2005 年 6 月 11 日 星期六 【晴】

12/6/2005 sun 7:17pm

尋日成日o係home，o係度一邊嘆冷氣一邊玩電腦，冇咩作為...所以冇寫到日記~~~

今日返教會啊~~~今日唔多投入，神呀.....對唔住啊........敬拜同講道個心都唔知做咩..........唉唉唉..............努力面前啦......

今日hh睇小朋友，冇錯~~~又係小朋友~~~同小朋友真有緣~~~我地o係度玩uno，部機幾好玩啊~~~第一次玩~~~之後我地爆爆谷，食到好飽，所以冇食到lunch，冇野做.....之後小園黎左，佢好唔開心，因為佢好大壓力，connie姐同我同瑞華開解下佢，祈禱求神保守小園有平安啊~~~之後小園就溫書喇。我同瑞華就o係樓下hea下，之後就出去買野食，係lunch or tea啦~~~我食左碗"分題賴"(3個字都唔識寫=.=")，我覺得好好食啊~~~都係13蚊~~~gooood~之後又寫下card~~~then小米黎左叫我教佢讀英文啊，一滴汗^^"，好耐冇讀英文啦，同埋宜家d細路d英文好難，gigantic...呢個字只係識解...我係唔識讀的.....問p.chan啦~哈~~~仲有宜家先知kindergarten係咁串的，唔係kindergarden!!! 教佢地我都學左d字~~~哈哈~~~到6點返home lu~

>>June 12, 2005 at 5:57:38 PM GMT+8

2005 年 6 月 10 日 星期五 【晴】

11/6/2005 sat 10:51pm

2005 年 6 月 9 日 星期四 【晴】

10/6/2005 fri 11:06pm

今日發生咩事呢...

起身食早餐or午餐，晨早細妹帶左個fd上黎，我唔理佢，我照睇電視，icq，哈哈~~~then珊珊打黎~就傾下電話啦，講到把幾火，呢個世代d人...小心d啦~~~打完尋日個日記之後就同左家姐去左欣悅~~~買左書書~~~then就去左同小朋友補習了...

今日....補習班.....又有新野發生......因為呢件事我都有d唔開心.......
係咁的.....凱頤今日o係度喊呀，因為我唔識佢份功課>.<，我覺得係份野出得唔好=.=，咁我真係唔識咁就叫佢返學校問下同學仔啦，又或者問下老師，之後佢就喊喇.......問返佢先知佢話佢老師唔畀問野架喎，都唔知d老師點教小朋友的=.="。我唔開心唔係因為我唔識做佢d功課，而係佢o係度喊我唔知呀....>.<，我都唔知點做人老師，個小朋友o係度喊都唔知，唉......太大意了.......之後我又唔識tum佢喎.............到最後出去搵救兵同佢做左o個題去，是旦畀個答案啦，因為真係覺得個個答案都唔係......真無奈.....又怕教錯.......唔教又唔得.......唔知點好.....>.<""一陣之後佢就冇事了......

返home前買左大家樂返home同家姐share食~~~好餓呀我，因為只係食左早餐o個d野咋...

係咁啦~唔想再打喇...都冇乜特別事...

>>June 10, 2005 at 5:16:22 PM GMT+8

2005 年 6 月 8 日 星期三 【晴】

10/6/2005 fri 1:17pm

哈~又再話返尋日啦~~~尋日參加左無所事事會既活動，無所事事會係我地7b班既同學畀d冇搵工既同學仔參加的，哈~~~尋日就係去c雅既阿哥既home玩~~~打雀啦~大富翁啦~仲有玩下啤牌~~~1點9同肥甄一齊去，因為我唔識去啦，去到c雅既阿哥既home(在運頭煻的)，點知佢地未到，就要o係出面等啊，咁我地傾下計等佢地啦，期間發現左個秘密，哈~~~之後等到佢地上黎啦~~~預左d人既反應了......

入到去~開枱~~~打雀~~~kaka~~~佢地係好勁的~~我呢個新手，唔係好識計番，佢地係玩3番起糊的，同埋lolo講d術語~wow~嚇親人~~~kaka~~~佢地就好勁勁咁啊~~~玩左好幾局之後我就要走喇，因為4點要去同小朋友補習，要返番太和啊，不過好不幸地下大雨啊，but我冇帶遮呀，thx肥甄遮我啊，搞到佢要淋雨，真...不好意思了......

返到去~~~見到梓文啊~~~佢前兩日冇返係因為佢病左呀，真係驚死我啊，不過見到梓文真係病得好犀利啊~~~擔心啊.......希望佢快d好返~~~而凱欣....佢都係冇返，唔知佢做乜呢.........>.<。好似日日都係講梓文同凱欣，不如講下其他小朋友啦，(宜家明白點解平凡既小朋友會咁容易畀老師忽略^^")，朗晴佢成日做功課都話唔識架，問親佢都話唔知，而教左佢之後都話唔識喎，真係冇佢辦法啊，頭都大晒，有時國灝都會教下佢呀，但係佢都係話唔識喎，搞到國灝都發皮4啦。而國灝都係我好幫手呀~佢小六~可以教下其他小朋友，佢都會維持班上既x序(唔識寫個x字呀)，不過佢成日o係度睇漫畫，真係.......so尋日真係要的起心肝要畀佢地做補充練習了。而凱頤.....係次於凱欣後既一個串女=.="，估唔到......佢既懶叻係人都睇到，so國灝都串佢了......而雪凌係一個幾乖既學生，靜靜地咁做功課，真係做完先玩的啊~~~而玩既時候都好有規矩的~~~

補完就返home一陣~~~拎多把遮，點知之後唔駛用的=.=，之後就再去左c雅既阿哥既home，去到打左陣雀，就睇佢地玩大富翁~睇下電視咁~~~之後玩啤牌啊，唔知玩o個樣叫咩名，beach???都幾好玩啊~~~~~~~~之後食野~~~pizza~~~thankyou fucky畀錢~~~之後食完又再玩beach~~~太好我都唔係包尾~~kaka~~~好好玩架~~~下次再玩多幾次就會熟d啊~~~哈哈~~~我地玩到12點啦~~~肥甄同我行返home~~~thankyou~

返到home好眼訓，加上前日傾電話傾到3點幾，so白白完就即sleep lu~

that's all for yesterday~~~very goooooooood la~~~happpppppppppy~~~

TO: 晃
哈哈~~~幾咁啦~~~
不過3點幾真係好眼訓~
所以咩都唔理就要訓喇~~~~~~~~

>>June 10, 2005 at 6:10:25 AM GMT+8

2005 年 6 月 7 日 星期二 【晴】

8/6/2005 wed 7:48pm

講返jupas啦~7月9號(六)11am-10號(日)11am係我reprioritization of programme choices的時間呀~唔知呢個時間好定唔好呢？

仲有...就係poly有信叫我interview喇!!! 係BBA(HONS) inter ship'g & trans logistics(3674)呀~~~14 Jun 9:30am~~~下個week就係喇，唔知佢會問我咩問題呢~~~唔知我會答成點呢~~~緊張~~~會唔會叫我用英文自我介紹？有冇人話我知呀？~

講返今日....................(聽日先講..)
~~~~~~~~~~~~~~~~~~~~~~~~~~~~~~~~~~~~~~~~~~~~~~~

9/6/2005 thu 12:56pm

早晨啊...宜家講返尋日.......

尋日補習有2個小朋友冇返呀，就係梓文同凱欣啦，佢地就係全班至嘈o個兩個，冇佢地o係度我覺得我好清閒，仲有d悶添，又得返4個小朋友，我做既工作又少左，真係悶死我呀。梓文其實前日都冇返架喇，唔知係咪因為我呢，佢會唔會唔鐘意我先唔返呢，好驚呀，希望唔會因為我而令到佢唔開心而唔再返啦，希望今日見到佢返啊....而凱欣前日鬧左佢一大餐，so今日唔返？，希望都唔係啦，好似話佢今日係要學野呀，哎呀~~~我好驚呀~~~唔通係我唔識同小朋友相處？我會改善的.........

夜晚都係睇下電視咁，不過尋晚勁變態呀，同wing傾電話傾左5個幾鐘，由10點到凌晨3點半，嘩~~~傻左~~~傾左好多野~~~又講下我地既性格，又講下佢返工，佢返文員，原來 d clerk係咁架，再次覺得道德淪亡.............今朝媽咪問我尋晚邊個傻佬同我傾電話喎，哈哈~~~並唔係傻佬~而係傻婆wing~哈哈哈~搞笑~~~

就係因為同wing講電話，搞到我尋日個日記打左一半就收工，仲有就係搞到我尋日冇洗白白~哈哈~~~岩岩起身先洗返尋日個白白~~~哈哈~~~

p.s. 個日記板變返之前咁~~~舒服d~~~斯文d~~~XD

To: watershadow~
你個留言真係"留言"喎~
anyway~~~welcome to my diary~~~
等你表演啦~

To: 晃
我都唔知呀~多數poly既interview都應該係放榜後，唔知點解咁早呢？
thank you for praying for me~~~kaka~

>>June 9, 2005 at 5:08:38 AM GMT+8

2005 年 6 月 6 日 星期一 【晴】

7/6/2005 tue 6:43pm

今朝都係11點幾起身呀，哈哈=.=，我仲好眼訓，因為尋晚2點先訓~~~

今朝再次覺得呢個世界真係道德淪亡!!! 太可怕.......畀人嚇親，同埋覺得點解會有d咁既事情發生，呢個咩世界黎架？！

之後就4點同小朋友補習，今日好惡咁話謝凱欣呀，佢好曳啦，首先佢o係度玩較剪，想cut我隻手喎，咁我知佢玩je，我梗係量佢都唔敢cut，我唔理佢，我一郁，大家都亂既時候整到邊個都大獲啦，咁我勁叫佢唔好玩啦，之後又搞搞下掉左我支筆喎，仲踢喎，火就開始黎，就鬧佢了，我猛咁叫佢執返，又唔聽，到最後佢都有執返畀我，係用較剪夾返畀我=.=，宜家搞到我支筆花左，好彩我今日係帶左支cheap野落去je，不過支筆都有生命架嘛，有冇睇反斗奇兵架，咁樣對我支筆>.<，淚從心中流~~~我話緊謝凱欣既時候，其他小朋友仲可以搞搞陣的=.=，有d靜左......之後又回復正常了。放學前，謝凱欣仲未做好功課，不過次次佢地都唔理6點就閃走晒，今日凱欣乖乖地咁做埋份作句既功課先喎，d態度仲好左，奇怪~~~希望佢keep住~^^咁我就唔駛發惡啦~~~哈哈~

>>June 7, 2005 at 11:02:17 AM GMT+8

2005 年 6 月 6 日 星期一 【晴】

6/6/2005 mon 11:48pm

今日11點幾起身啦，日日都係呢個時間，其實我想9點起身的=.=

之後就打返尋日個日記，之後就靈修~~~，之後又錄下歌仔咁，今次首自欺欺人唔錯~~~哈哈~~同錄左幾首千fa的，um...有待改善......哈=.=~之後就icq傾計~~~then就彈琴、食dinner、睇電視、用電腦(msn傾計)同聽歌~~~

周麗淇一首歌好好聽~~唔係同陳豪唱o個首呀~~~歌名係「可惜他有女朋友」

可惜他有女朋友 周麗淇

作曲：方樹樑＠好人有限
填詞：黃偉文
編曲：方樹樑＠好人有限
監製：方樹樑＠好人有限

他都不算很有趣
為何我遇見別人都悶極入睡
碰見他 總是自然 談下去
讓人幻想可以後 談下去 結入成伴侶

*可惜他有愛侶 還可怎麼爭取
投契極 得不到世人的允許
常常望著 別人幸福 令我更唏噓
難道世界上美男 全部被捕
漏網的跑到哪裡 男生稍一可取
全已是 某君的夫婿或愛侶
仍然像我的 未嫁的 又愛得起誰
唯一 符合理想的得七歲

他真的有點似我
旁人要是太悶時 安靜地就坐
看見他今夜突然 圍著我
話題像剪不斷地 圍著我
我又怕什麼

Repeat *

然而像我的 未嫁的 又會分到誰
誰想凡是舞會都單身去

>>June 6, 2005 at 5:00:08 PM GMT+8

2005 年 6 月 4 日 星期六 【晴】

5/6/2005 sun 11:29pm

聽日先打返今日個日記啦，今日好支力，岩岩打完個會議紀錄，宜家好滿足~kaka~~~但係就唔想再繼續打字住呀，so聽日先打日記啦，好眼訓............

%%%%%%%%%%%%%%%%%%%%%%%%%%%%%%%%%%%%%

6/6/2005 mon 12:12pm

宜家就打返尋日個日記啦~~~

尋日係星期日，返教會啊~~~敬拜~~~講道~~~尋日篇道好好啊，講苦難與盡忠，苦難其實可以令人更容易親近神，而苦難過後，會特別珍惜自己所擁有既野。而o係苦難當中，希望我可以唔好忘記自己基督徒既身份同責任，做到自己本份，完成神差畀我做既工作，成就神未來更大既事情。

hh時間內容豐富呀~~~首先有小雲既見證分享，之後有遊戲，好不幸地包尾...>.<，再一次證明同發覺我既聖經知識唔夠呀，要讀經讀經!!!!!!!!!!!!!! 再之後祈禱後就有野食~~~d雞翼好快畀人食晒呀~~~哈哈哈~~~其他野我樣樣都有食過啊~~~係肉醬意粉未食過，但係睇落好好食的，好快就畀人食晒，我冇得食啊>.<"。我地rainbow圍埋一齊食呀，好開心~~~講話遲d去半月灣玩呀，gooood~~我未去過半月灣呀~~~睇黎好快會畀人污染左，宜家都好似已經係.....>.<

then食到1點40分先去開夏令會籌委會，遲左~~~因為大家都掛住食同傾計~~~哈哈~~~開會好開心~開到5點呀，雖然時間好長咁，但係唔悶呀~~~哈哈~~~我地仲成日講笑，畀主席阿康話~~~哈哈~~~不過真係傾得好開心~~~我地都傾好左好多野架喇~~~不過其實都有好多細節都未定呀，所以我身為營刊其實仲未有野可以做~~~仲有就係我做左副主席呀~~~好開心有咁既機會呀，感謝神讓我可以o係呢個夏令會當中能事奉祢同經歷你更多~~~

5點幾開完會就返到home啦，就開始打個會議紀錄，因為我都係文書，打落發覺有d野唔對路，打會議紀錄既時候真係對個會議會清楚好多，不過真係好難打，又要打到文奏奏咁啊，有時會打個「的」字做個「既」字，哈~打慣左口語~~~kaka~~~我打到10點幾先打完，咁梗係唔係坐o係部電腦前5個鐘啦，期間要食飯同埋icq下~又望下個電視咁~~~最後10點幾就打好了~~~滿足中~~~^0^

之後就轉去部舊電腦用msn 傾計lu~傾到1點幾~sleep~*

尋晚訓得好好~~~因為體力用晒了~~~真係好眼訓~~~所以一訓落床就覺豬豬了~*

TO: 瑞芹~
哈哈~~~乜你都冇整架，咁真係其實得晃媽媽整~~~哈哈~
辛苦晃媽媽啊~~~^0^
下次再約去晃home打機啊~~~勁好玩~~~
我地打敗機王晃晃~~~哈哈哈!!!

TO: jason~
嘩~你咁早就online呀~6點幾~
我仲o係熟夢中同周公打機~~~哈哈~~~
你做咩又肚痛又呼吸困難啊？
快d去睇e生啊................................
仲有會唔會影響你今日考試呀>.<

>>June 6, 2005 at 5:15:31 AM GMT+8

2005 年 6 月 3 日 星期五 【晴】

4/6/2005 sat 10:26pm

今朝一起身就用電腦~~~icq傾計傾到2點半呀~~~傾得好開心~~~哈哈哈~~~期間因為jason要落街買飯，我未野做就貪玩錄左首歌~~~哈哈哈~~~係方力申同theresa合唱既自欺欺人，我自己錄兩次，一次唱男一次唱女，哈哈哈~~~笑死我~~~我唱男仔既時候唱到成個機械人咁，因為真係好低音啊，哈哈哈!!! 錄左一次就send左畀人聽，哈~~~不過有好多走音，尤其係男仔o個部份，女仔都ok的~~~有d和音都ok做到~~~heehee~~~都幾滿意~~~仲好想玩~~~但係個software係試用板，仲有6日就到期喇>.<，要諗諗辦法先~~~

用完電腦就彈琴啊，又彈「他約我去迪士尼」，對呢首歌越來越熟~~~kaka~~~

4點約左阿芝、阿晃同瑞芹o係百佳，then去街市買左鹵水汁同雞翼，再上去阿晃home度整鹵水雞翼，哈哈~~~我地...本先真係整野食架，但係....哈哈哈~~~~~我都冇掂過d雞翼，差唔多全部都係晃媽媽同瑞芹整，我只係知要boil d鹵水，then放d雞翼入去，就ok掛~~~呵呵~~~我咩都唔知~~~我地今日上去其實係睇晃間屋，好整齊架~~~之後o係度傾計~~~哈哈~~~~再之後o係度打機喎~~~勁好玩~~~玩ps2掛，我都唔知係咩，總之係電視遊戲機啦~~~我地玩大步走，有d似賽車架，哈哈~~~我最鐘意玩賽車既game的~所以好鐘意玩~~~我地玩到幾咁興奮~~~哈哈哈!!! 而瑞芹係大輸家呀~~~哈哈~~~真係好好玩呀~~~好似我地今日去阿晃home既目的係打機咁，玩到我地熱到死~~~哈哈~~~希望阿晃家冇畀人投訴啦~~~kaka~~~

返到home~白白啦~~~因為打機打到好熱熱~~~成身汗，好似真係我自己大步走咁~~~哈哈~~~之後就食dinner同睇殘酷一叮，好好睇~~~笑死我!!!!!!!

TO: 油菜~
我只係o係教會比較開心，所以你先會覺得我唔會同人鬧交，只係你未見過而已~
我只係普通人，所以都會同人拗架的^^

TO: 家姐~
大家都有錯~大家都係沉唔住氣^^
我都唔知點解我會因為呢件事而訓唔著~哈~
而o係補習班，我真係要大膽d啊~~~呢次係一個好好既學習機會~~~^^

>>June 4, 2005 at 3:13:46 PM GMT+8

2005 年 6 月 2 日 星期四 【晴】

3/6/2005 fri 3:13pm

What type of personality do you have?

Bright and Cheerful
You are always cheerful and charming. You never get too serious with people when they're around, but when you are alone, you think carefully about what they have said. That's because you don't want anyone to see you being too somber. Your personality means you have a lot of friends and you are often the center of attention. Many people who fall into this category become artists and movie stars, perhaps fame could be yours in the future as well.

http://quizbox.com/personality/test79.aspx

好中呀佢!!! 好驚~~~

@@@@@@@@@@@@@@@@@
3/6/2005 fri 9:45pm

尋晚同家姐拗架，搞到我尋晚訓唔著覺，搞到今日好眼訓，好唔精神.....................

今日又o係樹彈琴，識彈全首「祢是君王」同埋「他約我去迪士尼」既前奏&少少伴奏部份，goooood~哈~(滿足中^0^)

今日同小朋友補習之前好肚痛，勁慘~~~去左toilet之後，好左好多，but都仲痛，但係落到去同小朋友補習就唔記得左了。今日畀d小朋友串呀，凱欣話我唔識讀英文喎，係個when字，佢話我讀錯喎，有冇搞錯？呢個字我會唔識讀，impossible，冇啦啦畀佢串，搞到我好慶，咁就話返佢囉。發覺我一日比一日惡，可能同佢地熟左，同埋真係要管下佢地，我唔可以畀佢地食住架嘛，要有返miss格至得!!! 哈哈~

>>June 3, 2005 at 2:48:20 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48440

Design & Scripting by ShowHappy.Net