2005 年 10 月 25 日 星期二 【晴】

26/10/2005 wed 11:19pm

今朝勁勁　讚下自己先　就係今朝８點起身　不過都係冇去跑步既．．．
起身就同媽咪爹地去明星飲茶　同尋日一樣啊～

返ｈｏｍｅ　要食藥啦　＞．＜
尋晚賴醒見自己食左３次藥之後好左好多　就唔食喇
搞到尋晚又喉嚨痛返同埋有少少咳添＝．＝”　本來冇咳架＝．－”
所以都係食返藥啦．．．．．．　ｄ藥真難食！！！　討厭

之後用左陣電腦打日記　同搞日記板　再靈修
又唔想溫書　就ｏ係屋企唔知做乜　悶悶地就ｏ係ｓｏｆａ度烚著左Ｚｚｚ
之後媽咪煮左個面當ｌｕｎｃｈ食
我唔餓　媽咪畀左少少我食　咁我就當食左ｌｕｎｃｈ喇
ｔｈｅｎ好眼訓　上床訓Ｚｚｚ　午睡片刻．．．
睡到４點＝．＝”　飛身去補習

志豪測完驗　派左了．．．預左＝．＝”
中文６１分合格　英文３ｘ分唔合格　常識５ｘ分唔合格　唉
數學未派．．．．．　希望佢合格啦

６點幾返太和去樓下自修室　ｏｋ～

８點返ｈｏｍｅ　ｄｉｎｎｅｒ
阿旺正呀！！！　笑死～～～　好鐘意睇啊～

＊今日部ｍｐ３機重新入晒ｄ歌　唔駛成日都係聽ｏ個ｄ　聽到厭晒
轉新歌　清新的感覺很好～～～

＊聽朝要去跑步呀！！！　跑唔到ｏ個個係正龜蛋！！！
（呢個方法幾ｗｏｒｋ呀～哈～）

＊日記板右手邊寫左ｄ目標　唔同方面既都有
希望可以督促下自己　同埋公開左會畀到ｄ壓力自己去做　哈
因為我成日應承左自己既野都唔會做到出黎
畀大家知道左　就當好似應承左大家　要做到啊～

－－－－－－－－－－－－－－－
26/10/2005 wed 10:28am

尋晚睇返你個日記　同埋分析返同某人既對話　終於真相大白　我明白了
明白點解某人會覺得我話緊ｏ個個係佢
明白有ｄ野其實都唔係關你事　我都唔想你無啦啦食左呢隻死貓
咁宜家篇野好似話緊兩個人咁　定係其實都係一個人＝．＝”　我都唔知
焦點變得唔集中　散左　有ｄ唔知自己講緊乜
不過其實我都只係想解釋返我點解會有咁既反應而已
算罷　就讓呢件事告一段落　你都唔好覺得自己錯晒
感情冇得分對與錯的　只是沒有火而已

>>October 26, 2005 at 3:52:38 PM GMT+8

2005 年 10 月 24 日 星期一 【晴】

25/10/2005 tue 10:26pm

尋晚合埋對眼　個腦不斷咁諗野　完全搞到我訓唔到
我又病　又支力　好想訓　但係就唔畀我入睡　＞．＜
但係太奇妙　今朝可以唔駛做龜蛋呀　哈哈　我８點１５分起左身呀
睇黎呢個病畀我既係一日既真正休息同埋用黎較返正我個生理時鐘的
太好了　感謝神呀～～～

今日起左身我又唔係去左跑步呀　因為都未病好　唔做住　哈
同左媽咪同爹地去左明星飲茶　正呀～～～　好味～～～　食到我好飽啊～
之後同媽咪去左交通銀行做左張定期　一個月自動續
呢ｄ理財既野　都係媽媽最醒　我要多多學習啊

搞完就返屋企喇　就將我諗到既野打落日記度
之後就ｈｅａ下咁　睇下ｔｖ
１點幾走左去訓左半小時至一個鐘　之後就起身了
搞左陣塊面　做左ｍａｓｋ
４點就去左樓下自修室溫書了
今日唔駛去補習啊　呵呵　太好了
因為今日佢最後一日測驗　又冇功課要做
所以唔駛去ｌｕ～
咁我就多左時間溫書啊～～呵呵
今日都溫左ｏｋ多　滿意中　哈哈～

返到ｈｏｍｅ８點幾　食ｄｉｎｎｅｒ　睇阿旺　好笑～
用電腦～　又打日記　ｍｓｎ　ｉｃｑ
快ｄ去白白同訓覺呀～

ｐ．ｓ．壞左ｎ日既計數器終於都復活喇！！！ｙａｙａｙａ～


ＴＯ：瑞華～
你都好幾日冇寫日記呀～
你加油呀！！！　精神上１００％支持你呀！
當你氣餒既時候　記住仲有神同姊妹撐你呀～～～＞３＜

>>October 25, 2005 at 3:57:49 PM GMT+8

2005 年 10 月 24 日 星期一 【晴】

25/10/2005 tue 10:22am

尋晚都同家姐傾過呢件事　越諗我就越覺得唔開心
我覺得ｏ係呢件事度好受委屈　你宜家好似講到我咁做我錯晒咁
但係你有冇諗返成件事係點
你話直接係好　我都知
但係你諗返轉頭　你有冇直接咁同我講過你鐘意我先
你ｏ係好多地方上都做過暗示　所以我知
但係由始至終你有冇直接同我講過　你冇
點解你宜家又要求我直接同你講呢　只係識話我暗示唔岩
你暗示講　咁我當然暗示地回應　你叫我如何用直接呢
唔通我無啦啦同你講「其實我唔鐘意你　同你冇感覺」
出於我同你一直係朋友身份　冇啦啦會講呢ｄ野咩
如果你係更衰的　你可能推翻所有事情　你絕對可以話你冇追過我
朋友都可以送禮物　朋友都可以每日打電話或ｓｅｎｄ短訊黎關心
你日記講ｏ個個唔係我等等理由　你可以推得一乾二淨
咁當時既我係咩　我係自以為好有魅力　你會喜歡我既人？
我都需要保護我自己　既然你冇直接同我講
即係你冇畀機會我直接同你講返　所以宜家你點可以咩都賴晒我　話我避呢

仲有ｏ係呢件事上面我完全唔覺得自己避緊
我起初唔同你講野　係因為我心情差　唔想同你講野ｊｅ
之後你卻ｏ係ｍｓｎ既個人訊息度又狂迫我　我就仲反感　更加唔想同你傾計
我呢ｄ都係基於朋友既正常行動同反應　我有權去選擇同邊個朋友去傾計
係你自己ｏ係度亂諗野　又話咩「冇機會喇」「無望喇」等等
其實我唔同你傾計係冇拒絕你既意思　但係我當然控制唔到你點諗
到之後　你既然自己都諗到你自己無機會既時候　咁相信大家都明白係咩事啦
如果你係仲要我直接講既　你可以直接問我丫
你夠薑既咪同我表白　咁我咪直接回應你
宜家你卻只係話我避　我既做法唔岩　咁你有冇諗過你有冇畀機會我直接去答你呀
你冇既時候　就唔好賴晒我

呢件事上面　大家都唔開心　咁只係代表大家都處理得唔好
但係你卻只係話我咁樣處理唔好
當然　我經驗冇你咁多　有地方會做得唔足　我唔徹底清楚男仔係點諗
而你經驗都唔少　但亦都唔見得你做得幾好囉

對於感情事　我覺得係兩個人既事
我甚少會打落公開既日記度　同埋好少主動同人講
但係今次你咁揚　我覺得好受委屈
你仲都幾高調咁暗示畀其他人知　又打埋落你日記度
我唔想其他人只係用你既角度去睇呢件事　覺得我錯晒咁
我都需要為我自己平反　需要知道　呢件事　大家都有責任
我唔想一個人食晒隻死貓　唔該對我ｆａｉｒ　ｄ

宜家講清楚後　希望大家唔好耿耿於懷　可以自然咁做返朋友
求主保守大家弟兄姊妹既關係　唔好因為呢件事而有所誤會同面阻阻
ｇｏｄ　ｂｌｅｓｓ　ａｌｌ　ｏｆ　ｕｓ

（今天日記待續）

>>October 25, 2005 at 3:38:27 AM GMT+8

2005 年 10 月 23 日 星期日 【晴】

24/10/2005 mon 6:54pm

今日　真的做左龜蛋　仲係一隻病龜蛋＝．＝”

７點幾鬧鐘就響　想起身的
但係　個頭好重　又腰酸背痛咁　所以到最後都冇起到
之後就好醒訓　８點幾又醒左次　９點幾都醒左次　１０點幾就起身了
不過一起身都唔係好掂　刷完牙又上返床　但係唔訓　ｏ係度睇下書咁
睇左幾個ｃｈａｐｔｅｒ　都係要起身
坐ｏ係ｓｏｆａ度呆　喉嚨又痛　頸又痛　流鼻水　頭重重　好難頂

到左２點半　去公共圖書館還書！！！過期過左一日呀！！

３點去睇ｅ生　勁唔想出街啊　但係唔睇好似仲衰
去到　ｅ生話發少少燒　唉　感冒啦　我都識診斷　哈
之後問埋佢牙痛ｏ個度　佢叫我早ｄ訓同埋唔好食煎炸野
咁都畀佢知我夜訓　＝０＝”　我就答佢「哦～知道～」
佢又係畀埋ｏ個ｄ藥　例牌的　我都識執咁制　哈
睇黎我可以做ｅ生同護士了～

睇完ｅ生　同媽咪去左富善街買ｄ菜　見到好多鬼佬黎參觀
買左蛋撻　返到ｈｏｍｅ食　之後食埋藥
想訓　想休息　不過唔得　夠鐘要去同志豪補習
遲左一架車入去　所以４點１０先去到　遲左２０ｍｉｎｓ呀！！
去到同阿婆解釋返　好在佢冇咩話我
入去前都禱告　今日志豪要醒目ｄ聽話ｄ　唔好要我勞氣
今日總括都ｏｋ的　我上星期五出定左一ｄ數畀佢做（佢聽日測數學）
咁佢就做　都幾乖．．．一開頭　過左一段時間　佢開始唔想做
咁我既忍耐力好似仲強左咁　仲同佢講笑叫佢做　又利誘佢做咁
之後佢又做做下　玩玩下咁　都ｏｋ既
到最後　我直接用口出文字題　有一題係ｉｑ題的　咁佢都玩得幾開心
咁佢都答我其他問題　就算唔係ｉｑ題佢都答
咁佢識　就話佢叻叻啦　讚下佢　佢個樣好招積咁
之後佢又話要問返我　我實答錯的　因為佢ｏ個ｄ題目係唔ｍａｋｅ　ｓｅｎｓｅ的
佢都唔知佢問緊乜　哈哈　咁我唔識答　就照話佢醒啦　哈
因為重點係我出畀佢做
我出左題好搞笑的　唔搞笑佢冇興趣呀
我問「你婆婆個鼻有１５粒鼻屎（哈哈　呢度已經笑死佢）
咁其實你婆婆係有８個鼻的（哈哈）咁你婆婆共有幾多粒鼻屎呢？」
咁佢就一邊狂笑一邊計１５ｘ８畀我睇喇～　非常好～～～　哈哈哈～～～
所以好感謝神　今日病住去補習都唔錯　唔駛噴血　ｔｈｘ　ｇｏｄ！！！

宜家去休息下先．．．

突然諗起尋晚ｄ野　尋晚我１２：０２先發覺我有書係星期日要還的！！！
ｏ係公共圖書館借架　咁我就要罰３蚊喇！！！
一日一本要１元５毫呀！！！　如果早３分鐘記起
我就即刻上去圖書館個網度禁續借啦　唉　咁就蝕左３蚊呀！！！

>>October 24, 2005 at 11:21:15 AM GMT+8

2005 年 10 月 22 日 星期六 【晴】

23/10/2005 sun 7:11pm

好眼訓添　狂打喊路呀　／０＼＊

今朝小園８點幾打黎我手提呀　又唔出聲喎　仲要打兩次
我心諗覺得佢冇ｋｅｙ　ｌｏｃｋ個手提　所以打左黎畀我
但係ｏ個時我同家姐都未起身　所以個電話真係好玩野
之後就起身啦　食左ｄ野　呆坐左陣　就同阿彤一齊返教會了

敬拜～　自己唔係咁投入啊＞．＜　所以都唔知自己唱乜
都嘗試過叫自己投入下ｄ歌詞到　但係　都唔得．．．
講道～　有點兒眼訓　都係抵死的
因為平日咁晏起身　主日要８點幾起身　所以眼訓死／～＼　唉！！！
記得ｔｉｎｅ姐無啦啦同我講話「神同你講『你係ｘｘ的勇士　神要用你』咁你有咩反應？」
我ｏ個時個心諗　我好驚呀　差ｄ嚇死．．．　因為我呆呆下又突然叫我個名
呢個心諗既答案咁岩又可以答左ｔｉｎｅ姐既問題啊～　哈～

完左講道　瑞華過左黎　睇佢個樣好支力呀
問左佢搵工ｏ個度點　都唔知點安慰佢好呀．．．．．
當時時我就好似啞左咁．．．　我怕講錯野　但係．．．我覺得好似已經講錯野咁
之後ｔｉｎｅ姐黎同瑞華傾下計　瑞華就講返佢既心情ｏ個ｄ　都喊左
佢好氣餒　我更加心ｕｐ．．．　唔知點好．．．　我唔識安慰你＞．＜
之後落去　ｈｈ　又冇再講咩了　唔知呀　我覺得唔識呀

之後ｈｈ查經　謹慎自守　警醒禱告　彼此切實相愛
不發怨言　作好準備　為神作個好管家
阿花帶組真係ｇｏｏｄ～　幾鐘意佢咁帶～

之後同小園出去買薰ｘ瀨（又唔記得左點寫個字）
返黎同蛋蛋同瑞芹一齊去ｃａｒｔｅｅｎ度食　佢地帶飯呀　好節儉啊～
食完等左好耐好耐仲未夠鐘上堂　靈命進深班
一陣之後阿芝同阿晃都返黎ｌｕ～～

一齊去上栽培班　玩左２個ｇａｍｅ　笑死～
太惹笑既自我介紹方法　ｎｅｖｅｒ　ｄｏ　ｉｔ　ａｇａｉｎ
玩盲人帶路　我同ｍａｎｄｙ一組　新組合～　要識多ｄ姊妹～～～
講下期望　講下課程　都係ｉｎｔｒｏ～
不過好多野做咁呀　我會盡力的～　期望１０分投入

４點幾完左　同阿晃瑞芹佢地ｏ係出面傾下計
阿晃問小雲ｍａｒｋｅｔｉｎｇ　ｄ野
小雲勁勁～～～　解到我都明白啊～　好多例子ｓｕｐｐｏｒｔ到～
好想讀到佢咁　要加油呀！！！　睇到小雲咁勁　刺激到我呀～～～
仲有原來ｍａｒｋｅｔｉｎｇ就係讀呢ｄ　都ｏｋ喎～
唔知ｂｂａ岩唔岩我呢．．．

５點幾返ｈｏｍｅ掛　都冇睇鐘
全屋都冇人＝．＝”　細妹ｏ係我返ｈｏｍｅ後一陣就返
媽咪同爹地晚上又返黎　一家一齊食炒飯　哈
話左畀媽媽知我今朝開始喉嚨痛呀＞０＜”　飲下ｈｏｎｅｙ睇下會唔會好ｄ
之後就打日記聽歌ｍｓｎ打日記聽歌ｍｓｎ打日記聽歌ｍｓｎ．．．．．．．
打左ｎ耐的日記．．．

我有我既諗法　你有你既諗法　大家角度觀點唔同　男女有別
所以我唔知點樣做係最好　ａ方法適合你　ｂ方法適合我
大家明白就ｏｋ　有咩做得不足　只可說聲　對不起

一個沉重的晚上．．．．．．．．　唔再講了．．．　告一段落

明早又誇口地同媽咪講話聽日要同佢跑步
今次唔可以想懶了　起唔到身既正龜蛋！！！

>>October 23, 2005 at 2:34:51 PM GMT+8

2005 年 10 月 21 日 星期五 【晴】

22/10/2005 sat 10:42pm

哎呀！！！　呢幾日塊面生左幾粒大暗瘡呀！！！　好唔掂呀！！！
可能呢排真係心情煩躁左ｄ呀　我要控制一下我既情緒呀
其實我都唔駛咁躁丫　因為唔值得呀
既然係咁既　就唔好搞到自己既情緒呀

仲有呀　就係前日開始有ｄ牙痛呀
我隻智慧齒其實都出左好耐呀　但係到宜家仲未出完
唔知點解呢幾日開始會痛呀＞．＜
我又用電筒照過呀　又好似ｄ牙肉生野咁
我到宜家仲未知係發生咩事　只知痛咋＞．＜

今朝又１１點幾先起身　媽咪都忍唔住鬧我呀
仲嬲左我添　我一起身就唔睬我．．．
唉　其實我都唔想架　／．＼
不過今日我出街之後返黎好似冇事了

諗住下午去樓下自修室呀　但係都係冇去到
因為聽到家姐話下午好得閒
咁我就叫佢同我去下基督教書展呀
我做咁耐基督徒都未去過　幾遜
見家姐話得閒　我地就２人出左去ｔｓｔ行書展了

ｏ係屋企食左ｌｕｎｃｈ都差唔多３點坐２７１出去
去到　有好多屬靈書呀　我都諗住想買本中英聖經
但係諗諗下　覺得又唔係咁好　因為都用慣宜家用緊ｏ個本
如果買左　咁宜家用緊ｏ個本點算　所以都係冇買到
睇下ｄ書　最吸引我ｏ個本係講讀書榮耀上帝的
一見個書名就即刻走過去拎黎睇　本書係講作者既經歷　都ｏｋ的～
之後又睇中了一本關於愛情的　買埋另外ｏ個本可以９９蚊兩本呀
家姐就睇中左好幾本書　諗住聽日佢再去先買
我地今日都冇咩收穫　因為我都冇買到書
宜家決定買呢兩本書呀　聽日家姐幫我買埋

我地行完書展　ｏ係ｔｓｔ行下　我話肚餓
去左吉野家食左碗牛肉飯　飽飽
之後又行下ｓｏｇｏ等等名店　好貴的．＿．　只供觀賞
睇完坐２７１返ｈｏｍｅ　７點半

返到ｈｏｍｅ　食唔到飯　只食送
ｔｈｅｎ媽媽家姐同我一齊排排坐睇大奧大結局
我地完全冇追的　只睇大結局
呢個大結局好似ｓｕｍｍａｒｙ咁　幾好睇　因為唔駛睇晒都大約知佢講咩
睇完就用下電腦　睇日記　打日記咁

今日冇溫過書＝．＝　星期一再努力．．．
（類似既句子講過ｎ咁多次　唉　但係唔講唔得）


ＴＯ：晃
你唔好爆住呀　唔值得呀！！！
應該拎個炸彈炸死佢地仲好呀　哈哈哈

>>October 22, 2005 at 3:16:00 PM GMT+8

2005 年 10 月 20 日 星期四 【晴】

21/10/2005 fri 10:29pm

尋日痴左線　差ｄ訓唔到覺　不過臨ｏｆｆ有搞笑野
就係「阿ｐｏｏｌ」係錯的　應該係ｐｏｏｈ呀
同個ｆｄ講話「我要同阿ｐｏｏｌ去訓覺ｌｕ」　之後笑死佢
我同泳池一齊訓　哈哈～～～
英文字～　小心ｄ串呀～～～～～

今日心情好返ｄ　不過一諗起某ｄ人某ｄ事就好炆憎
今朝都係去唔到跑步　明天再努力　總有一日會成功的！！！

朝早１０點幾起身啦　睇書《思考學習》　發覺宜家本書怪怪地
睇睇下本書好似講緊點樣去教人思考　而唔係真係教人思考的
所以．．．宜家睇呢本書好怪．．．　唔係好想再睇
但係睇左一半又唔睇　怪怪地咁呀．．．．．

之後溫左ｃｈｅｍ少少

去補習　今次聽阿晃既意見　去之前祈禱
果然　效果唔錯呀　佢今日既表現都ｏｋ　唔會挑戰我既忍耐能力
而佢細妹今日對我好好　又請我食野　平時係唔會的
所以今日幾好呀　感謝神呀～～～

返到太和　去樓下自修室再溫ｃｈｅｍ　到７點９就返ｈｏｍｅ了

呢排都係溫ｃｈｅｍ多　溫埋呢兩課我就會開始做ｐｐ了
但．．．ｐｕｒｅ一個月冇郁過了　唔想計　真係難捱
不過為要有好既成績　我要加油呀！！！
ｐｈｙ停左一排　今日再開始　溫ａｔｏｍｉｃ
宜家ｐｈｙ仲差ａｔｏｍｉｃ同ｗａｖｅ
加油呀！！！！！！！！！！！！！！！！！！！！！

睇黎我都要實行返９月尾１０月頭既行動了
不可再ｈｅａ住溫　係時候要燃燒鬥志呀！！！！！

明天一定係好既開始～

>>October 21, 2005 at 2:52:00 PM GMT+8

2005 年 10 月 19 日 星期三 【晴】

20/10/2005 thu 10:21pm

今朝１０點幾起身呀　都算係有進步
尋晚個祈禱真係令我有決心要起身　ｔｈｘ　ＧＯＤ呀！！
聽朝想去跑步呀！！！　神呀　我要起身跑步！！！

起身用電腦打返尋日個日記
之後就睇書　講思考的　ｏｋ好呀　明白ｄｄ
星期一要還書喇　我估都睇唔完　唔知公共圖書館可以續借幾多次呢？

４點去補習　今日志豪開始測驗啦　睇黎今日測ｄ中文都唔掂架喇
今日同佢溫英文　咩字都唔識串咁制
佢根本就唔願溫　我猛咁迫佢串同溫　佢都唔多理我架喇
唉　溫得唔多　佢都唔合作
呢ｄ細路一早應該拎去人道毀滅啦
同埋我覺得同佢補習　搞到我有ｄ虐兒既傾向
我真係好想打佢！！！　但係我當然唔打得啦
終於明白ｄ阿媽阿爸點解會打仔　雖然話打完心會痛
但係佢地真係令人好想打佢地　點講都唔聽
唔打佢都唔知有咩可以做

返到黎　媽咪好罕有咁問我補習ｏ個度點
之後我咪同佢講　「呢個衰仔冇得救架喇
第日實做乞ｅ呀　佢宜家讀咩書丫　出黎做野啦」
媽咪話佢ｏ個時都冇咁話我地　只係話我地會去洗廁所
話我仲鬧得狼過佢　哈～
呢個衰仔真係．．．　如果我要生仔　一定唔要生過咁既　一定由細培養佢讀書
其實佢阿媽都唔知係咪路既　唔識教就咪生啦　仲要生咁多件

仲有呀　佢個最細個仔　成日打我架
我真係好想打佢囉　佢都有病既　但係我唔打得！！！

所以返到屋企我成日大叫　媽咪話畀我嚇親啊．．．
冇計　因為我都就快痴線

呢份工睇黎最長只係做到１月呀　再係咁　我真係會痴線架！！

仲有呀！！！　你地唔好再煩我啦！！！　我想靜下呀！！

岩岩有人又打黎　好鬼煩呀！！！　算吧啦你！！
真係即刻想叫佢收聲　「我唔得閒呀宜家」　收線

吼！！！！！！！！！！！！！！！！！！！！！！！！

ＴＯ：晃
看來大家都就快痴線！！！

>>October 20, 2005 at 3:04:02 PM GMT+8

2005 年 10 月 18 日 星期二 【晴】

20/10/2005 thu 10:37pm

尋日起身就開始搞ｊｕｐａｓ　ｄ野呀
終於上左網ａｐｐｌｙ左　交左＄＄
咁就諗下揀ｄ咩科啦　睇左學友社本野　睇下有ｄ咩職業我係想做既
但係好似唔覺邊ｄ職業特別令到我想去做
再之後就睇返ｊｕｐａｓ本野睇科　粗略咁睇左一次
揀左ｄ出黎　不過好似同上年ｏ個ｄ差唔多
希望我揀到適合我的　求神帶領

之後講樣令我氣氣地既事　就係尋日志豪早放學
咁佢阿婆想我早ｄ去同佢補　但係我冇開手提　佢搵唔到我
當我開電話既時候　我個電話係咁爆炸　ｄ訊息係咁ｓｅｎｄ黎
咁我打畀阿婆問佢做咩　之後佢就用責備既語氣話我
咁樣我就無啦啦畀人鬧　佢仲質問我ｏ係邊　做咩搵唔到我
我話「我ｏ係屋企」　唔畀咩　我又唔係２４小時ｏｎ　ｃａｌｌ同你個孫補習
你宜家駛唔駛咁既態度　你冇一早ｏｒ早一日同我講　你當日搵唔到我都唔怪得我喎
宜家你話幾時黎就要幾時黎　幾時走就幾時走咩
話左４點半至６點　你改時間　我就可以ｓａｙ　ｎｏ
就算你搵到我　我都可以話唔去架　就算我ｏ係屋企訓覺都得　你理得我做咩丫
我有我既時間　雖然我自修ｄ時間比其他人ｆｒｅｅ
但係唔代表我隨時畀你ｏｎ　ｃａｌｌ喎
我自己都有自己既時間表　你改時間　我唔一定要答應
冇啦啦畀佢咁話法　真係個心勁氣　之後佢又叫我即刻黎啦咁
嘩　ｄ語氣真係令到我想講　「你話咩就咩呀　唔黎呀！　４點半先啦」　咁我當然冇咁講
我咪話ｏｋ　之後就慢條斯理咁換衫去
４點去到　６點閃人
ｄ阿婆真係麻煩！！！

返ｈｏｍｅｏ係ｌｉｆｔ口　阿彤打黎　就約左７點出ｍｋ呀～
咁我仲有少少時間　返左屋企洗左個頭　哈～　幾快手～
之後就同阿彤去左朗豪坊　買飛睇戲先　買左兩包麥提沙呀　咁樣可以３０蚊睇戲～
之後就ｏ係珊珊間仙跡林食個ｄｉｎｎｅｒ～
珊珊推介的好味～　杯野飲加重料～　又有八折～　所以真的好抵啊～～～
珊珊８點放工　就放工同我地傾下計呀　佢有野發表呀
之後我地３個就去影貼紙相呀　我地３個識左咁耐　竟然冇影過！
今次終於影左　ｇｏｏｄ～　不過因為部機唔聽話　珊珊一腳申埋佢
之後．．．珊珊隻人字鞋仔就爛左了．．．．．．．．．．＝．＝”
咁我地就ｏ係旺中買返對鞋啦　真係幾搞笑的～
唔覺唔覺　就快９點５５　咁我地就急步返番朗豪坊ｕａ睇戲啦
去到都夠鐘了　仲要去埋ｔｏｉｌｅｔ　就入場了
我地坐Ｄ行呀！！！　好前呀！！！　估唔到平日晚上都咁多人睇戲＝．＝”
早知叫珊珊一早去買左飛先啦　哈～
我地睇《高凶三萬尺》　勁好睇啊！！！
好有壓迫感呀　加上我地又坐得前　幾驚的～
同埋ｄ人忠奸分唔到　估錯左～　不過就係鐘意睇ｄ估唔到既～　哈～
有個位好搞笑架～～～　上面跌ｄ氧氣罩落黎　ｄ人發顛咁　笑死～～～～～
仲有都唔覺ｄ劇情慢　應該話劇情緊湊～
好戲！！！　大家快ｄ去睇啦～～～
睇到１１點半～　就坐火車返ｈｏｍｅ　ｌｕ～

１２點半返到ｈｏｍｅ啦　返到ｈｏｍｅ竟然個個訓晒　熄晒燈　都係第一次咋～
呢排都去得夜街多　哈～　以前好少的～
可能因為我自修　如果早上要返學的話　一定支力到咩都唔去
同埋ｄ　ｆｄ都要早上返學　但佢地唔駛著校服　咁就可以晚上去下街街　食下飯咁～
都唔錯的～～～　哈哈～～～

仲有就係多謝阿彤送畀我既生日禮物呀～～～！！！
不過我買左ｌｕ～～～　但係唔緊要
尋晚誘發奇想畀我又諗到我自己買ｏ個本可以有第２ｄ用途～哈哈～～
多謝多謝～～～＞３＜


ＴＯ：死人臺臺
我既生日假期同聖誕假差唔多長啦～
兩個ｗｅｅｋ左右～　哈～

>>October 20, 2005 at 3:44:07 AM GMT+8

2005 年 10 月 17 日 星期一 【晴】

18/10/2005 tue 10:32pm

又係１１點幾起身　我既清晨又畀左周公！！！
周公！　警告你快ｄ還返咁多個清晨畀我呀！！！

補習　今日佢爹地ｏ係度　聽到我教志豪野
但係志豪都唔留心聽　好似魂遊緊咁
之後佢爹地就話「你條友仔丫　ｏ係度ｏ徒時間　姐姐問你咁多野　你都唔知
有冇用腦架　係咪要我打你先郁呀？」
之後志豪就醒左一陣　佢都幾驚佢爸爸　哈

補完返番黎　去左樓下自修室　ｎ耐冇去ｌｕ
佢宜家添置左ｄ新桌子呀　都不錯的　去多ｄ先～

呢兩個星期都係我既生日假期咁　我自己畀自己放的～哈
玩埋聽日要收心養性ｌｕ　要專心　認真　讀好書！！！！！
加油！！！！！！！！！！！！！！！！！

>>October 18, 2005 at 3:06:23 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48448

Design & Scripting by ShowHappy.Net