2002 年 12 月 26 日 星期四 【晴】

本身今日去 WILD CAMP 的, 但由於太凍 and 會落雨o既關係 postpone o左, 不過都好o既, 尋晚去完鳳凰山都真係好凍呢!! 搞到我返到o黎都已經有o的唔想再去 wild camp, 哈哈!! 而家 postpone o左正合我心意。

咁但係本身今日有o既活動有o左喎, 又唔知做乜好喇, 要自己搵活動, 咪打俾個 friend 睇o下佢有冇野做 lor, 好彩冇咋, 佢上次錄o左 Titanic 都仲未睇, 還掂我都想睇返, 咪決定去佢屋企睇 lor。haha, 明明已經睇過兩三次 ga la, 都仲係覺得好睇喎, 都仲係緊張喎, 但係感覺就冇以前睇咁感人lu。不過話事話, 今日出街真係好凍, 好彩 wild camp postpone 咋。

>>March 18, 2009 at 4:25:47 PM GMT+8

2002 年 12 月 25 日 星期三 【晴】

今朝o係鳳凰山返o黎之後就怒訓喇, 訓到食晚飯先起身。

尋晚我o地十個人o係出發之前都準備得好充足, 咩冷帽呀, 頸巾呀, 手襪呀, 仲有羽 都出齊晒, 仲要有帶多一兩件衫先上山。梗係啦, 經過舊年上年o係山頂得返 2 度而有唔夠衫o既時候真係好痛苦。到o左梅窩, 搭10:55pm巴士去石璧, 跟住行行行, 行o左個幾鐘去到寶蓮寺, 我o地首先係行公路先o既, 因為架車上唔到寶蓮寺呀! 不過都確係辛苦ga, 咁凍o既天氣用咁多氣力行斜路上山喎。夜晚見到座大佛, 好恐怖, 好似隻鬼, 都唔明o的人點解會信呢舊野!! 去完廁所就再行入o的, 入到o的山路地方喇, 周圍都黑晒, 要用電筒先睇到路, 去到鳳凰山個牌坊入口前面個草地停留, 食o的野先再出發, 因為之後行o個o的就係山路, 冇得再俾我o地停低。估唔到今晚都有人o係呢度扎營呢!!

學文負責帶gas 爐(露營用的), 我地開始開餐喇, 有果醬, 花生醬, 吞拿魚搽麵包, 當然唔少得預備o左o既杯麵啦, 我地o係山頭度煲水沖杯麵同柯華田, 咁凍食落都真係有另一種味道, haha!! 我地逗留o左三十分鐘左右就收拾晒所有野, 著好晒衫, 手上冇多餘o既野開始準備出發行兩個鐘o既山路, 我舊年行過, o個o的都真係山路o黎ga!! 但係而家竟然落雨喎, 嘩!! 大鑊喇!!

雨都落得幾大o下, 由於安全問題, 我地暫時去附近o既亭避一陣, 等停雨再出發。

>>March 18, 2009 at 4:28:33 PM GMT+8

2002 年 12 月 24 日 星期二 【晴】

聖誕節呀!!! Merry Christmas to You All!! Happy Birthday to Jesus!!

今日我有咩做呢.......教會有細胞小組慶典, 咁我尋日已經預備o左禮物喇, 哈哈!! 返到教會都真係好開心呢! 話晒有好多人出席一齊玩同埋大部份o的人都識, 個個都係年青人喎, 梗係好玩啦!!

仲有, 我等陣就發去鳳凰山喇!! 而且真係有o的"餚"底, 今晚咁鬼凍喎, 仲話聽朝會落兩, 真係有o的驚, 希望大家都平平安安咁返o黎啦!!

好喇!! 我出發喇, 各位祝福我地呀!!

>>March 18, 2009 at 4:29:00 PM GMT+8

2002 年 12 月 23 日 星期一 【晴】

好早起o左身 lu, 因為阿 Kin Li 話喎, 要十二點之前 check 卷呀!! 咁咪同 Chili 十一點靚上去 lor, 唉~~其實都明知 check o黎冇用, 但唔睇過又唔心息。結果, 原來第二題拎得o個8分, 又會計錯數o既!! 睇落題題都有o的分丫, 但竟然第四題 full o左!? haha!! 其實我o的同學仔都係錯埋o的大意野!! 唉~但係考試就係咁 ga la, 唯有再加油啦!! 大家都唔好灰啦, 要開心過假期呀!!

同 Chili o係新都城食完野就出o左旺角喇, 約佐鼠鼠睇 "Harry Potter" 嘛, 我覺得都幾好睇丫。尋晚同阿 Vin 講約o左鼠鼠睇戲, 佢竟然話唔同我講野喎!? 哼~你節目都好豐富啦, 邊駛我地陪喎!! 不過冇打俾你又係我o岩o既, Sor!! 係呀, 今次見到鼠鼠, 佢電o左髮喎, 不過我就覺得幾好睇喇!! 睇完戲去返旺角買禮物時, 竟然見到 Simon 同 Mouse, 跟住我就同阿鼠講話我尋晚就係同佢o地睇戲, haha, 都幾搞笑。haha!! 我地行o左唔係好耐就已經買到禮物喇, 但係想買俾自己o既野就買唔到 lu。

本來應承o左報佳音, 但因為趕唔切 7:30 pm 而遲o左, 返到去電話又冇電喎, 完全搵唔到佢o地。不過.........兜o左幾圈, 終於都撞到我o的弟兄姐妹, Yeah!! 我都趕得切 join 今年報佳音呀!! 好彩!! 不過都真係有o的內疚.......遲o左咁多!! Sorry to God!!

o係聖誕節係要開開心心o既大家, 行完返到教會見到大家, 好開心呀!! 原來我o地好多都未食飯, ha, 所以之後就去o左飲夜茶喇!! 好耐冇見過你o地, 見到你o地都真係幾好呢!! 聽晚就去鳳凰山喇, 死啦, 實凍鬼死啦!! 但一定要睇到結霜同日出呀。

>>March 18, 2009 at 4:29:46 PM GMT+8

2002 年 12 月 22 日 星期日 【晴】

今日........大日子喇, 經歷o左極憂慮同極開心, haha!! 嘩~~8:30am 起身返 hall 換 suit 出席 Information Session, 初頭仲諗住得一支莊 or 冇人接莊, 今日竟然有兩支莊喎, 不過呢, 其中一支又真係少o左o的人出席o既, 希望佢地兩支都會做得好啦, 點計都係一個好o既經驗!!

至於.....Math301竟然o係不知不覺間出o左分...........shit!! 頂!! 個死人 mean 得 38.61分 over 100, 嘩, 簡直係 year 1 o既 Math101 個 mid-term o既翻版, 都係抄得咁大鑊, 但係.....之但係......我........我........有 46 分呀, 我.......我o係 Libra 生活o左三日係冇白癈 ga!! 嗚.......多謝陪我溫書o既人!! 之但係由於 mid-term 大抄, overall 都仲未過 passing mark..........勁驚 Fail, 救神拜佛都希望 Kin Li 降低個 Passing Mark, 如果唔係實有 4 成人肥, 下年開多個 Lecture 都仲得, 癲晒!!

唉....話晒 Christmas, o係擔心緊之餘都要去玩o下ga!! 結果就六點幾同 Sherman, Simon, Mouse 出o左旺角, 陪 Sherman 買 DC 之餘都諗住睇戲, 去到百老匯係人出人海 lor, 得返"英雄"有位, 唔係卦, 兩套"無間道" and "Harry Potter"唔睇, 睇"英雄"!!?? 阿 Macee 又唔出o黎喎(鬼咩, 咁晝!!) 然後咪去睇o下新世紀有冇位 lor, haha!! 點知"無間道"都仲有喎, 太好喇, 9:55pm 喇不過!! 陪返 Sherman 去睇 DC, 哈哈, 同我買o既時候一樣, 心大心細, 睇完又睇, 睇完再睇, 結果呢..........都係睇定o的先!! haha!! 而我地食o左好多街頭野食呀, 拿~有 Pizza 啦, 豆花啦, 班click, 仲有章魚小丸子, 勁好食, 勁開心呀!! umn,,,,,"無間道"真係好好睇呀, 志偉勁好戲, 個個都好戲, 一流, 一定要去戲院睇呀!!

睇完戲去彩虹等小巴.........嘩, 等o左極耐, 半粒鐘先有, 都癲ga!! 返到 hall 即刻 check Math301 個 Grade, 點知真係出o左............但係, 哇哈哈哈!!!!!!! 都 C+ 呀!! 勁開心, 估佢唔到呀真係。但係眼見身邊o既人好多都抄.........唉~都唔知講乜好。希望我o的同學仔快o的冇野啦!!

>>March 18, 2009 at 4:30:23 PM GMT+8

2002 年 12 月 21 日 星期六 【晴】

不如講o下 math301 o既慘烈收場丫, 話說 Fri 考最後一科 Math301, 話晒都溫o左4日ga ma, 但係呢科真係.....乜鬼野渣拿都冇, 溫晒絕對不代表會識做, 狂灰!! 入到去, 有6題, 做兩個鐘, 一眼立落去都心知不妙, 正常都會好快識做頭兩題, 但係...得20分, 開新一版, 寫o左題號 3, 睇o下題目, 好啦, 飛住兩版先啦; 又寫題號 4, 又睇o下題目, 算吧啦, 都飛啦; 再寫題號 5, 答完 a) 背 definition, 掃落 b) and c), 妖!! 睇埋最後第 6 題, PK la, 連題號都廢事寫。

心諗, 唔係卦, 實 Retake 硬啦!? 望o下周圍o的人, 大部份都呆o左, 你眼望我眼, 一齊...."唉~~"!! 結果, 為o左爭取拎每 1 分o既機會, 有理冇理, 明知唔o岩都格硬寫o的歪理落去, 到最後阿 professor 話淨返5分鐘時, 頂!! 不如而家收把啦, 到停筆o既時候o的人都完全冇掙扎!! 哈!!

>>March 18, 2009 at 4:31:08 PM GMT+8

2002 年 12 月 20 日 星期五 【晴】

勁開心呀!!!終於都放假喇喎!!嘩!!離開 301 o既日子個人都醒神好多,成個人感覺勁 free。唔駛掛住幾時要做 poster 之餘又唔駛掛住今個星期又有 mid-term, 又要交 project 喇!! WOW~~係 FREE 到爆!! 考完試之後, 連我最後o既憂慮 MAIE o既 project 今朝都完成埋, 終於都可以離開 UST, 離開勁忙o既生活。

而今日呢!?兩點幾先起身, 跟住就拿拿聲執野走人, 去o既銅鑼灣同希欣、惠儀......行o左兩個鐘, 跟住我就去o左旺角搵大頭 Emmily, 仲有 Sherman, Ruby 同 Chili 啦, 幾個考完試重生o既人簡直係發癲, Sherman 大出血呀, 不過樣樣都好抵呀!! 好多野都想要呀!! 行到九點幾先食野, 間日本料理真係好ok呀, o的壽司好鬼好食之餘, o的滾蛋飯都勁鬼好食, 食到好飽好飽, 一路食一路 plan o下 sem break o既大計, 初時都驚 sem break 會好無聊ga!! 但係而家都應該會幾充實 lor, 好想怒玩呀, 仲坐到成十一點先走, 太好喇~~之後仲走o左去影咭同連環快拍, 連環快拍真係好搞笑, 勁白痴!! haha!! 好彩今日有打到電話俾大頭, 如果唔係我應該會好早返o左屋企 lu~~~

>>March 18, 2009 at 4:31:40 PM GMT+8