2005 年 8 月 24 日 星期三 【晴】

相信以下呢個問卷~大家可以了解我更多呀~哈

１）你叫乜名：佩儀~*
２）你的年齡：１８
３）你的身高： １６６ｃｍ
４）曾讀的小學︰ 聖公會阮鄭夢芹小學
５）就讀的中學： 救恩書院
６）小學一年班第一個同你坐既：下～邊個？
７）幼稚園最記得的異性同學名字： 唔好話異性啦，同性都唔記得．．．
８）小學升中學同你一齊升既同學︰ 梅麗彤
９）朋友中，誰最靚仔： 嘩～近期覺得就係曉理啦～呵呵
１０）朋友中，誰最可愛： 要「最」就比較難諗．．．
１１）朋友中，誰最聰明：是旦啦．．陳健偉喇
１２）朋友中，誰最專一： ｗｉｎｇ佢話佢好專一的～哈～
１３）朋友中，誰最錫你： 唔知呀～好難答呀ｄ問題
１４）朋友中，誰最口花： 呢期就係死人頭啦～
１５）朋友中，誰最穩重： 唉．唔答比較既問題～
１６）朋友中，誰最會說笑話：唉．唔答比較既問題～
１７）朋友中，誰最高： 答過了
１８）朋友中，誰最矮：答過了
１９）朋友中，誰最肥： 答過了
２０）朋友中，誰最瘦： 答過了
２１）你最喜歡的牌子：ｍｋ牌～哈
２２）你最喜歡的運動： 羽毛球～
２３）你最喜歡的食物： 朱古力雪糕～
２４）你最喜歡的說話： 坦白既說話
２５）你最喜歡的卡通： ｄｏｒｅｍｉ掛
２６）你最喜歡的電影： 怪獸公司
２７）你最喜歡的卡通人物：ｗｉｎｎｉｅ　ｔｈｅ　ｐｏｏｌ掛
２８）你最喜歡的歌星： 冇咩特別邊個～都係聽歌ｊｅ～
２９）你最常留言給誰： 瑞華～
３０）誰最常留言給你︰ 阿晃～
３１）會否覆別人的留言： 一定覆～
３２）收到留言，感覺開心嗎︰ 勁開心～
３３）你的理想情人是怎樣︰ 嘩～有排講～最緊要係基督徒＋愛我～
３４）你是不是專一的人： 暫時覺得係～
３５）喜歡的感覺是怎樣： 對住佢會心跳～緊張～
３６）愛的感覺是怎樣： 未真正愛過一個人～唔知喎～
３７）容易愛上別人嗎：容易喜歡一個人囉～唔可以話係愛～
３８）容易對別人有好感嗎： 容易～
３９）怎樣才能開始一段感情： 大家都係愛對方、性格夾、ｒｅａｄｙ既時候～
４０）現在你有喜歡別人嗎： ｕｍ～喜歡呢個字黎講就有掛～愛就未到～呵～
４１）現在有冇拍拖： 冇
４２）現在想拍拖嗎： 入ｕ先
４３）現在的感情生活快樂嗎：友情非常快樂～親情都唔錯～
４４）覺得同性戀如何呢：不能接受
４５）如果有同性戀鐘意你,你會點：話畀佢知我唔係ｌｅｓ～你冇行架喇～
４６）有冇試過被人傳誹聞： 有
４７）想做男定女：女
４８）令你最自豪的事：前兩日３姊妹打死大強～
４９）睡覺前，你通常做什麼： 合埋眼～有時會祈禱～
５０）給你一個願望，你想怎樣：唔駛讀書有５枝火箭～
５１）得你一個係屋企你會做乜： 玩電腦～
５２）對上一次自靜下來冥想是何時： 頭先～諗緊點ｐｌａｎ我既讀書計劃
５３）對上一次喊係幾時： 上星期一家人鬧交既時候
５４）你最喜歡自己d咩： 高～
５５）最囉的事： 唔記得～
５６）俾人蝦,你會點： 蝦返佢～
５７）俾你同鍾意既人講野你會講咩： 我好鐘意你～
５８）俾你同樓下既看更講野你會講咩： ｈｉ～你好～
５９）最能表達你感受的歌： 暫時諗唔起～
６０）一日洗白白次數： １次
６１）一日換衫次數：２－３次～
６２）一日洗面次數：２次～
６３）你係自戀抑或自卑： 下～睇情況～
６４）係咪成日都唔交功課： 唔係～只係會遲交～
６５）你覺得抄功課係錯事嗎： 咁大個人都唔會抄功課啦～
６６）講一個你認為最有效既減壓方法：大叫～
６７）最常講既粗口︰冇～
６８）講唔講粗口： 唔講～
６９）講出你而家最想買既野：買眼鏡～０６年ｓｃｈｅｄｕｌｅ～
７０）有最多邊隻牌子既野： ｍｋ牌呀～
７１）用那隻牌子既護膚品： 下～唔知喎～睇下邊隻好用咪用邊隻囉～
７２）鐘唔鐘意狐狸精： 唔鐘意＝．＝”
７３）有邊個的死，你會覺得可惜： 親人
７４）有沒有放棄讀某一科： 史科
７５）最喜歡的科目： ｍａｔｈｓ
７６）最不喜歡的科目：史呀
７７）有沒有在學校參加過什麼課外活動：ｃｈｏｉｒ．ｔｅｎｎｉｓ．ｉｓ　ｃｌｕｂ．ｍａｔｈｓ　ｃｌｕｂ等
７８）現在最喜歡的飲品是：奶昔～
７９）想要多少個孩子呢：２個～一男一女～生男仔先～
８０）有什麼專長嗎： 打字～
８１）最唔鐘意自己身體的哪部分：髮線～
８２）上堂會唔會睡覺： 會～
８３）一日係學校最開心既時候係幾時：ｌｕｎｃｈ～
８４）最唔鍾意朋友點樣對你： 呃我～唔鐘意我～排斥我～圍埋ｏ係度講我～
８５）咁耐以黎，你最愛既親人： 媽咪
８６）冇愛情會唔會死： 唔會～如果唔係宜家咪死左＝．＝
８７）覺得冇乜會死： 盼望～
８８）鐘意咩生活： 開心生活
８９）想唔想結婚：想～
９０）想臭仔定做野：兩樣都想～
９１）最鐘意咩色：紫色～粉紅色～白色～
９２）最鍾意的地方： 教會～屋企～
９３）最鐘意問邊個拎錢：媽咪～
９４）第一眼望異性望邊度： 高度～
９５）邊個成日問你拎錢： 冇人～
９６）邊個係衰人： 廢時講～唔想ｈｕｒｔ人～
９７）呢一刻掛住既人： 好似真係冇喎．．．我成個腦就係諗緊點ｐｌａｎ我讀書ｄ野
９８）呢一刻最想邊個掛住你： 個個～～～
９９）媽媽鬧你的原因： 唔做野又成日坐ｏ係電腦前面
１００）對此問卷有乜feel：唔錯～暫時覺得最好玩既問卷～

>>August 25, 2005 at 10:09:54 AM GMT+8

2005 年 8 月 23 日 星期二 【晴】

24/8/2005 wed 6:32pm

尋晚...應該叫今朝好d...今朝同曱甴對戰後 (3姊妹大戰大曱甴日記o係下一篇度~) ，6點先上床訓呀，o個時個天都光喇，我都未試過6點都未訓，去camp都未咁試過，隻野真係好麻煩囉!!! 我尋晚明明襯好d衫諗住今日著架嘛，宜家都冇mood出去tst，搞到冇得去邊度邊度啦!!! 今朝就係咁由6點訓到9點幾，就要起身啦。尋晚約左今朝去wing home打雀呀，又唔可以唔去呀，不過我好眼訓，真係有d唔想去呀，但係唔去實畀人打啦，3缺1喎，實畀人kill到飛起，之後9點幾都死死地氣咁起身，我地本身約左9點半o係富亨間ok度，哈~遲硬~~~早餐都冇食就閃出去啦，10點先去到....=.=，遲成半個鐘，真係一個突破啊=0="，不過佢地都冇炸我型~yeah~~~好朋友~~kaka~

上到去wing度，佢都唔係擺好個四方城畀我地玩既，搞左一輪就開局了，我地呢場雀局約左兩年喇，終於約到出黎打喇，太好了~~~~~咁打啦~威唔多識玩，邊打邊教，睇落4個最熟打雀既係我=.=，咁我地又一邊吹水啦，威又成日話自己今日個look好正好靚喎，真係笑死我地呀，讚左自己好鬼耐，之後又講下偉d野，威又講佢畀a女暗戀o個d，佢又話b女又暗戀佢喎，真係笑死，勁畀我地串啦~~~wing就知道晒我地3個d野，偉成日話佢係最八o個個，而我d野就冇咩好講啦。

今日食左局自摸清一色呀~yeah~~~不過好似win左2次咋=.=，威囉，成日做埋d雞牌，食埋d 1番兩番咁，又以花行兇，畀佢食晒啦，串得佢個樣丫，但係佢手郁郁個樣真係好鬼搞笑~~~有次wing單吊啦，牌面好似好勁咁，但係最多咪得o個5番，o係度嚇人，點知我地成日摸到萬子喎，又驚唔敢打，笑死我地~~~最後wing都食唔出啦，畀威o個d 1番兩番食左，勁衰格~~~不過好搞笑囉，威keep住東南西各一隻，之後wing打北喎，之後佢問可唔可以踫，笑到我同wing死咁制，之後我話畀中發白你踫好冇？！真係爆笑呀!!! 一開始威連邊隻係花都唔知，笑死，仲打出黎，哈哈哈哈哈~~~但係我地裡面食得最多就係威囉，算，新手係旺d既~~~一開頭我地打得好慢呀，悶到死，之後就我地係咁催啦，快快快~~~之後勁high勁好玩，我地打左3圈咋，咁鬼少，威又要趕住1點走喎，冇得玩啦，岩岩玩到興起喎，真掃興~~~之後就再約下個星期二再黎過~~因為真係勁好玩啊~~~威仲話我地大癮喎，佢咪又係咁想玩~食左糊又o係度跳舞，笑死我地!!!

之後1點閃啦，一齊行左去大埔中心，威同wing坐271出tst 啦，我唔出啦，今朝起身已經唔想出了，好眼訓，算，我唔發咩明星夢啦~哈~~~之後我一個人行下大眾，行返太和，去左百佳買我既早餐+午餐，係日式pizza，o係百佳買完出黎落雨喎=.=，冇遮，唔理就衝返home。食完野，睇左陣fd既日記同死人頭icq，就去左訓，訓返尋晚o個d覺，6點左右起身，mum dad返黎左，講返尋晚大戰既戰績，佢地去完旅行返黎開心左，good~好似大家都冇事咁lu~v.v.v.goood~~~yeah~then打下日記~係咁~

TO: 蛋蛋~
小強死o係我腳底呀~~~勁核突~~~
ocean park我都會玩o個個千秋既......其他就....再諗諗啦，我會死的....
我都知唔玩好o徒呀，但係冇計，玩完之後嚇死就大獲啊....
夏水禮係咩黎架？？？
咩超動感影院又再畀錢入呀？冇病呀...最多咪唔入~呵~
thanks你畀我最新既海洋公園資料啊~~~

>>August 24, 2005 at 11:36:39 AM GMT+8

2005 年 8 月 23 日 星期二 【晴】

24/8/2005 wed 4:06am

係咪好奇怪？我4點仲未訓，因為頭先又經歷左一場大戰，係3姊妹大戰大曱甴!!!!!!!!!!!!!!!!!!!!!!!!

嘩!!!!!!! 頭先係2點半左右同紹鳴icq完，正想去訓覺既時候，家姐o係廚房見到隻勁大既曱甴，推斷佢應該係識飛的，變態的!!!!!!! 屋企得我地3個咋，媽咪爹地去左旅行呀!!! 見到有隻大曱甴，痴晒線咁制，一開頭o係個洗衣機附近，個廚房又多野喎，都唔知隻野o係邊，又睇唔到佢，真係唔知點好，隔左陣就決定拎開附近d雜物，家姐小心翼翼咁拎開d野，拎到咁上下，佢出現!!! 之後就唔知做咩，我地又唔敢同佢正面衝突，又畀佢走甩左，之後又走左o係洗衣機底，用電筒照佢一陣，佢又走出黎，仲係飛出黎，gigi聲咁，嚇到我同家姐大叫+走返出廳。期間我發明左樣野，哈~就係一塊mirror+掃把，佢地合體變左一個睇到我地直線睇唔到既地方。再之後佢又走左去廚房既另一邊=.=，有汽水的、電飯煲、收音機等等，好似有電器既地方係唔可以噴殺蟲水的，所以唔可以用。之後曱甴曾兩次行過出黎，家姐用掃把拍下佢，但係唔中，因為實在太驚了，之後第二次隻野真係走左出廳，係飛出黎的!!! 3人大叫大合唱!!! 我同家姐一人一把掃把做武器，一陣佢又行下，又走左出黎有利我地既位置，之後家姐起勢咁用掃把打佢，打左3.4野，勁!!! 我只係拎住掃把閃...，之後佢走左去滕椅底，停左一陣，我地諗計，一開頭話我用掃把拍住佢，之後畀家姐用腳勁踩掃把(我地個個都有著拖鞋的)，但係冇用到呢個方法，因為我淆晒。之後家姐話用殺蟲水，o個個位冇電器，得，之後由我用殺蟲水噴佢，好鬼驚，停左好耐，隻野又死死下唔郁咁，但係我見到佢兩條鬚係咁郁，勁驚，之後我未動佢就動喎，咁冇得唔動啦我，我就起勢噴佢啦，噴左十幾廿野啦，佢又好似傻傻地咁喎，我見佢個身都濕晒，佢又o係滕椅底下，之後一野拉開，之後佢又行出黎，之後行去左家姐o個度，家姐用掃把拍實佢，之後我用腳起勢發顛咁踩，用我畢身既氣力踩左又係十幾廿次，clear!!! 覺得應該死左喇掛，then又再補踩多幾野，扁晒，仲痴住左掃把............大家都安心了..............thanks GOD呀真係，唔打死佢今晚冇得訓呀真係!!!!!!! 之後就家姐同細妹做善後既工作，細妹成個過程o係度叫同走，哈~冇計，我地做家姐既都要頂硬上呀，家姐將隻野條屍沖入廁所，細妹抹返條屍d汁，完成!!!!!!!!!! 凱旋而歸!!!!!!!!!!!但係成屋真係好亂呀，真係打完仗咁，其實想影返d相留念呀，但係部數碼相機畀dad mum拎左去，所以大家冇得睇了.....之後又要執返好d野，而間屋勁臭，因為d殺蟲水，勁大味.....家姐抹埋個地，仲未洗衫，橫掂都係就洗埋先訓，我地鬼打咁精神~~~所以我就打埋日記都仲得~

講真，今次真係勁勇!!!!!! 值得加獎啦!!!!!!!!!!!! 同埋曱甴真係真係真係真係真係真係真係真係真係真係真係真係真係真係真係真係真係真係真係真係真係真係真係真係真係真係好樣衰囉!!!!!!!!!!!!!!!!!!!!!!! 神呀，我真係唔識欣賞.............

>>August 23, 2005 at 9:07:52 PM GMT+8

2005 年 8 月 22 日 星期一 【晴】

23/8/2005 tue 10:20pm

約時間去玩真係好難呢~~~咁辛苦終於約好晒喇~~~開心死我!!! 就係尋晚wing同我icq啦，佢地3個(wing。威。偉)都好有興致去ocean park，其實我唔多想去，因為我又唔玩機動game既，又貴，但係之後佢地又勁sale我去啦，我都知我好重要架喇~~~哇哈哈哈哈哈哈哈哈哈哈哈哈!!!!!!! 見係佢地，所以都心軟就去啦~~~哈哈~~~之後仲約左下星期一添，本身o個日係開始溫書的=.=，算...我今個星期四補返溫~

講返今日~~~尋晚同wing話今日去唱k，就真係去左唱~~~由11點唱到3點~~~勁!!! 正!!! 不過佢早cut左我地4分鐘呀!!! 搞到我地冇得用勁歌今曲結尾!!! 過份!!! 今日wing話我唱歌好左呀~~~哈哈~~~話我高音o個度冇咁沙~~~yeahyeahyeah!!! 之後去左行下朗豪坊，去左f.c.k.睇wing講o個個靚仔，真係o個個，其實上次同珊珊佢地去都睇過呢個男仔，點知真係講緊佢，都ok的啊~~~夠高!!! 樣都a.a.average~哈哈~再行左旺中，wing一早睇中條褲，好快就買左，之後唔想行，太無聊+支力~~~去左地牢kfc坐，坐左陣食野，做center個waitress好唔掂囉，慢到死呀!!! 欠打!!! 我地坐左o係kfc到8點幾，勁傾計，呵~~~我同wing就係唱k同傾心事既fd，哈哈~~~咩都講~~~so deep~~~yeah~8點幾坐火車返home，突然發現一個問題，就係我同偉點解會熟呢？我記唔起~~哈~~~聽日問下佢先~~

聽日既行程岩岩confirm~就係聽朝去wing home打雀呀~~~有我。wing。偉。威啦~~~9點半打到1點啦應該~~~之後就會同wing同威出去tst 呀~~~再吹下水囉~~~正!!!

係喇，今日wing睇到我個頭，話似彭圞喎，最死既就係佢一講我都覺得囉!!!!!!!!!!! 想死!!!!!!!!! 而wing就配左con呀，睇慣左都唔錯~~~哈哈~~~

>>August 23, 2005 at 3:23:45 PM GMT+8

2005 年 8 月 21 日 星期日 【晴】

22/8/2005 mon 10:02pm

好支力呀~~~好似畀人打左一身咁啊.............點解咁？就係因為今日去左mk行街，支力死人啊~~~不過好開心啊~~~

約左珊珊10點2o係太和火車站，我都遲到少少，珊珊仲遲過我，搭7先黎=.=，咁岩o係度見到阿芝，講左兩句~~~之後o係tpm火車站join埋阿彤，就出去mk了。珊珊全身既look都係新的，有薪水既人係唔同d的，不過真係型左好多同靚左好多~~~珊珊見到我個負離頭，話我低能左好多，後生左好多~哈~

去到mk去neway city唱k，間房漏水的，要求換房，之後去左間好d既，唱~~~唱埋d舊歌，不過唱得唔多呀，好似唱左幾首only咁，最記得唱童話，因為佢勁塞=.=，另外我地又食左好多野，珊珊勁o係出面拎野食入黎，飽死我地~~~期間聽到隔離房唱他約我去迪士尼，但係我地又搵唔到首歌，珊珊打tel問center，之後center話叫個人黎同我地揀歌@.@"，好似經理級的人黎啊，勁^^b，而佢一揀就揀到，勁x2!!! 哈~then我地臨尾都係以勁歌今曲結尾，唱多10mins，我地唔理個侍應o係度執野，我地繼續唱，之後冇啦啦個waiter"線"親，好在冇跌落黎，唔係笑到我地趴o係度，雖然佢只係"線"親咁塞一塞，但係都令到我地忍笑忍得好辛苦，哇哈哈~~~~~~差唔多1點45分走~

then行mk，入左2%買左件衫，2折呀變態!!! 都係第一次去呢d high class既鋪頭買衫~哈~今日本身都冇諗住買野，但係行行下就會買野~哈~女仔既本性~~~kakaka~~~之後去左旺中，咁都畀我地撞到阿晃，真係勁好爆~~~then我之後諗到想買長裙，即係好似上次o係朗豪坊見到湯盈盈著o個條長裙呀~~~不過都最後都冇買到呀，因為都睇得唔係好岩，而如果買左條裙，又要買返件衫黎襯返呀，我冇帶到咁多錢出黎，冇子彈呀>.<，所以都冇得買。不過買左件85蚊既衫呀，我其實覺得好貴，買既時候都幾心痛....，到最後都真係買左，個sales又話我人高會著得靚，係咁讚我，搞到我都唔知點咁，我其實一開頭都冇諗住買，畀佢講兩講，搞到我真係買左了.......好心痛啊.........then行旺中行到腳都斷，o係地牢大家樂坐左陣，食左d野，唔駛我畀錢，同珊珊share食~哈哈~thx~~~有錢食唔同d的~~~傾左陣計，再行埋旺中一樓，就去左花園街了~~~行左一陣，期間釗打黎話佢宜家開始溫書了(同我一樣自修repeat)，哈~我行緊街，同佢講話我下個week先開始溫，之後就行街行到唔想行了，好支力，就走~~~又撞到樹蛙同駿，我o係樹蛙面前大叫「喂」，o個時佢打緊呵欠，見佢好驚既樣，笑死我~~~哈哈哈~~~

經過新世紀，見到有function，不過d歌星都唔知係邊個黎既=.=，見到有個男既o係度彈琴呀，我不禁大叫左聲，哈哈哈~~~畀佢電親~~~識彈琴既男仔真係太吸引喇!!!!!!! 呵呵呵~~~之後見到kawaii做主持，then佢介紹o個個男既係叫吳彤，哈~~~新人黎的，我唔識啦~~~之後睇埋佢彈琴唱歌，就走喇~另外o係後台見到鄧穎芝，好似好多人睇佢咁......睇完真係坐火車走喇~o係火車，勁多人呀，都冇試過會咁多人呀，而每班車仲要隔10mins=.=，o係火車傾下計，then我勁唔舒服，好多氣o係胃度，勁辛苦，架車仲要搖搖下，搞到我忍唔住嘔左d氣出黎，樣衰@@"，嘔左兩次舒服左好多~~~then好快就到太和了，都唔駛7點半~~~

之後去左大家樂買我同家姐既dinner，返到home就試下d衫呀~~~85蚊件衫當裙著都得啊~~~都幾好睇~yeah~下次招待著先~~~kaka~~~then食完dinner睇yummy，睇睇下o係sofa訓著左=.=，then做酒店風雲唔知第幾節就醒左了，睇電視~then用電腦打日記啦~~~thats all~

係呀~差d唔記得左講，就係今日冇落雨呀~~~正到爆~~~thanks GOD!!!

>>August 22, 2005 at 2:42:26 PM GMT+8

2005 年 8 月 20 日 星期六 【綿綿細雨】

21/8/2005 sun 7:32pm

今日主日啦~~~呵呵呵~~~好happppppy啊~~~~~主日都幾難會唔happy喎~~~卡卡卡~~~

一早8點9起身啦，阿哥冇打到黎，即係話佢今日唔返啊....佢3點幾先sms話畀我知佢唔記得起身=.=，我又懶唔打畀佢啊...所以佢今日冇返到........不過阿彤個fd阿敏今日都有返呀~~~歡迎歡迎~~~then9點半過d先返到去，遲左少少=.=，返到去connie姐話第2行有3個位，叫我地坐過去.....我個位好似好中咁，好唔鐘意啊....個感覺好似阻住人咁......之後講道啦~~~好!!! 走那不知道既前路，係要對主有信心，好似亞伯拉罕，要握著神既祝福同應許~~~~~~~~!!!

完左崇拜畀d弟兄串椰菜啊......仲有記住下個week要幫智江ppt~

之後就hh啦~~~魚旦分享左「順服」~~~小鳴分享左「我們成為一家人」，呢首歌之後勁畀人用~之後玩左一輪大風吹之後就分組，分左6組，我地o個組差唔多都識晒的，tine姐畀10mins我地整一個劇出黎啦~~~我地o個組懶懶行，勁講笑，之後用左1分鐘整左個劇出黎，勁^^b，仲畀其他組揀左為第1(有雙冠軍的~)，勁勁^^v哈~~~

完左hh~~~rainbows(缺阿芝、eva)再一齊去食lunch，好!!! 都就快要開學了，各有各忙，要珍惜宜家相聚既時間呀...>.<，我地又係8個人因為加埋藹兒同阿漩~哈~~~今日坐左張長方形既桌子呀，好唔鐘意，因為好難傾計，下次都係坐返圓桌好d~~~食完了~~~記住我們既約會啊~~~yeahyeahyeah!!!

之後就一行人返教會，o係校牧室坐左陣，就去左禮堂~~~yeah~~~得我地4個人咋(瑞華。晃。魚旦。我)~我地4個人o係度打羽毛球，打左半小時4個人就好支力了~~~不過我地咁年青~~~梗係繼續玩呀~我地仲玩埋超級無敵羽毛球~~~yeah~~~~~玩死~~~又叫又打又笑~~~哈哈~~~幾辛苦~~~不過好開心可以做下運動呀~~~之後印度佢地上左黎玩band咁~~~有埋背景music~哈~之後玩到好支力就去返校牧室"針"水呀~~~好多弟兄姊妹都返左黎玩同做功課~~~哈~~~仲有就係有雪條食~~~yeah~~~多謝死人頭啊~~~之後我地返番上去，點知畀阿康踩場，佢同區啟樂o係度打，因為頭先佢地o係hall度傾計的，咁我地又唔想玩住，就o係度傾計了~~~之後又多d弟兄上黎=.=，有陳煒臺。cookie先啦，之後中五班弟兄又上埋黎，咁佢地仲開埋網添.....=.=，之後踩返陳煒臺個場，就又有得玩喇~~~yeah~d弟兄又玩踢蜆，之後打下~訓下~傾下~笑下咁~時間就咁就過左lu~~~yeah~~~happy!!! 不過臨離開hall畀人蝦啦，唔畀返個電話我，係邊個就唔講啦，佢話驚畀人打喎~~~之後就去返校牧室，佢地玩心臟病呀，咁就一齊玩呀~~~搞笑~~~之後就一行n個弟兄姊妹一齊5點半清場就閃lu~~~好好玩呀~~~好多弟兄姊妹~覺得好正啊~~~

之後返到home啦，媽咪冇啦啦o係度串=.=，無奈.....好唔鐘意呀......如果我又忍唔住又駁返轉頭呀...之後唔理佢就去洗白白啦，cool down下自己。媽咪同爹地聽日去旅行，goood^^，星期三晏晝先返，不過落雨就唔去.......都希望呢個week唔好落雨啦!!!!!!!!!!!!!!!!!!

家姐返黎之後就用電腦了，搞到我冇得用，宜家都係寄居咁用電腦黎打日記咋，仲有家姐問我我個日記講o個個人係邊個，我一開頭話唔講，叫佢唔好估，哈哈~~~o個時我穿緊我條睡褲條褲頭帶~哈~~~之後最後都爆左出黎~~~哈哈~~~傻的~~~

>>August 21, 2005 at 1:11:06 PM GMT+8

2005 年 8 月 19 日 星期五 【晴】

20/8/2005 sat 7:47pm

今朝11點幾醒左仲以為電視做十萬噸情緣，紮醒左=.=，清醒少少就記得今日係星期六，冇得做=.=。

之後就同人icq chat la，擔心瑞華呀.....>.<"，都知道佢煩緊讀唔讀ive....求神畀佢智慧去選擇呀~~~之後又msn，差d msn到唔記得左要返教會開組......

3點返到去，d雨丫，大到........呢幾日都冇停過雨咁，日日都落雨，雖然唔關我事，因為我成個星期都o係屋企發mo~哈~~~今日一出街就見識到咁大雨呀~~~一次半次大雨都幾好玩啊~~~不過呢~下個星期就要停雨呀~~~我的最後一個星期，我要玩!!!玩!!!玩!!! 雨呀!!! 唔好阻住我!!!

返到去今日7個姊妹開組，我分享了我家庭，就講了我前兩日全家抄大獲既事出黎，用左好多時間...真唔好意思^^"，之後5點幾先放，遲左好多^^"，不過可以o係呢個course認識姊妹更多呀~~~我都係返埋下個星期就唔返lu......要讀書......>0<"

返到屋企門口，我發覺冇打key=.=，無奈....拍極門都冇人應.......慘，之後就打電話入屋啦，冇人聽.....>.<"，打左3次同響好耐都冇人聽呀.....相信裡面既冇人的=.=，打畀家姐mp，冇人聽=.=，到最後都係打畀媽mi，但係唔多想打，可能拗架既後遺症，但係冇計都要打媽mi mp啦，終於有人聽，係爹de=.=，講兩句知道原來佢o係屋度=.=，就叫佢開門畀我了，覺得爸爸真係好支力呀........支力到電話都聽唔到，屋企個電話都幾嘈呀，仲要響左勁耐都聽唔到，可想而知爹de有幾支力有幾辛苦.....真慚愧.......

then返到黎，又電腦啦.....阿彤send左ronald同stephy隻碟畀我呀~~~~~thankyou~~~thankyou>3<~~~ronald隻碟大部份都ok啊~~~我就係鐘意佢d舊歌，就係等佢出碟咋!!! stephy o個隻係聽人講話幾好聽，所以好想聽下，宜家我仲聽緊呀，真係唔錯~~~哈~~~stephy本身把聲好聽啊~~~所以唱歌都有咁上下~~~不過唔知佢係咪用丹田啦，我唔識聽一個人係用丹田定係用throat啦~~~

TO: 阿晃~
件事真係好核突~~~
但係又真係好好笑啊~~~
我一邊打o個篇日記一邊笑到kaka聲~~
打完睇多兩次仲o係度笑~~~kakakakakakaaaaaaa

>>August 20, 2005 at 12:08:32 PM GMT+8

2005 年 8 月 18 日 星期四 【綿綿細雨】

19/8/2005 fri 7:51pm

尋晚訓唔著，今朝11點起身仲好眼訓咁，之後打左個尋晚既火火日記，之後就一直icq喇，i 到4點幾...勁!!! 就快成個list既人都傾過咁=.=，哈~語氣都好唔同的~唔多講了...之後傾完，因為icq d人走晒咁制~~~就可以做自己野了~~~哈哈~~~之後就讀經同靈修，哈~~~我已經睇完歌羅西書呀，呵呵呵~~~勁happy~~~yeahyeahyeah~~~kakakakakakkaaaaa^^v

差d唔記得左打樣核突野落日記，真係好想嘔呀!!!!!! 事情係咁的，我地一家o係度食lunch，之後我夾左d椰菜，一唔小心將d汁同菜跌左落張桌度，之後我就正常地夾返黎食返啦，入左口，feel到條菜好凍，心感有d奇怪，因為碟菜明明係熱的，我都係岩岩跌左落張桌度je，唔係凍得咁快呀嘛......咁之後我就講出黎啦「點解條菜咁凍既？」....之後家姐同細妹就用好奇怪既眼神望住我，o係幾秒間，我仲咬緊既時候，我細妹話「係我岩岩nur出黎架........」，oh!!!!!! 我即刻nur返出黎，超核突囉!!!!!!! 之後飛入toilet洗下個口，但係我成口都係菜，都唔知點洗，勁想嘔呀!!!!!! 同時間，我一直講話好核突加個人周圍跳，家姐同細妹就勁大笑，又話「我都覺得好核突呀......」真係好核突囉!!!!!!!! 不過我好勁咁冇嘔到呀，以我係一個勁驚人口水既人黎講，真係太勁了，平時我連有少少人口水既野我都唔食，一定唔會同人share食野飲野，今次竟然..........!!!!!!!!! 太令人嘔心!!!!!!!! 我真係唔知o個件菜係我細妹nur出黎架囉，我地3姊妹都睇緊電視(十萬噸情緣)，邊個會留心桌上既食物呀？....而佢條菜又勁新喎，點知佢咬過....=.=，下次食飯專心d呀，忠告大家食飯唔好睇電視同埋跌左o係桌上既食物都係唔好拎返黎食............@@"

TO: 阿晃~
d細妹多數都唔會聽話~哈哈~
我地都做過細路女~~~都知道一定唔會咁乖~聽聽話話咁~哈~~

TO: 阿盈~
kaka~~~我講真的~~~
我好欣賞你既性格啊~~~~

>>August 19, 2005 at 12:54:50 PM GMT+8

2005 年 8 月 17 日 星期三 【颱風】

19/8/2005 fri 11:11am

講返尋晚offline之後發生既事，就係屋企又鬧多次交.......事件既導火線係我細妹話想去廣福餵貓，之後媽咪就用非常唔好既態度話唔畀佢去，細妹就開始頂嘴了，另外家姐同我再加入........我地拗拗拗，拗得好大聲，連訓緊既爹地都出埋黎拗埋一份......之後就成家o係度拗了......

過程真係唔駛講咁多，我記得係由酒店風雲既第一節拗到做尋秦記，歷時咁耐，都唔知由咩講起好.......其實我地3姊妹都係想講清楚，既然都開左個頭，就不如攤晒出黎講啦，爹地又成日話我地搞對立喎，真係勁火囉，宜家只係想件事好je，成日都咁講，又成日覺得自己咁都岩晒，點同佢講野je，不過今次聽到媽咪話佢出面做野真係好辛苦的，佢有個同事好賤格，成日同我爹地做粗口手勢呀，搞到爹地宜家覺得呢個世界冇晒好人，又話咩d性格係咁架，冇得變，爹地d思想真係勁唔認同。媽咪o個d思想比較接近，不過我地係唔想佢用咁既態度話細妹，其實我地個個都係驚細妹學壞先咁拗架。媽咪都講左佢好多不滿，真係好慚愧，我都冇做阿女既基本責任，都知道有時令到媽咪好唔開心，不過我會改的，我會變的，幫多d媽咪手，有時真係唔知媽咪係咁擔心我地的....

雖然尋晚鬧左場咁勁既交，有批評、指責、不滿，但係當中都有了解、支持、肯定、touching既說話，其實尋晚咁樣攤晒出黎講都唔錯，雖然有好多激動既位，同埋成家講野都咁大聲，真係好得人驚，拗完之後成個垃圾桶都係tissue，除了爹地冇喊之外，個個都一講激動就喊，呢個係感情既表現。尋日先同一個人傾計講到男人無情，其實我估唔係既...係佢地唔識得表達，同埋扮cool唔表達je....

尋日就係咁拗左兩次架，唔知係咪大家心情都唔好，所以易有磨擦。尋晚我睇完尋秦記都訓唔著....今日起身都好眼訓咁....

>>August 19, 2005 at 5:11:15 AM GMT+8

2005 年 8 月 17 日 星期三 【綿綿細雨】

18/8/2005 thu 7:05pm

一起身記得尋晚發左個夢呀...............唔知係咪痴左線呀=.=""""""""""

起身又睇十萬噸情緣呀，好好好好好好好睇呀!!!!!!!! 好鐘意d劇情呀，好搞笑~~~有d鐘意返張家輝啊~~~呵呵呵~~~曾幾可時勁鐘意錢嘉樂~~~曾幾可時勁鐘意張家輝~~~又曾幾可時勁鐘意林峯~~~呵呵呵~~~宜家就有d迷阿ron同鄭嘉穎啊~~~呵呵呵~~~~~不過我細妹迷阿ron多我好多~~~哈哈~~~

食完lunch同屋企人鬧左場交，因為爹地講野真係煩死人，忍唔住駁左佢兩句，之後d爹地多數都係唔認輸的，成日都覺得自己岩晒，我地家族又講野大聲，搞到有時唔係鬧交都變左好似鬧緊交咁，其實我係想講叫佢地唔好成日咁煩，唔好成日同一句說話講n咁多次，唔好成日乜都賴部電腦咩咩咩咁，又唔好成日鵝細妹je，態度要好d，唉...爹地又話「你地要聽至得架咁」，係人都知你地咁講係為我地好，但係要受至得架，d態度咁，理得你咩目的，係人都唔聽你講啦，真係無奈.....尤其細妹宜家呢d反叛期，講得多唔反都變反啦.....之後媽mi同家姐加入鬧埋一齊，成家o係度嘈@@"，o個時我細妹岩岩走左，我先敢講，其實我地都係為左細妹先拗左場，因為我細妹條尾勞骨彎左，要睇e生，但係細妹又唔聽話唔帶個矯正既架喎，搞到媽咪成日鵝佢，lunch既時候阿爸又鵝埋一份，我其實成日都好想駁返佢，但係一駁就會好似宜家咁鬧左場咁，所以成日都忍佢，一唔忍就好似今日咁就鬧左場啦。

講返d好野~今日睇完加拉太書喇~~~happy~不過諗住今日睇埋以弗所架，但係掛住icq=.=，今日delete左部腦一d software呀~~~希望係冇delete錯野呀，仲有搞搞下個icq short左喎，又再上唔返，以為我搞衰左d咩野添呀，點知原來好多人都係咁啊，真係畀佢嚇親呀，等我仲cut左上網條線再on，但係都係唔得，嚇到我丫.....整到部腦冇得上網我就大穫呀........

仲有晏晝就dl左joey隻新cd，仲有dl左周麗淇o個隻cd，但係唔多好聽，joey就某幾首好聽啦，仲想dl ronald隻碟架，好想要呀!!! 但係冇得down呀>.<，仲有stephy o個隻呀~~~我都好耐冇dl d流行曲了~~~哈~

TO: 阿盈
係呀~~~o個個係你黎架~~~
因為我覺得你係我心目中最完美既人~哈哈~
仲有我好鐘意你d性格~~~
好吸引我啊~~~^0^

TO: 阿晃
哈哈~~~其實我諗都係無聊先有d幻想~
feel呢d野好快冇架咋~~~
理性上我知道冇可能既~~~
過一排就冇事發生過~
唔駛輔導~~~哈哈^^v

>>August 18, 2005 at 12:19:20 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48451

Design & Scripting by ShowHappy.Net