2005 年 6 月 30 日 星期四 【乍寒還暖】

1/7/2005 fri 7:34pm

今日係回歸日呀，我地rainbow(魚旦、eva、晃、瑞芹、瑞華、小o、芝、我)仲有阿彤同阿花好應境，去左海濱回歸塔，哈哈~~~首先我地12點o係海濱個劇場集合，o係o個度有d人o係度呀，應該係d弱智人士黎架，佢地好搞笑架，我地坐o係度睇埋佢地表演先走呀，好開心呀~~~之後我地好熱呀，要飛入昆蟲屋嘆下冷氣，o係裡面有部機架，係模擬捉蝴蝶呀，但係......我地企左好耐部機都冇反應喎，原來最後先知係有高度限制的=.=，所以唔畀我地玩=.=，太無奈了。之後就出去影下相啦，影左好多靚相~~~

之後再上回歸塔，上到最頂，我地就坐左o係度圍圈傾計呀，每人都講下近況，又講下未來放榜之後點，又講下例牌愛情野啦~~~講左好耐~~~我地就畀個食蕉趕走呀，o個時都2點~~我地就起行去食tea~~~

去左大元村既聚寶酒樓度食呀，10個人~~~坐左你一個幾兩個鐘度，我都好耐冇去飲茶呀，今次我地都係每人20蚊咋，好平呀餐茶，又可以坐佢咁耐喎，呵呵~~~我地又可以一邊飲茶再繼續傾計呀~~~

傾完之後就冇咩野做呀，行下大埔咁啦，睇下d衫咁，不過我冇咩心情睇衫呀，大家行行下，10個人一齊行街，都係第一次咋~~~呵呵~~~之後行左一陣就走啦，都差唔多6點lu~~~

返到home就即刻洗白白，同埋整返d相入電腦，好靚靚呀d相~~~

今日玩得好開心呀，用左好少錢又完全達到我地既目的~~~真係好呀~~~~~~~~~~~~



9:05pm

>>July 1, 2005 at 1:49:25 PM GMT+8

2005 年 6 月 29 日 星期三 【乍寒還暖】

30/6/2005 thu 11:41pm

終於有時間畀我打日記喇，今日勁多人同我icq同msn，因為好多野要傾呀，聽日rainbow活動因天雨關係要再傾過，而camp o個度又傾下，仲有就係閒計啦~~~哈哈~~~今日係同小朋友補習既最後一日，我畀左個msn朗晴，佢就add左我啦，勁同我講野，哈哈~~~由7點幾講到11點=.=，不過其實全部都係無聊野黎既，笑爆我個咀，佢又問我有冇食煙有冇吸毒呀，真係笑死我呀!!! 我就答佢話「你老師好乖架，唔做呢d野~~~」之後我又叫佢唔好做呢d野，叫佢唔好學壞~~~哈哈~~~傾傾下，言談間知道佢都係基督徒啊，goooood~~~其實佢條頸都帶住條十字架既鏈，所以我都想知佢係天主教定係基督教，而佢係返天主教小學的，有d搞笑~~~

倒敍法，宜家講返今朝，今朝唔知做過d乜，online掛，我都唔係好記得lu。

1點出門口坐火車去city u啦，去interview computer science，哈哈=.=。之前食飯勁睇open day拎返黎o個張leaflet，睇返佢個programme係咩黎既，o係火車又再睇啦。之後去到city喇，之後就搵下間房啦，食飯既時候問過家姐，所以都知要點去，不過去到都已經係1點50分喇，幾危~~~之後就2點開始in，一開始入去個preparation room就諗快d到我啦，等我可以快d走，唔駛補習o個度有咩遲到啦，點知，o係呢個時候就叫我去in了，係第一組=.=，幾勁勁=.=。我o個組有2男1女，3個人一組，一叫名就入去啦，又係有2個professor，o係度講英文，又係用英文in，我真係.............，好彩今次唔係第一次，有心理準備，一開始叫我地introduce myself啦，叫我講先，o係火車都講過下，講返出黎，但係塞晒，因為唔記得左，不過到最後都講了。之後到另外兩個講，d英文又好似好勁咁的，嚇人。之後既對答實在太87，唔想寫o係呢度第日畀自己睇返，哈哈=.=，今日都同阿彤分享左我interview既87對答，哈哈=.=。之後好快就in完，2點半就閃得人，幾早~~~之後就諗住去行下又一城既，但係好乜野行，所以2點45就走啦，坐火車返歸~~~

返到太和，去左百佳買糖，再返home，上左陣網，又閃，去信義會同小朋友補習，last day呀，但係今日得3個返左咋，雪凌、凱頤、朗晴。我一返到去就同佢地影下相，一齊發顛，哈哈~~~今日得凱頤有功課，同佢一齊做完功效課就一齊玩接龍，小息後，我地一齊玩飛行棋喎，好在冇人入黎je，我地o係度玩唔係學習，哈哈~~~不過2個鐘好快就過，飛行棋都未玩完就要走lu，咁就...係咁lu......，d相遲d可以畀大家睇下啦~哈哈~

返到黎，用左陣腦，2舅父又上黎搞我部腦喎，好驚呀~~~搞左好耐又走喇~~~~

之後成晚就勁online啦，講唔停野，差d hang hang地咁，所有d box都傻傻地，但係又用到喎，真係勁~哈~~~今日d野都講得差唔多了，係咁~

>>June 30, 2005 at 5:09:33 PM GMT+8

2005 年 6 月 29 日 星期三 【晴】

30/6/2005 thu 3:24pm

睇下我幾快返黎，今日又多一次87既interview經驗了，哈哈=.="

宜家去同小朋友補習，最後一日了......>.<"

(待續...)

>>June 30, 2005 at 7:25:44 AM GMT+8

2005 年 6 月 28 日 星期二 【乍寒還暖】

29/6/2005 wed 11:22pm

尋晚勁好訓啊~~~因為又係有打ball啦~~~不過宜家又斷左手同斷左腳啦~哈哈~~~

今朝我都11點幾先起身，之後都唔記得做左d咩lu。再2點9約左晃晃傾營刊d野，傾得都唔錯~大致上都傾好~~~係個時間表要諗d名o個度有d困難~~~我同晃晃都冇咩idea~所以我請左免費既槍手同我地諗~~~嘩哈哈~~~thanks佢地~~~傾到咁上下，我同晃晃又傾下rainbows~哈~~~到4點就去同小朋友補習lu~

今日同d小朋友又冇咩野喇，可能小朋友真係善忘的~~~哈哈~~~今日得一個小朋友冇返咋，就係凱欣。其他小朋友佢地今日又玩中文接龍，看黎佢地真係玩厭咁。聽日係我教佢地既最後一日，我諗住送d禮物仔畀佢地，但係我諗唔到送d咩好，又唔想送d食得既咁喎，食完就冇，我想可以畀d野佢地留念啊，但係唔知有咩可以送，又時間緊迫，哎呀呀~點呀~可能最後都係得食糖......=.="

聽日2點要interview呀，係in cityu cs，唉...真係唔想去in呀，放o係band b都要in喎，真係煩啊!!! 我睇黎又冇咩準備，我唔想背野呀，背左佢開放日拎o個張leaflet=.=，不過我都冇咩心機呀，唉唉唉，唔想去in呀，仲有佢最好3點半前放人啦，4點我要同小朋友補習啊，一陣有咩差池搞到我遲左就.....=.=大獲粥........

講返今日補完習，返黎見到2舅父黎左，用我部腦，搞左好耐，哈哈=.=，我部腦冇乜位，又冇兩個USB插，so...佢好唔方便，搞左好耐都未搞好，聽日又會再黎過........

仲有野想講，就係之前玩個打鼓機game，我同細妹特登唔畀家姐知，佢一o係home我地就唔玩，因為佢要做紙，唔想引誘佢啦，不過好不幸，今日終於畀佢知道左，佢返左黎我都唔知=.=，因為帶住耳筒玩呢個game，哈哈~~~之後畀佢知道左了，佢就話好好好玩~~~哈哈~~~都預左，因為我同細妹都話好好好好玩，我地都上了癮啦~~~宜家我地追求既係full compo~~~喎呵呵呵呵呵~~~勁好玩^0^

>>June 29, 2005 at 4:12:42 PM GMT+8

2005 年 6 月 27 日 星期一 【晴】

28/6/2005 tue 8:48pm

尋晚又訓唔著啦，因為尋日冇做過d咩大作為要用好多體力既，搞到我又要o係床度碌黎碌去，好慘~~~

今朝10點起身啦，約左肥甄、大佬、紫婷去新街市個體育館打羽毛球，第一次o係呢度打咋，不過個冷氣就一d都唔勁，熱到死呀~~~我一去到就見到細hel、大hel同阿寶，佢地都book左場打波呀，但係我見唔到肥甄佢地喎，幾驚，之後見到紫婷黎左，先再見到肥甄同大佬o係度打緊~~~之後就打打打啦，好支力~~~大佬好勁~~~身子識飛咁~~~哈哈~~~動作又好快~~~勁秋~~~好快就過左2個鐘喇~~~之後就一齊去食lunch，去左店小二度食，幾好食呀，又平喎~~~good~~~之後就返home lu~

返到home就洗左白白~~~舒服晒~~~之後用電腦~~~

4點去同小朋友補習，今日...唉.......抄左我把啦，真係好難頂，好彩做埋6月就唔駛做，即係仲有2日je。今日真係...唉......就係...今日凱頤又喊，喂，今餐真係唔係好關我事喎。我就快發顛啦！事原係咁既......佢地冇乜功課，再次地玩中文接龍，凱頤佢講野好串，又冇咩禮貌，都幾黑人憎的，我就話要忍佢je，但係雪凌同朗晴都唔忍佢呀。小息朗晴拎左本填顏色既畫簿，同雪凌一齊填色，唔同凱頤一齊填，之後凱頤就坐埋一邊，連接龍都唔玩喇，咁我梗係要關心下佢，叫佢再同佢地一齊玩啦，又叫佢唔好只係坐o係度，拎d野出黎做，知佢鐘意畫公仔，我就叫佢拎本簿出黎畫，但係佢都唔理我，唉.....一開始佢只係好down咁既樣坐o係度，我都知佢係想喊咁款，但係我講又講過喇，我都唔知做咩好，之後就畀佢冷靜下啦，一陣之後佢就喊喇，唉......勁無奈，之後就勁哄佢啦，唔理我=.=，之後喊喊喊，喊左n咁耐，真係好煩呀!!! 都諗住叫晶晶黎啦(晶晶姑娘同凱頤好熟)，但係都冇，一陣之後晶晶自己入黎啦，又見到凱頤o係度喊，搞到我勁唔好意思，好似我整喊佢咁，唉.........係咪真係我既問題呢，點解會有咁多小朋友喊？但我唔覺得自己有咩問題喎.....雪凌今日問左一題令到我好驚訝既問題，就係佢問「老師，每個人係咪都有自由權架？」，我以為佢咁勁，問埋d咁高level既野，原來佢係想話佢係有自由選擇唔同凱頤玩，我真係勁無奈，小朋友呀小朋友，我真係想叫救命呀！凱頤又係喎，佢自己講野又串，又扮野認叻，人地一做錯少少野就串到人一幢都冇，我自己真係都唔係好頂得順佢，但係宜家係佢喊喎，好似佢係受害者咁，好慘咁，容我講句「食紙啦」，你咩事呀？o係度喊？有冇諗下自己係咩人先呀，自己都搞到其他小朋友唔開心，至憎d人o係度喊又冇理由架喇，喊大晒呀？雖然你喊我真係好驚，但係我會睇你唔起囉，(嘩！我越講越火...)。總之係咁啦，不過d小朋友邊識諗咁多丫，真係好鬼煩，相信肥甄講我同呢d小朋友都有好多個gap，完全唔知佢地想點，我真係想唔理佢地呀，煩到我爆炸！我仲未講完今日件事，晶晶黎左之後，就又唉又西咁請凱頤出去，之後就連d社工都知道佢喊啦，仲喊都眼腫，鬼咩，勁哄佢叫佢「唔好喊啦...唔好喊啦...有咩唔開心話畀老師知...」佢都o係度扒o係桌度勁喊，唉唉唉.....。晶晶叫左佢出去之後，我就同返雪凌同朗晴講返，話雖然凱頤係有唔岩，但係佢地咁唔同佢玩都有唔岩呀，有時要理下人地既感受，我問佢地「係唔係？」之後雪凌話「唔係」=.=""""""勁無奈，搞到我塞左一塞=.=之後繼續講呢d道理啦，佢地好似聽唔明咁=.=，唉.......之後有個應該係社工既物體入黎啦，問我做咩野，之後簡單咁講左一講，唉......之後都6點啦，落堂，d小朋友都走喇，之後個社工又同我講野，我就詳細咁話佢知啦，唉.........真係好唔好意思，我都真係想o係地下挖個窿塞入去呀!!! 其實我係黎做補習老師，做咩搞到我係做社工咁架=.=，唉......

岩岩同家姐分享左以上既事情，令我好舒服~~~哈哈~~~之後家姐又分享下佢實習o個d智障人士既野，同小朋友差唔多，咁梗係比小朋友更加難觸摸，聽到家姐實習d野真係都幾搞笑，哈哈~~~同埋佢d人都有d係好難頂的...真辛苦啊~

P.S. so sorry今日個日記咁長=.=仲係要o係度話人的...

>>June 28, 2005 at 3:10:34 PM GMT+8

2005 年 6 月 26 日 星期日 【乍寒還暖】

27/6/2005 mon 8:35pm

今日未訓醒既時候就聽到媽咪o係度鬧人喎，幾咁可怕，一陣之後我就訓返lu~~~再起身都10點幾~~~

一起身就靈修呀~~~幾咁勁~~~哈哈~~~要keep住日日一起身就靈修先~~~

一陣之後就用電腦啦~~~打返尋日個會議紀錄，打得唔錯，幾快~~~之後就再上下網~~~msn下啦~~~之後又玩電腦個打鼓機啦~~~哈哈~~~睇下下面幅圖.....真係好過份呀!!! 有一個位係過極都過唔到喎，真係激死我啦!!! 之後玩到我都冇心機玩啦，打到d拍子發顛咁制，宜家發覺打鼓o個d人拍子真係要好似個拍子機咁準呀，唔係首歌就樣衰啦~~~勁打機之後隻眼就爆咁制，有d幻影咁，打打下部腦仲hang左，呢個hang法係前所未有的，嘩哈哈~~~笑死我~~~之後我就索性熄左個電腦去啦~~~哈~~~

之後就去洗頭洗白白啦~~~relax一下~~~哈哈~~~之後仲做左個mask~~~我同人講話我做mask，d人話我貪靚喎，呵呵~~~呢個係女仔既天性~right???哈哈哈~~~加上就快grad din~~~要保持皮膚唔好爆野啦~~~



>>June 27, 2005 at 12:59:11 PM GMT+8

2005 年 6 月 25 日 星期六 【乍寒還暖】

26/6/2005 sun 10:16pm

我宜家越諗越唔開心，其實本來都冇咩野架，不過...人就係鐘意諗咁多野，越諗得多，就越負面咁......今日hh，講「你有價值嗎？」，我地分享緊一條題目，「你有冇曾為過自己既外表、才能、地位而失落過自卑過？」，我諗左一陣，諗緊有一樣野好冇分享出黎，最後我都分享左，但係反應卻令到我好介意，哈=.=，其實我都心裡塞左一塞，我知…係講笑，但係一句講笑係可以令到人好唔開心，其實我都分享話我係介意既時候，唉......其實呢個係我既死穴，我真係好好好介意。其實呢句說話我聽過2-3次，係同學都係講笑咁講既，但我都冇今次咁唔開心，笑下就算，但係....今次.....唉............神呀，求你調整我既心，讓我唔再介意呢件事，唔再介意呢個死穴，釋放我既心!!!

再講返今日...今日係主日，今日做招待呀，不過我9點2先返到去，佢地個個都著左裙呀，尋晚唔話我知，好衰架，得我一個著褲咋>.<。之後敬拜講道啦~~~講道完就hh，hh大致上都分享得幾開心呀，ngng.....

完左hh，就買lunch返黎食，買左薰蹄蒙粉，不過d粉好碎好林，下次唔食蒙粉呀。之後夏令會開會，唔錯~~~開到3點就完喇~~~good~~~之後去左探營~~~good~good~good~good~因為個營加左好多野玩，又靚左好多，裝修過~~~好正呀~~~

完左我同阿晃去左花花home，彈下琴，唱下詩歌~~~好happy的~~~到7點返到home~

宜家心情好好多了，多謝哥哥請bb食薯片~~~~~~~

12:15pm~

>>June 26, 2005 at 4:22:05 PM GMT+8

2005 年 6 月 24 日 星期五 【晴】

25/6/2005 sat (11:32pm加野~)

睇下!!! 我得左喇!!! 首"feeling heart"有S喇!!!!!!!!!!!!!!!!!!!!!!!!!!!!!!!!




25/6/2005 sat 8:55pm

今朝都冇乜做過咩~o係度用下電腦呀~~~o係度整d公仔呀~~~靚靚~~~之後又玩下我細妹個打鼓機呀，o係電腦玩架，好似玩跳舞毯咁架，勁好玩呀!!! 宜家玩到首"feeling heart"有A呀~~~我要玩到有S!!! 而首"Lydia"得D咋~~~我要C呀~~~不過真係好難啊~~~我宜家只係玩basic lv 咋，玩advaned lv 就即死~~~哈哈~~~個game真係好鬼過癮架~~~~~哈哈哈哈~~~~~

今日下午都幾好天呀，冇落雨呀，諗住同細妹去跑步架，但係最後都冇呀，因為我周身痛呀~~~尤其係對腳同右手呀~~~所以都冇去lu~~~下次再去啦~~~~~

個game真係好好好好好玩架~~~~~~~~~~

TO: 篤篤~~~
梗係唔似啦~~~哈哈~~~
p.s.篤篤係我細妹~

TO:晃
係呀~~~唔知點樣先可以簽到個個名都一樣~~~哈哈

TO:瑞華
d糖糖真係好靚~~~哈哈~~~

~~~~~~~~~~~~~~~~~~~~~~~畀大家睇下我d作品~~~笑爆咀~~~~~~~~~~~



>>June 25, 2005 at 3:33:44 PM GMT+8

2005 年 6 月 23 日 星期四 【溫暖】

24/6/2005 fri 6:41pm

今朝6點幾落雨行雷閃電幾勁，搞到我都醒左，之後又再訓返，到9點幾再先起身。勁唔想起身呀，因為仲好眼訓，但係又book左場打壁球，咁就一定要去啦，去到10點啦~岩岩好~~~連打半小時，一條友，支力死我~~~同埋都好悶~~~哈哈~~~下次都係唔去lu~~~等遲d天晴既時候去跑步仲好~~~可以evening先去跑，咁就唔駛早起身啦~~~呵呵~~~咁打打打，打到10點半，都冇諗要再book了，因為隻手同條腿都散左，要執返齊先得~哈哈~~~不過我想book都唔得，因為畀個師奶book左喎，不過佢唔係o係度打壁球，佢係book黎耍太極扇=.=，之後佢畀d職員話。咁我打完就坐左o係出面一陣，睇下人地打羽毛球，勁想打啊~~~一陣之後就返home啦~~~

返home坐左一陣，同左媽咪去銀行，做左定期，同埋拎左500蚊出黎，第一次簽名咋，我又次次個簽名都唔係好同喎，簽既時間幾咁驚，一陣佢話我唔係我，冇錢拎呀~~~不過簽完佢冇野呀，咁就拎左500出黎，個銀行職員問我要咩紙喎，我都唔知佢講乜，都唔明，之後媽咪就幫我答話要100咁，原來佢係問我要幾大既銀紙~~~then去d counter做定期，搞搞搞，原來係咁既~~~又學到野喇~~~媽咪話定期利息高d呀，橫掂我d錢都唔好拎出黎，咪做定期啦~~~

做完之後就返home，睇《再生緣》大結局呀，ok啦~幾好睇~哈哈~~~

then用陣電腦，想執下電腦裡面d野，發現左一套《小新》，仲睇埋添，笑死我，小新好87同好咸呀!!! 哈哈~~~

之後就去補習啦，今朝紅雨以為唔駛添~今日都係得3個小朋友， 就係凱頤、雪凌、朗晴，佢地o係度接龍，凱頤冇得接，因為佢要做功課，佢又喊了，唉....................保你大，唔好再有小朋友喊啦~~~!!!

>>June 24, 2005 at 11:02:57 AM GMT+8

2005 年 6 月 22 日 星期三 【晴】

23/6/2005 thu 6:21pm

尋晚好慘呀，訓唔著覺呀！眼光光@@"，到2點幾仲未訓著呀，之後就落雨行雷添喎~~~家姐都畀d閃電搞醒左，佢仲起身開埋冷氣啊~~~差唔多3點我先訓得著.........

今日補習啦，梓文有返，但係佢真係好煩呀，成日包頂頸，搞到我忍唔住要串佢，之後佢又發脾氣話唔玩喎，真係好煩呀!!! 佢地個個都考完試，冇野做，宜家又唔會畀補充架啦，佢地都唔肯做，叫佢地玩接龍呀，悶死嘔~~~國灝又成日o係度睇漫畫喎，叫佢唔好睇又唔聽我講>.<"""，就快嘔得血出!!!

6點放學，閃人~~~有個職員入黎同我拎返d野出去呀~~~幾靚仔的~~~呵呵~~~~~~~宜家信義會多左幾個職員呀~~~ok靚仔架~~~又好人~~~呵呵呵~~~(發顛中~~~)

之後去左太和體育館book左個壁球場，以為9蚊係可以打1個鐘添，原來係$9/half hr for Ss，所以我宜家只係book左半個鐘10:00-10:30am，如果聽日打打下，打唔夠就再book埋之後o個半個鐘啦，橫掂都係empty的~~~聽日要早起身，打晒d energy去，晚上可以好訓d~~~

>>June 23, 2005 at 11:58:26 AM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48445

Design & Scripting by ShowHappy.Net