2003 年 1 月 26 日 星期日 【晴】

又訓到黃朝八晏, 屋企已經乾晒糖, 食o左媽媽留俾我o既蛋治都唔係好夠飽, 兩點幾o係icq見到珍珍喎, 原來佢今日day-off, 呵呵, 我梗係唔放過佢啦, 叫佢陪我食野。尋日lunch食過車仔麵今日都好想食, 所以我就迫佢去食公仔麵, um……都係尋日o個間好食o的, o的沙爹勁正!! 食完野又白無了乃, 上o左珍珍屋企睇o下”冬日戀曲”VCD咁啦, 佢哥哥竟然有買喎, very nice呀!!

五點幾到佢夠鐘補習先走人, 咁我又約o左我小姨行街喇, 佢今日有目標呀, 大出血, 褸都買o左兩件, 仲有群呀, 衫呀, 而我呢, 就係陪行, 本來想買對灰色低筒converse, 又冇乜邊間有得賣喎, 有得買又冇我o既size喎, Ooo…結果都係冇買到野, 仲有呀, o係兆萬中心見到件converse外套, 好靚呀, 好型, 好少見到有得買, 但係又冇中碼喎, 得細碼, 想買都唔得!! 唉~ 睇親o岩o既都冇size ga!! 行完街本身諗住返hall o既, 但係諗諗o下都係唔好lu, 聽朝先返啦!!

>>October 11, 2004 at 2:09:56 PM GMT+8

2003 年 1 月 25 日 星期六 【晴】

都係啦, 好似上星期咁八點半起身返主日學, 其實尋晚一返到屋企都訓ga la, 但係咁早起身, 訓幾多都覺得眼訓ga la。今日真係眼訓, 上完主日學返崇拜, 竟然真係烚眼訓……, 冇鬼用ga真係!! 崇拜完o左本來有祈禱會o既, 但係我本身唔係咁中意種模式, 所以我都冇返, um……感覺有o的不安, 好似唔係好忠心咁。

後尾同馬騮大哥去食飯先知來子敬同昌仔都冇去, haha!! 咁都冇咁內疚。食完野就要諗今日開組整咩食好, 今晚我地會三組一齊開組, 每人要整一樣野食, 唉~~整野食真係考起我, 完全冇必入廚經驗, 點整呀!? 子敬諗住整紅豆沙, 陪佢買完野又開始煩, 諗諗o下不如整牛油栗米or煎餃子啦, 又唔知整邊樣好喎, online見到惠儀, 珍珍and Emmily, 結果係2:1, 一於整牛油栗米啦, Emmily仲教我加埋蜜糖會仲好味, 好勁呀, 咁都知喎!! 好彩見到invisible o既Emily咋, 呵呵。

因為未整過, 所以整到超晒時, 本身約七點, 但係我七點先出門口, o係我差不多到目的地o既時候, 女群竟然打o黎話轉o左去馬騮哥哥屋企開組喎!!! OH…激死, 已經遲到ga la, 仲要兜多轉路, 去到佢屋企都成八點lu, 佢地班男仔o係度裝緊部plasma電視, 馬騮哥哥新買ga, 好有米!! 好彩子敬仲未搞掂, 最遲都唔係我, 嘻嘻!! 其實呢班係我o係教會最好o既朋友, 差唔多年紀, 有十幾個, 作日一齊玩, 今日大家講o下呢年幾o黎對呢班人o既感覺, 其實……我覺得我地好幸福ga, 有一班咁固定o既基督徒好朋友, haha, 我地真係幾好ga!! 謝謝主俾我地認識呀。

>>October 11, 2004 at 2:09:00 PM GMT+8

2003 年 1 月 24 日 星期五 【晴】

新年就到喇, 梗係想添置o下新衣啦, 所以呢, 今日就約o左我小姨行街, 等佢放工o係灣仔集合, 一路掃過去銅鑼灣, 由於佢未食飯, 我地就去食Tea啦, 去o左世貿間Spahatti House食野, 呢個裝飾好正呀, 好有氣氛, 又有海景喎, 真係唔錯!!

行o左好耐, 都買唔到o的乜, 最後o係金百利試過件褸, 又試埋另一隻款, 都試佐幾件o既, 但係其都唔係咁鐘意, 但係我小姨又話唔係幾好意思唔買, 我真係唔係幾想買, 但係都局住買, 唉~~咁就二百幾, 我諗我買o左都未必會著。佢之後約o左食飯, 我咪自己行o下lor, 自己行都幾好丫, o係duoble park買o左個斜袋, yeah!! 想買好耐ga la, 終於都睇o岩lu。滿足。

>>October 11, 2004 at 2:08:06 PM GMT+8

2003 年 1 月 23 日 星期四 【晴】

Chili十二點幾打電話俾我話出去食飯, her her聲刷牙洗面準備出去, Chili今朝幾點走我都唔知呢, 等Chili再電我出得去之後打電話俾阿齊, 原來佢仲訓緊, 早知早o的打俾佢啦, 又要Chili等添!! 出到去本來諗住去LG1飲茶, 但實在太多人喇, 最後都係去o左café, o係食薯條o個陣竟然high到o的千島醬, OH….NO!! 成件風褸都有陣味, 又要洗喇!!

由於Nelson冇scan到O’Camp o既相, 咁要o係走之前五點靚上Soc房揀相, 嘩, 擺相個櫃筒勁難開, 又踢又拉都開唔到, 開o左幾個字都開唔到, 冇辦法要打俾Nelson求救, 要踢住最底個格再用力拉用二格先開到, 嘿!! 真係要有技巧!! 有得換o左佢就好啦, 開一開都幾個字, 突然我諗總有一日個櫃筒會開唔到。

>>October 11, 2004 at 2:07:18 PM GMT+8

2003 年 1 月 23 日 星期四 【晴】

Chili十二點幾打電話俾我話出去食飯, her her聲刷牙洗面準備出去, Chili今朝幾點走我都唔知呢, 等Chili再電我出得去之後打電話俾阿齊, 原來佢仲訓緊, 早知早o的打俾佢啦, 又要Chili等添!! 出到去本來諗住去LG1飲茶, 但實在太多人喇, 最後都係去o左café, o係食薯條o個陣竟然high到o的千島醬, OH….NO!! 成件風褸都有陣味, 又要洗喇!!

由於Nelson冇scan到O’Camp o既相, 咁要o係走之前五點靚上Soc房揀相, 嘩, 擺相個櫃筒勁難開, 又踢又拉都開唔到, 開o左幾個字都開唔到, 冇辦法要打俾Nelson求救, 要踢住最底個格再用力拉用二格先開到, 嘿!! 真係要有技巧!! 有得換o左佢就好啦, 開一開都幾個字, 突然我諗總有一日個櫃筒會開唔到。

>>October 11, 2004 at 2:07:16 PM GMT+8

2003 年 1 月 23 日 星期四 【晴】

Chili十二點幾打電話俾我話出去食飯, her her聲刷牙洗面準備出去, Chili今朝幾點走我都唔知呢, 等Chili再電我出得去之後打電話俾阿齊, 原來佢仲訓緊, 早知早o的打俾佢啦, 又要Chili等添!! 出到去本來諗住去LG1飲茶, 但實在太多人喇, 最後都係去o左café, o係食薯條o個陣竟然high到o的千島醬, OH….NO!! 成件風褸都有陣味, 又要洗喇!!

>>October 11, 2004 at 2:05:03 PM GMT+8

2003 年 1 月 22 日 星期三 【晴】

由於尋晚睇”我要高飛”睇得太入神……, 耗盡我所有精力, 所以今日四點幾先起身, o係hall真好, 完全冇人理我訓到幾點, 沖個涼食o下野咁又到七點。然之後就做呢個Newsletter, 做o左個版頭, 即係每版都有o既heading, 點都要做返o的野出o黎ga!! 做完我都覺得幾ok ga, haha!! 跟住又諗o下點先可以做到有feel o的, 但係又真係幾難諗喎。

唔知點解今日勁眼訓, 係咪訓得太多都眼訓o的o既呢, 到o左十一點度又去訓過, 訓到Chili搵我, 佢話佢會過o黎我間房, 好啦, 收o左線又訓過, 佢過到o黎都點幾, 咁我地諗住揀相啦, 兩個丘齊揀相都幾難, Chili話訓陣先, 我揀完再叫佢起身, 我搞掂晒o的野都成四點, 見佢訓得咁舒服都唔係好想叫佢起身, so, 再睇多一陣雜誌就……唔覺意訓o左lu。

>>October 11, 2004 at 2:04:22 PM GMT+8

2003 年 1 月 14 日 星期二 【晴】

雖然話要十點起身, 但係典o下典o下都成十點半, 出得門口都已經十一點, 好彩仲同我o既預計差唔多。今日要去買飛睇聽晚o既魔戒二, 唔知係咪呢排得閒過頭, 成日都係由我買飛, Eason Concert都係, 開飛都有壓力ga, 勁驚買到唔好位。去到JP十二點, 好似冇乜靚位咁, 過皇室睇o下, 嘩, 六點之後冇學生飛!!? 搵鬼睇咯!! 又去返JP, 得四張學生證, 問買完飛o既學生妹又借o左兩張, 加埋六張先夠買兩行, 每行三個位, 真險!!

買完就照原定計劃去宜家買野, 四點又要返教會幫F.1妹妹溫數學喎, 要速戰速決。基本上去到見到乜就想要乜, 今次真係有決定整理一下間房ga, o的地毯好靚呀, 好想買返張返屋企, 但係又覺得會好快污漕喎, 行o左成粒鐘, 都買o左o的野ga, 不過諗諗o下, 下次都係同媽媽爸爸o黎好, 見到乜靚野都可以叫o下佢地買。

再行一陣, 返到屋企都三點幾, 食少少野又要出去lu, 今次呢, 得我一個同佢地一齊溫, 不過, 佢地今日異常地咁靜, 唔知係咪聽日考兩科o既關係呢。佢地又冇野問我喎, 咁咪拎本聖經o黎睇lor, 話晒我o既目標係一年內睇完聖經, 咁都好, 迫住我睇。今日同佢地相處已經好o左好多喇, 起碼都有講有笑, 又會聽我講野, 不過有時又真係控制唔到佢地。溫到九點半要走喇, 其他五個溫晒, 問晒數咁濟, 阿瑜竟然仲未溫完數學, 鬼咩, 咁唔專心, 真係唔知點幫佢。其實佢地都算好乖好勤力ga la, 但係阿瑜兩姊妹硬係好似好唔鐘意聽人講野咁, 感覺同佢地兩個比較難相處。

今晚fatfat佢地跟瑞姐學普通話, 俾我見到佢地喎, fatfat請我食o左砵仔糕呀, 你知唔知呀!! 我o個陣真係好肚餓ga, um…好感動!! 多謝晒!!

>>August 8, 2004 at 8:09:08 AM GMT+8

2003 年 1 月 13 日 星期一 【晴】

一點要開會呀, 十二點就要起身喇, 刷完牙返房見到惠儀間房開o左間喎, 就走過去睇o下, 啊!! 原來阿鳳and惠儀o係度, 呵呵, 放假o係hall度見到佢地, 好開心呀!! 但係我又一點要開會丫, 如果唔係可以同佢地食飯。咦!? 阿鳳o黎科大做咩呢, 唔記得o左問添。


哈哈, 原來阿齊差o的就當o左兩點開會, 好彩佢睇一睇email, 如果唔係有排佢罰。睇到阿齊都唔記得, 心諗應該都會有其他人唔記得, 果然, 阿傑同Kevin都係, 兩個都遲到, 今日罰款數目好多呀。唔知咩原因, 今日開會o既速度異常的快, Sherman返到o黎兩點靚都已經開完會喎, 搞笑。

開完會勁無聊, 一班人就走o左去Sports Hall, 好符碌地竟然仲有半個籃球喎, 今次連Macee都打埋一份, 好耐冇同佢地打波喇喎, 依然都係搞搞笑笑咁。仲有, 大家對take electives已經不抱咩期望, 唉!! 咁多electives真係好難take呀, 第一日又點喎。

今日仲有約o左Celia, Armi, 小銘, Steve, 梓華, 熙and勁草BBQ, o係新BBQ site, 返到hall睇埋魔戒Celia就打電話o黎叫我打俾Steve買乜買乜。癲晒, 小銘佢地擺明唔想俾Steve鬧所以叫我打, 太過份喇!! 勁唔中意佢地咁樣搵人笨。好喇, 落到BBQ Site, Steve打o黎叫佢地拎鎖匙上去俾佢鎖門, 竟然個個o係度推三推四, 妖, 我拎算吧啦!! 去到Steve間房, Steve竟然冇嬲佢地喎, 好奇怪, 佢地又打o黎話冇筷子and叉, 話間房有喎, 咁就梗係搵唔到啦, 由於的燒烤叉o係我地度, 我地唔落去佢地都冇得燒。 等埋Armi落到去成九點, 佢地竟然問隔離爐借o左的叉o黎燒喎, 好嬲呀!! 見到佢地成日用粗口問候, 又成日點o黎點去竟然都仲咁好感情, 哈哈, 真係唔明, 佢地o的溝通方法真係幾特別。

又冇買野飲喎, 用炭同隔離爐交換野飲, haha, 咁都得。燒叉燒都幾好食喎, ……但係, o的蟹柳用錫紙包住擺落去真係唔ok喎, 下次都係唔好咁做。燒燒o下冇晒野食, 要猜輸o既去買, 好好彩呀, 贏出, 就o係小銘同梓華買野飲o既時候, 佢地竟然話快的食晒爐邊o既番薯同粟米喎, 又問隔離爐拎o左包棉花糖, 呵呵, 咁都得。不過呢, 同佢地玩都幾開心的, , 因為佢地係野蠻同學!!

執晒野返hall都十二點, Winnie返o左o黎, 但係又拎o左魔戒一落去306度睇, 得返我一個做咩好?? 沖完涼咪睇”我家有隻河東獅”lor, Nicole又唔睇喎, 雖然一個人睇, 但係都覺得好好笑, 張柏芝拍戲真係幾好, 唔怪得咁多片商搵佢啦。睇埋都四點lu, 聽朝要十點起身呀, 大鑊!!

>>August 8, 2004 at 8:08:12 AM GMT+8

2003 年 1 月 12 日 星期日 【晴】

唔係星期六日o既日子都真係幾無聊, 無野做o既例行工事就係: 起身食野, 睇o下少年包青天二, 祖先開眼, 宣傳易, 卡拉屋企, 仲有花木蘭, 乜電視汁都撈晒, 但係反而晚夜o既冇撈喎。但係一陣又要返UST, 唔想郁呀, 又唔可以唔返喎。

6:25pm去到café見到Nelson喎, 同佢周圍hair o下返返去café佢地都未o黎到, 同Nelson講開先知道佢地好多野都未搞掂, 初頭都好有熱心去幫手Newsletter, 不過攤o左咁耐, 乜都攤乾晒, 變o左而家反而想休息o下, 放o下假。食食o下薯條阿宇同Chili都o黎lu, 傾傾o下發覺, 原來唔係只係負責整相, 係要做埋background, 阿宇話一係畫公仔, 一係做background, 其實我係畫多o的ga, 不過見阿宇都想畫and大家對佢都有信心, …都冇所謂啦, 做background lor。但係竟然係要20號交貨, 嘩, 炆水o的喎!! 今個星期自己又約好晒人, 幾多野做咁, 都真係驚做唔切喎, 點解唔早o的講呢!!? 已經有o的唔係咁開心, 仲要之後上Soc房影Products o既相喎, 就覺得更慘, 唉!!

經過seafront見到阿怡, 好開心呀, 終於見到o的唔係莊mates, 阿怡話上次考試o個時買o既dryers仲未食, 話等埋我而家食, 太好喇!! 仲驚緊今晚會好悶, 有阿怡o係度就唔悶啦。食完雪糕同阿怡傾o左陣就覺得勁眼訓, 就係咁…o係佢張床訓著o左, 等我清醒要返房o既時候都點幾。返到房, Winnie竟然已經訓o左喎, 駛唔駛咁早呀, 哼, 竟然唔等埋我。由於頭先已經訓夠, 而家唔眼訓做咩好呢, um…睇埋魔戒一lor, 一個人夜晚晚睇氣氛都幾好, 如果可以開大聲o的更好, 魔戒呢套戲o既佈景都真係幾好, 好真實, 好似真係有呢o的地方同人物咁, 勁正!! 音響同拍攝都好好, 唔睇都真係有o的嘥。不過呢, 我今晚又係睇唔晒就訓o左, 聽日再努力啦。

>>August 8, 2004 at 8:07:11 AM GMT+8