2005 年 8 月 16 日 星期二 【綿綿細雨】

17/8/2005 wed 7:06pm

今日真係........................................................................................悶到嘔電!!!!!!!!!!!!!!!!!!!!!

起身睇十萬噸情緣~~~好睇!!! 正!!! 成個晏晝上個學琴網+icq，又彈下琴，但係硬係個
網教完d chord都唔知點apply出黎既，應該係點樣彈呢..........唔明....唔明......

頭先搞下個日記板，唔知想點，覺得好花@@"，但又唔知點改，有d火起....唔搞了
，由得佢，心情靚d先整下佢....

心情今日唔多靚，可能因為尋晚同細妹抄大獲，我唔係嬲，而係覺得有d唔識佢既
感覺，因為佢同佢個fd發洩時勁打粗口(我偷看的.....)，突然覺得好驚佢，即刻向神
禱告，平安了些，但係唔知點=.="。今朝佢覆診完返黎，好像冇事一樣，咁我又當
冇事，唔知係咪真係冇事........突然好想好想帶佢返教會，我唔想佢講粗口，佢唔
知o係出面同佢d fd係咪又係咁樣架呢，好驚佢學壞........mst...唔壞得去邊掛.........

我日日都咁無聊，係咪應該讀下書呢......其實要做既事可以有大把，係我唔做之嘛=.=
，唉......係咪應該打醒下自己？

某人好似o係度牽動緊我既情緒....唔好玩啦.............我好留意佢有冇online，又成日睇
佢日記，大獲!!! 真係好驚中招!!! 同自己輔導下先.......

TO: 瑞華~
哈哈哈~第一眼睇你個留言勁好笑~
你引誘我d咩呀~哈哈哈~
睇你個日記就知你坦白呀~^^

TO: 死人臺臺
o個個人梗係唔係你啦~
我icq同你講咁多野~哈

>>August 17, 2005 at 11:25:58 AM GMT+8

2005 年 8 月 15 日 星期一 【晴】

16/8/2005 tue 8:05pm

今朝11點起身啦，媽咪都唔知無啦啦發咩脾氣，係咁叫我起身=.=，嘆多幾分鐘都畀人話=.=。起身之後讀左陣聖經，就睇十萬噸情緣啦，聽日開始呢套野好睇了，因為佢地上左船啊~~~再之後又係用電腦啦，icq咁，又做左個問卷呀~幾好玩~我細妹話宜家好興呢d啊~前兩日都玩左2個~

到3點幾其實可以去阿盈屋企玩呀，但係之後又唔想去，可能d人唔多熟同埋唔想見到某人，同佢icq都已經唔想同佢講野，佢唔係真係咁黑我憎嘛=.=。

咁之後就上下個學琴網，check下mail知道個網真係有send d lesson畀我呀，今日先知=.=，咁我就跟住學啦，有d lesson係要聽的，其實睇英文o個d堂都ok的，不過睇得耐咁多英文都想死，佢有d仲要聽，仲要我唔知佢up咩先死=.=，只係知佢係咁話b flat，之後就彈左b flat個音出黎，又話d flat..a flat.....非常無奈.......o個段野都係得5mins多d，但係我咩都聽唔到啊=.=，我的英文listening真係........太令人無奈同咀喪.......

另外今日知道救恩有冇repeat位啦，救恩一個都唔收呀，唉...中6升中7既太多人啦。一打去有個女既接電話，唔知咩水，把聲都幾後生的。之後佢飛左條line畀周sir聽，我話我有offer但唔讀，佢問點解，我話唔鐘意讀phy啦，咁佢又問我宜家諗住點，我話repeat啦，自修o個隻，佢就一句飛埋黎話「自修冇咩用喎」，唉........聽完好唔開心，佢唔係講話「自修好難」「自修好辛苦」o個d，而係話「自修冇咩用喎」，唉.....即刻信心都畀佢打沉左一大截........不過宜家冇咩野啦，大家唔駛擔心.....

之後就彈左陣琴啦，睇睇下加拉太書第1章之後o係sofa訓著左，起身之後個頭好重.......之後就食dinner同睇電視呀，打日記呀.......宜家做緊酒店風雲，尋日睇第1集已經覺得d人好奸=.=，阿ron個角色又係一開頭好黑人憎呀!!!

唉...仲有樣野.......唔好玩啦.....唔想玩呀.....................................點自救呀？

TO: 晃~
係呀~習慣呢家野要改一定改到既~哈~
習慣改習慣啊~~~要有決心呀!!!
個問卷o個度個思想古老我都諗唔起邊個~哈哈~~~
只係記得呢樣咋~呵~所以寫左你落去呀~~

>>August 16, 2005 at 1:30:55 PM GMT+8

2005 年 8 月 15 日 星期一 【晴】

無聊的做下問卷先～～～宜家好興呀～

01.最友誼永固:　珊珊
02.最歷史悠久:　wanjoeyin
03.最又愛又恨:　小o~恨佢有情婦~哈哈!!!
04.最結義金蘭:　珊珊~wing~
05.最不離不棄:　珊珊~wing~
06.最義氣長存:　wing
07.最天天相對:　阿晃~o係icq天天相對~哈
08.最離我太遠:　阿沈住東涌呀~
09.最大條道理:　釗
10.最重色輕友:　唔多覺~
11.最提點你:　wing
12.最關心你:　所有人~~~kaka~
13.最陪伴你:　阿彤~
14.最珍惜你:　點知???
15.最引誘你:　引誘我咩先~
16.最吸引你:　阿盈
17.最協助你:　wing
18.最嘲笑你:　小鳴=.=（前日想打獲佢甘既!!!）
19.最唔理你:　唔識既咪唔理我囉~
20.最高:　釗
21.最矮:　偉哥
22.最肥:　培x掛~驚畀人打添~哈
23.最瘦:　我地個個都咁slim架~
24.最近:　eva呀~住我樓下
25.最潮:　邊個係潮人？
26.最誇:　威
27.最坦白:　瑞華~
28.最百萬富翁:　fucky
29.最有學識:　偉哥。月月
30.最有家底:　fucky
31.最有名牌:　wing=.=
32.曾經一次逃學,立即出來陪伴你的朋友:　冇逃過呀~~~乖乖女黎架~*
33.曾經一次唱k無錢結帳,立即出來替你找數的朋友:　我次次都有錢畀架~
34.曾經一次跟你一起犯事的朋友:　珊珊啦
35.曾經一次住在醫院,最遙遠來探訪你的朋友:　冇朋友黎探過喎…都冇人知我住過~哈
36.曾經跟你kiss過的朋友:　冇喎
37.曾經Hurt你最深的朋友:　藹
38.一起上學的朋友:　珊珊
39.一起放學的朋友:　珊珊
40.在學校經常出出入入的朋友:　wing
41.你曾經愛過的朋友:　全部~~~
42.曾經跟你睡過的朋友:　我細妹~哈~日日同我訓添~
43.你跟哪個朋友最臭味想投:　珊珊~
44.你哪個朋友唱歌最動聽:　偉。靜文。耆英
45.你哪個朋友最厚面皮:　flora
46.你哪個朋友最咸濕:　賤tim
47.你哪個朋友最思想古老:　我諗係阿晃掛~~~因為..婚姻觀都係一樣咁保守~~~
48.你跟哪個朋友一起感到最自由:　珊珊

>>August 16, 2005 at 6:17:49 AM GMT+8

2005 年 8 月 14 日 星期日 【晴】

15/8/2005 mon 8:01pm

今日悶到發慌........................12點幾先起身，1早我表妹9點幾打黎=.=，嘈醒我=.=，起身左之後就睇電視。之後我表妹黎左我屋企，冇人同佢玩咁制，我就睇下聖經，家姐同細妹一人一部腦，之後慧慧表妹就彈下琴。一陣之後我又彈一陣琴，用電腦。icq。上下fd既日記。唱下詩歌。洗頭。洗白白..................咁又過左一日喇......=.=

有陣時，有d野慣左就好難改，正如我中6咁，慣左icq慣左上yahoo度打ball就日日都要用電腦，宜家有d擔心，又好似慣左icq了，打日記就慣左n咁耐了，一日唔打過日記唔得咁，除非真係悶到冇咩好打啦~我要戒呀!!! 其實只係戒一樣野je，就係戒電腦，又唔係叫我100%唔用既，唔好畀我成日都好想好想用電腦咁囉，希望做到啦~不過都唔係希望，而係一定要戒到呀!!! 有人都叫我讀書啦，我就話29號先開始，我硬係唔想咁快開始咁慘咁苦悶既生活，所以要玩埋8月先啦，除左玩，我仲要睇晒成個新約呀，宜家睇到林後咋，呢幾日都icq多，所以冇咩點睇....要加油呀!!! 唔可以成日畀icq吸引呀，要努力扎下根先~~~yeah~開始都唔知自己講咩添...無聊廢up下~哈~

>>August 15, 2005 at 12:21:58 PM GMT+8

2005 年 8 月 13 日 星期六 【晴】

14/8/2005 sun 11:12pm

今日主日呀~happy day la~

今朝冇返到祈禱會呀，因為好眼訓，唔想起身，8點幾阿哥打黎話佢跟我返教會呀，o個時我仲訓緊~~~哈哈~~~之後就同阿哥收線之後就即刻彈起身了~~~then一齊返教會啦~~~返到去要跟佢坐o係弟兄o個度，好驚......突然覺得d弟兄好高添~哈~~~今日家姐帶敬拜呀~~~都係快歌既多，弟兄姊妹同我自己都唔習慣~哈~唔知點解唔多敢郁~成碌木咁~~~不過坐弟兄o個度好似氣氛好d~~~聽到alan o個後面好投入咁唱詩歌~~~good~~~哈~

講道啦，個講員好似第一次見~講以貌取人呀，聽明晒啦我地~~~仲成日掛起口邊互相提醒啊~~~哈哈~~~

崇拜完左啦，預左d弟兄既白痴反應，真的想打死紹鳴囉，笑笑笑!!! 打到你唔識笑呀!!! 得阿斌係一個好人黎架咋~~~佢仲請左我食白朱古力~~~多謝多謝~~~kaka~~~好弟兄~哈~~~之後就放低我阿哥畀d正常少少既弟兄，我就去hh啦~~~

今日係詩歌分享，大家揀下詩歌黎唱下同分享下呀~~~我都有分享~~~唱左「祢總是看顧著我」~~~分享中都冇咩野，當到最後講到話將首歌送畀身邊既姊妹就有d感觸~哈~以為冇人知添~點知瑞芹都覺覺地~~~再之後到我家姐分享搞到我喊晒，唱埋「凡是都能做」，之後connie姐又點「傾聽我的心」，「當我悲傷難挨....訴不盡最深的悲哀........」都幾難唔喊....瑞華同阿晃都話想點呢首呀，不過唔敢，因為一點呢首就爆了.......我地rainbows都喊晒，哈~估唔到~~~阿芝本來都好堅強的，到分組既時候佢分享就都喊埋，所以過左hh之後，d紙巾嚴重短缺~~~哇哈哈~

之後阿哥一早就走左啦，因為我地遲放，之後我地rainbows又可以一齊出動去食lunch，少左一個添...>.<，阿漩代替住eva個位先啦咁~~~我地第一次黎呢間野，都唔錯呀~下次可以再黎呢度食~~~我地o係o個度好嘈呀，最嘈係我地，哇哈哈!!! 返到去就上去校牧室傾計，正~~~玩左陣心臟病，有漢堡神偷同滑o都o都睇場~~哇哈哈哈!!! 一陣又落左下面玩乒乓球，踩左陣場又上返去connie姐度傾計~~~我地踩足全場啊~~~周圍搗蛋~~~哈哈哈!!! 成日都畀人話我地嘈呀~~~到差唔多6點就清場lu~~~

返到home~眼訓~~~訓覺~~~到食飯飯~~~今晚都唔知做過d咩喎~~~唔知lu~係咁啦~~happiday~~~

TO: 死人臺臺
死人頭你又知？！你都未睇過！
話我個頭打你架!!!

TO: 老公仔
你同我講對唔住覺得好唔知點咁添~哈
我都未習慣~哈哈~不過洗完頭會好d既~

>>August 14, 2005 at 4:56:06 PM GMT+8

2005 年 8 月 12 日 星期五 【晴】

13/8/2005 sat 9:00pm

今日其實都好無聊呀~~~唯一唔無聊既事就係返左教會，因為都冇野做，就返左教會connie姐的個人成長啊~大家都講左好多自己野呀，好深入~~~認識左大家好多~~~分享當中覺得我同阿晃都好似~~~哇哈哈~~~另外我仲講左d我心裡既野~~~想分享出黎好耐，但係總係冇機會，同埋唔敢講，今日咁岩阿晃講開，就講左畀晃同芹知了~

今日係整左個頭第一次返去呀，衰人老公仔勁話我個頭怪，仲講左好多次，勁無奈................畀古仔見到...唉唉唉....聽日畀人話怪咁我就勁唔開心了.........唉......聽日都係夾起d陰先....好似順眼d....宜家係連我自己都睇得唔多順眼......=.=電完個頭好塌........

TO: 晃~瑞華~
宜家都係覺得repeat好d，多謝你地啊~

>>August 13, 2005 at 1:35:35 PM GMT+8

2005 年 8 月 11 日 星期四 【晴】

12/8/2005 fri 7:50pm

尋晚o係度咳，好煩啊......今朝臨訓醒發左個夢呀，好無聊的=.=，我坐左o係架私家車度，有幾個人的，不過唔記得係邊個黎既，只記得司機係古天樂=.=，唔知點解會見到佢，可能尋晚睇完尋秦記，哈.....講返架車，o係咁o係大埔兜，仲有好得人驚既就係架車可以駛上去天花板的=.=，架車咁樣倒轉左，唔知咩車黎的，咁勁可以o係天花板度駕駛=.=，兜兜下，我就醒左了，好無聊既夢啊.......=.=

今日10點幾起身，食左個早餐之後就出去整個頭了，出到去竹園，o係茶餐廳食左lunch，就去o個間salon了，慧慧表妹cut下個頭，家姐又cut下個頭+焗油，我就負離子+cut下個頭，佢地好早搞掂，得返我一個畀salon人夾個頭~~~佢夾緊我個頭時，我o係度睇聖經，因為知做負離子好悶，就帶定去睇。
then *salon人就問我「咩黎既？」
*我話：「唔...(因為我聽唔清楚佢講咩)」
*salon人話：「聖經？」
*我話：「係呀~~~」
*佢話：「咦.......」
*我就咁話：「好野黎架~~~~~哈哈~~」
我覺得我咁講好搞笑呀~~~嘩哈哈~~~
仲有salon人又問我：「你隔離o個個係你家姐...定係你細妹呀？」
我原先再叫佢估的，但都係唔好了，一陣佢估我家姐係我細妹就樣衰~~kaka~
另外salon人夾緊我d頭髮既時候~我覺得佢好細心呢~~~卡卡卡卡卡~~^^*
5點幾就整好~cut埋個頭~靚靚^^v

尋日同今日又諗野，宜家有dddddd後悔冇入poly讀添......因為我咁諗，我都只係想讀返d術科，如果我入左去讀poly hd app.phy，咁我都可以retake 2-3科，咁樣又可以o係大學度見識多d，又可以第二年再黎過，如果真係唔得我都可以繼續讀上去，咁樣repeat壓力都冇咁大，生活都唔只得係讀f.7 d書，唔駛只o係自修室度日咁慘，上左去又可以o係大學識多d人，諗野wide d，又可以o係poly度讀下書。但係宜家得repeat中7，壓力會勁大，唔得下年真係可能會跳樓，而我宜家又要考多次中英文，其實唔考都得，宜家係repeat都係repeat全科啦，so會考晒5科呀，如果我真係升左上去，考3科術科真係handle唔到既，都可以只retake 2科。哎呀，我有d後悔呀真係......我呢兩日勁咁諗，有d唔開心.......不過再冇得返轉頭喇.....................

岩岩細妹返黎話我個頭幾靚，我勁開心，之後佢就講「但係唔襯你」=.=，啞晒...........=0="
then佢又話我個頭好似卡通片d公仔咁=.=

TO: 老公仔
我o個d唔係用水彩畫架~係貼落去而已~
我只係再油返層指甲油上去~~~

TO: 晃~瑞華~瑞芹~
好開心有你地撐我呀!!!!!!!
rainbows好同心~~~我覺得好溫暖同溫馨~~~

>>August 12, 2005 at 12:28:31 PM GMT+8

2005 年 8 月 10 日 星期三 【微雨】

11/8/2005 thu 6:58pm

今日12點幾1點先起身，因為實在好支力呀，起身就食lunch~食完lunch就同家姐睇藉著雨點說愛你，好睇!!!!!! 正正!!!!! 第一次去戲院睇喊左~~~今日冇~~~^^v~~~之後原本同家姐去游水水架，但係之後佢又話唔去喎>.<，冇喇...今年冇得再去喇>.<，因為阿姨打黎話聽日去整頭髮呀，整左頭髮之後就冇得去游水喇，好慘~~~聽日會去電個負離子啊~~~第3次lu~~~希望d頭髮頂得住呀........仲有會剪短dd d頭髮呀~哈~~~星期日大家會見到了~

睇完戲就玩電腦，icq呀~~~上下學琴網~~~期間又玩下指甲~~~又o係度油指甲~哈~

今日都有人問我讀書點樣，我話8月尾9月先開始讀，我諗要慢慢拎起返本書啦，唔可以話一次過話讀就讀，仲有好多人都challenge我，話我得唔得呀，自修？好難架喎...好辛苦架喎........我話我知，我話唔得都要得!!! 做唔到都要做到!!! 唔好challenge我既選擇，既然我係揀左呢條路既時候，就再冇退路，我一定要向前衝!!! 唔可以向後退!!! 一縮就會灰心會放棄，我唔可以畀我自己咁做，我要努力!!!!!!!!!!!!!!!!!!!! 我需要既係支持!!!!!!!!!!! 唔好同我講話「你得唔得呀？」!!!

>>August 11, 2005 at 11:55:21 AM GMT+8

2005 年 8 月 9 日 星期二 【綿綿細雨】

10/8/2005 wed 8:37pm

今日係form 5放榜既日子了，一早8點幾起身，未出門口就收到阿哥電話，起身冇耐咋~知道佢d成績佢都算係滿意既...(如果唔係都唔打畀我~哈)佢宜家都係報ive啊~~~加油啊~~~then9點4就去到李興貴呀，今日我同阿朱陪maymay同阿ming放榜，我去左李興貴大門，等左陣，阿ming就出黎，知道佢地都唔開心，但係我都唔知點做好呀，我都唔知有咩出路可以畀佢地揀，唔知有咩建議畀佢地，其實覺得自己好似冇乜用咁，只係可以陪住佢地，之後佢地同下佢地老師傾下，我o係旁邊聽下，ng~學到d野，原來係咁的~~~之後過左一陣我終於覺得自己有d用處，因為我都畀下d意見ming同maymay，最後都幫到maymay報左ive，就一齊返校牧室。另外都打左畀瑞華，知佢失望，好唔開心，但係我都唔知點安慰佢好呀.......好擔心啊...........求神開路畀瑞華呀，要為佢切切禱告.......

then返到教會，o係門口講句密碼就入得，密碼係「我返教會架」哈~~~返到去校牧室，勁多人啊~~~呢度傾下~o個度傾計~~~傾傾傾~~~~~哈~我覺得好happy呀~~~幫到姊妹~~~自己又識左好多升學既野呀~~~之後大家都要出去食lunch~~~家姐同我一齊食一盤壽司飯，好味啊~~~我地同埋晃、浩宜、印度、康o係校牧室一齊食~~~then就冇咩野做了，我地就唱下詩歌，有我家姐、浩宜、晃、小園、小雲等等......唱唱唱~~~唱左n咁耐呀~~~哈哈~~~聲都沙咁制，而彈結他就有印度、ball、臺、joe~佢地輪流彈，話隻手就黎斷呀~~~哈哈哈~~~而我就猛咁唱~~好鬼high~~~唱到顛左~~~我都未試過唱詩歌唱咁耐呀，好勁勁~~~我地仲用左搖鈴、沙沙、鼓仔啊~~~好正!!!~~~then唔知幾耐之後，就唔唱lu~就玩喇~~玩咩呢~就係心臟病~~~~~係呀~又係呢個game，成日玩呢個game呀宜家~~~我地有9個人~~~一齊玩~~~改d名真係笑到丫~~~卡卡卡卡卡卡卡卡~~~最記得既就唔係真係改o個d，係亂吹o個d，例如係「波波厠所泵」「印度大掃把」哈哈哈!!!!!!! 笑到我地死~~~玩左4次~~~又係成日大叫~~~同埋咁多人一齊玩，真係好難記呀d名，諗名o個度係最多時間，不過真係好爆笑~~~到差唔多6點幾就返home了~~~

今日我自己都好開心呀~~~又幫到form5既弟兄姊妹，又可以o係教會度唱詩歌唱咁耐，high晒~~~哈哈~又同弟兄姊妹一齊玩~~~太充實了~~~哇卡卡~~~!!!

TO: 老公仔
哈哈~~~唔駛多謝唷~^0^
我都好開心同樂意幫弟兄姊妹啊~~~哈哈哈

>>August 10, 2005 at 2:34:11 PM GMT+8

2005 年 8 月 8 日 星期一 【晴】

9/8/2005 tue 12:08pm

今朝6-9點狂醒望下個鐘，未夠鐘，又訓下又醒下咁，心諗，點解仲未到9點呢.....但真係到左9點，我...卻唔想起身，繼續o係床上扮唔知....繼續訓......合埋眼.....咩都唔知.........到9點半左右，家姐都起身了，叫我起身，佢刷牙既時候，我就出左黎開電腦了，冇online住，諗住睇完result先。之後家姐同我入左jupas offer o個度，佢唔知我number，我...唔想打住，話刷埋牙先.....家姐就開icq，問佢d fd既結果....我就努力咁入去睇下有冇offer，佢有個空位打個number入去睇下有冇result的，好在load唔到，因為好鬼緊張，都係click入d number度好d.....搵搵搵....見到自己既number了，即係有offer，未禁入去真係好想係city cs，我家姐就o係隔離話「快d禁入去啦！」一禁...見到係hd app.phy，oh.......失望，大叫「耶....」諗諗諗，REPEAT定係讀phy？一陣後online，connie姐打黎，傾左陣，connie姐既意思係覺得我入去讀好d，因為我都唔知我既興趣係咩，入去讀都可以培養下對phy既興趣........online知道了fds既結果，有開心有唔開心，不過我都唔知點做好，我也忙著諗repeat定係讀，好多人都話repeat好d，um....宜家既決定都應該係repeat的，repeat最大阻力就係我懶，已經叫左好多fd迫我，希望唔駛人迫都去到自修室讀書呀，我要訓身呀!!! 再冇後路同藉口了.........

頭先掛住諗同埋同d fd icq睇下咩情況，冇理到媽咪......搞到媽咪唔開心.......真係對唔住......(呢句對唔住只o係日記度講....佢唔會睇到.....)

哈哈~~~大家唔駛擔心我，多謝大家既意見同關心，好多人同我講，唔鐘意phy但係去讀會好慘，um...相信我repeat一年會好d....仲有一個問題就係我唔知我既興趣係咩......呢年裡面......我要清楚..........呢個係一個好重要既問題!!!!!!!

～～～～～～～～～～～追加日記～～～～～
9/8/2005 tue 11:57pm

今日jupas放完榜，食完飯2點返校牧室了，返到去，已經好多弟兄姊妹o係度了，之後我上去左上面，有connie姐、晃、蛋、芝o係度傾緊了，我加入，傾左一陣，我地就霸佔隔離間房作為姊妹既基地，哈~~~我地o係度傾計，之後玩，加埋我家姐6個人o係度玩心臟病，勁好玩，又係大叫既時刻同埋係爆笑既時刻，我地改既名都好搞野~~~記得我改過一個名叫「型屎陳冠希」，then之後我地開始玩啦，我同家姐張牌相同，我家姐佢就衝口而出話「爆屎陳冠希」!!!!!!! 卡卡卡卡卡!!! 當堂笑到我地死咁制。我地6個人個個都玩到肚痛同埋要勁飲水，真係心臟病呢~~~我地玩左2-3次就要停止了，唔係真係死得人多~~~哈哈哈~~~

哈~玩緊途中，晃話「真係估唔到可以放完榜咁冷靜，仲可以玩到咁顛」，我完全同意~~~

停止玩之後，我同小o幫connie姐整d假既cert，哈~~~遊戲用既~之後5點幾就約左阿哥出去食飯，我地去左大家樂食呀~~~食到6點10，之後就返去教會喇。今晚係「中五放榜前夕分享會」，我阿哥肯跟我返黎，我真係好感恩呀!!!!!!!! 我說左佢好耐，我都估佢唔黎，不過我不斷"唉"佢，真感恩~~~佢黎左~~~yeahyeahyeah!!!!!!!!!!!!!!!! 知道時happy死我，差d痴左~~~哈哈哈!!! 同佢食飯既時候，佢講佢返過其他教會，不過覺得好悶，所以冇返，咁我希望佢唔覺得我地今次個聚會悶呀。不過今日好多分享，我都好驚佢悶，不過完左佢話呢間教會都幾好~~~kakakakaka~~~開心啊~~~咁我就食住上話請佢返今個主日，佢未應承我，希望神再感動佢返啊!!!!!!! 咁佢o係分組分享既時候就走左喇，因為overrun左好長了......咁我就送到佢去火車站，我就返番教會了，入左瑞華o個組，有阿ming同maymay佢地係中5會考生，傾計當中又了解左佢地多d呀~~~為左佢地祈禱~~~仲為左阿哥祈禱~卡~~~都10點幾lu~就歸家了，落大雨...多謝芬芳的遮~~~~~~

返到home~熱死我~~~connie姐打黎請我聽日去陪ming同maymay放榜~~~gooood~~~其實好鐘意同佢地一齊~~~卡卡~~~

GOD bless all form 5 students ^^b~~~

TO: 晃+瑞華~
感謝神畀我你地呢兩個咁好既姊妹呀~~~
神必帶領住我地既前路~
雖然唔知前路點走，但是只係我相信，神會畀最好既安排我~~~
GOD bless us~~!!!

>>August 9, 2005 at 4:37:34 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48440

Design & Scripting by ShowHappy.Net