2006 年 9 月 21 日 星期四 【晴】

快一星期沒有寫日記了
證明工作的確忙了, 而且, 是不停手的做做做
也好, 時間過得很快!
9月7 一個seminar 後, 今天又一個, 13/10-16/10 是秋季電子展, 首日又有一個seminar
今個星期忙著籌備, 聽講個fair我有個booth 要men 的....ha 下星期連放幾天假, 相信同事會....
10月尾有eco expo, 11月要埋首為12月7 的presentation ceremony準備了
中間還有好幾個meeting要跟, 多充實!

記回上星期五, lunch hr manager走出來 跟我聊
第一句笑說阿璇好慳的, 經常帶飯, 又唔見我食完落街買一袋二袋返黎, 又唔係點花費打扮
我有點尷尬地回答, 係呀, 係呀......
然後她突然關切地問我去緬甸準備成點, 要唔要打防預針
當詳細告訴她過去2年去緬甸的情況, 她問我要唔要奉獻支持我..

woh.....我話好丫, 明天拿回奉獻表找她填
點知, 她回到房中就致電問我"你教會全名係咩呀? 寫支票枱頭係咩呀?"
我隨即打回教會問清楚, 她...已經遞了支票在我面前.....

感動萬分!

相信是神真的感動了她, 也十分謝謝她對我的信任!
原來, 唔打扮somehow係幫左我架!! hehe~


在此祝 edith 生日快樂!
祝暉媽媽早日康復!

>>September 22, 2006 at 4:50:26 PM GMT+8

2006 年 9 月 15 日 星期五 【晴】

碟璇生日會, 有個好堅既名
official 唔清楚, 大概係海鮮敬拜培靈會

由紀碧帶謝飯禱果時, 已經好感動了
一班十幾人的弟兄姊妹, 感情好到........我形容唔到
還記得星期五小妹妹跟我說, 你在教會有好多朋友呀!!

我回答, 是天父的厚愛, 這班人, 這些感情.......在2-3年間, 突然好起來....很難解釋~
是因為我們有同一個事奉? 信同一個神? 我想, 不只如此......


但又正正是我們有著同一的信仰
聚在一起, 不只是耍樂, 玩過了集體遊戲, 笑到碌晒地之後
阿釵話, 我地今晚係好屬靈的
哈, 是嗎? 好呀! 我好喜歡屬靈活動的

不是什麼敬拜培靈會, 單單十幾人, 在這個空間, 唱起幾首詩歌
互相禱告, 很感動, 這份愛, 很真實, 是天父的愛, 是我們之間的愛!


多謝大家, 多謝文軒紀碧的安樂窩
很想每年都同edith一起慶生日啊!!

而為左容納更多的人, 我相信文軒紀碧要越搬越大間屋, 呢個絕對係祝福黎架, yeah!!

>>September 18, 2006 at 11:00:23 AM GMT+8

2006 年 9 月 15 日 星期五 【晴】

準小羊女3點多致電, 說放工後正回教會
但小組在威院探訪, 要5點半先開組
那我就先約了她見個面, 在麥記坐下
咁岩還有同組的阿峰同ada, 佢地岩岩上完防感染...

4個唔識的人, 大概只在上年16堂camp見過下阿峰
竟然傾了一個多鐘, 實在得意!

為了更認識準小羊女, 我join左charles pauline 小組
計上次去了的分立慶典, 今次感受更深!

整個小組時間, 我想了很多事, 不過, 不打算在此記下



上帝的每個小組都很獨特!

>>September 18, 2006 at 5:39:36 AM GMT+8

2006 年 9 月 14 日 星期四 【晴】

晚上跟小妹妹食飯
沒有想到的近4個小時的分享, 很愉快
喜歡這樣子的交流, 是從心而發出的交心

每次與人的相處, 也拿出一百個真心
學會不期望換來相同的對待
因為我更學懂了相信所聽的就是真心的話

生命的確是互相激勵著, 所以我喜歡與人談話分享
學到的東西很多
雖稱呼她是小妹妹, 但相對時, 有很多叫自己學習的
生命多奇妙!

多謝天父~

妳也要加個油!!





清心的人有福了, 因為他們必得見神

>>September 16, 2006 at 7:32:48 AM GMT+8

2006 年 9 月 12 日 星期二 【颱風】

啊, 不得不提返, 星期一我成功請了5天假去緬甸, 感謝天父!!

上星期, 聽見做了近2年的同事, 想請下星期四五2天假
director 都咦咦哎哎.....同事也跟我說公司很難請假, 我要請5天, 應該只可以是結婚
心想, director 之前應承左我架wo
但, 我又唔想出到呢句, 雖然係事實, 不過似乎有點那個!

lunch hr 前15分鐘, 走入manager 房
遞上假紙, manager 笑說自己也是christian, 好明白, 仲好支持我!
woo...感謝主, 我的頂頭上司又是信徒呀!
還跟她傾左一陣, 很好的分享~~

下午4點幾, manager 走出黎笑晒咁話我知, director 批左我喇!
manager 仲話：唔關我事架, 我同佢講你係去宣教, 咁佢就話, 雖然我唔信, 但咁有意義就准你放假...

yeah! 多謝天父, 仲要多謝千千萬萬有好見證的弟兄姊妹
因為有你地, 大老闆先會咁信得過我!!!

要繼續努力在公司做好見證呀~~~




今天早上, 跟媽媽食早餐, 她由年頭講到而家, 佢終於說服左佢自己
俾我今年再去緬甸......但她好嚴厲咁話, 出年唔可以再去
佢話係我上年應承左佢wo.....

anyway, 我也不想在家失見證, 求天父帶領!!

今年, 我可以平平安安的去緬甸了, 多謝天父!!

>>September 13, 2006 at 2:12:55 PM GMT+8

2006 年 9 月 11 日 星期一 【雨】

尋晚由尖沙咀行到佐敦、油麻地.....都買不到用來做魔術的蠅
今晚再接再厲! 放工到了深水埗
十間有九間鋪都close了
幸好, 最後到了一間, 買了近似的, 感謝天父!

上了86c, 7:55 下車決定回家, 因媽媽預備了晚飯
8:15 收到馬的電話, 剛食完飯.....對於回教會敬拜隊祈禱會有點猶豫
掙扎了幾秒, 還是回去了!

原來今晚好多人回了來
聽了大家很多分享
一邊聽, 我一邊想起上緊堂的烏蠅
膽粗粗咁在唔知係唔係最update 的情況下, 要分享她的「近況」
其實, 想了很久, 到最後最後, 11點....我都係覺得要分享, ha~

好好禱告!

>>September 13, 2006 at 1:49:55 PM GMT+8

2006 年 9 月 10 日 星期日 【晴】

911 ecc 同事跟我慶祝唱k
啊, 好耐冇見喇!! 大家都別來無恙, 真好!

收到很多大家的禮物及心意, 多謝你們!
小小禮物加上你們的DIY, 禮物後的意思, 係我最喜歡的!


感覺....這班舊同事, 已是我的朋友了

>>September 13, 2006 at 1:35:41 PM GMT+8

2006 年 9 月 9 日 星期六 【晴】

星期六是難得的假期, 可以訓晚一點 =p

下午到威院的兒童病房聚會
今次小組聯同紀豪小組、偉佳小組及文軒
很欣賞在紅雨的情況下, 大家都齊齊整整的到達, 並用心跟小朋友及家長玩&傾偈
很好的開始, 下次要全組一齊去!

晚上回了晚堂, 很多人, 很多青三四人, 感謝天父!
盼望大家都繼續持守!

vennis 的道, 很有提醒....
若果在教會, 那麼多愛, 那麼多鼓勵...有很多人愛錫的地方
都唔能夠持守生命所信的道
很難相信, 在這個大世界中, 人會怎麼樣??

當中有幾句說話, 幾句形容生命的....聽得叫人很扎心

我看著正坐在我前面是一組的幾個弟兄姊妹, 很想念我前面的位置應該坐下的你

忍不住不停的流下淚來
也為著隔個位的默默禱告, 我相信天父會親自安慰!

鄰邊的組員大概看到傻了~~

如pauline 分享的一樣, 近來好似開左個淚水總掣
有時在不知道的時間, 預計不到的空間
聽到一些消息, 或是只看到一些日記, 我就會哭了

今天在琪琪帶領的崇拜中
極力的忍住唔喊唔喊, 點知仲衰
變成激動的si si 聲
謝謝烏蠅姐姐的拍一拍肩膊

我唔係傷心呀, 我係想到天父的愛
忍唔住.......

+++++++++++++++++++++++++++++++++++++++++++++++++++++++++

小組今天有阿bay 的ice break, 文豪的敬拜同melody 的words...
全新一個階段, 我覺得要有更多的機會, 讓全組組員一起參與在小組中
由0開始, 人少的小組, 沒有那個有多d經驗, 那個叻d, 呢d唔可以係藉口架喇

就是大家一起的嘗試, 一起的同心事奉
多試幾次就唔會怕架喇, 知嗎阿bay
文豪話驚自己攪亂檔, 實在謙虛太過~~ 我還有很多地方要向他學習!
況且攪不攪亂檔, 是觀乎那個角度出發
一組人同心的獻上心, 事奉主, 是多麼美麗的圖畫呢!

在小組, 感覺好溫暖呀, 多謝天父 ^o^

++++++++++++++++++++++++++++++++++++++++++++++++++++++++++

跳回星期六的晚晚上
盼望出席, 不單是身體上, 還有精神及心
可以為大家打個氣

加油!!

>>September 10, 2006 at 11:44:46 AM GMT+8

2006 年 9 月 7 日 星期四 【晴】

我覺得我要post 呢個留言出黎~~



大名： 泰利
電郵： [email protected]
說： "正如我覺得人係要有下一代一樣"

妹丁,快d搵番個結婚,
然後生番十個八個.
咁你既下一代就可以o係一個
好靚既環境中長大.
孝順你.服事你.
大左搵錢過你.
結婚,又生仔..
然後再生番十個八個孫過比你奏

跟住你一路o係廚房洗菜一路同你老公講..老豆啊，都話唔好比糖佢食勒，咳到死喇.仲食糖,一陣你個囡返黎又鬧架喇."

然後呢．．你就坐係ｓｏｆａ度織衫，跟住阿ｂ爬埋來，你就抱起左佢．佢就訓著左．然後你就放番佢落ｂｂ床．靜靜咁出番去睇都市閒情．學左一個新既湯，於是出去買R煲比今晚一齊番來做冬既一家人飲．．仲預備左十個R，當然有火雞同牛扒啦．

噢!!!因為你記錯左做冬同聖誕啊．白切雞變左火雞潻...又蝦多一次喇．於是你又o係日記度打左e件事.然後首領同阿馬都留言笑你蝦到老都o係蝦架.

.....
....
...
..
.

類似E種既生活..啦．

妹丁．有下一代之後，可能會變左咁．好啦．不如我e家就祝福你快ｄ變左咁啦！

ｐｓ：唔知．三十年之後，我地仲會唔會打showhappy呢？仲會唔會有人留言架呢？！
2006年09月08日 12:56:30
+++++++++++++++++++++++++++++++++++++++++++++++++++++++

好多謝首領既祝福
笑死我!

希望你既祝福快d成真! 但我相信我唔會蝦足成世的 >.<
抱孫應該要40年後, anyway,
就算30年後沒有showhappy

也十分期望你及夫人會是分享我抱孫樂趣的一群!

到時候, 可能我帶住d孫, 同你d孫一齊玩.....

"首領首領, 你睇呀, 你阿孫咁細個就識夾band 喇......真係好有阿爺的風範呀!"

>>September 8, 2006 at 6:12:08 AM GMT+8

2006 年 9 月 7 日 星期四 【陰】

這個星期過得好快, 原來已經星期五了!
Happy Friday!
新工作似乎已經適應了不少, 感謝天父!
這個星期都忙著昨天的seminar 及下星期三的會議
Programme rundown, welcoming speech, name badges, promotion kid, souvenir ....又再一次返黎我身邊喇!

從前是幾個人做, 而家一腳踢, 只加埋阿姐幫下手and manager 的instruction
發現, 在ecc 的年多學習, 並沒有白費

特別是昨天早上, seminar 10時開始, guest reception 9:45
還正預備做guest reception 的時候
大老闆9:15叫我入房, 說要我做seminar 的司儀
只有半小時的預備
連忙覆閱mc script 的template
改一改就去了

雖然seminar 只有40人, 但全都是公司的管理高層
都咪話唔驚!
幸好都不過不失
還得了大老闆的稱讚, 好開心呀!

由於工總推緊的環保項目想拎多d 官方and green gp的endorsement
seminar 完了跟green council 的ceo 開會
世界真係好細, 而家工作上的對頭人大部分也是從前認識的
或者係, 環保的行頭特別細
當manager 介紹我係讀環保的, 之前在環保署工作, 而家負責工總幾個環保項目,
對方笑說之前已見過面及合作過了

呢下, 覺得原來我係同香港的推動環保人仕有network 架
原來, 我都真係做緊自己想做既野架!!
勁感動呀!


雖則我份人唔係極之環保, 但我都好想推多d環保
呢個係sustainability 的問題, 正如我覺得人係要有下一代一樣!

>>September 8, 2006 at 3:43:00 AM GMT+8