AM GMT+8

2006 年 12 月 30 日 星期六 【晴】

請了29/12 及2/1 的假期, 結果幾日相信都係病假了

29/12 早上看了中醫
開了3劑, 1劑飲3次
難飲到......想嘔!

30/12 一天痾了四次
這是不是吃中藥的正常反應??!
我之前唔會咁架wo....
但奇怪係, 我唔會肚痛的, 只係會痾

晚上入了家姐水浪窩的家
很寫意的一個晚上, 雖然打邊爐我要就住食
但一家人圍在一起, 很溫暖~
飯後有細佬仔跳2下舞助興, 哈哈
仲話要開支紅酒飲tim
不過樂極真係會生悲的......噢,....我打瀉左....
相信家姐再一次發現, 我真係佢可愛的妹妹來的~~
姐姐sorry 呢 >3<

可能有點缺水, 腸也有點抽筋似的, 整晚"古古"聲...

31/12 06年最後一次崇拜
敬拜中, 有點感慨

主耶穌是我們葡萄樹, 我們是祂的枝子
人生難免有散聚和分離, 知道我們仍是同氣連枝
不管道路如何顛沛流離, 所走仍是一條路
肢體的關係, 從無分距離, 守望每顆心靈

天父, 求你給我更多的愛心
及恆常禱告的心

小組組員, 你們是我繼續向前的動力
多謝你們, 今天更有新組員回來, 多謝主
是今年第4個新回來的

晚上的組長組, 之前有一眾組長在飯堂食飯, 感覺很warm
敬拜及文綺的教導中有很多的反省
06年, 輸贏有什麼呢?!
除了歡笑, 自問自己的確擺上了很多眼淚, 為生命禱告
牧養的功課, 仍是要努力學習
07年, 我的事奉人員又從頭開始了! 新組員, 你們要乖呀

這樣一想, 覺得自己還有點情緒未在傷痛中平穩過來...
因為, 這不只是"我的事奉人員"

已經是第3年在教會年終感恩祈禱會
倒數的一刻, 很感恩!
沙田堂真的是我的家, 多謝天父!

我要更多的「仁愛」
我知道天父在掌管, 也彰顯著公義
天父, 求你幫助我~~

>>January 1, 2007 at 11:00:23 AM GMT+8

2006 年 12 月 27 日 星期三 【晴】

我兒, 不要忘記我的法則, 你心要謹守我的誡命,
因為他必將長久的日子、生命的年數與平安加給你。
不可使慈愛、誠實離開你。要繫在你頸項上, 刻在你心版上。
這樣, 你必在　神和世人眼前蒙恩寵, 有聰明。(箴三1-4)

拒絕愚昧, 我還是鍾於尋求從上帝而來的智慧!
多謝主!

+++++++++++++++++++++++++++++++++++++++++++++++++++++++++++

我今日還返$2, 她也認得我, 哈哈 =p

+++++++++++++++++++++++++++++++++++++++++++++++++++++++++++

放工點了杯感冒茶, 好難飲~~~

+++++++++++++++++++++++++++++++++++++++++++++++++++++++++++

路人甲, 多謝你!!
請問你係邊個呀??



>>December 29, 2006 at 2:54:37 AM GMT+8

2006 年 12 月 25 日 星期一 【晴】

今天約了中四五認識的3位中同出來見見面
這是個很好的時間

朋友就是這樣子, 雖然不會時時見面, 時時聯絡, 但感情可以的很深的!
多謝你們!

+++++++++++++++++++++++++++++++++++++++

最唔開心係, 竟然跌一跌
我部電話的mon就咁爛了~~
照計部電話放在手袋入面, 加上佢有個保護殼, 冇咁易爛架
lica 話好似俾高跟鞋踩了一腳
好灰!!

+++++++++++++++++++++++++++++++++++++++

晚上到了秋華生日會
她很多朋友
我係第50位嘉賓呢!

秋華,生日快樂!!

>>December 28, 2006 at 6:58:39 AM GMT+8

2006 年 12 月 24 日 星期日 【晴】

聖誕快樂!!

1224
早上的聖誕聯合崇拜
在台上見到d人係咁走入黎, 很震撼!!
敬拜中感恩得很想哭, 多謝主耶穌的降臨!

下午趕回沙田堂, 青三今年聖誕活動是在沙角廣場攪嘉年華
聽briefing 時深感真的要與時間拚賽
但在眾志成城的努力及付出下
一切都在很好的情況下發生了
很美麗的圖畫, 多謝天父!

我看見小組組員自動分工, 自動的埋位做野, 攪掂了食物金字塔的booth
要讚賞阿bay, 大概帶小朋友玩遊戲是你的專長之一!
讚賞文豪, 常常的支持及鼓勵, 很感動!
讚賞ada, 很投入在整個活動
每次我問佢, 參與教會性的活動有咩感受, 她都會答"我之前未試過咁樣, 覺得好開心呀!"

健康靚湯的booth, 有melody 同宏基組
辛苦大家了!!

而我負責控制人龍同拎住d 五色珠送俾小朋友
又傳下福音, d 小朋友真係好可愛^^

也謝謝仇太同媽媽煲的靚湯靚糖水

最後的celebration還是忍不住流了淚來~
青三沒有攪嘉年華的經驗
但今天, 我覺得大家真的做得很好! 多謝青三人!
這是文綺之前所說, 大家共同經驗的屬靈經歷
每次都感受到天父的愛與同在, 弟兄姊妹的力量!
很感恩有這樣子的機會! 每次都很珍惜!

之後又是小組交換禮物的時間, 是ada 送給我, 多譏你
今年的聖誕禮物,額外的還有....
melody 的薑餅、ada 的火柴人、bay的酒心朱古力同聖誕禮物、文軒的糖果
小朋友的小小心意&小妹妹的聖誕咭
很豐富! 多謝大家!
+++++++++++++++++++++++++++++++++++++++++++++++++++++++++++++++++++

近年的聖誕節都會被教會活動擠滿
前年的DOG power 練歌+ 出show 2天
+ 幫手青三整cookies 去醫院探訪
上年青三由下午玩到淩晨 + 25 聖誕洗禮崇拜 + 26 聖誕聚餐

今年平安夜已經沒有了節目
突然有點失落~~~

晚上相約左今年的新寵兒睇小企鵝
又是好爆笑的一個夜晚

新寵兒s應該有2個吧!
成為新寵兒應該沒有特別的原因~~


但回家後, 我也想想....


06年似乎"被蒙騙"的感覺太沈重了

令人難過的事、失望的人
crossed over with
開心的事、支持的人

有時很迷失....

或許在潛意下, 踫到真誠、積極樂觀的人
一下子, 我就很喜歡了^^


期待事奉上, 有天再能拍住上!!
++++++++++++++++++++++++++++++++++++++++++++++


1225
呆了一天在家休息
手臂很痛, 印象中尋日好似只是搬過少少野....why come?!
手指乾到損晒, 很痛!

要好好休息!

>>December 25, 2006 at 1:01:03 PM GMT+8

2006 年 12 月 20 日 星期三 【晴】

晚上約會冇見好耐的pc 數字s
啊, 大家都不再是數字了!
短短一聚, 感覺很好

1月2 的假期決定回舊公司走一趟~

由同事變成朋友
沒有高深的學問
多謝天父!

我們找天再聚 :)

>>December 22, 2006 at 7:56:58 AM GMT+8